إعـــــــلان

Collapse

.

,
See more
See less

تقرير اللوجان الاوتوماتيك 2012

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • شكرا يا باشا

    سؤال هو الطبيعى انى العربيه تكون عامله كام كيلو وانا بستلم ؟

    Comment


    • المشاركة الأصلية كتبت بواسطة ahmed_m_ashraf مشاهدة المشاركة
      جبريل باشا عايز رأيك بس، على فكرة كنت في التوكيل إنهارده ومفدنيش في موضوع العزل نهائي، طلعت جبت كل خامات العزل إللي ممكن تتخيلها وناوي أعملها واحده واحده كل ما أبقى فاضي.
      العزل موجود في التوكيل و من حقك تركبه
      يجب تعديل حجم الصورة

      Comment


      • المشاركة الأصلية كتبت بواسطة bluemagic11 مشاهدة المشاركة
        شكرا يا باشا

        سؤال هو الطبيعى انى العربيه تكون عامله كام كيلو وانا بستلم ؟
        بتختلف من معرض للثاني بس في المعارض اللي زي محمد زكي بتبقى في حدود من 3 الى 5 كيلو

        و في المعارض الثانية اللي بتجيب العربيات متساقة متزودش عن 50 كيلو
        يجب تعديل حجم الصورة

        Comment


        • المشاركة الأصلية كتبت بواسطة gebreel مشاهدة المشاركة
          العزل موجود في التوكيل و من حقك تركبه
          للأسف همه بيحطو حتة فوم أو لباد عازل عند الحته بتاعت المواسير السخنه جنب دواسة البنزين بس ودي معملتش المطلوب عندي، وأكتر من كده مبيعملوش!

          عموما شكرا لحضرتك والله يكرمك :)

          Comment


          • المشاركة الأصلية كتبت بواسطة ahmed_m_ashraf مشاهدة المشاركة
            للأسف همه بيحطو حتة فوم أو لباد عازل عند الحته بتاعت المواسير السخنه جنب دواسة البنزين بس ودي معملتش المطلوب عندي، وأكتر من كده مبيعملوش!

            عموما شكرا لحضرتك والله يكرمك :)
            ما هو ده العازل بتاع التوكيل و بصراحة انا شايف انو عامل المطلوب ليا ممكن ميبقاش كافي لناس ثانية
            يجب تعديل حجم الصورة

            Comment


            • المشاركة الأصلية كتبت بواسطة gebreel مشاهدة المشاركة
              اولا انا اسف جدا على التأخير في كتابة التقرير

              بسم الله الرحمن الرحيم

              انا هقارن بينها و بين اللوجان المانيوال ال2010 اللي معايا

              اول ما تركب العربية تحس بجودة التقفيل الداخلي اللي بيظهر جدا في مقابض
              الابواب و الحتة الفضي اللي في الكونسول عند الكاسيت و التكييف فبعد ما
              كانت مقابض الابواب في ال2010 بتعمل صوت تكتكة لما تيجي تمسكها المقابض
              الحالية بسم الله ما شاء الله زي الفل و مفيهاش الهواء.

              دخلنا العربية اول حاجة هنشوفها العدادات اللي مفيهاش اي اختلاف بينها و
              بين ال2010 فيما عدا ان خط الكتابة بقى عادي مش bold زي ما كان في
              ال2010 و ان الخلفية برتقالي و الكتابة سودة في حين انها العكس في ال2010 ، في الاول انا استغربتوا جدا بس بعد كدة لقيت ان شكلوا احلى من ال2010 من وجهة نظري.

              الشاشة الحالية



              الشاشة في ال2010


              الشاشة بتبين زيادة عن المانيوال النقلة اللي انت عليها ان كانت p r n d و اللي في حالة الصورة اللي تحت انا كنت على الn



              او رقم النقلة اللي انت سايق عليها في حالة الاستيبترونيك (كنت على الثاني)



              - و في حالة انك مشغل الmode الخاص بالثلج او الطرق المبلولة (هنتكلم عليه لما نيجي للفتيس قدام) هتظهرلك العلامة بتاعتو فوق على الشمال (اسف نسيت اصورها)

              ورا الدريكسيون هتلاقوا الmulti function اللي بعد استخدامو اكتشفت قد
              ايه هو اوبشن حلو في العربية مش زي ما كنت متخيل انو حاجة رفاهية ملهاش
              اي لازمة لكن بيخلي عينك على الطريق و متشلش ايدك من على الدريكسيون

              نيجي على فتحات التكييف هنلاقي انها بقت اجمد من الاول و ليها درجتين
              علشان تعرف تتحكم فيها اكثر من الاولى اللي يا كانت مفتوحة يا مقفولة و
              بس

              الكاسيت و السماعات:



              باين في الصورة انو mp3 و مكان وصلة الaux

              - الكاسيت ماليزي بس صوته محترم جدا و السماعات صوتها نقي و قوي في نفس الوقت

              - الكاسيت mp3 مش audio زي الثاني و فيه وصلة aux بس صوتها معجبنيش - مش
              عارف ده عيب في الموبايل بتاعي ولا في الكابل ولا في الكاسيت لسة هشوف -

              - الmulti function سهل جدا و لذيذ و مخليك تركز على الطريق جدا و مبتبصش
              ناحية الكاسيت نهائي منو تقدر تعلي او توطي او تكتم الصوت او تعمل pause
              او تجري او ترجع tracks او محطات الراديو و منو كمان تقدر تغير ان كنت
              تشغل cd ولا aux ولا راديو.



              - الزرارين اللي فوق اللي مكتوب عندهمsource ده تقدر تقلب منو من cd لراديو لaux
              - الaux مش هيشتغل معاك غير اما يبقى في كابل واصل في الكاسيت غير كدة هيبقى عندك راديو و cd بس
              - باين زراير الصوت في الجنب اليمين و زرار الmute لو في راديو او aux بيشتغل mute اما لو في cd هيعمل pause
              - الزرار اللي تحت اللي عليه سهم كدة ده بيغير موجة الراديو من fm1, fm2,am و هكذا
              - فيه في الجنب بكرة بس مش باينة في الصورة دي اللي بتقلب الtracks من الcd او المحطات لو على الراديو

              نيجي بقى للكابوت:

              اول ما تفتح الكابوت هتفرح فرح غير طبيعي لأكثر من سبب:
              - هتلاقي الموتور شكله يفرح و هتحس فعلا قد ايه موتور المانيوال تكنولوجيا قديمة و هتلاقي الموتور مالي الحوض



              و ده اتسبب في ان اللي بيرفع البصمة في المرور طلع عينه على ما ما رفعها لأنها تحت و الخراطيم مالية الحوض =)

              العزل:
              - عزل الصوت ممتاز الحمد لله و حاسه يمكن احسن من ال2010 بالاضافة لعزل الكابوت زي ما موجود في الصورة علشان يعزل صوت و حرارة في نفس الوقت



              - الحرارة اللي كانت تحت الدواسات مش حاسس بيه نهائي و ده هيبقى راجع للعزل اللي في الكابوت قبل مواسير السخن ما تدخل على المقصورة + عزل اللي عند المواسير نفسها من جوة تحت الدريكسيون (التوكيل كان بيكتفي فقط بالعزل اللي من تحت الدريكسيون و مكنش بيبقى كافي)
              العزل اللي كنت بتكلم عليه قبل مواسير السخن هو اللي عند راس المساعد من على الشمال و ممتدة لحد ورا الموتور زي الصورة اللي تحت دي



              الفتيس:



              - الفتيس هو هو نفس فتيس ال 7 راكب و فتيس السينك 2003 (السينك 1) و هو فتيس اربع سرعات استيبترونيك
              - هنلاقي في القاعدة بتاعة الفتيس زرار كدة الزرار ده هو بتاع الاراضي المزحلقة علشان لما تدوس بنزين العجل ميفركش منك لما بتشغل الزرار ده العربية بتطلع على الثاني علشان ميبقاش في عزم كبير رايح ناحية العجل فيخليه يفرك و انت طالع و بالتالي هيسهل عملية الطلوع (ده بيستخدم في لو على مطلع و ارضية مزحلقة او مطينة او في الثلج)
              - الفتيس نقلاته سلسة 1 2 3 4 r بس احيانا مش دايما لما تيجي تهدي و تنزل من نقلة اعلى لنقلة اقل تحس بنتشة خفيفة و دي في اعتقادي هتتحل بكل سهولة ان شاء الله لأنها مش مشكلة ميكانيكية لان الفتيس بينقل للاعلى بسهولة و بدون ما تحس + انها مش دائمة و مش مسببة اي مشكلة في اداء العربية ولا متعة القيادة
              - الفتيس مش هيسيبك تغلط بمعنى انك مقلا لو جبتها على الاستيبترونيك و وانت واقف جبت ثالث علشان تطلع بالعربية هتلاقيه راح منزلك على الثاني و مش هيجيب 3 علشان مفيش عربية بتطلع على الثالث
              - لو جربت تنقل من غير ما تدوس على الزرار الفتيس مش هيتحرك معاك
              - لو جربت تنقل من غير ما تدوس على الفرامل الفتيس بردو مش هيتحرك معاك
              - جبته استيبترونيك و منقلتش الفتيس هينقل من نفسو قبل ما يوصل للred zone (مجربتهاش في العربية دي بس جربتها في سوبارو امبريزا بس الفكرة واحدة)

              الفرش:
              فرش البلاك لين عموما مختلف عن فرق الفول اوبشن و بعتذر على ان الصور مش واضحة اوي علشان انا مكنتش مالك الموبايل قوي ولا شايف هو بيصور ايه من اساسو =)

              ظهر الكرسي


              قاعدته


              التحرك بالعربية:
              - العربية طلعتها بطيئة شوية بس مش هتحس بيها الا لو جربت طلعة المانيوال + ان في دوسة معينة هتديلك عزم ممتاز في الطلعة و دي لما عرفتها مبقتش احس بالموضوع ده اوي
              - العربية بتنقل من اول لثاني على 30 تقريبا من ثاني لثالث على 50 من ثالث لرابع على 80
              - استجابة العربية بعد ال80 رهيبة بمعنى اتها جمعت من ال80 لل130 بسرعة غير طبيعية و لولا اني اخدت بالي من السرعة كانت كملت عادي جدا و ده كلوا بدون كيك داون

              العفشة:
              العفشة كعادتها ناعمة و قوية و مدية ثبات حلو الحمد لله

              الكاوتش:
              نازلة بكاوتش اسمو barum حاسس ان خامته انضف بس في نفس الوقت نقشته واسعة فبيلم ظلط كثير =)

              التكييف:
              - العربية نازلة بفلتر تكييف (ال2010 مكنش فيها)
              - شغلتو يوم الخميس اللي فات على 1 عمل شغلوا بسرعة جدا الحمد لله و محستش بانو اثر على السحب نهائي بالرغم من توقعي انو مع عربية اوتوماتيك هيخليها بطة بلدي بس الحمد لله خلف ظنوني

              الكشفات:
              حدث ولا حرج الحمد لله بفضل الله كاشفة الطريق قدامي كويس جدا جدا

              الخلاصة:
              - رينو اخدت بالها من كل مشكلة صغيرة و كبيرة قابلت الناس في الموديلات اللي فاتت و عالجتها من جذورها علشان يطلعوا العربية زي ما بيقولوا مفيهاش غلطة و فعلا الحمد لله العربية كل ما بركبها بحمد ربنا انو رزقني بيها و بحس ان كل قرش اندفع فيها الحمد لله اتحط في مكانو.
              - الموتور الجديد سحبه بوجه عام افضل من القديم و صوته الحمد لله قليل جدا
              - الفتيس نقلاته سلسة بس في بعض التنتيش الخفيف الغير دائم لما تنزل من نقلة اعلى لنقلة اقل - غير مؤثرة على اداء العربية خالص -
              - المسايت و السماعات محترمين جدا جدا جدا
              - التقفيل بتاع العربية ممتاز
              - عزل الصوت ممتاز يخليك تسمع اللي برة الشارع لو كالكس ولا حاجة بس في نفس الوقت قاعد في هدوء
              - العفشة ناعمة و قوية و كلها حنية =)
              - العربية تستحق كل قرش يندفع فيها و الحمد لله

              في النهاية احب اشكر الاستاذ رسمي لأني قلبت منو صور الحوض لأني نسيت اصورها بردو و بعتذر ليكم على التأخير مرة ثانية بس ده راجع لظروف شغلي و الله و اني كنت عاوز اكتب حاجة كويسة و اتمنى انو يعجبكم و يبقى جاوب على اسئلتكم.
              و اي استفسار انا تحت امركم





              تم تثبيت الموضوع لأهميته مع الشكر للعضو جبريل

              مشرف رينو
              ب9

              ألف شكر ليك يا أستاذ جبريل بس عندي سوال مهم جدا هي دواسات البنزين و الفرامل في الأتوماتيك بلاستيك انا سمعت ان المانوال بلاستيك هي الأتوماتيك كده و لو هي بلاستيك هي بتستحمل ولا اي كلام لان لو اتكسرت تبقي مصيبة.

              Comment


              • المشاركة الأصلية كتبت بواسطة hzem مشاهدة المشاركة
                ألف شكر ليك يا أستاذ جبريل بس عندي سوال مهم جدا هي دواسات البنزين و الفرامل في الأتوماتيك بلاستيك انا سمعت ان المانوال بلاستيك هي الأتوماتيك كده و لو هي بلاستيك هي بتستحمل ولا اي كلام لان لو اتكسرت تبقي مصيبة.
                انا مش فاهم سؤال حضرتك قوي بس عموما المانيوال معايا و الاوتوماتيك معايا و مفيش دواسات انكسرت ولا حاجة و الحمد لله =)
                يجب تعديل حجم الصورة

                Comment


                • المشاركة الأصلية كتبت بواسطة gebreel مشاهدة المشاركة
                  انا مش فاهم سؤال حضرتك قوي بس عموما المانيوال معايا و الاوتوماتيك معايا و مفيش دواسات انكسرت ولا حاجة و الحمد لله =)

                  استاذ / جبريل :
                  السؤال كان :
                  ((
                  ألف شكر ليك يا أستاذ جبريل بس عندي سوال مهم جدا هي دواسات البنزين و الفرامل في الأتوماتيك بلاستيك انا سمعت ان المانوال بلاستيك هي الأتوماتيك كده و لو هي بلاستيك هي بتستحمل ولا اي كلام لان لو اتكسرت تبقي مصيبة.)) ؟؟؟؟؟؟؟؟؟؟؟

                  Comment


                  • سؤال لحضرتك استاذ/ جبريل :
                    بصراحة أنا محتار جدا بين (المانويل والأتوماتيك)

                    مزايا المانيوال إنها تم تجربتها واتعرف مشاكلها . وعيوبها بالنسبة ليه هي في قدم تكنولوجيا الماتور .
                    يعني (8 صباب / 90 صباب)

                    مزايا الأتوماتيك (18 صباب / 110 حصان)

                    السؤال لحضرتك .
                    هل شعرت بالفرق في قوة الماتور بين المانيوال والأتوماتيك . ولا الفرق بسيط ؟؟؟؟
                    هل فرق السعر يساوي فرق الامكانيات (عدد الصباب / عدد الحصان / نوع الفتيس)

                    Comment


                    • المشاركة الأصلية كتبت بواسطة alaaosmanakl مشاهدة المشاركة
                      استاذ / جبريل :
                      السؤال كان :
                      ((
                      ألف شكر ليك يا أستاذ جبريل بس عندي سوال مهم جدا هي دواسات البنزين و الفرامل في الأتوماتيك بلاستيك انا سمعت ان المانوال بلاستيك هي الأتوماتيك كده و لو هي بلاستيك هي بتستحمل ولا اي كلام لان لو اتكسرت تبقي مصيبة.)) ؟؟؟؟؟؟؟؟؟؟؟
                      انا فهمت كدة بس فعلا مش فاهم ايه البلاستيك الي فيها

                      المشاركة الأصلية كتبت بواسطة alaaosmanakl مشاهدة المشاركة
                      سؤال لحضرتك استاذ/ جبريل :
                      بصراحة أنا محتار جدا بين (المانويل والأتوماتيك)

                      مزايا المانيوال إنها تم تجربتها واتعرف مشاكلها . وعيوبها بالنسبة ليه هي في قدم تكنولوجيا الماتور .
                      يعني (8 صباب / 90 صباب)

                      مزايا الأتوماتيك (18 صباب / 110 حصان)

                      السؤال لحضرتك .
                      هل شعرت بالفرق في قوة الماتور بين المانيوال والأتوماتيك . ولا الفرق بسيط ؟؟؟؟
                      هل فرق السعر يساوي فرق الامكانيات (عدد الصباب / عدد الحصان / نوع الفتيس)
                      بص يا باشا بالنسبة للفرق بين الموتور في السحب و كدة مش فرق كبير قوي بس فرق الفتيس طبعا ممتاز و راحة ما بعدها راحة الحمد لله

                      و المانيوال بردو اول ما نزلت كانت لسة متعرفش فيها عيوبها و مشاكلها و كدة و مع ذلك الحمد لله الدنيا كويسة
                      يجب تعديل حجم الصورة

                      Comment


                      • الحمد لله علي كل الأحوال

                        لكن فرق الصبابات شاسع (8 صباب)
                        وفرق الحصان (20 حصان)

                        المتوقع أن يكون لهذه الفروق أثر ملموس في القيادة .

                        سؤال معلش :
                        تنصحني باللوجان اتوماتيك .
                        ولا النيسان صني مانيوال بدون abs

                        Comment


                        • المشاركة الأصلية كتبت بواسطة alaaosmanakl مشاهدة المشاركة
                          الحمد لله علي كل الأحوال

                          لكن فرق الصبابات شاسع (8 صباب)
                          وفرق الحصان (20 حصان)

                          المتوقع أن يكون لهذه الفروق أثر ملموس في القيادة .

                          سؤال معلش :
                          تنصحني باللوجان اتوماتيك .
                          ولا النيسان صني مانيوال بدون abs
                          المصيحة دي انت اللي تحددها زفقا لاحتياجاتك العربيتين ممتازين بالنسبة لسعرهم و لو تقدر تضغط على نفسك تجيب النيو صني ممتازة
                          يجب تعديل حجم الصورة

                          Comment


                          • أستاذ جبريل .. كل عام وأنت بخير
                            أنا كمان فى حيرة ومش عارف أخد قرار أجيب لوجان مانيوال ولأ أتوماتيك ,, بس مكدبش عليك انا فارق معايا أوى موضوع أستهلأك البنزين وحاسس أن الأتوماتيك هتبقى سفاحة , ياريت حضرتك تقول عامل كام كيلو دلوقتى وأيه هو اخبار أستهلأك البنزين .. ومعلش لو سمحت ياريت لو تكتب لى رقم تليفون معرض أو المندوب اللى جبت منه فى معرض محمد زكى لأن العربية لسة سأئل عليها النهارده فى الطارق وهى ب 81000 وكنت أتعشم ألأقيها أرخص من كده .. فى حاجة كمان أنا عاوز رأيك فيها ,, وهى أنى أنا بسافر كتير جنوب سيناء من القاهرة وعايش ومقيم هناك والحر هناك شديد جدا فى الصيف , فياترى تنصحنى باللوجان ولأ أشوف حاجة غيرها؟رأيك ده هيفرق معايا كتير !!!!!!!!!

                            Comment


                            • هل متوافر في الأتوماتيك كل الألوان ؟؟؟؟؟؟؟؟
                              ولا هي نزلة في الوان محددة فقط ؟؟؟؟؟؟؟؟

                              أنا لاحظت إن في منها اللون (الفضي/ الفيراني)


                              فهل نزل منها اللون (النبيتي/ والبترولي) ؟؟؟؟؟؟؟؟؟؟؟






                              Comment


                              • المشاركة الأصلية كتبت بواسطة jackson_75 مشاهدة المشاركة
                                أستاذ جبريل .. كل عام وأنت بخير
                                أنا كمان فى حيرة ومش عارف أخد قرار أجيب لوجان مانيوال ولأ أتوماتيك ,, بس مكدبش عليك انا فارق معايا أوى موضوع أستهلأك البنزين وحاسس أن الأتوماتيك هتبقى سفاحة , ياريت حضرتك تقول عامل كام كيلو دلوقتى وأيه هو اخبار أستهلأك البنزين .. ومعلش لو سمحت ياريت لو تكتب لى رقم تليفون معرض أو المندوب اللى جبت منه فى معرض محمد زكى لأن العربية لسة سأئل عليها النهارده فى الطارق وهى ب 81000 وكنت أتعشم ألأقيها أرخص من كده .. فى حاجة كمان أنا عاوز رأيك فيها ,, وهى أنى أنا بسافر كتير جنوب سيناء من القاهرة وعايش ومقيم هناك والحر هناك شديد جدا فى الصيف , فياترى تنصحنى باللوجان ولأ أشوف حاجة غيرها؟رأيك ده هيفرق معايا كتير !!!!!!!!!
                                و حضرتك بالصحة و السلامة
                                بالنسبة لاستهلاك البنزين المانيوال اوفر من الاوتو في الاستهلاك بس الاوتو مش سفاحة بنزين ولا حاجة

                                انا ميكس جوة و برا البلد مع التكييف الصفيحة بتعمل معايا في حدود 220 كيلو
                                افضل استهلاك كان 325 كيلو لل20 لتر
                                و اسوأ استهلاك كان 148 كيلو

                                علما باني بحرق على النقلات من وقت للثاني مع زجمة على الصحراوي احيانا

                                من الاخر معدل استهلاك البنزين تقريبا جوة و برة البلد يعمل حوالي 9.5 لتر \ 100 كيلو و عربيتي لسة عاملة 7900 كيلو

                                في المانيوال بعد صيانة ال10000 اداء العربية اختلف تماما و استهلاك البنزين بقى ممتاز

                                انا اشتريت من محمد زكي اتصل بيهم و قهم انك عاوز تكلم سيد بتاع المعادي او كلمه على موبايله01002518473 و قله انك من طرف محمود جبريل و هو ان شاء الله هيعمل معاك واجب

                                بالنسبة لسعر العربية من عند الطارق هو كويس على الاسعار اللي سمعتها محمد زكي ممكن يسلمك بالسعر الرسمي بس بعد فترة مش هقدر اققلك بعد قد ايه و ممكن تكلم السبع بردو و كلم استاذ عبد الرحمن في فرع مصر الجديدة انسان محترم جدا بردو بس السبع بردو باوفر

                                اللوجان شغالة في الاقصر و اسوان تاكسي فاعتقد الناس دي يهمهم جدا التكييف و كفائة العربية
                                يجب تعديل حجم الصورة

                                Comment

                                Working...
                                X