معلومات من الدليل

[ahmedbakr50]

والله معلومات ممتازة
ومش سايبلنا أى فرصة إن نذزود أى معلومة جديدة

[waleedfadeel]

معلومة 27-31

معلومة 27: صفحة 2.7
داخل مربع العلامات التحذيرية (المربع به 9 علامات بعضها بينور وبعضها لا، حسب الوظيفه) توجد علامة فى الصف الاخير العمود الاوسط فوقها علامة الامبولايز ويمينها علامة فرامل اليد وشمالها علامة البطارية، هذه العلامه خاصه بنظام مانع التلوث لو اضاءت يبقى النظام فيه خلل.

معلومة 28: صفحة 2.7
- قد السيارة بتمهل عند بدية التحرك حتى تصل السيارة الى درجة حرارتها المثلى للتشغيل. (من التجربة وجدت ان الحرارة المثلى عند 4 شرط)
- زيادة السرعة تعنى تكلفة.
- القيادة الرياضية (اللى احنا بنسميها امريكانى) تستهلك كمية بنزين كثيره.
- ادرس الطريق حتى لا تستخدم الفرامل كثيرا.
- تجنب الزيادة المفاجئة فى السرعة. sudden acceleration
- لا تحاول المحافظة على نفس السرعة وانت طالع مطلع ولكن ثبت رجلك على دواسة البنزين عند نفس المستوى ولا تضغط.
- قبل اطفاء المحرك لا تعمل اثنين دبرياج وبعدين تزود بنزين فالعربات الحديثه لا تحتاج الى ذلك.(دى انا مش فاهم ايه الحكمة منها فى العربيات القديمه، هل علشان تدور بعد كده بسرعة؟)
- لا تقود السيارة داخل بركه من المياه مستواها اعلى من الحافة السفليه للاطار.

معلومة 29: صفحة 2.8
- الكهرباء تعنى بنزين اغلق كل الاجهزة التى تعتمد على كهرباء طالما انك لست بحاجه اليها (ودى برضه جديده الكهرباء طالعة من البطارية وايه علاقتها بالبنزين طالما انها كده كده بتتشحن مع العربية).

معلومة 30: صفحة 2.8
- استخدم التكييف. القيادة مع النوافذ المفتوحه تزيد معدل استهلاك البنزين بنسبة 4% عند سرعة 100 كم/س. (دى معلومة خطيره جدا وانا تفاجأت بيها)
- من الطبيعى ان يزيد معدل استهلاك البنزين مع التكييف وخصوصا داخل الاماكن التى بها حركة سير بطيئة.

معلومة 31: صفحة 2.8
نصائح لتقليل معدل استهلاك البنزين
- لو كنت راكن العربية فى الشمس افتح الابواب لدقائق حتى يتسرب الهواء الساخن الى الخارج.
- لا تملأ تانك البنزين الى الحافة حتى لا يفيض.
- لا تترك اى اسقف تم تثبيتها بالسيارة طالما انها فارغة ولست فى حاجه اليها.
- من الافضل ان تقوم بقطر الاشياء الضخمة.
- تجنب استخدام السيارة فى المشاوير القصيرة مع توقف طويل لانه فى هذه الحالة لن تصل السيارة مطلقا الى درجة حرارة التشغيل المثلى.
- زيادة استهلاك البنزين ممكن حدوثه ايضا بسبب ان ضغط الاطارات غير كافى أو استخدام اطارات غير موصى بها.

[josephedward]

معلومة 27: صفحة 2.7
[color=purple]
معلومة 30: صفحة 2.8
- استخدم التكييف. القيادة مع النوافذ المفتوحه تزيد معدل استهلاك البنزين بنسبة 4% عند سرعة 100 كم/س. (دى معلومة خطيره جدا وانا تفاجأت بيها)
- من الطبيعى ان يزيد معدل استهلاك البنزين مع التكييف وخصوصا داخل الاماكن التى بها حركة سير بطيئة.

اظن مكتوب استخدم الهوايات ....

[waleedfadeel]

شكر واجب

اظن مكتوب استخدم الهوايات ....

فعلا كلام حضرتك صح 100% وشكرا جزيلا لانه مكتوب Air vents وليس Air condition وهوه ده الكلام المفروض يتم نراجع ونصحح لبعض لانه طبيعى يكون فيه سهو واخطاء والاهم من ذلك هو التفسير مظبوط ولا مقصود بيه حاجة تانيه وده انا ذكرته فى بداية الموضوع الغرض ليس ترجمة لانها مش مشكلة ولكن الاهم هو استيضاح المعلومة وتفسيرها ومناقشتها وشكرا لحضرتك مرة اخرى.

[ahmedbakr50]

فعلا كلام حضرتك صح 100% وشكرا جزيلا لانه مكتوب air vents وليس air condition وهوه ده الكلام المفروض يتم نراجع ونصحح لبعض لانه طبيعى يكون فيه سهو واخطاء والاهم من ذلك هو التفسير مظبوط ولا مقصود بيه حاجة تانيه وده انا ذكرته فى بداية الموضوع الغرض ليس ترجمة لانها مش مشكلة ولكن الاهم هو استيضاح المعلومة وتفسيرها ومناقشتها وشكرا لحضرتك مرة اخرى.

ويعنى إيه الكلام ده؟؟؟
يعنى إذا مشغل الهوايات الإستهلاك بيزيد؟؟؟

[waleedfadeel]

المقصود ان فتح الشبابيك على سرعة 100 بزيد استهلاك البنزين بنسبة 4%
لو عايز توفر 4% بنزين اغلق النوافذ وشغل الهوايات (مروحة فقط) بدون تشغيل التكييف.

[arch_msaid]

بجد تسلم إيدك المفروض يتم تجميع كل هذه النقاط بعد الإنتهاء ووضعها فى صفحة واحدة ويتم تثبيته.........جزاك الله خير وده علم أسأل الله أن يجعله صدقة جارية ليك ولكل من عاونك يتم الإستفادة بها دائما....

[waleedfadeel]

بجد تسلم إيدك المفروض يتم تجميع كل هذه النقاط بعد الإنتهاء ووضعها فى صفحة واحدة ويتم تثبيته.........جزاك الله خير وده علم أسأل الله أن يجعله صدقة جارية ليك ولكل من عاونك يتم الإستفادة بها دائما....

وجزاك الله خيرا

معلومة 32: صفحة 2.11
حسب حمولة السيارة وخصوصا عندما تكون مركونه على طريق منحدر لابد من استخدام فرملة اليد درجتين على الاقل و خد الغيار الاول او غيار المارشدير.

معلومة 33: صفحة 2.11
لا تركن السيارة وتترك عجلة القيادة فى اقصى دوران لها لان ذلك يتسبب فى تلف طلمبة الباور الخاصة بعجلة القيادة. (اعتقد ان ده كلام مهم جدا)

معلومة 34: صفحة 2.11
نهائيا لا تطفئ المحرك ابدا وانت نازل بالسيارة منحدر وكذلك اثناء القيادة على مستوى عدل (اطفاء المحرك يلغى عمليات مساعدة ضروريه اثناء القياده) (اعتقد منها الفرامل والباور الخ......)

معلومة 35: صفحة 3.3
لا تحاول اضافة اى اشياء من اى نوع الى دائرة التهوية لطرد الروائح الكريهة لان ذلك يتسبب فى تلف دورة الهواء او يسبب حريق.

معلومة 36: صفحة 3.4 و 3.5
بعد فترات طويله واثناء قفل النوافذ
1- مع وضع مفتاح سرعة المروحة على 0
2- او وجود سرعة لمروحة الهواء ولكن مع اختيار نظام دورة الهواء المغلقة اى ان الهواء ياتى من داخل السيارة ويعود اليها بعيدا عن الهواء الخارجى
يتكون بخار ماء على الزجاج الجانبى والخلفى والامامى وربما تحدث بعض المشاكل لعدم استنشاق هواء نقى لفترات طويله.
ولابد من الاسراع بتجديد الهواء.

معلومة 37: صفحة 3.5
المفتاح C هو المسئول عن اختيار نظام دائرة التهويه المغلقة وذلك بوضعه اقصى الشمال او اختيار نظام التهويه المفتوح وذلك بوضعه اقصى اليمين.
(كما ذكرنا سابقا دائرة مغلقه اى ان الهواء ياتى من داخل السيارة ويعود اليها ولا يوجد هواء متجدد والدائرة المفتوحة هى ان الهواء ياتى من خارج السيارة الى داخلها ويكون دائما متجدد)

(للحصول على درجة تبريد اعلى يفضل الدورة المغلقة وفى حالة الحصول على هواء نقى ومتجدد يفضل الدائرة المفتوحة)

معلومة 38: صفحة 3.6
(لابد من فتح الصفحة للتعرف على طرق توزيع الهواء داخل السيارة وذلك عن طريق المفتاح D لانه توجد فتحات كثيرة لخروج الهواء ويمكن التحكم بها حسب الاحتياج وكلما زادت سرعة المروحه زادت كفاءة توزيع الهواء داخل السيارة).لاحظ اننا نتكلم عن الهواء سواء عادى او مكيف.

معلومة 39: صفحة 3.7
- لا يعمل التكييف فى حالة اذا كانت درجة الحرارة خارج السيارة منخفضة.
- اذا وجدت ان الزرار E وهو الخاص بتشغيل التكييف غير منور بالرغم من انك قمت بتشغيله فهذا معناه ان نظام التحكم فى التدفئة والتهويه مماثل تماما للسيارة بدون استخدام التكييف.
(بصراحة مش قادر احدد المعنى الدقيق ولكن اعتقد ان المقصود هو ان درجة حرارة السيارة الداخليه وصلت الى درجة حرارة تساوى درجة الحرارة التى تخرج من التكييف سواء كانت درجة تبريد او درجة تسخين).

لى تعليق فيه شرح عمل التكييف بالتفصيل فى الرابط التالى
وكان تحت عنوان اللوجان والتكييف كلاكت تانى مرة للعضو المحترم ahfares

http://www.nilemotors.net/Nile/164507-a.html

معلومة 40: صفحة 3.8
- معدل استهلاك البنزين يزيد مع استخدام التكييف وخصوصا داخل الاماكن المزدحمة.

- لخفض معدل استهلاك البنزين شغل التهويه واقفل الزجاج، اذا كنت راكن فى الشمس افتح الابواب والنوافذ لطرد الهواء الساخن من داخل السيارة قبل تشغيل المحرك.

معلومة 41: صفحة 3.8
- اذا وجدت ماء اسفل السيارة فهذا معناه انك كنت مشغل التكييف لفتره طويله.
(من المعلوم ان التكييف عموما يتم ضبطه على 50% رطوبه وهى درجة الرطوبه النموذجيه فاذا كان الهواء الذى يمر على المبادل الحرارى للتكييف به رطوبه اعلى من 50% تتكثف الرطوبه الزائدة وتخرج على هيئة ماء).

(على فكره حصلت لى فى يوم غريب هنا فى اسوان واول مرة اقيس الرطوبه واجدها فوق 50% وهى دائما لاتزيد عن 30% ووجدت المياه اسفل العربية واتخضيت وبعدين فكرت واستنتجت الكلام ده والحمد لله وجدناه مكتوب بالحرف فى الدليل)

دائما الكلام بين الاقواس وليس باللون الاسود شرح من عندى او تعليق.

[AHMEDmostafa79]

بجد جزاك اللة كل خير وجعلة في ميزان حسناتك وشكرا ليك.

[mohamedhmk]

ما شاء الله عليك بجد حاجه تشرف

ربنا يحميك

تحياتي

[gebreel]

بجد موضوع اكثر من ممتاز

[shshmoh]

متابع
موضوع جيد جدا و مفيد
شكرا

[zkralla]

موضوع جميل شكله اتعلمل فى الاسبوعين بتوع المصيف عشان كده ما شفتوش

[josephedward]

فعلا كلام حضرتك صح 100% وشكرا جزيلا لانه مكتوب air vents وليس air condition وهوه ده الكلام المفروض يتم نراجع ونصحح لبعض لانه طبيعى يكون فيه سهو واخطاء والاهم من ذلك هو التفسير مظبوط ولا مقصود بيه حاجة تانيه وده انا ذكرته فى بداية الموضوع الغرض ليس ترجمة لانها مش مشكلة ولكن الاهم هو استيضاح المعلومة وتفسيرها ومناقشتها وشكرا لحضرتك مرة اخرى.

على إيه... انا بس أخدت بالي منها لأني لما قريتها برضه استغربت... وبعدين فهمت قصده.. انك لو عايز تهوي العربية (يعني تجدد الهوا فيها وانت ماشي) افتح الهوايات (مش شرط مروحة... ممكن تفتح الهوايات وتخلي الزرار على "من برة العربية" بدل "من جوة العربية" اللي هو الدراع اللي حوالين سرعات المروحة) بدل ما تفتح الشبابيك لأن العربية والشباك مفتوح، بتعمل زي البراشوت وتعبي هوا وتقاومه... وده يزود استهلاك البنزين .. وده طبعا في السرعات العالية بس مش وسط البلد يعني..

[waleedfadeel]

فكرة جميلة و ان شاء الله سوف اشارك بها

معلومات جميله

بجد جزاك اللة كل خير وجعلة في ميزان حسناتك وشكرا ليك.

ما شاء الله عليك بجد حاجه تشرف

ربنا يحميك

تحياتي

بجد موضوع اكثر من ممتاز

متابع
موضوع جيد جدا و مفيد
شكرا

موضوع جميل شكله اتعلمل فى الاسبوعين بتوع المصيف عشان كده ما شفتوش

شكرا لكل الاخوة الاعضاء وادعولى اخلصه قبل ما انزل اجازة