If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
ا/ جبريل انت راجل محترم و أنا حبيتك فى الله .. الف مبروك على العربية ( معلش متأخرة شوية ) .. أنا من كتر كلامك الحلو عن العربية بقيت هاتجنن و أجيبها ، ربنا يسهل و اقدر اشتريها .. أنا بأستأذنك عايز تعمل تقرير لصيانة ١٠٠٠٠ ك و تقول على إحساسك من ناحية
١- الفتيس : من حيث التسارع و نقل ( خصوصا موضوع النتشة فى جديد ؟)
٢- الموتور : صوته بعد تغيير الزيت و نوعية الزيت
٣- السخونة من ناحية الدواسات و تأثير العزل بتاع التوكيل ( مستريح فيه بنسبة كام فى ال ١٠٠٪)
٤- التكييف و قوته خصوصا فى زحمة الإشارات ( مآثر على الطلعة) و فى الجرى على طريق السفر
أنا أسئلتى كتير بس طمعان فى كرم أخلاقك .. ربنا يرزقك خيرها و يبعد عنك شرها .. قولوا امين (:
ا/ جبريل انت راجل محترم و أنا حبيتك فى الله .. الف مبروك على العربية ( معلش متأخرة شوية ) .. أنا من كتر كلامك الحلو عن العربية بقيت هاتجنن و أجيبها ، ربنا يسهل و اقدر اشتريها .. أنا بأستأذنك عايز تعمل تقرير لصيانة ١٠٠٠٠ ك و تقول على إحساسك من ناحية
١- الفتيس : من حيث التسارع و نقل ( خصوصا موضوع النتشة فى جديد ؟)
٢- الموتور : صوته بعد تغيير الزيت و نوعية الزيت
٣- السخونة من ناحية الدواسات و تأثير العزل بتاع التوكيل ( مستريح فيه بنسبة كام فى ال ١٠٠٪)
٤- التكييف و قوته خصوصا فى زحمة الإشارات ( مآثر على الطلعة) و فى الجرى على طريق السفر
أنا أسئلتى كتير بس طمعان فى كرم أخلاقك .. ربنا يرزقك خيرها و يبعد عنك شرها .. قولوا امين (:
يا باشا ربنا يكرمك و يبارك فيك =)
و انا كنت ناوي على كدة بس سامحوني لأني مسحول في الشغل بقالي كذا شهر بس هانت ان شاء الله و ناوي ان شاء الله اعملكم تقرير مفصل ان شاء الله بعد صيانة ال15000 لأني دلوقتي 13500 و مش هاخد وقت في عمايلهم
و ان شاء الله ربنا يكرمك و تشتريها عن قريب ان شاء الله
اخبار الاوتو معاك ايه حتى الان من حيث :
1- الفتيس الاوتو هل فيه مشكله .... وموضوع النتشه ؟؟؟
2-تسارع السيارة .. واقصى سرعه بها .. والثبات ؟؟
3- سحب البنزين عامل ايه ؟؟ وانطباعك عن السيارة ..........
اخبار الاوتو معاك ايه حتى الان من حيث :
1- الفتيس الاوتو هل فيه مشكله .... وموضوع النتشه ؟؟؟
2-تسارع السيارة .. واقصى سرعه بها .. والثبات ؟؟
3- سحب البنزين عامل ايه ؟؟ وانطباعك عن السيارة ..........
وشكرا لك
ربنا يباركلك يا باشا =)
الفتيس الحمد لله زي الفل و النتشة انا مش حاططتها في دماغي فمبقتش بحس بيها
تسارع العربية مرضي جدا و انا جبت بيها اقصى حاجة و بعده خفت بصراحة كانت 165 و ده علشان اشوف بس اخرها ايه و اعتد كانت ممكن تجيب اكثر من كدة
سحب البنزين في السواقة العادية بدون حرق الا في المعقول جوة البلد و طرق سريعة بس اغلبه طرق سريعة لسة التفويلة اللي فاتت حاطط 32 لتر و العداد كان عامل 375 كيلو
الانطباع عن العربية بعد ال15000 اكنك راكب عربية جديدة في استهلاك البنزين و صوت الموتور الخ...
في احد الزملاء افتي لي ان فى العربية بتاعتي الاوتو 2013 عند تشغيل الزجاج الحراري يتم تسخين المرايا اليمين و الشمال .... عنك فكرة عن كدة و لا دي ممكن تكون افتكاسة جديدة ... و قالي ان الاوبشن ده نازل فى المانول 2011
كمان نازل فى الاوتو 2012 خاصية ان لو فتحت الباب من الريموت و لم تفتح باب العربية لبعض الوقت يتم اغلاق السنتر اوتوماتيك ( يفترض انك فتحت العربية بالريموت بالخطاْ ) مع العلم ان جربت كدة فى عربيتي و لم تغلق لوحدها..
رجاء الافادة لو عندك معلومة او احد الزملاء لو عنده المعلومة.
في احد الزملاء افتي لي ان فى العربية بتاعتي الاوتو 2013 عند تشغيل الزجاج الحراري يتم تسخين المرايا اليمين و الشمال .... عنك فكرة عن كدة و لا دي ممكن تكون افتكاسة جديدة ... و قالي ان الاوبشن ده نازل فى المانول 2011
كمان نازل فى الاوتو 2012 خاصية ان لو فتحت الباب من الريموت و لم تفتح باب العربية لبعض الوقت يتم اغلاق السنتر اوتوماتيك ( يفترض انك فتحت العربية بالريموت بالخطاْ ) مع العلم ان جربت كدة فى عربيتي و لم تغلق لوحدها..
رجاء الافادة لو عندك معلومة او احد الزملاء لو عنده المعلومة.
فعلا المرايات بتسخن مع الازاز مانيوال و اوتو لأن ال2 مرايا واحدة
و دي بتحصل في حالة انك مفتحتش لا باب ولا شنطة يعني دست على الزرار بس من غير ما تلمس العربية
بس انا عندي العربية مش بتقفل لوحدها حتي لو سبتها دقيقة بحالها... انا عارف الخاصية دي علشان شوفتها فى اللانسر...
طب هو ممكن يكون في ضبط معين يتعمل او طريقة ضغط على زرار الريموت تفعل الخاصية دي..لان كان عندي في ريموت الانذار في عربيتي القديمة كان في حاجة زي كدة
و شكرا علي سرعة ردك
على حد علمي مفيش ليها حاجة تتظبط منها
اللي انا شاكك فيه ان ممكن يبقى في عندك باب مفتوح او الزرار بتاع الباب اللي بيحس ان في باب مفتوح مهيس و بيعلق فعلشان كدة العربية بيتهيئلها ان العربية اتفتحت
استاذ جبريل، اولا الف مبروك علي العربية، ولو انها متأخرة شوية، ثانيا الف شكر علي التقرير الاكتر من ممتاز
بصراحة انا ناوي اشتري عربية جديدة وكنت محتار بين الافيو واللوجان الاتومتيك، لكن طبعا بعد قراءة تقريرك، والتقارير التانية المهببة عن الافيو، حسمت اختياري، وان شاء الله هاستلم اللوجان الاتومتيك النهاردة، وربنا يسهل
ملحوظة: ياريت يا جماعة لو حد قرا الرد ده دلوقتي يقولي ايه اهم الحاجات اللي ابص عليها وانا بستلم اللوجان والموديل بتاعه العربية مكتوب فين، عشان حاستلمها النهاردة وشكرا
استاذ جبريل، اولا الف مبروك علي العربية، ولو انها متأخرة شوية، ثانيا الف شكر علي التقرير الاكتر من ممتاز
بصراحة انا ناوي اشتري عربية جديدة وكنت محتار بين الافيو واللوجان الاتومتيك، لكن طبعا بعد قراءة تقريرك، والتقارير التانية المهببة عن الافيو، حسمت اختياري، وان شاء الله هاستلم اللوجان الاتومتيك النهاردة، وربنا يسهل
ملحوظة: ياريت يا جماعة لو حد قرا الرد ده دلوقتي يقولي ايه اهم الحاجات اللي ابص عليها وانا بستلم اللوجان والموديل بتاعه العربية مكتوب فين، عشان حاستلمها النهاردة وشكرا
1000 1000 مبروك يا باشا مقدما على العربية و ان شاء الله ربنا يديلك خيرها و يكفيك شرها
اونت بتستلم العربية لازم تعمل check على الاتي:
- تفتح و تقفل العربية بالريموت و المفتاح العادي
- تدور العربية بالمفتاحين
- تنزل الزجاج الكهرباء و تطلعه واحد واحد و تشوف حركته طبيعية ولا لأ
- تظبط المرايات الكهرباء و تشوف حركتها طبيعية ولا لأ
- شغل رشاشات المساحات و المساحات على سرعاتها
- اطمن على الانوار كلها و الاشارات و الكالكس
- شغل التكييف شوية و غير وضعية اتجاه الهواء و اطمن انو فعلا شغال تمام
- شغل الراديو و جربو
- جرب المالتي فانكشن
- جرب البلوتوث
- خد معاك CD جرب بيه
- خد معاك فلاشة جرب بيها
- اطمن ان كتيب الضمان و مانيوال العربية و مانيوال الكاسيت موجودين في التابلوه
- اطمن ان اريال العربية و الطاسات موجودين
- اطمن ان الاستبن موجود
- القطرة موجودة هي و مفتاح العجل و الكوريك (بيبقوا مثبتين على جوانب الشنطة من جوة)
- دور العربية و افتح الكابوت و اسمع لو في اي صوت غريب
- شيك على سوائل العربية (مياه الريدياتير - زيت الفرامل و زيت الباور)
- بص لو في اي حاجة غريبة في صاج العربية
و بعد ما تستلم على خير ان شاء الله اطلع على اقرب بنزينة اظبط كاوتش و حط بنزين لأن مش هيبقى فيها غير شوية صغيرين
و الف مبروك يا باشا على لوجي و اهلا بيك عضو جديد معانا
Comment