ما هو تقييمك لوكيل رينو و مراكز الخدمه

[shecko80]

انا عندى سوألينو السوأل ألاول : انا عندى عندى هوندا سيتى مو 2008 فهل قطع الغيار فى نفس سعر الرينو ولا الرينو اغلى؟ انا بتكلم عن الاسعار فى مصر
السوأل التانى فى حالة ال Resale انا سمعت ان سعرها ممكن ينزل النوس فهل ده حقيقى؟

[alesraa]

[gdwl]
السلام عليكم ورحمة الله وبركاته
عاوز كتالوج بارقام قطع غيار رينو وبارقام شاسيه
مشكورين
[/gdwl]

[ahmaid]

انا روحت توكيل رينو المقطم
بصراحة ناس ذوق جدا في التعامل
بس الحاجة الوحيدة اللي زعلتني اني سايب العربية اسبوع عندهم وهي لسه جديدة عشان في كام خبطة خفاف في الصاج

[Ahmed1st]

السلام عليكم
موضوع جميل فعلا
بس ليا سؤال حد جرب توكيل اكتوبر؟
و ايى رايكم فيه؟

[ali_333]

صيانة المقطم غاية في الاهمال للعميل وانا عملت موضوع عند اول صيانة

[Funckyfish]

بجد توكيل الأسكندرية جميل جدا بقيت الفروع مش اعرف لأن متعملتش الا مع الأسكندرية
طبعا بغض النظر عن الراجل الأسمر

[kiaa]

انا كنت بتعامل مع توكيل العامرية من فترة طويلة واعرفهم كويس ولازم نقول الحق ناس عندها احساس كويس اوى اتجاة العميل وكل شىء لراحتة وبتعرف تتكلم معاهم وتتفاهم...بس هما الايام دى الله يكون فى عون الاصطف هناك عليهم لود عالى جدا .ومشمعنى ان فى عميل زعل يكونو وحشين دة الفرع الوحيد الشغال كيا ورينو فى الاسكندرية

[kiaa]

اية موضوع الرجل الاسمر دة

دة عامل زى الرجل الاخضر ولااية

هههههههههههههههههههه ....الرجل الاسمر فى الاسكندرية....نفسى اشوفة من كتر الكلام علية

اية الرجل الاسمر دة

[saeed85]

سؤال ليكوا يا اصحاب الرينوا

انا قدامي عربيه بتاعت واحد صحبي ميجان بانوراما بره و جوه 2006 عايز 67000 جنيه اخدها ولا لا ؟
و انتوا ايه رايكوا في العربيه عموما هل قطع غيارها مبالغ فيها و ممكن تقف فعلا و متمشيش اذا شفت علامه سيرفيس و مشيت بيها كام يوم و مطلعتش علي التوكيل ؟
يا اصحاب رينو فيدوني انا رايح اتفرج عليها انهارضه
و قولولي ارفعها في انهي توكيل ؟ ده اذا انتوا شايفين انها مناسبه اصلا

[lawerxx10]

والله انا روحت اول تشك بتاع الالف فى توكيل اسكندريه وتقديرى ليهم جيد

[karimooo]

يا جماعة توكيل رينو دا حرامى و خصوصاُ اللي في العبور انا اتعاملت معاه مرة واحدة بس واليكم التجربة :
انا شغلي في العاشر من رمضان وكنت هناك وانا معايا ميجان 2,فجأة و انا ماشي بالعربية قطعت وبعدين وقفت ومش راضية تدور وبعدين كلمت 16202 وقالولي اقطرها علي ونش وتعالي العبور ,العربية استلموها واخدت رقم المهندس علشان هيكشف ويبلغني بالعطل, وبعدين بعد يومين من الكشف و الفحص بلغني ان العيب طربمة البنزين و تغيرها ب 1800 ج +الضريبة .
وبعدين كلمت الميكانيكي من صقر قريش علشان اعرف هي ايه القصة وبكام برة قاللي ان الكيلومتر القليل اللي انا عامله صعب يكون الطربمة ثم ان الموتور بس بناع الطربمة هو اللي بيتغير و دا بيكون ب 150 ج طبعا شاورت عقلي و قلت اخدها اصلحها برة اوفر ,عديت علي الميكانيكي وخدت معايا طربمة استيراد علشان وواحد من الورشة علشان اركبها برة قدام التوكيل و ادور و اطلع علي الورشة اغير موتور الطربمة هناك , وبعدين رحت التوكيل ودفعت 50 ج مصاريف كشف واستلمت العربيه لقيت اول حاجة perfum مسروق من التايلوه و دي كانت مشكلة صغيرة و مكتوب في ايصال استلام العربية ان الادارة غير مسئولة عن فقد اي شىء من السيارة وبعد الأعتذارات زقولي العربية لغاية برة , شلنا الكنبة ولسه بنفك الطربمة علشان اركب الأستيراد ملقتش ولا نقطة بنزين في العربية ودا بيبان لما تبص جوا التانك من تحت الطربمة وطلع العيب ان العربية ما فيهاش بنزين و ان الم}شر معلقٌ اي والله طبعا حطيت بنزين دارت علطول بنفس الطربمة بتاعتي اللي هى معايا لغاية دلوقتى 154000 ك .
علشان كده بقول انهم حرامية و مبيفهموش و اسهل حاجة عندهم غيير .......

[rana_abdalla]

تقييم توكيل رينو

بصراحة بدون مجاملة انا اشتريت ميجان2موديل 2008 فى اخر مارس 2010 وصرفت عليها خارج التوكيل وعندما كانت المشكلة فى الدينامو ولفيت القاهرة وبورسعبد واسكندرية على مستعمل لم اجد وكلمت صاحبى فى فرنسا لم يجد فليس امامى سوى التوكيل لدرجة اننى فكرت فى البيع ومهما كانت الخسارة لسوء حالتى النفسية ووقتى ضيق بسبب ظروف عملى واشتريتة وركبتة فى التوكيل وقمت بادخال السيارة فى الضمان وبداءت اتعامل مع التوكيل فى الاسكندرية ..بكل امانة فريق العمل الموجود وكفائتهم العالية وخدمة عملائة على اعلى مستوى والامانة لدرجة اننى احببت الاحتفاظ بالسارة ومهما دفعت ولكن الخدمة الممتازة لها ثمن وخصوصا ان طبيعة وظيفتى بيع خدمة ةليس سلعة ملموسة وهذا اصعب
ولذلك يستحقون اعلى درجة تقييم

[rana_abdalla]

يااخى العزيز ليس بدافع عنهم وفى كل مكان شواذ .. ولكن لوقدمت شكوى اوارسلت اميل للشركة شوف ماذا كان سيتم معاك لان صديقى حدثت معة مشكلة وارسل اميل للشركة بفرنسا كان الردسريع وتحددلة ميعاد لمقابلة كبيرى مهندسى الشركة من القاهرة وتم عمل كل ماطلبة وبدون دفع مليم واعطوة سيارة لمدة3ايام لحين الانتهاء من اصلاح سيارتة..

[Ahmad _Sheemy]

ده حصل معايا برده بس بعد ما بعت ميل لفرنسا فيه كل التفاصيل الفنية بالمستندات للي حصل في عربيتي بداخل التوكيل و بعد الضمان لا اذهب للتوكيل نهائيا و ان شاء الله مش هروحله ابدا

[karimooo]

ده حصل معايا برده بس بعد ما بعت ميل لفرنسا فيه كل التفاصيل الفنية بالمستندات للي حصل في عربيتي بداخل التوكيل و بعد الضمان لا اذهب للتوكيل نهائيا و ان شاء الله مش هروحله ابدا

طب و عملوا ايه طمني , انا بردو بتعامل دلوقتي مع عادل في صقر قريش هو فاهم جدا و ما بيفتيش و حافظ العربية و مريح و امين جدا جدا انا بنصح الناس بلاش خوف و يطلعوا برا التوكيل ان فضلت مع التوكيل لغاية ال 105000 ك و برة لغاية ال 155000 ك يعني نص اللي قعدتوا في التوكيل بصراحة مش تعبان خالص بالعكس مستريح جدا .