اكسسوار لــــــوجى ..

[Egyzizo]

موضوع جميل بس فيه بعض الاسئلة
1- هل فيه سلك واصل من الكاميرا الخلفيه للشاشه ولا بلوتوث
2- الكاميرا واخده الباور بتاعها من فين
3- الشاشه واخده الباور من فين برضه لان شكل السلك اللى نازل منها حيكون مبوظ منظر التابلوه
4- ممكن التوكيل يركب الموضوع ده و لا لأ
اصلى مش من القاهره و مفيش حد بيتهيالى يعرف يركبه لكن عندى مركز خدمه معتمد فى بلدى

1- بلوتوث
2- من سلك لمبة المارشيدير
3- لها سلك طالع من فوق بيمشى مع الحديدة اللى شايلة المراية وبيخش بين الإزاز الأمامى وفرش السقف (فيه جريدة تحتها فراغ بيتدكك فيها أسلاك عادى) ويمشى إلى اليسار وبعد كده ينزل تحت عند الدواسات وهناك بتاخد الباور بتاعها ، كل المشوار ده مافيش حاجة باينة منها خالص غير الـ 5 سم اللى طالعين من الشاشة لفوق ومش باينين برضه. لو لاحظت فى احدى الصور فيه سلك ازرق باين وده المفروض انه داخل تحت الجريدة بس كان ساقط وهو مش باين دلوقتى بعد ما رفعته.
4- بصفة عامة ، التوكيل ممكن يركب أى حاجة كهربائية طالما ليها كتالوج.

وأنا كمان مش من القاهرة بس رحت مشوار صد رد يوم الجمعة صباحاً فى الروقان وكنت فى بيتنا الساعة 3 العصر (المسافة بينى وبين القاهرة حوالى 80 كيلو).

طيب ازاى الموضوع ده يا عمنا انا عندى نفس الشاشه بنفس المواصفات بس بتشغل المكالمات بس لما اجى اشغل اى ام بى ثرى الصوت مبيشتغلش

هاشوف الخطوات عملى بالتفصيل على العربية علشان مانساش حاجة واكتبها لحضرتك ..

[DR/WAFEK]

فى انتظارك

[shoka]

السلام عليكم
لو سمحت يا وحوش فى حد ركب دلايات للوجان
ياريت يقول منين وبكام

[Egyzizo]

السلام عليكم
لو سمحت يا وحوش فى حد ركب دلايات للوجان
ياريت يقول منين وبكام

أنا ركبت طقم دلايات ، وهو متوفر فى كل محلات الاكسسوار وكان تمنه 35 جنيه ..
أنا جبت الأول طقم ورجعته علشان السمكرى قال لى انه مش هينفع.
شفت كذا طقم بعد كده وكنت باجربه فى المحل بالاقيه مس لابس كويس فى مكانه خصوصاً الأمامى
قلت مابدهاش ، وجبت واحد منهم وخليت السمكرى يعدل فيه (يقص منه) علشان يلبس كويس والموضوع مشى وركبهم.
ودى صورتها بس معلش عشان كنت ماشى قبلها فى حتة طين ، بس هى شالت كتير عن بودى العربية زى ما باين فى الصورة..



وركبت برضه حلية ستانلس للشكمان طلعت ظريفة ، وتمنها كان 30 جنيه ..
ودى صورتها :

[amr.elsayed]

الله ينور عليك يا زيزو حلوة اوى الحلية بتاعت الشكمان شكلها لذيذ
حبقى ادور عليها واقولك .. شكرا يا زيزو على مجهودك وتعبك

[bishoy02010]

وركبت برضه حلية ستانلس للشكمان طلعت ظريفة ، وتمنها كان 30 جنيه ..
ودى صورتها :

ديه اتلحمت ولا ركبت إزاى ؟؟؟

[shoka]

أنا ركبت طقم دلايات ، وهو متوفر فى كل محلات الاكسسوار وكان تمنه 35 جنيه ..
أنا جبت الأول طقم ورجعته علشان السمكرى قال لى انه مش هينفع.
شفت كذا طقم بعد كده وكنت باجربه فى المحل بالاقيه مس لابس كويس فى مكانه خصوصاً الأمامى
قلت مابدهاش ، وجبت واحد منهم وخليت السمكرى يعدل فيه (يقص منه) علشان يلبس كويس والموضوع مشى وركبهم.
ودى صورتها بس معلش عشان كنت ماشى قبلها فى حتة طين ، بس هى شالت كتير عن بودى العربية زى ما باين فى الصورة..



وركبت برضه حلية ستانلس للشكمان طلعت ظريفة ، وتمنها كان 30 جنيه ..
ودى صورتها :

الف شكر يا باشا على ردك وكمان الصور الجامده وحلو قوى الشكمان
طيب معلش هما الدلايات ليها مقاسات وكله عادى وتركيبها بكام
وفعلا اهم حاجه انه يمنع التراب الى على بودى العربيه علشان بيقبا شكلها وحش وعهى ماشيه

[DR/WAFEK]

ايه يا باشا انت نسيتنى ولا ايه مش لازم عملى قلى بس ازاى وان شاء الله افهم

[llottfy]

ديه اتلحمت ولا ركبت إزاى ؟؟؟

+111111111111111

[Egyzizo]

ايه يا باشا انت نسيتنى ولا ايه مش لازم عملى قلى بس ازاى وان شاء الله افهم

لا صدقنى .. بس الفكرة ان احنا شغلنا الفكرة دى أنا وواحد صاحبى من الموبايل بتاعه، حتى هو اللى شغلها. وده عشان .. خد بأه عندك المفاجأة دى .. الموبايل بتاعى مش فيه بلوتوث
فأنا مستنى أقابله بس عشان نعملها تانى مع بعض وأسجل الخطوات ..
بس سؤالك فكرنى ان هو كان قال لى ان الحركة دى مش بتمشى مع كل الموبايلات ..
بس أوعدك هاقابله الأسبوع ده واكتب لك تقرير مفصل عن اللى عمله.

[Egyzizo]

الله ينور عليك يا زيزو حلوة اوى الحلية بتاعت الشكمان شكلها لذيذ
حبقى ادور عليها واقولك .. شكرا يا زيزو على مجهودك وتعبك

ديه اتلحمت ولا ركبت إزاى ؟؟؟

هى فعلاً طالعة ظريفة ومش over خالص .. لأنى كنت خايف من كده ..

هى بييجى معاها ركبتين ستانلس (زاوية 90) ومساميرها والركب دى تربطها فى الشكمان عن طريق المسامير ،
واحتياطى برضه السمكرى اداها بنطة لحام إضافية بعد ما ربط المسامير زيادة اطمئنان.

[Egyzizo]

الف شكر يا باشا على ردك وكمان الصور الجامده وحلو قوى الشكمان
طيب معلش هما الدلايات ليها مقاسات وكله عادى وتركيبها بكام
وفعلا اهم حاجه انه يمنع التراب الى على بودى العربيه علشان بيقبا شكلها وحش وعهى ماشيه

لأ هى مالهاش مقاسات ، بس ليها أشكال، حسب تلبيسها فى العربية ، بس علشان ما تلفش هات أى شكل يعجبك وخللى السمكرى يتصرف لأنك مش هتلاقى حاجة standard على لوجى خصوصاً للكاوتش الأمامى لأن الرفرف وراه معمول بشكل يخللى مش أى حاجة تركب بسهولة .. قول للسمكرى يقص منها ويعدلها ودى حاجة هيعرف يتصرف فيها.

وبالنسبة لتمن التركيب ، هو قال لى اللى تجيبه ، فأنا اديته 15 جنيه فى تركيب الدلايات وحلية الشكمان لأن تركيب الدلايات كان غلبة شوية.

[bishoy02010]

هيا الحلية اشترتها من عند مين ؟؟؟؟

[Egyzizo]

من محل اكسسوار عندنا فى شبين الكوم ..
بس شفتها كتير وأشكال تانية فى كذا محل اكسسوار ..

[shoka]

لأ هى مالهاش مقاسات ، بس ليها أشكال، حسب تلبيسها فى العربية ، بس علشان ما تلفش هات أى شكل يعجبك وخللى السمكرى يتصرف لأنك مش هتلاقى حاجة standard على لوجى خصوصاً للكاوتش الأمامى لأن الرفرف وراه معمول بشكل يخللى مش أى حاجة تركب بسهولة .. قول للسمكرى يقص منها ويعدلها ودى حاجة هيعرف يتصرف فيها.

وبالنسبة لتمن التركيب ، هو قال لى اللى تجيبه ، فأنا اديته 15 جنيه فى تركيب الدلايات وحلية الشكمان لأن تركيب الدلايات كان غلبة شوية.

شكرا يا باشا وربنا يباركلك فى العربيه