تقرير اللوجان الاوتوماتيك 2012

[mohamed_kta]

السلام عليكم

أريد استشارة مع الاستخارة . أبحث عن سيارة واسعة " شنطة و كنبة " فأنا تاجر ملابس و احتاج هذا الوسع ، و احتاج للسفر يوم فى الاسبوع ، و تقريباً أذهب من و الى 6 اكتوبر - مصر الحديدة 4 مرات اسبوعياً .

أمامى لانسر 2007 و بعد قرأة التقرير أفكر فى لوجان أوتماتك !! أريد أستشارة الخبراء رجاءً

[emann]

شكرا جدا ..بس اتمنى لو يعملوا شكل جديد

[ahmadm]

الف مبروك يا باشا

[alaaosmanakl]

السلام عليكم ورحمة الله :
بصراحة بعد كلام الاخوة الافاضل . بفكر اشتري لوجان اتوماتيك
لكن عايز النصيحة من اخوتي :
انا استخدامي للسيارة هيعمل يوميا 160 كم طوالي .
واستخدام اسرة . ومش بفكر في البيع لمدة 7 سنوات .
هل رينو لوجان اتو . تكون مناسبة جدا . ولا افكر في عربية تانية .

[ragy]

استاذ جبريل
اخبار العربيه معاك ايه
وعملت كام كيلو لحد دلوقتي
واخبار النتشه ايه واستهلاك البنزين

[gebreel]

استاذ جبريل
اخبار العربيه معاك ايه
وعملت كام كيلو لحد دلوقتي
واخبار النتشه ايه واستهلاك البنزين

العربية الحمد لله كويسة جدا عاملة معايا دلوقتي حولي 2200 كيلو
النتشة قلت بشكل ملحوظ و استهلاك البنزين كل كيلو زيادة العربية بتمشيه استهلاك البنزين بيتحسن و على ال5000 كيلو هرفعلكم فيل اكسيل فيه كل تفويلة و عدد الكيلومترات اللي مشيتها

[zicooo2008]

موضوع اكثر من رائع جزاك الله خيرا على الموضوع الجميل ده

[sara2001]

السلام عليكم
سؤال من فضلكم
الخامات الداخليه في الأوتو 2012 هي نفس الخامات في المانيوال 2011
واقصد بها التابلوه والأبواب من الداخل ولا اتغيرت .... وشكرا

[gebreel]

السلام عليكم
سؤال من فضلكم
الخامات الداخليه في الأوتو 2012 هي نفس الخامات في المانيوال 2011
واقصد بها التابلوه والأبواب من الداخل ولا اتغيرت .... وشكرا

الخامات اختلفت للاحسن في ال2012 اختلاف كلي

[mohamedghaly]

استاذ جبريل نا النهارده حصلتلى حاجه غريبه دخلت العربيه ودورتها بدوس فرامل بسمع صوت تكه مع كل دوسه فرامل حطيت ايدى على الفتيس التكه دى مسمعه فيه بس انا كنت قافل الزجاج فالصوت كان واضح بس التكه دى مسموعه انا بقول يمكن التكه دى لفصل الغيارات لانى كنت على p وبعد كده غيرت الى الD بس التكه دى مصحبانى فى كل دوسه فرامل بس العربيه كانت واقفه فلو ده حصل معاك ياريت تقولولى

[pharmacology]

استاذ جبريل .. انا لاحظت ان حضرتك كاتب ان العربية في مرحلة التليين .. انا كنت سالت سؤال عن موضوع التليين ده في الصفحة الرسمية لرينو علي الفيس بوك وكان السؤال كالتالي والاجابة عليه :

كيف يتم تليين اللوجان اوتوماتيك ؟ وما اقصي سرعة خلال فترة التليين ؟
Renault Egypt أستاذ أحمــــد // لا يوجد تليين لمحركات رينــــو ، حيث يتم تليين كافة المحركات بمصانع وخطوط الإنتاج قبل تصديرها لأى دوله ، ويُمكنك الإستمتاع بالقياده الأمنه للسياره والإلتزام بالقواعد المروريه التى تُحددها الإداره العامه للمرور بوزارة الداخليه ,,, وشكراً جزيلاً,, ".A.S."

ايه راي حضرتك يا استاذ جبريل في الكلام ده ؟ رايك يهمني جدا خاصة اني بعد ما جاوبوني السؤال ده اتحركت بالعربية عادي جدا وسافرت بيها وجبت بيها لحد 120 وهي لسه عامله 300 كيلو .. هل ده فيه خطر ولا كلامهم ثقة ؟ منتظر الاجابة

[sara2001]

الخامات اختلفت للاحسن في ال2012 اختلاف كلي

شكرا أ. جبريل

[gebreel]

استاذ جبريل .. انا لاحظت ان حضرتك كاتب ان العربية في مرحلة التليين .. انا كنت سالت سؤال عن موضوع التليين ده في الصفحة الرسمية لرينو علي الفيس بوك وكان السؤال كالتالي والاجابة عليه :

كيف يتم تليين اللوجان اوتوماتيك ؟ وما اقصي سرعة خلال فترة التليين ؟
renault egypt أستاذ أحمــــد // لا يوجد تليين لمحركات رينــــو ، حيث يتم تليين كافة المحركات بمصانع وخطوط الإنتاج قبل تصديرها لأى دوله ، ويُمكنك الإستمتاع بالقياده الأمنه للسياره والإلتزام بالقواعد المروريه التى تُحددها الإداره العامه للمرور بوزارة الداخليه ,,, وشكراً جزيلاً,, ".a.s."

ايه راي حضرتك يا استاذ جبريل في الكلام ده ؟ رايك يهمني جدا خاصة اني بعد ما جاوبوني السؤال ده اتحركت بالعربية عادي جدا وسافرت بيها وجبت بيها لحد 120 وهي لسه عامله 300 كيلو .. هل ده فيه خطر ولا كلامهم ثقة ؟ منتظر الاجابة

بص يا باشا هما كلامهم صح بس مش صح قوي

كلامهم صح في ان العربية بتتلين في المصنع عن طريق ان المواتير بتدخل في غرفة فيها خراطيم التبريد و مراوح و كل حاجة اكنو راكب في عربيتك و بيدوروهم و يلينوهم و في نفس الوقت بيطمنوا على تجميع الموتور و ان مفيهوش حاجة غلط

لكن مش صح قوي لأن في الكاتلوج بتاع العربية اللي المصنع مطلعوا بيقلك في اول 1000 كيلو متزودش عن 3.5 rpm و متزودتش عن 130 كم/ساعة

فلما تيجي تقارن اللي المانيوال بتاع العربية قايلوا مع التليين المتعارف عليه عندنا في مصر من انك متشغلش تكييف و متزودتش عن 90 و متحملش العربية حمولات كبيرة الخ... يبقى العربية متلينة

بالنسبة للي حضرتك عملتوا 120 ده في حدود اللي المانيوال قال عليه و بالتالي مفيش فيه مشكلة

[gebreel]

استاذ جبريل نا النهارده حصلتلى حاجه غريبه دخلت العربيه ودورتها بدوس فرامل بسمع صوت تكه مع كل دوسه فرامل حطيت ايدى على الفتيس التكه دى مسمعه فيه بس انا كنت قافل الزجاج فالصوت كان واضح بس التكه دى مسموعه انا بقول يمكن التكه دى لفصل الغيارات لانى كنت على p وبعد كده غيرت الى الd بس التكه دى مصحبانى فى كل دوسه فرامل بس العربيه كانت واقفه فلو ده حصل معاك ياريت تقولولى

متقلقش يا باشا التكة دي بتحصل معايا و بتبقى فعلا مسمعة في الفتيس لو انت على الp و جربها انك تلمس الزرار بتاع الغيارات تلمسه بس و بعدين تدوس فرامل هتلاقيه اتحرك حاجة بسيطة جدا

و ده منطقي لأن لو انت حاولت تدوس على الزارا اللي في الفتيس و هي على الp من غير ماتدوس فرامل مش هيكمل معاك و مش هيحرك الزرار للاخر

[mohamedghaly]

متقلقش يا باشا التكة دي بتحصل معايا و بتبقى فعلا مسمعة في الفتيس لو انت على الp و جربها انك تلمس الزرار بتاع الغيارات تلمسه بس و بعدين تدوس فرامل هتلاقيه اتحرك حاجة بسيطة جدا

و ده منطقي لأن لو انت حاولت تدوس على الزارا اللي في الفتيس و هي على الp من غير ماتدوس فرامل مش هيكمل معاك و مش هيحرك الزرار للاخر

تمام وانا رحت التوكيل النهارده وقالى ان دا فى اللوجان كله الاوتوماتيك اشكرك على الرد