ثبات اللوجان

[ashouhdy]

انا قفلت العداد السنة اللى فاتت وانا مسافر مطروح ...لغاية 180 العربية ماسكة نفسها جدا مع وجود هوا شديد

سرعة ١٨٠ اى عربية وزنها بيقل٪ ٨٠ و الطبيعى انه تكون خفيفة جدا وعرضة للقلبان الا لو بنتكلم على المانى عالى قوى مرسيدس بى ام باسات

[MOUSTAFA_SAAD]

بس هى بصراحه فى الملفات جميله واحسن من اللانوس اللى جربتها بكتير جدا

[akerima]

هيا فعلا بتبقي في الهوا الشديد لو انت ماشي علي سرعة ممكن تقلق منها لكن بمنتهي الامانة انا حبت بيها 165 وكن علي الدولي الساحلي وقلقت في الاول لكن لقيت ان الموضوع كله مش قلة ثبات ولا حاجة لان العربية مابلعبش يمين وشمال لكن بتحسسك بخبط الهوا فيها طبعا لان سقفها عالي لكن متقلقش مش حتلعب منك في الطريق باذن الله

لي كلمة اخيره للاخ ashouhdy هيا اللوجان عملتلك حاجة؟؟؟؟؟؟؟؟؟

انت بس داخل عشان تعيب في العربية لو لك تجربة قيادة يا ريت تحكيلنا عليها اوياريت بلاش الكلام المرسل بدون تجربة

[city_ct]

السيارة وزنها 980 كم و الايروداينامكس لجسمها قد لا يكون الأفضل على الإطلاق لذا من الطبيعى جدا تأثر السيارة بالرياح بشكل طردى مع زيادة السرعة. و هذا لا يعيب سيارة فى فئة اللوجان فأولا و أخيرا هى سيارة مدنية و غير رياضية.

و أعتقد أن أى سيارة سوف تتأثر بالرياح. هل أحد جرب طريق الزعفرانة بعد محطة توليد الكهرباء بالرياح، أنا جربت هذا الطريق بسيارة كيا سبكترا و معى شخصين بالغين و كنت على سرعة 90 كم/ساعة و الهواء كان يؤثر كثيرا على اتجاه السيارة و خاصة فى المناطق التى تنقطع فيها حواجز نيوجيرسى.

[ashouhdy]

انا مش بقول كلام من غير تجارب لكن لما واحد يسأل سؤال و يترد علية انها ع 180 بتبقي ثابتة وكمان في هوا شديد يبقي هو دة الكلام اللي يودي في مشاكل و حوادث لأنة كلام غلط لأن مفيش عربية في الفئة دي و ع السرعة دي و في هوا شديد و تبقي ثابتة

[themyth999]

خصوصا لمبة الباب الي كانت بتنور و تطفى مع المطبات

عملت ايه يا باشا في موضوع نور الصالون ده اصلو عندي و التوكيل عملو و رجع تاني
الحوار ده مزعج جداً و عايز اصلحو

[elshaky]

يا جدعان انا ركبت مرسيديس 280 كومبرسور

وركبت باسات وركبت بى ام 318 بجد العربيات دى فى وجود الهوا اصحابى مكانوش بيزودو على 120 لان الهوا اقوى من اى وزن سياره وممكن يحرك كونينر بتاع نقل مش عربيه صغيره وبجد اللوجان عربيه ثابته اكتر من النيو اكسنت والاوبترا عن تجربه وفى ثباتها ماشوفتش زى

بجد عربيه اوروبى وما ادراك ما الاوروبى بجد ناس دماغها جامده اوى اوى بتهتم بالأمان فى المقام الاول واى حاجه تيجى رقم اتنين بجد انا اللى بيقول الهوا ومش عارف ايه انا كنت ماشى على 140 والهوا كان شديد شويه والحمد لله حاسس ان فى هوا وكان ماشى جنبى بتاع سيراتو والله العربيه كانت ضايعه عماله تروح منه يمين وشمال وانا روحت هديت ل 120 وكنت سايب الدريكسيون والله انا ما شوفتش ثبات فى الفئه دى كده لكن بالنسبه لطريق السخنه اساسا مش حلو ومتصمم بطريقه غير علميه خالص وبايظ وبالنسبه للمرسيديس والبى ام والباسات كل دول انا سافرت بيهم مع ناس اصحابى وكانو بيجيبوا 220 / 200 /230 وكمان بياخدو غرز لكن لما بيبقى فى هوا بيمشوا بالعفيه على 120 لان الهوا مالهوش امال واللى مش مصدقنى الهوا يغلب اجدع عربيه المانى وامريكانى كمان قوه الهوا كانت بتوقع عربيات نقل من على الطريق والكلام ده قدام عينى والله الشاهد على كلامى

ومحدش يفتكرنى بعيب فى المرسيديس ولا البى ام انا اساسا مقتنع ان دول مش عربيات دول طيارات بجد عربيات فوق الوصف انا بقولكم ركبت انواع منهم كتير اوى اوى وبجد عربيات فى منتهى الثبات وكانوا بياخدو غرز على 220 فى عربيه فى الدنيا تاخد غرزه على 220 وتكون ضيقه كمان

انا اسف على الاطاله

[elshaky]

انا جربت اللوجان لحد 160 على طريق السخنه و مشيت تقريبا طول الطريق بيها كده و كانت ما شاء الله ثابته جدا و زى الفل
مظنش المشكلة مشكلة هواء .. و لو انه احتمال بس من وجهة نظرى ضعيف
حضرتك بتقول العربية بتبقى ماشية كويس و مرة واحدة بتلعب .. ممكن يكون ده عيب فى تصميم الطريق نفسه .. انا مهندس مدنى و بقولك انه 90% من الطرق فى مصر متصممه و متنفذه غلططط تماما .. و بتلاقي الاسفلت نفسه مش مستوى بطريقة سليمه
ربنا يكفينا شر الطرق فى مصر ..

كلام مظبوط 100 % انا بحس بالعربيه انها متعفرته لما بيكون الطريق زفت ولما بيكون كويس بجد بتبقى زى الالمانى بتكلبش فى الطريق وبالنسبه للغزر الحمد لله باخد غرز على 140 وفى منتهى الثبات

[akerima]

انا مش بقول كلام من غير تجارب لكن لما واحد يسأل سؤال و يترد علية انها ع 180 بتبقي ثابتة وكمان في هوا شديد يبقي هو دة الكلام اللي يودي في مشاكل و حوادث لأنة كلام غلط لأن مفيش عربية في الفئة دي و ع السرعة دي و في هوا شديد و تبقي ثابتة

والله يا سيدي فية



















اسمها علي ما اظن[glow1=#1f1a1a] رينو لوجان[/glow1]

[ashouhdy]

ربنا يباركلك فيها

[ashesh]

شكرا على الردود الجميلة
أنا أستلمت العربية فى 3/5/2011 ولسة معدتش 1500كم وضابط الكاوتش الامانى على 28 والخلفى 30 هواء عادى
ممكن نعرف أية الفكرة ان العربية بتعمل ثبات بعد 3000كم.

[ZOTYE]

انا عن نفسى استلمت العربية فى 26\1\2011 و هى دلوقتى عاملة 5000 كيلو عاوز اقولكم انى جبت بيها 190 كيلو على طريق اسكندرية القاهرة الصحراوى و كانت ثابتة و كنت بتحكم فيها بأيد واحدة والله و كمان بغرز بيها على 140 و مقلتش لأ بص انت لو مش مصدقنى ادخل على جروب اسمه: اللوجان لما تدلع تخلى الأسفلت يولع على الفيس بوك لأن انا مش بعرف ارفع فيديو على المنتدى بصراحة ...
حاجة اخيرة للدكتور شهدى انت ليه كاره العربية كدة بجد والله لو ركبتها و سقتها هتغير فكرتك عن العربية و هتستمتع بسواقتها و ساعتها هتفكر تبيع عربيتك و تجيب لوجان بجد العربية رائعة و اقتناعى بيها و عشقى لها بيزيد يوم بعد يوم جرب بس و مش هتندم و اتقى الله يجعل لك مخرجا و اسف على الأطالة و ربنا يباركلنا فى لوجى و يكفينا شرها و تقبلوا خالص تحياتى ....

[elshaky]

انا عن نفسى استلمت العربية فى 26\1\2011 و هى دلوقتى عاملة 5000 كيلو عاوز اقولكم انى جبت بيها 190 كيلو على طريق اسكندرية القاهرة الصحراوى و كانت ثابتة و كنت بتحكم فيها بأيد واحدة والله و كمان بغرز بيها على 140 و مقلتش لأ بص انت لو مش مصدقنى ادخل على جروب اسمه: اللوجان لما تدلع تخلى الأسفلت يولع على الفيس بوك لأن انا مش بعرف ارفع فيديو على المنتدى بصراحة ...
حاجة اخيرة للدكتور شهدى انت ليه كاره العربية كدة بجد والله لو ركبتها و سقتها هتغير فكرتك عن العربية و هتستمتع بسواقتها و ساعتها هتفكر تبيع عربيتك و تجيب لوجان بجد العربية رائعة و اقتناعى بيها و عشقى لها بيزيد يوم بعد يوم جرب بس و مش هتندم و اتقى الله يجعل لك مخرجا و اسف على الأطالة و ربنا يباركلنا فى لوجى و يكفينا شرها و تقبلوا خالص تحياتى ....

لا كلام بعد كلام حضرتك يا باشا بجد والله انا بقول كلامك ده لكل الناس اللى مش معاهم اللوجان بجد اركب العربيه وقيمها انت

كفيت ووفيت يا استاذى الكبير

[Esam Mosaad]

انا مره جبت بيها 320 وطلعت من بوجاتى والحمد لله صحيت
!!!!!!!!!!!!!!!!!!!!!!!!!!!!!!!!!

[MNabeih]

شكرا على الردود الجميلة
أنا أستلمت العربية فى 3/5/2011 ولسة معدتش 1500كم وضابط الكاوتش الامانى على 28 والخلفى 30 هواء عادى
ممكن نعرف أية الفكرة ان العربية بتعمل ثبات بعد 3000كم.

و عايز ثبات؟؟؟؟!!!!

عادة ضغط الكاوتش الامامي لازم بيكون اكتر من الخلفي, شوف في الكتالوج الضغط المظبوط و اعمله حتي لو بتاع الكاوتش قالك غير كدة.