خواطر تخص اللوجان !

[chato_eg]

على ماذا أستقرت ارائكم ؟ نشتريها ولا لأ ؟ علما بأن الرينو لوجان 1.6 F/o M/t سعرها 66900 يعنى 67 ألف جنيه و الفيرنا 1.6 F/o M/t سعرها 68 ألف (فرق ألف جنيه فقط على الرغم من أن الفيرنا تخضع للجمرك)

هو الواحد بشترى الحاجة إللى البائع محقق فيها أقل هامش ربح و لا يشترى إللى يرتاح له....
سيبك من هى بكام و واقفة على المستورد بكام و هامش الربح و الكلام ده كله
إنت لما تشترى أى سلعة تانية مش بتعمل كده أكيد....و لو لك نصيب و اشتريت اللوجان..كل الكلام ده مش هايفرق حاجة ....
الكلام يكون...هل هى تستحق السعر ده كسلعة مجردة دون اعتبار تكلفتها على الصانع أو البائع....
حضرتك بتقارنها بالفيرنا
و شايف إن فيه 1000 جنيه فرق....إذا فهناك أوجه للمقارنة
كل واحدة فيهم ليها مزاياها و ليها عيوبها...لو حضرتك مدرك لتلك المزايا و العيوب فى كلتا السيارتين يبقى توكل على الله و لا تنسى الاستخارة و هات إللى انت مرتاح لها....
لو محتاج نتناقش فى الفروق بينهم..هنحاول نوصل لأوقع وجهات نظر...
لكن فكرة إن دى التوكيل بتاعها مستغل الاتفاقية و يا حرام توكيل هيونداى مش عارف يستفيد ...فالحل مثلا هو مقاطعة الوحش الكاسر المستغل و دعم الصانع الوطنى الآخر ..ده كلام لا يصب فى مصلحة المستهلك....إنت تعبان فى الفلوس دى فاحسبها بواقعية مش بالعواطف

[ahlawee]

والله عندك حق تماما و شكرا على النصيحه الصادقه و جزاك الله خيرا عنها .. بس اللى أنا فعلا قلقان منه لتكون الرينو المغربى تطلع زى ما طلعت البيجو الأيرانى (أسمها( روا ) لو عندك فكره عنها و أن ناس جابتها بتشتى منها و بتقول دى مش بيجوو خالص خاصة من جوه) و على فكره أنا ما شفتش الرينو المغربى لحد دلوقتى بس واحد زميلى فى الشغل راح مخصوص يشوفها و قالى أن الجوده الداخليه مش زى رينو لوجان اللى كان نزلت من سنه .. بس للأمنه قاللى أن الموتور هو هو موتور لوجان الفرنساوى .. و الله أعلم عشان ما أكونش سبب فى حد يجيب العربيه و بعدين ماتعجبوش .. عموما أنا رأييى كده كده نصبر على أن نجيب أى عربيه شويه .. يمكن ربنا يسهل و تنزل الأسعار شويتين

[a_a_a_a1818]

ياباشا :) سعر السيارة فى المغرب غير سعر السيارة فى رومنيا :)

موضوع ان سعر السيارة فى المغرب غير رومانيا

دة غير صحيح تماما

اولا كلا من السيارتين المغربى والرومانى نسبة المكون المحلى بهم

40% فقط

يعنى الاختلاف فى السعر بين المغرب ورومانيا هيكون فى تكلفة نسبة

ال40% فقط لا غير وبالفرض ان تكلفة المغرب لانها بلد وليد فى صناعة السيارات اغلى منها فى رومانيا اعتقد ان مهما كان لان تكون التكلفة

ازيد من 20% من اجمالى ال40% للمنتج المحلى

يعنى بالارقام السيارة الرومانى تباع ب 70000الف جنية

منهم تقريبا 28000 جمارك يعنى ثمن السيارة 42000

دى تكلفة السيارة الرومانى شاملة ضريبة مبيعات ورسم تنمية

السيارة المغربى احنا اتفقنا ان المكون المحلى منها 40%

يعنى المفروض يكون سعرها

= 42000 + 20% زيادة فى ال40% المكون المحلى

=42000 سعر رومانيا + 20% من ال16800

=42000 سعر رومانيا + 3360

=45360 الف جنية ودة اقصى فرق هيكون فى تكلفة انتاج السيارة فى المغرب عنة فى رومانيا

وانا هقول 50000 الف جنية

دة لازم يكون سعر اللوجان فى مصر

مع العلم ان تكلفة النقل والشحن من المغرب لمصر ارخص بكتير

من الشحن والنقل من رومانيا

ورجاء عدم مقارنة السيارة اللوجان لاى تجميع محلى لان التجميع المحلى

مفروض علية جمارك فى المكونات الاساسية

عكس اللوجان المعفاة من الجمارك

اخر كلمة عاوز اقولها سعر اللوجان المغربى 67000 جنية

حاليا وهى معفاة

يعنى العربية دى لو عليها جمارك كان هيبقى سعرها

=67000 + 26800 = 93800

بزمتكم ممكن تشتروا عربية مغربى بالسعر دة

طيب بلاش السؤال البايخ دة

سؤال تانى

تفتكروا سعر السيارة ممكن يبقى كام لو تم طرحها فى اوروبا

اوروبا لا يوجد بها جمارك يعنى هيبقى نفس سعر مصر تقريبا

67000 الف جنية يعنى 9500يورو
بزمتكم ممكن العربية دى تتباع بالسعر دة فى اوروبا فى الوقت اللى سعر

السيفيك 13000يورو

انا سايبلكم الرد والتعليق

[ahlawee]

طبعا أكيد السعر زايد عن المفروض

طبعا أكيد السعر زايد عن المفروض على الأقل بمبلغ 10 ألاف جنيه و يبقى الوكيل كسبان كويس قوى .. بس أنا أعتقد والله أعلم أن السعر العالى ده كان السيناريو بتاعه كالاتى:
أولا- كان فيه كلام أن اللوجان المغربى مش هتخش مصر أصلا عشان المغرب منعت شحنة أتوبيسات مصرى من دخول المغرب و بغض النظر عن صحة ولا دقة الخبر جانى ساعتها أحساس أن الخبر ده اللى نشروه وكلاء السيارات لجميع الماركات الأخرى فى مصر
ثانيا- خلاص لقوا أن لازم نلتزم بالأتفاقيه و العربيات تخش من غير جمرك و ده أكيد حصل .. هنا بقى نيجى للمهم .. المفروض أن اللوجان من غير كماليات ماتزيدش عن 40 ألف جنيه و اللى بكل الكماليات ما تزيدش عن 50 أو 51 ألف تقريبا لكن ده مش هايعجب باقى وكلاء السيارات الأخرى فاتفقوا مع وكيل اللوجان أنه يرفع قوى هامش ربحه (وده ماحدش يقدر يكلمه فيه - دى حرية السوق و العرض و الطلب و كده ماخالفش الأتفاقيه) وكده باقى الوكلاء مبسوطين و وكيل لوجان مستفيد فلوس و مازعلش الباقيين و يمكن فيه أتفاقيات بينهم أحنا ما نعرفش عنها حاجه
هنا بقى الدور علينا أحنا كمشتريين: هانقبل كده ونرووح نجيب اللوجان بالسعر ده ولا نكمل (خلوها تصدى و موديلها يعدى) لغاية ما الناس دى تبطل جشع شويه

[aymamgad]

نكمل (خلوها تصدى و موديلها يعدى)

[hossam160]

نكمل (خلوها تصدى و موديلها يعدى)

[elnopy]

حسبنا الله ونعم الوكيل فيهم