ثبات اللوجان

[ashesh]

السلام عليكم أصدقائى اللوجانية.
أنا أستلمت اللوجان الفول أوبشن من شهر من توكيل المقطم وبجد هى عربية جميلة جداً وتحفة وكل الى شفها وركبها معايا أنبهر بيها جداً
وحبيت أجرب العربية على طريق طوالى سفرت بيها الى بنى سويف عن طريق مصر أسيوط الغربى العربية كانت ممتعة جداً وأنا مسافر بيها بعد صلاة الجمعة وسحبها كويس ونعمة وثبته ولكن وأنا راجع بيها بدائة المشكلة خرجت من بنى سويف على طريق مصر أسيوط الغربى حوالى الساعة 8مساء وكان الجو هواء وبعدين أول العربية معدت سرعة 100كم بدات العربية تلعب مفيش ثبات على طول الطريق العربية تبقى مشى كويس مرة واحدة الى العربية بتحدف وبتلعب بطريقة مش أمان
أعتقدت أن مشكلة زوايا رحت حجزت عند واحد كويس فى المنيل ورحت تانى يوم ظبط زوايا وبتاع الزوايا قلى العربية سليمة ومفيهاش أى حاجة فى العفشة أو الزوايا ومظبوطة حكتلة على اللى حصل أندهش وقال أن الرينو مشهورة بقوة العفشة وثبات القوى جربت العربية تانى على طريق الفيوم وكان يوم هواء لقيت العربية فعلا مفيش ثبات قبل وبعد 100كم
أفيدونى يأهل اللوجان بتجاربكم هى العربية مفيهاش ثبات أعتقد العربية عالية وسقف العربية عالى فى بيخلى العربية خفيفة مع الهواء ولاممكن يكون أية المشكلة

[gebreel]

بص يا باشا انا امبارح كنت ماشي 140 عادي جدا مفيش مشاكل بس فعلا نظرا لعلو العربية عن الارض بعد ال120 لو فيه هوا العربية هتلعب منك لكن 100 دي مش عارف بس اللي بقولوا اللوجان امان حتى لو فيه هواء لحد ال120

[engahmedamin]

انا جربت اللوجان لحد 160 على طريق السخنه و مشيت تقريبا طول الطريق بيها كده و كانت ما شاء الله ثابته جدا و زى الفل
مظنش المشكلة مشكلة هواء .. و لو انه احتمال بس من وجهة نظرى ضعيف
حضرتك بتقول العربية بتبقى ماشية كويس و مرة واحدة بتلعب .. ممكن يكون ده عيب فى تصميم الطريق نفسه .. انا مهندس مدنى و بقولك انه 90% من الطرق فى مصر متصممه و متنفذه غلططط تماما .. و بتلاقي الاسفلت نفسه مش مستوى بطريقة سليمه
ربنا يكفينا شر الطرق فى مصر ..

[Ahmed A Rahman]

هو حضرتك حاطط نيتروجين في العجل


هل حضرتك ضبط الكاوتش اصلا بعد استلام السيارة

[haytham1542]

السلام عليكم أصدقائى اللوجانية.
أنا أستلمت اللوجان الفول أوبشن من شهر من توكيل المقطم وبجد هى عربية جميلة جداً وتحفة وكل الى شفها وركبها معايا أنبهر بيها جداً
وحبيت أجرب العربية على طريق طوالى سفرت بيها الى بنى سويف عن طريق مصر أسيوط الغربى العربية كانت ممتعة جداً وأنا مسافر بيها بعد صلاة الجمعة وسحبها كويس ونعمة وثبته ولكن وأنا راجع بيها بدائة المشكلة خرجت من بنى سويف على طريق مصر أسيوط الغربى حوالى الساعة 8مساء وكان الجو هواء وبعدين أول العربية معدت سرعة 100كم بدات العربية تلعب مفيش ثبات على طول الطريق العربية تبقى مشى كويس مرة واحدة الى العربية بتحدف وبتلعب بطريقة مش أمان
أعتقدت أن مشكلة زوايا رحت حجزت عند واحد كويس فى المنيل ورحت تانى يوم ظبط زوايا وبتاع الزوايا قلى العربية سليمة ومفيهاش أى حاجة فى العفشة أو الزوايا ومظبوطة حكتلة على اللى حصل أندهش وقال أن الرينو مشهورة بقوة العفشة وثبات القوى جربت العربية تانى على طريق الفيوم وكان يوم هواء لقيت العربية فعلا مفيش ثبات قبل وبعد 100كم
أفيدونى يأهل اللوجان بتجاربكم هى العربية مفيهاش ثبات أعتقد العربية عالية وسقف العربية عالى فى بيخلى العربية خفيفة مع الهواء ولاممكن يكون أية المشكلة

السلام عليكم
اخى العزيز
اولا اكيد سيادتك لم تتعدى 3000كم للسيارة
لان نفس الاعراض كنت بلاحظها و خصوصا لمبة الباب الي كانت بتنور و تطفى مع المطبات و ايضا العربية كانت بتحدف
جهة اليسار..
و لكن باقترابى من 3000كم سوقف تلاحظ باختفاء هذة الاعراض
و هذا يطابق الكاتلوج .. لانه مكتوب السيارة سوف تعمل بكفائة 100% بعد 3000 كم

و ربنا يحفظهالك و يرزق خيرها و يكفيك شرها

[ayman1204]

لا يا معلم
انا كل يوم على الدائرى بيها
وباخد غرز على ال 150 بيها وانا مكبر الخط اهو
ايوة باخد غرز على ال 150 بيها

وثبات ثبات

[ashouhdy]

!!!!!!!!!!!!!!!!!

غرز ع 150 وثبات ثبات :)))))) ياراجل اتقى الله انت ممكن تضيع ناس بكلامك دة

[ayman1204]

!!!!!!!!!!!!!!!!!

غرز ع 150 وثبات ثبات :)))))) ياراجل اتقى الله انت ممكن تضيع ناس بكلامك دة

فاكرنى بهزر صح

اه والله حتى اصحابي اول لما بطلع على الدائرى كلهم بيلبسوا الاحزمة
بس فعلا الكلام دا والله بجد
غرز على ال 150 وجبت بيها فى طريق الكرميات قبل كدة ال 180

[roua2007]

انا جبت بيها 170 وكانت ثابتة جدا بس مرة كنت ماشي علي الدائري زكان في هو جامد جدا وجيت معدي من جمب نقل كبير وكنت معدي ال 120 لاقيت حده بس بسيطة بس برده حسيت بيها واعتقد كل العربيات اللي في الفئة دية كده وان كان انا اعتقد انعا اثبت من الفيرنا واللاتوس

[faresattar]

أنا بسوق يومياً على طريق بورسعيد ـ دمياط .. بمحاذاة البحر حوالي 30 كم طريق سريع ... وطبعاً الهواء بيكون شديد جداً على الطريق ده لأنه مجاور للبحر مباشرة وبحس بتأثيره على العربية في السرعات .. بس بصراحه لما الهوا بيبقى خفيف العربية بتبقى ثابته وكويسه ..

[a7madahly]

انا مبحسش بتأشير الهوا دا خالص على العربيه

[kokofepss]

انا قفلت العداد

انا قفلت العداد السنة اللى فاتت وانا مسافر مطروح ...لغاية 180 العربية ماسكة نفسها جدا مع وجود هوا شديد

[waleedfadeel]

انا سافرت صحراوى اكتر من مرة والخلاصة هى
- مع وجود رياح شديده العربية بتعوم بعد ال 120
- فى حالة عدم وجود رياح انا وصلت ل 160 وما فيش ثبات احلى من كده

[Super_Star_h]

بعد ال 140 ع الصحراوي كان في هواء شديد جدآ جاي عكسى لدرجه انه كان بيميل الشجر جاااامد
العربيه ساعتها مكنتش عايزه تسحب ولا تزيد عن 140
وفى نفس الوقت العربيه بقت عوامه قومت نازل بالسرعه طبعآ
بس بعدهاا بشويه جبت بيهاا 160 عادي جدآ وكانت ثايته

[ashouhdy]

الحمد لله ناس اهو بتتكلم بالعقل و للواقعية تحياتى ليكم ياجماعة والله