اكسسوار لــــــوجى ..

[Egyzizo]

الله يبارك فيك يا رنجو ، وعقبال ما نبارك لك على الاستلام قريبا ً ..

حوالى 900 او 1000 بس جامد والجلد كان من عند الراجل برضه ( طبعا السعر ده شامل كل حاجة والجلد خامة نظيفة )

عظيم أنا عامل حسابى فى المعدل ده برضه ..
بس يا ترى السعر ده شامل فرش الأرض والشنطة واللا كراسى بس؟
وياترى عربيتك لونها ايه ، وايه لونين الفرش اللى اخترتهم
ويا سلام لو صورة.

[hobby10]

عظيم أنا عامل حسابى فى المعدل ده برضه ..
بس يا ترى السعر ده شامل فرش الأرض والشنطة واللا كراسى بس؟
وياترى عربيتك لونها ايه ، وايه لونين الفرش اللى اخترتهم
ويا سلام لو صورة.

لا والله السعر ده الكراسى بس ......... وعربيتى لونها اللى هو الازرق فى جراى ده ..... والفرش اسود فى رصاصى وماشى مع لون العربية جدا .......... بالنسبة للصورة ححاول اضبطها وربنا يسهل

[Egyzizo]

بالنسبة للانذار .. فهو اسمه Spy two-way car alarm system
وهو بالإضافة لأنه جهاز انذار عادى زى الانذار اللى كلنا عارفينه، فيه ميزة إضافية وهى ان لو حاجة حصلت للعربية وصاحبها بعيد عنها ، العربية بتبعت إشارة للريموت اللى مع صاحبها وتعرفه اللى حصل فيها ، يعنى لو اتخبطت مثلاً بيظهر شاكوش على شاشة الريموت مع صفارة وفيبراشن فى الريموت ، ولو اتفتحت ، بيظهر باب بيتفتح ، ولو دارت بيظهر رسم شكمان بيطلع دخان ..
بس لازم المسافة بين العربية والريموت تكون فى حدود 300 أو 400 متر (ماحسبتهاش قوى) .. يعنى تكون راكنها جنب البيت مثلاً أو جنب شغلك ، لأن ده المدى اللى بيقدر فيه الريموت انه يستقبل الإشارة من الاريال بتاعه اللى راكب فى العربية.

وبالنسبة للصور ، فمش هاقدر أعمل احلى من الصور اللى عملها الزميل ahmed_su فى موضوعه اللى عمله عن نفس جهاز الانذار (رابط الموضوع) ويمكن الرجوع اليه للمزيد من المعلومات عن جهاز الانذار .. على اى حال الصور فى الاقتباس التالى :

وبكره ان شاء الله أصور الشاشة والكاميرا اللى ركبتهم مع الانذار ...

[MoHaMed HaMeD]

الف مبروك ومستنين بقيه الصور
والاسعار الدقيقه بالتركيب وكله

[hobby10]

الف مبروك ومستنين بقيه الصور
والاسعار الدقيقه بالتركيب وكله

مستنيين ...... أكيد

[shaaadi]

انا عربيتي هاف اوبشن

ركبتلها سماعتين

kenwood
300واط

السعر 260+20تركيب=280جنيه
مكان التركيب كلاريون النزهة

بس عندي سؤال هل يؤثر على الضمان تركيب سماعات خارج الوكيل و شكرا

[shaaadi]

سؤال اخر يا جماعة الرفرف الخلفي اتخبط و عاوز ارده اروح للتوكيل و لا لبره
ولو بره ممكن حد يرشحلي واحد كويس

[Egyzizo]

بس عندي سؤال هل يؤثر على الضمان تركيب سماعات خارج الوكيل و شكرا

لا يؤثر على الضمان ، وعشان تطمئن اتصل بـ 16202 واسألهم ..

سؤال اخر يا جماعة الرفرف الخلفي اتخبط و عاوز ارده اروح للتوكيل و لا لبره

أنا شايف ان الموضوع ده مش مستاهل توكيل ولو حد كويس بره يرجعه تمام ويبقى سعره حنين.
بس مش هاقدر أفيدك فى تروح لمين لأنى مش من القاهرة .. بس أكيد حد من الزملاء هيفيدنا.

[MoHaMed HaMeD]

يلى يادكتور عزت مستنين الصور والاسعار

[gebreel]

سؤال اخر يا جماعة الرفرف الخلفي اتخبط و عاوز ارده اروح للتوكيل و لا لبره
ولو بره ممكن حد يرشحلي واحد كويس

و الله في واحد جنب بيتي جربتو في عربية اختي فورد و عربية جوز اختي لانسر 2007 و بصراحة طلع ال2 احلى من بعض خصوصا اللانسر لان بان فيها صنعته حتى الحاجات اللي بتيقى مسحوبة في الببان عاملها بنفس الساحبة
هو اسمو محمد و هو ناحية انبي في مدينة نصر لو عاوز التفاصيل بالظبط انا تحت امرك

[Egyzizo]

يلى يادكتور عزت مستنين الصور والاسعار

أنا لما جيت أصور بالنهار ، صورت صورة واحدة ولقيت الكاميرا فصلت وعايزة تتشحن ، وعلى ما اتشحنت كان الليل دخل ، فمعلش أنا هاحط الصور الليلية اللى مش أد كده على وعد بصور أفضل بكره ..

وبالنسبة للأسعار الدقيقة فكانت كالتالى :

جهاز الانذار تمنه بعد الخصم 350 جنيه (ممكن ييجى أقل 10 أو 20 جنيه من التوفيقية)
الشاشة 590 جنيه والتمن بعد الخصم 500 جنيه
الكاميرا 190 جنيه ، والتمن بعد الخصم 140 جنيه
والتركيب كان 50 جنيه لجهاز الانذار ، و80 جنيه للشاشة والكاميرا


طقم دواسات 115 جنيه ، و80 جنيه بعد الخصم
والعراقات 80 جنيه ، و60 جنيه بعد الخصم

والنهارده جبت من شبين الكوم طقم دلايات سمرا بـ 35 جنيه
بس دول عايزين سمكرى يركبهم ، فهاصورهم ان شاء الله بعد التركيب

الحقيقة أنا برضه لاحظت ان اللون الفيرانى التراب بيبان فيه
ولما بامسحه باحس انه مش بيتشال بسهولة
فجبت شمع سيارة اسمه ابرو Abro car wax تمنه 20 جنيه
المفروض انه يخللى التراب والأوساخ ما تلزقش فى العربية ويديها لمعة
وأنا استخدمته على نص الشنطة وسبت النص التانى وسبت العربية من غير غطا عشان لما أشيل التراب الصبح أقارن وأشوف اذا كان فعلاً فعال فى موضوع سهولة ازالة التراب واللا لأ.

هاجهز الصور وأرفعها واحطها فى المداخلة التالية أول ما تجهز ..

[MoHaMed HaMeD]

مشكور جدا ومنتظرين البقيه

[Egyzizo]

دى صور للشاشة





ودى صورة الشاشة شغالة على وضع المارشيدير ، ويلاحظ الخطوط التى توضح المسافة بينك والعربية اللى وراك



ودى صورة الكاميرا راكبة فى الاكصدام الخلفى ، والحقيقة مش عاملة نشاذ خالص وكأنها جاية مع العربية.
ولتركيبها فى المكان ده قصة هاحكى عليها بكره ان شاء الله.





ودى صورة ريموت الشاشة ..



دى صور كده تصبيرة على السريع لغاية ما أصور بكره بالنهار وأحاول أصور الشاشة فى أوضاع التشغيل المختلفة.

[elnopy]

انا اولا ركبت طقم دلايات ب 50 جنية ثانيا شمعت العربية كلها ودا كلف حوالي 400 او اقل لاني بصراحه لسه محاسبتش علية

[MoHaMed HaMeD]

لا مبروك ومنتظرين بقيت الصور