ما هو تقييمك لوكيل رينو و مراكز الخدمه

[Sharky]

عندي سؤال بالنسبة للتصليح ، يعني لا قدر الله لو فيها سمكرة و كده ، هل العربية بتدخل على طول ولا بالحجز ، و هل بيتعاملوا مع شركة تأمين ، يعني الشركة تحاسبهم على طول و انت تستلم عربيتك من غير ماتدفع او حتى تدفع فرق نسبة التحمل بس ولا ايه،

بصراحة مش عارف إن كان بالحجز و لا لأ
هما بيتعاملوا مع شركات التأمين و إن الشركة تحاسبهم عالطول و لا إنت إللى بتحاسب دى بتتوقف على شركة التأمين إللى إنت مأمن عليها مش الوكيل

[Ramy_Tantawi]

في حالات السمكره والكلام ده لا قدر الله مافيش حجز ولا حاجه حضرتك بتروح على طول سواء فرع العبور او المقطم...........كمان في حالات الحوادث لا قدر الله والمشاكل دي حضرتك ممكن تنقل السياره عليهم على طول حتى لو بالليل والأمن بيستلم من حضرتك العربيه ويبمضي وبيدي وصل باستلام السياره وطبعا المهندسين في اوقات العمل بتاعتهم من 9 لي 4 من أجل معاينات الاصلاح والكلام ده ....انا في حالتي عن تجربه سلمت عربيتي بعد حادث الساعه 12 بالليل لئن مكانش ينفع اسيبها في الشارع.

السؤال بخصوص التأمين زي ما تفضل الأخ شاركي على حسب تأمين حضرتك فين انا سألت مهندس استقبال السمكره والحاجات دي قاللي احنا عاملين عقد مفتوح بيننا رينو وبين كونتاكت بس اللي ممكن هي تحاسبنا مباشرة غير كده الشركات التانيه العميل بيدفع لينا ويسوي حساباته مع شركة التأمين .......ده على لسان المهندس هناك والله أعلم .

[Chicco]

توكيل العبور مرتين للصيانة الدورية و لحد دلوقت ممتاز و الحمد لله

[Megane]

السلام عليكم
أنا بتعامل مع توكيل المقطم و حتى الأن ممتاز فى الصيانة و السمكرة :):):)

[Sharky]

حتى الأن كل مالكى رينو صوتوا لتقييم رينو بممتاز

معادا الاخ mohameduser إللى صوت سئ رغم إنه معندوش رينو أصلا
و رافض حتى يحكى على أى أساس أختار هذا التقييم
و اضح أنه دخل غلط فى التصويت :D

[Abo_Lina]

حاجة غريبة
حاجة عجيبة

حاجة ساقعة

[MRIFKY]

انا بينى و بين توكيل رينو عشرة عمر و الصراحة الناس هناك محترمين و متعاونين لأقصى درجة و سبب من اسباب شرائى للميجان هم

[Islam_galal]

بصراحة أنا فوجئت بالتقييم الرائع لتوكيل رينو لان سمعته عندي انه غالي نااااار و بس

[Sharky]

ممكن نعرف من العضو

mar3y

إختار سئ ليه على توكيل رينو رغم إن كل ملاك رينو فى المنتدى إختاروا إنه ممتاز

و هل هو من ملاك رينو ؟؟؟؟

[Abo_Lina]

يا واصل..بتجيبهم انتا على طول..

بلاش احراج بقى قلبك ابيض و البنزين ولع و الناس قرفانه

[Chicco]

أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس

برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)

هو طبعا كل واحد حر في رأيه ..بس التصويت معمول لملاك العربية أو اللي تعاملوا مع الوكيل عشان يبقى مرجع لأي حد بعد كده .....يا ريت الأخوة اللي صوتوا بسيء يقولوا إيه السبب و يحكوا تجربتهم عشان الكل يستفيد أو تحذف المشاركة لانها ممكن تبقى مضللة للناس اللي ما تعرفش

[haneena]

انا اتعاملت مع التوكيل فى اسكندرية توكيل اكثر من ممتاز مكان شيك ومريح وناس محترفة ومحترمة من اول الامن الى الفنين الى المهندسين الى الادارة انا كان معايا بيكانتو وهم برده نفسهم وكيل لكيا وبصراحة كان نفسى عربيتى الجديدة تكون من عندهم لكن انا نقلت توكيل مودرن موتورز وهم برده توكيل محترم لان والدى اتعامل معاهم كتير

[Sharky]

ممكن نعرف من العضو shiref_hamdy و هو مش من ملاك رينو مو معاه شيفروليه أوبترا لماذا علق على توكيل رينو بإنه سئ

يا جماعة التصويت لملاك رينو فقط

[Abo_Lina]

بصراحة مش عارف الناس دي زعلانة من توكيل رينو كده ليه
يعني كل الي بيعيب في الرينو ناس ماعندهاش رينو
وكل الي بيعيب في توكيل رينو ناس ماتعاملتش مع توكيل رينو

عاوزين طبيب نفسي يحلل لنا الموضوع ده

[crazylambada]

نوع من الحقد الطبقي