ثبات اللوجان

[Xlance2010]

الله يطمنكو لانى قلقت من كلام عدم الثبات فى الاول ولكن كلامكم طمنى والحمد لله

[akerima]

السلام عليكم جميعا

اولا احب اعتذر بالنيابة عن اي لوجناوي غلط في اي حد مش لوجناوي - دا طبعا اذا سمحولي - وعذري ان انا بحب المنتدي دا بجنون ومش مبسوط من اللي بيحصل

ثانيا - كون ان احنا بنحب عربيتنا وبندافع عنها باستماتة بالطريقة دي دا يوضح ان العربية كويسة لان مش معقولة كل الناس دي تتفق انها تبهدل نفسها وتتعصب علي حاجة تعبانة - انا للاسف جديد علي المنتدي وكتير من الناس مايعرفونيش (ودي فرصة نتعرف بالناس كلها) وانا بتاكيد معرفش الناس هنا باستثناء حبيبي مصطفي بس بجد خدوا كلامي ثقة العربية مش لازم تبقي ثابتة ثبات ابو الهول علي الطريق ولا ماتور طيارة ولا عفشة نار ولا مصفحة عشان تبقي عربية حكاية - العربيات عشرة - مجنون دا يا اخويا ولا اية - اه والله مهو مثلا البيتلز ما بعتش ملايين عشان هيا اجمد عربية ولا ماتور طيارة لكن الناس حبيتها ولاقيتها مماتشة احتياجاتهم وارتبطت بيها ارتباط كبير وعشان كده باعت

طب اية اللي يخلي العربية عشرة؟؟؟؟؟؟ اكيد قلة مشاكلها ومدي ملائمتها لاي بني ادم - هل الكلام دا متوفر في اللوجان - انا رايي انة بنسبة كبيرة جدا جدا ودا اللي مخلي الناس اللي ركباها حبيتها للدرجادي وبتدافع عنها اوي كده - ودا تفسيري للموقف اللي احنا محطوطين فية دلوقت

عموما انا عن نفسي معرفش اركب عربية الا لما احس انها بقت من العيلة - يعني انا طول عمري بقالي 18 سنة بسوق عدت عليا جميع انواع الجولفات التي تتخللها بعض البيتلز وواحده فولفو وواحده بي ام 316 موديل 79 (اه لتفتكروا ان انا ركبت بي ام بجد) انا مرتحتش الا في الجولفات والبيتلز وللاسف مش في الفولفو ولا البي ام لية معرفش - محستهمش - الي ان حبانا الله بالست لوجان - في الاول محستش بيها لكن مع الوقت حبيتها بجنون لية؟؟؟ برضة معرفش

فلنا كل العذر في حدة الكلام او مهاجمة اي حد يعيب في العربية لان من وجهة نظرنا انت بتعيب في حاجة انا بحبها اوي - زياده علي كده انا شايف ان ملهاش عيوب جوهرية تذكر ولهذا كل من يعيب فيها فهو اثم ويستحق الجلد او الشنق (دا من وجهة نظرنا) تعيب لية في حاجة مفهاش عيب؟؟؟؟؟؟؟؟؟؟

ولهذا فقد تقرر (ال يعني انا اللي بقرر) عدم تكرار جرم انتقاد اللوجان باي شكل من الاشكال .............. دعابة طبعا

اللي عايز يقول حاجة يقولها بس يا ريت الموضوعية واحنا كاعضاء ومالكي اللوجان تحت امر اي حد عايز يستفسر عن اي حاجة ويا ريت براحة ومن غير كلام جارح ونعدكم ان الردود حتبقي بالسلبيات قبل الايجابيات لان في الاخر يهمنا افادة الجميع

اخيرا تقبلوا تحياتي

اللون الاحمر مخصص للادارة فقط

مشرف 12ب

[MOUSTAFA_SAAD]

منور ياباشا
فينك مختفى بقالك حوالى 4 ايام كان فيهم حواديت كتير
والله الكلام اللى انت بتقوله ده عين العقل
وكويس انك مكنتش موجود يوم الجمعه وشوفت الموضوع اللى اتعمل فى قسم الاوبل كان حاجه تحرق الدم فعلا وتجيب الضغط والسكر كمان
بس بصراحه الناس هناك قمه فى الاحترام والادب وخصوصا طنانى باشا لانه لما حس ان الموضوع بايخ وحيعمل مشاكل قفل الموضوع وحذفه

[akerima]

معلش يا عمنا انا كنت مسافر القاهرة ولسة راجع امبارح بالليل وطبعا علي السرير عدل لغاية الصبح - وللاسف فوجئت بالموقعة الحربية اللي علي المنتدي هو فية اية حصل عند الناس بتاعة الاوبل اية الحكاية

[MOUSTAFA_SAAD]

تابع هنا ياباشا

http://www.nilemotors.net/Nile/225283-a.html

بس الناس بتوع اوبل دول بصراحه محترمين فوق الوصف

[akerima]

للاسف قريت الموضوع وبجد زعات جدا اني مكنتش موجود معاكوا يا رجالة اللوجان عشان ارد علي كاتب الموضوع - طبعا مش مهاجمتة بس انت عندك حق يا مصطفي الموضوع ينرفز - بس اللي انا استغربتلة جدا يعني اية كنت ماشي بسرعة وبصيت في العداد لقيتة علي 45 يبقي اكيد الشارع هوا اللي كان بيجري مش العربية اية الكلام دا - المهم يا عم مصطفي ان احنا عارفين قيمة اللي احنا راكبينة سيبك من الكلام دا وربنا يباركلنا في لوجي

[MOUSTAFA_SAAD]

معاك حق يااستاذ اشرف
اهم حاجه ربنا يباركلنا فى لوجى