ما هو تقييمك لوكيل رينو و مراكز الخدمه

[hussam_mu]

ostazi al3aziz elkashf fe eltawkeel be 700 momkin tiro7 le markaz mo3tamad aw 7ad min elmohandeseen elli fe eltwkeel we da rakam wa7id minhom we bei3milo freeeeeeeeeeeeee
01118080064

[فرغلى محمود]

شكر خاص على القائمين على مركز صيانة رينو اسيوط

بسم الله الرحمن الرحيم
انا معايه رينو ميجان 2006 وكنت مسافر بيها وعطلت معايه (اتقطع سير الدينمو ) واطريت انى اشحن العربيه الى مركز الصيانه فى اسيوط صحيح انه تكلفة الصيانه من ناررررررررر وقطع الصيانه كذالك ولكن تكفى حسن المقابله وسعة الصدر واخص بالشكر المهندس ماركو بما يتوافر لديه من بشاشة الوجه والرد على جميع الاستفسارات وكذالك شرح مفصل للعربيه بما انى اول مره اقتنى رينو ميجان وما يصاحبها من تعقيدات فى كل شيى فى العربيه

[mohamed azmy]

توكيل العبور سيئ

متعبين في التعامل فعلا (النظام المصري) وللاسف تم شراء رينو فلونس علي اساس اراء من الانترنت الغير دقيقه عن التوكيل والحمد لله لبستلكا المعامله القرفه بتاعتهم من عدم الرد علي التليفونات او الانتظار فتره مع انك جاي في الميعاد المحدد وغيره

[aiamer]

بصراحه انا لسه مارحتش التوكيل بس اتعملت مع الكول سينتر و لحظت اهتمام غير عادى مع العلم ان كل اللى عاملته بعت ميل من الموقع بتاعهم بس يا سيدى الاول ردو على الميل و هاتك يا تليفونات و بعديها علي طول موظفه من الكول سنتر و قالتلي هايكلمك مهندس من الصيانه مافيش نص ساعه و كلمنى و طمينى و قالي لو تحب تيجى و تشيك علي العربيه تعالى علشان يطمني زياده

[ابو شيماء]

والله موضوع رهييب وبجد كنت فى حيره بين شراء عربيتين وكان لازم اقيم التوكليين وانتو بجد افدونى وارجو من الاخوه الاعضاء يعرفونى اسعار قطع غيار فيلونس 2014 عشان يبقى كده كل حاجه واضحه امامى فى الاختيار وشكرا لكل اعضاء ومحبى رينو

[memo.sniper81]

انا لسه مشترى سيارة لوجان 2014 جديدة
وقربت على الف كيلو وعايز اعمل صيانتها
عايز حد ينصحنى بافضل مركز خدمة لو سمحتم

ولكم الشكر

[Sh_sunsea]

انا لسه مشترى سيارة لوجان 2014 جديدة
وقربت على الف كيلو وعايز اعمل صيانتها
عايز حد ينصحنى بافضل مركز خدمة لو سمحتم

ولكم الشكر

أولا ألف مبروك وربنا يباركلك فيها

ثانيا: صيانة اللوجان الاولى - وان شاء الله اول مرة تزور التوكيل هاتكون على صيانة الخمسة ألاف - أفضل تروح المقطم او القطامية

[no_way124]

السلام عليكم
انا بتعامل مع فرع العبور من ساعة ما جبت العربية من 2011 و للأسف الخدمة اصبحت سيئة للغاية , بقوا يخدو وقت طويل جدا و لو فيه حاجة عاوز تتغير في الضمان بيماطلو و يأخرو و يقولك انها مش موجودة و لما تيجي هايتكلموا , في الأول كانو فعلا بيتكلموا دلوقتي خلاص , انا مثلا في صيانة ال40000 قالولي في صداد مساعد عاوز يتغير في الضمان و لما يجي هانكلمك , و النهاردة انا بعمل صيانة ال 45000 و طبعا ما حدش كلمني , قولت للمهندس أول ما جيت الساعة 9:30 قاللي ان صداد المساعد موجود حكيتله القصة و انه المفروض يتغير وقال هايشوف , و كتب ان معاد استلام العربية الساعة 12 , استنيت ل 12 و ربع ما حدش اتصل بيا يقولي استلم العربية , نزلتله لاقيت الورق قدامه ما رحش الحسابات و قالي ان العربية خلصت عديت موضوع انه ما اتصلش قاللي و سألته انتوا غيرتو صداد المساعد , قلب في الورق اللي في ايده شمال و يمين و قاللي لأ , قاللي ممكن نغيره المرة الجاية قولتله ان العربية هاتخرج من الضمان في شهر 4 , قاللي خلاص نعمله , و لحد دلوقتي انا لسه قاعد مستني يخلصوا علما بإن العربية كانت واقفة بره في المكان المخصص للإستلام من 12:30 لحد 1:30 , و كلمته كذا مره قاللي هايدخلوها حالا , و اخر مرة قاللي دي جوة و فكو المساعد كمان , مع اني لسه شايفها و اقفة بره , مجرد ما رجعت ااقعد مكاني شفتهم بيدخلوه ,,, و الساعة دلوقتي بقت 2:30 و ماحدش سأل ,,, يعني بقالي 5 ساعات في التوكيل عشان صيانة ال 45 اللي هيا اصلا تربيط عفشة و عشان اغير حتة كاوتشة اسمها صداد المساعد

[no_way124]

و حاجة تانية , الشكمان تقريبا فيه خبطة او حاجة لأنه بيعمل زنة كده و العربية واقفة او لما تكون العربية ماشية براحتها في وحمة او اشارة , لما كشفوا عليها قالو ان الشكمان عاوز يستعدل و ان هما مش بيعملوه و اني اصلحوا بره في اي حتة تانية , يعني الواحد جايب عربية نضيفة عشان يريح نفسه من الصنايعية و الورش و يتعامل مع التوكيل , التوكيل يقولك اصل دي فيها لحامات و استعدال و ده مش عندنا , افهم من كده انهم ما بيغيروش شكمانات , اومال لو عاوز اغير الشكمان اجيبه منين

[محمود سامح]

المقطم رائغ جدااا

[محمود سامح]

بكل امانة انا وجميع معارفى نتعامل مع مركز المصطفى قى صقر قريش المهندس مصطفى فهمى غلى اعلى درجة من الامانة والعلم وشاطر جدااا فى الميجان ورغم اننى كنت ضاحية لورش كثيرة ولكن الحمد للة من اول ما اتعاملت معة وشعرت ان الميجان اجمل سيارة

[wael_adly]

اصدقائى الاعزاء تسمحولى اخذ من وقتكم شوية واحكليكم على اللى حصلى فى مركز محمود عثمان (عثمان موتورز) - شارع محمد اشتناوى متفرع من شارع فيصل (بعد محطة التعاون)
رحتلهم عشان عندى مشكلة صغيرة عبارة عن ان العربية لما بدور الكنتكت شغال والمارش شغال بس ما بتدورش غير بعد 4 أو 5 دقايق المشكلة التانية أن جوان غطاء التكهات جايب زيت:
وديت العربية الساعة 10 صباحا استلموا منى العربية وخذوا بيانتى وبيانات العربية ومشيت على انتظار تليفون منهم انهم خلصوا
وبعد مكالمت كثيرة رحت استلم العربية لاقيت العربية حالتها ساءت عن الاول كتير بقت بتقطع جامد وبتطلع رحيت بنزين نى ومكتومه سالتهم ايه اللى حصل قالولى
1. البوجيهات عندك مش بتعات العربية رغم انى مغيرهم قريب وجايبهم من بائع قطع غيار رينو وهما حطو طقم قديم من عندهم عشان اجرب بيه العربية وتمن البوجيهات 185 جنيه
2. الشيخ عادل قال ان طرمبة البنزين عندى ضعيفة ولازم تتغير رغم انى لما بفتح كونتكت بسمع صوت الطرمبة شغاله ممكن تغيرلها ماتور 250 جنيه
3. البوابة عندك لازم تتغير وتمنها 3500 جنيه
4. حساس الحرارة بايظ وتمنه 400 جنيه وعايز فيشه تمنها 200 جنيه
5. حساس الشكمان بايظ وتمنه 1000 جنيه والمفاجأة انت ما عندكش علبة بيئة ودى مش موجودة بتتركب فى العربية وقت صنعها فقط
6. حساس الكرنك بايظ وتمنه 500 وفيشه 350 جنيه
7. المروحه دى مش بتاعته عايز مروحه 500 جنيه
8. سيرفوا الفرامل عايز يتغير
9. احنا غيرنا زيت وفلتر 500 كيلو 350 جنيه
10. جوان غطاء التكهات 350 بتركيبه
وحسسونى ان العربية ما تنفعش تمشى اصلا رغم انى كنت رايحلهم بيها وهى بتجيب سرعة 140
وبعد كلام وشد وجذب دفعت 700 جنيه تغيير زيت 5000 كيلو وفلتر وجوان غطاء التكهات ومشيت بالعربية
تانى يوم سمعت صوت حاجة بتخبط فى الماتور وهى دايرة فتحت الكبوت لاقيت قربة المياه مشروخة رغم انها كانت سليمة قبل ما اروح عند عثمان والصوت يخبط ويروح صحابى دلوني على المهندس على فى المقطم ماكدبتش خبر خت رقمه واتصلت بيه وقلتله على المشكلة قال مش فاضى تعاللى بعد يومين رحتله زى ما قال وحكيت على كل اللى حصل عند عثمان بص على العربية وقال هنغير قربت المياة وتجيب طقم بوجيهات وتجيب موبينه والعربية هتظبط قلت ماشى اروح اجبهملك واجى قالى مش فاضى النهاردة تعال بعد 4 ايام عشان عنده شغل قلت ماشى ورحتله الساعة 7 الصبح خذ العربية ومشيت رحت على شغلى رجعتله الساعة 5 مساءا ماكنش عمل حاجة فى العربية وبدا شغل فيها الساعة 7 مساء وحسسنى انه بيفهم وفك الوش وقعد ينضف البوابة ويرش اسبراى وركب الحاجة اللى قال عليها وطلعنا نجرب وكانت المفاجأة العربية زى ماهى وصوت الخبط موجود والتقطيعه موجودة وكأن العربية متكتفة ومش قادرة تمشى(بس مرضاش ياخذ فلوس مصنعيه) وقالى على ميعاد اجيله تانى بس مش قبل 4 ايام عشان عنده شغل والعربية فيها شغل كتير ومشيت من عنده على انتظار الميعاد الاخر ؟ اكلمه مايرضش ـ اكلمه يقولولى تعبان مافتحش النهارده ـ مايرضش زهقت سألت على مكانيكى تانى قالولى على الاسطى على عز الدين رحت خت ميعاد ووديت العربية الراجل فعلا صنيعى شاطر ظبط العربية ورجعها احسن من الأول والحمد الله وتعب فيها ربنا يبارك له
العيوب اللى وجدها :
1. غطاء التكهات اللى عمله محمود عثمان فوتو مسامير عمود التكهات خلوا التكهات تخبط فى وش السلندر
2. البوابة سليمة والطرمبة سليمة (الرشاشات هى اللى مش كويسه)
3. فى خرم فى الشكمان رغم انى عند عثمان سألتهم على الشكمان ليكون مخروم قالولى لا
4. غير طقم جوانات
5. غير رشاشين واعمل الصح بجد فى العربية وختها اكنها عربية تانية
وفى النهاية اقدر اقلكم ان عثمان موتورز اللى فى محطة التعاون عالم نصابين ومش بيفهموا حاجة عايزين ياخدوا فلوس وخلاص بالاضافة انهم ماعندهمش صنايعيه شويت عيال صغيره لا بيعرفوا يقروا ولايكتبوا والشيخ والبيه ابو نظاره منظره فقط لا غير

[moamen mokhtar]

اخرهم غيار زيت وغسيل عربيات ممتازين

[Mahmoud_Lutfi]

متابع

[MACATHIUS]

انا كنت بعمل صيانة عربيتى فى الميكانيكيون العرب فى جوزيف تيتو
انا اديت التقييم ممتاز لانى بصراحة ماشوفتش منهم اى حاجة وحشة
1- ناس محترمين جدا
2- الصيانة سريعة كنت باروح 8 او 9 يوم السبت و باخد العربية الساعة 11 او 12 بالكتير
3-العربية بتخرج نضيفة من براو متكيسة من جوا (عكس توكيل سبيرانزا اللى باصين عنده دلوقتىتحس انهم ردموها فى الورشة بتاعتهم)
4- المهندس اللى بيكلمك فى التفاصيل بيتعامل معاك بصبر و احترام ... انا فاكر مرة استفزيته كدة بدون سبب وجيه عشان اعرف هيرد عليا ازاى وايه نظامهم فى المعاملة و لا هيشتم و لا هيزعق ..انما احرجنى بادبه و رده قالى تحت امرك - دا كان مهندس سمكرة و الحاجات خارجية بعد حادثة وكنت باصلحها تبع التأمين)
دا غير الماسيجات على الموبايل اللى بيقولولك فيها مواعيد الصيانة و عندهم كمان هيستورى بالمرات اللى جيت فيها المركز عندهم
مكان الانتظار و جميل و نضيف و اعتقد مكيف كمان-مش فاكر اوى
الاسعار معقولة جدا سنة 2012 كانت صيانة الـ 20000 كيلو بتاع 700 جنيه يعنى معظم الصيانات مازادتش باى حال عن الالف
عمرى ماروحت لميكانيكى
ندمان على انى سيبت التوكيل دا و دلوقتى انا مع اسبيرانزا قرف قرف قرف مركز صيانة جسر السويس