تجربتي مع اللوجان

[me_medoo]

بسم الله الرحمن الرحيم

السلام عليكم شباب النيل ...أنا النهرده عاوز أديكم تجربتي مع اللوجان علشان الي بيفكر يشتريها يعرف كويس أيه عيوبها .

أولاً : في المجمل العربية اللوجن عربية حلوة وجميلة الشكل وشكلها فخم وضخم وتعتبر الأجمل وسط مثيلاتها من الانوس والفيرنا لكن وحط تحت لكن دي خمسين خط :

1- العربية تكيفها رائع وجامد جداً لكن يافرحتي في هوى سخن جي من تحت التابلوة من الطور للكبينة عدل ولاحظت المشكله دي حتى عند زميلي الي عندهم نفس الموديل انا كنت جايبها 2011 .

2- قزاز العربية ضعيف جداً وميسواش تلاته تعريفة طول ما انتا ماشي يقعد يزقزق جمب منك وكأنوو مفكووك .

3- بيدخل زجاج السيارة الشمس كاملة بجميع أشعتها البنفسجية والحمراء والصفراء للي يخلي الكبينة نااااااااااااااااااااااار في الصيف .

4- العربية سفاحت بانززززين عن مثيلاتها من ال 1600 سي سي .

5- على الرغم أن فراملها قوية وحلوة تيل الفرامل بيبدء يصفر من الوقوف بالزحمه المتكرر ... ولازم تغيرو كل 30.000 كيلو على ماسمعت .

6- العربية سريعة وجراية بس تحس أنها بتزعق وتنهج لمن تجريها وصوت المطور يامشاء الله متسمعش الي جمبك نهائي .

7- توكيلها زي الزفت ويعد على الاصابع ... ولو جربت تروح كده وتخطف رجليك لمطلع المقطم واتفرج على أعظم توكيل في التاريخ ياراجل دي لو ورشة في الحرفين هتكون أنضف من كده ... وأسعارهم هيا نفس أسعار التوكيلات الفخمه المكيفه الي بتشوف عربيتك بيتعمل فيها أيه ... وشوف الجمال والحلاوة لمن يرموو عربيتك في الجبل لحد مايجي دورها ... ولازم تروح الساعه 8 الصبح أوعه تنسى لازم تيجي بدري علشان تمشي 4 العصر ... ومتنساش تحجز قبليها بفترة كبيرررررررررررررة علشان الصيانة .

8- الأضاءة بتاعت العربية زي الزفت لمبة بتنور بعييييييييييد ولمبة قدامك بمتيرين ولو ركزت هتلاقيها حرف أكس على الارض وعندك مساحة عامية في الرؤيا الليلية .

9- فتحت شبابيك العربية الكبيرة زي الزفت أن قفلت الشباك علشان تسمع الي جمبك من صوت أزعاج المطور تتخنق من الحرررر الي داخلك على الكبينة وأن فتحتوو تلاقي الهوى ضارب في صرصور ودنك ومتسمعش الي جمبك نهائي ده غير انو بيطير شعرك وينعكشوو كأنك كنت بتتخانق .

10- عمرك ما هتحس بالامان بعد 120 ولا بالثبات دي أصلا أصلا بعد المية بتبقى طااااااير ولو في سبت فكة واقع على الارض قدامك لو فديتو ممكن تنقلب .

11- مفاتيح الكهربا بتاعت الشبابيك الخلفية محطوطة في مكان عقيم جداً ولازم توطي علشان تطولوا لو عاوز تفتح او تقفل الشباك .

12- سرعة فتح وقفل الشبابيك بطيئة جداً وياريتني جبتها فاضية مش كاملة على الاقل هتحرك بالأوكرة بتاعت الشباك أسرع من كده .

13- بالنسبة للهيكل الخارجي الجميل والفخم هو هو بنفس وزن الانوس (الضعيفه) لكن اللهم هما شادينو على الاخر بحيث يضعف قوتو فلو واقف في موقف والعربية الي جمبك عيل صغير فتح الباب بقوة وخبط خبطة صغيره في عربيتك تحس أنها خبطة كبيرة لأن صاجها ضعيييف جداً وأقل خبطة تحسها حدثة .

14- بالنسبة للمسحات بتاعت العربية كارثه في عالم السيارات بتمسح 60% من القزاز فقط وترفع الميه فوق وطبعاً لأن البرفريز بتاعها واقف بنسبة 80 درجة فالمية بتنزل تناي على القزاز وتوسخو بالذات في النص لذلك نصيحه يتشغلها على طول ياتجيب حتتين وحده في ايدك وانتا سايق والتانية في ايد المدام وطلع راسك من الشباك وأمسح البرفريز ههههههههه .

15- وأجمل كدبة تسمعها في العربية أن فيها باور ... قال بور قال ...

16- أما عن الأبواب حدث ولا حرج جرب كده تفتح أي باب من الي ورى وتقفلوو وهتحس على طول برزعت الباب الجميلة ويقولك يا باشا الرينو كلو كده .

17- العربية دي فيها ميزة مش هتلاقيها في اي عربية ... عمرك شفت سقف عربية من جوا بيهبب بسرعه ويبقى كلوو هباب ووساخة وتراب وعفار ...بص كده في اي عربية لوجن وشوف قد أيه سقفها الداخلي من جوا قذر وده نتيجة الهوى الي بيدخل من المطور للكبينة بسبب سخونيتوو بيتصاعد للسقف بحكم انو عالي ومتكملش اسبوعين وغير تلاقي السقف قد ايه قذر ...بس حلو بسيط هتلك مكنسة كهربا مع العربية كل أسبوع أكنسوو . ملاحظة الهوى الي بيجب من المطور للكابينة بيجيلك من تحت التابلوة أو من وراه من منطقة الأقدام كده .

18- عربية غير عاطفية بالمرة ومتحسسش بأي متعه نهائي في سواقتها

في المجمل هيا عربية حلوة وربنا يوفق الي عاوز يشتريها ... ممكن لو واحد ركيب كان بيركب فيت و 128 والكلام ده يحسها أمله ونقلة نوعية في حياتو ... وهيا يمكن تقدر تقول عليها لادا 2011 او شاهين 2011 مطورة فقط لاغير .
ويمكن للي ملوش خبرة في العربيات يقول عليها وااااااااااو بس هيا مكملتش نص حرف الواو بس الحق يقال العربية عالية عن الاسفلت وعائلية وتكيفها ممتاز بس لولا عيب حرارة الكبينة وانا كنت جايبها فضي وكبينتها بتسخن في الصيف حتى بالليل بحس ان الكراسي مولعه وحرارة المطور طبيعية فما بالكم لو اشتريتها سودة كنت عملت ايه ... والكراسي فرشها فبريكه أمال لو ركبتهم جلد كنت عملت أيه في حرارت الكبينة .
والله على ما أقول شهيد ...

بالمناسبة خبراتي السابقه وما ملكته في السيارات والملك لله ( كابريس 86كامري 88لانوس2004 بيجو 505 كرولا 96 ماتريكس 2006شاهين 2003 تويوتا يارس 2008 نيسان مكسيما 2000 وسوبارو vxr ) .

[proper1981]

ايه يا ابني اللى انت كاتبه دااااااااااااااا

انت شكلك ما ركبتش العربية اصلااااااا

[nouranwar]

الافادة من راكبي اللوجان علشان بصراحة مش مصدق اللي بقراه من كتر شكر راكبيها فيها كعربية شبابية و عائلية محترمة جدا و بصراحة بحبها جدا

[Ahmed Selim]

9- فتحت شبابيك العربية الكبيرة زي الزفت أن قفلت الشباك علشان تسمع الي جمبك من صوت أزعاج المطور تتخنق من الحرررر الي داخلك على الكبينة وأن فتحتوو تلاقي الهوى ضارب في صرصور ودنك ومتسمعش الي جمبك نهائي ده غير انو بيطير شعرك وينعكشوو كأنك كنت بتتخانق .

[kar!m]

معظم العيوب اللى حضرتك ذكرتها عيوب تقفيل .. و دى حاجه معروفه و كل ملاك اللوجان عارفينها و بتتضبط فى التوكيل.

[mohamed1979]

بسم الله الرحمن الرحيم

السلام عليكم شباب النيل ...أنا النهرده عاوز أديكم تجربتي مع اللوجان علشان الي بيفكر يشتريها يعرف كويس أيه عيوبها .

أولاً : في المجمل العربية اللوجن عربية حلوة وجميلة الشكل وشكلها فخم وضخم وتعتبر الأجمل وسط مثيلاتها من الانوس والفيرنا لكن وحط تحت لكن دي خمسين خط :

1- العربية تكيفها رائع وجامد جداً لكن يافرحتي في هوى سخن جي من تحت التابلوة من الطور للكبينة عدل ولاحظت المشكله دي حتى عند زميلي الي عندهم نفس الموديل انا كنت جايبها 2011 .

كل اللوجان فيها المشكله دى و بيتركب فى التوكيل بدون اى مشكله

2- قزاز العربية ضعيف جداً وميسواش تلاته تعريفة طول ما انتا ماشي يقعد يزقزق جمب منك وكأنوو مفكووك .

التزييق ده من وساخه فى مجرى الزجاج وعند تنظيف المجرى بيروح اى صوت بتسمعه
3- بيدخل زجاج السيارة الشمس كاملة بجميع أشعتها البنفسجية والحمراء والصفراء للي يخلي الكبينة نااااااااااااااااااااااار في الصيف .

معرفش بصراحه اذا كان الزجاج معالج و لا لأ
بس كل العربيات كده(اى عربيه فى الفئه السعريه دى)
4- العربية سفاحت بانززززين عن مثيلاتها من ال 1600 سي سي .

الكلام ده مش منطقى بالمره العربيه بتعمل عندى داخلى مع التكييف حوالى 190 الى 200 فى الصفيحه

5- على الرغم أن فراملها قوية وحلوة تيل الفرامل بيبدء يصفر من الوقوف بالزحمه المتكرر ... ولازم تغيرو كل 30.000 كيلو على ماسمعت .

هو حضرتك عايز التيل يقعد اد ايه (التيل اول مره عمل 33000 الف تانى مره عمل عمل 28000 الف حسب المشى و الدوسعه على الفرامل فى ناس التيل مكملش 10000 الف )

6- العربية سريعة وجراية بس تحس أنها بتزعق وتنهج لمن تجريها وصوت المطور يامشاء الله متسمعش الي جمبك نهائي .
بعد التلين الكلام ده بيختفى و صوت العربيه بينعم جدا

7- توكيلها زي الزفت ويعد على الاصابع ... ولو جربت تروح كده وتخطف رجليك لمطلع المقطم واتفرج على أعظم توكيل في التاريخ ياراجل دي لو ورشة في الحرفين هتكون أنضف من كده ... وأسعارهم هيا نفس أسعار التوكيلات الفخمه المكيفه الي بتشوف عربيتك بيتعمل فيها أيه ... وشوف الجمال والحلاوة لمن يرموو عربيتك في الجبل لحد مايجي دورها ... ولازم تروح الساعه 8 الصبح أوعه تنسى لازم تيجي بدري علشان تمشي 4 العصر ... ومتنساش تحجز قبليها بفترة كبيرررررررررررررة علشان الصيانة .

حضرتك مرحتش العبور و لا القطاميه فرق كبير بين المقطم و بين العبور و القطاميه
8- الأضاءة بتاعت العربية زي الزفت لمبة بتنور بعييييييييييد ولمبة قدامك بمتيرين ولو ركزت هتلاقيها حرف أكس على الارض وعندك مساحة عامية في الرؤيا الليلية .

نور العربيه من اول ما استلمتها كان مظبوط اوى
عربيه وا حد صاحبى مكنتش مظبوطه و ظبتها بنفى فى 5 دقائق
9- فتحت شبابيك العربية الكبيرة زي الزفت أن قفلت الشباك علشان تسمع الي جمبك من صوت أزعاج المطور تتخنق من الحرررر الي داخلك على الكبينة وأن فتحتوو تلاقي الهوى ضارب في صرصور ودنك ومتسمعش الي جمبك نهائي ده غير انو بيطير شعرك وينعكشوو كأنك كنت بتتخانق .

10- عمرك ما هتحس بالامان بعد 120 ولا بالثبات دي أصلا أصلا بعد المية بتبقى طااااااير ولو في سبت فكة واقع على الارض قدامك لو فديتو ممكن تنقلب .

اى عربيه بعد ال 120 مش امان
الأمان الى بتكلم عليه نسبى بيختلف من شخص لأخر و حسب نوع الطريق و اتجاه الهواء
العريبيه بجيب بيها 160 و الى راكب معايا مبيعرفقش السرعه غير من العداد

11- مفاتيح الكهربا بتاعت الشبابيك الخلفية محطوطة في مكان عقيم جداً ولازم توطي علشان تطولوا لو عاوز تفتح او تقفل الشباك .
معاك فى الموضوع ده

12- سرعة فتح وقفل الشبابيك بطيئة جداً وياريتني جبتها فاضية مش كاملة على الاقل هتحرك بالأوكرة بتاعت الشباك أسرع من كده .

ده اكيد من الوساخه الموجوده فى مجرى الشبابيك

13- بالنسبة للهيكل الخارجي الجميل والفخم هو هو بنفس وزن الانوس (الضعيفه) لكن اللهم هما شادينو على الاخر بحيث يضعف قوتو فلو واقف في موقف والعربية الي جمبك عيل صغير فتح الباب بقوة وخبط خبطة صغيره في عربيتك تحس أنها خبطة كبيرة لأن صاجها ضعيييف جداً وأقل خبطة تحسها حدثة .

14- بالنسبة للمسحات بتاعت العربية كارثه في عالم السيارات بتمسح 60% من القزاز فقط وترفع الميه فوق وطبعاً لأن البرفريز بتاعها واقف بنسبة 80 درجة فالمية بتنزل تناي على القزاز وتوسخو بالذات في النص لذلك نصيحه يتشغلها على طول ياتجيب حتتين وحده في ايدك وانتا سايق والتانية في ايد المدام وطلع راسك من الشباك وأمسح البرفريز ههههههههه .

15- وأجمل كدبة تسمعها في العربية أن فيها باور ... قال بور قال ...

معاك ان الباور تقيل
16- أما عن الأبواب حدث ولا حرج جرب كده تفتح أي باب من الي ورى وتقفلوو وهتحس على طول برزعت الباب الجميلة ويقولك يا باشا الرينو كلو كده .

17- العربية دي فيها ميزة مش هتلاقيها في اي عربية ... عمرك شفت سقف عربية من جوا بيهبب بسرعه ويبقى كلوو هباب ووساخة وتراب وعفار ...بص كده في اي عربية لوجن وشوف قد أيه سقفها الداخلي من جوا قذر وده نتيجة الهوى الي بيدخل من المطور للكبينة بسبب سخونيتوو بيتصاعد للسقف بحكم انو عالي ومتكملش اسبوعين وغير تلاقي السقف قد ايه قذر ...بس حلو بسيط هتلك مكنسة كهربا مع العربية كل أسبوع أكنسوو . ملاحظة الهوى الي بيجب من المطور للكابينة بيجيلك من تحت التابلوة أو من وراه من منطقة الأقدام كده .

اى عربيه لون السقف فاتح حتلاقيه بتوسخ بسرعه
زى الأنسر مثلا و كمان الجو فى مصر مليان تراب و عواده سيارات

18- عربية غير عاطفية بالمرة ومتحسسش بأي متعه نهائي في سواقتها

الموضوع ده نسبى من شخص لأخر
في المجمل هيا عربية حلوة وربنا يوفق الي عاوز يشتريها ... ممكن لو واحد ركيب كان بيركب فيت و 128 والكلام ده يحسها أمله ونقلة نوعية في حياتو ... وهيا يمكن تقدر تقول عليها لادا 2011 او شاهين 2011 مطورة فقط لاغير .
ويمكن للي ملوش خبرة في العربيات يقول عليها وااااااااااو بس هيا مكملتش نص حرف الواو بس الحق يقال العربية عالية عن الاسفلت وعائلية وتكيفها ممتاز بس لولا عيب حرارة الكبينة وانا كنت جايبها فضي وكبينتها بتسخن في الصيف حتى بالليل بحس ان الكراسي مولعه وحرارة المطور طبيعية فما بالكم لو اشتريتها سودة كنت عملت ايه ... والكراسي فرشها فبريكه أمال لو ركبتهم جلد كنت عملت أيه في حرارت الكبينة .
والله على ما أقول شهيد ...

بالمناسبة خبراتي السابقه وما ملكته في السيارات والملك لله ( كابريس 86كامري 88لانوس2004 بيجو 505 كرولا 96 ماتريكس 2006شاهين 2003 تويوتا يارس 2008 نيسان مكسيما 2000 وسوبارو vxr ) .

على فكره انا مش راكب عربيه لوجان واحده معايا اكتر من 4 عربيات فى العائله و اصدقائى

[shawkylotfy]

الله المستعان دة مفيش حاجة عجبتك فى العربية خالص بس انا سمعت موضوع السخونة الى بتيجى من ورا الماتور

[ahmedsrs]

انت خرشمت العربية عموما لو لم تختلف الاذواق لبارت السلع

[waelfarid]

دا كدا داخل يعمل دعاية للعربية
فرقعة عكسية يعني
مكانتش تبقي منتشرة

[me_medoo]

بصراحة انا قريت كل تعليقاتكو ياشباب وأشكركم على تفاعلكم بالموضوع ... بس الحقيقة انا ميهمنيش شركة العربية ولا العربية نفسها لكن يهمني أي أنسان يشتري العربية يعرف هو هيشتري أيه وميتغرش بالشكل ...

أما بالنسبة لأخونا محمد أشكرك في حجات نتفق عليها وفي حجات نختلف عليها زي
اى عربيه بعد ال 120 مش امان
الأمان الى بتكلم عليه نسبى بيختلف من شخص لأخر و حسب نوع الطريق و اتجاه الهواء
العريبيه بجيب بيها 160 و الى راكب معايا مبيعرفقش السرعه غير من العداد

حبيب قلبي أنتا جبت السرعة دي أزاي ... ياباشا ده أنتا بطل ... انا لو يطلع بأيدي أديلك المدايلة الذهبية أو البورنزية للوجان ، عامة في عربيات كتير بتحس بالامان حتى مع السرعات العالية بس اللوجن لأ لأ لأ .

أما بالنسبة اى عربيه لون السقف فاتح حتلاقيه بتوسخ بسرعه
زى الأنسر مثلا و كمان الجو فى مصر مليان تراب و عواده سيارات

لا يا حبيب قلبي مش زي اللوجان العربية فعلا سقفها بيتوسخ بسرعة رهيبة رغم أني ساكن في منطقة سكنتية راقية وبعيدة عن مصادر التلوث ... وجرب كده اي عربية تانيه لو شفت زي فرش سقف اللوجن بحق . وحتى لو أتوسخت فبتاخد وقتها مش كل اسبوع الاقي السقف بتاع العربية من جوا مهبب .

ااما الي دحكني هو حضرتك عايز التيل يقعد اد ايه (التيل اول مره عمل 33000 الف تانى مره عمل عمل 28000 الف حسب المشى و الدوسعه على الفرامل فى ناس التيل مكملش 10000 الف )

ليييييييييييييييه هو تيل فرامل عجلة ههههههههه 10.000 كيلو ولا 30.000 كيلو هو أنا كل ماهغير للمتور زيت أغيرلها تيل فرامل ... ده التويوتا ولا الهونداي ولا حتى اللانوس بقلهم عندي سنين مفتكرش لغاية دلوقتي اني غيرت لوحده تيل فرامل ... وعربية متكملش معاية شهرين أغيرلها تيل فرامل

أما بالنسبة ل التزييق ده من وساخه فى مجرى الزجاج وعند تنظيف المجرى بيروح اى صوت بتسمعه

يبيه العربية فبررررررريكة وبتزيق أمال لو قعدت عندي كمان سنة هتعمل أيه

وكويس اننا بنتفق في 1- العربية تكيفها رائع وجامد جداً لكن يافرحتي في هوى سخن جي من تحت التابلوة من المتور للكبينة عدل ولاحظت المشكله دي حتى عند زميلي الي عندهم نفس الموديل انا كنت جايبها 2011 .

كل اللوجان فيها المشكله دى و بيتركب فى التوكيل بدون اى مشكله

الحمد الله ان كمان المشكلة دي عندك لأني فعلاً مبجبش حاجه من عندي أومن خيالي ... ومن ساعة ملاحظة العيوب دي فيها ... وبالذات لمن لقيت العربية بتنتع مني وانا ماشي على الطريق الصحراوي في الظلمة وهيا مكملتش 15.000 كيلو قررت أبيعها وأبيع أبوها .

أما بالنسبة للحرارة الي داخله للكبينة ممكن تكون في الشتا جميلة لأنها بتدفي الي قعدين طبيعي ههههههههه بس في الصيف يا راجل يا طيب ده انا بركن العربية بالليل بالساعه والساعتين وأرجع ألاقيها دفية وسخنة من جوا ... وأكتر واحد يحس بالسخونة دي الي قاعد جمب السواق رجليه بتولع من الهوى السخن الي دخلها ...

[تامر.محمد]

انا شايف ان مشكلتك مقارنتها مع فئات سعرية اعلى
اللانوس و الفيرنا اللي معاها في نفس الفئة انا شايفك بتقول انها احسن من الاتنين

[me_medoo]

واللهي انا لسه معاية اللانوس موديل 2004 معرفش الجديد أخبارو أيه
بس لازم ياشباب الوحش نقول عنو وحش ومنخفش والحلو نقول عليه حلو وكمان منخفش ، والي أشترى العربية الله يهنية فيها ويخلهالو .... بس أتمنى أننا نوعي كل شخص جديد عاوز يشتريها ... وفي ناس متفرقش خالص معاها أي عيب من ألي انا ذكرتها ، ومنو لله الي دبسني فيها وقعد يشكرلي فيها حسسني انها طيارة ... وفي النهاية أكتشفت أنها أربع عجلات مركبنلها متور .

أما بالنسبة للفئة السعرية ... مش عارف أقول منك لله يارينو وله منك لله ياريس ... يالي رافع علينا الجمارك بقالك 30 سنة وخليتنا شحتين رغم أننا أنزه شعب في العالم ... وبتمن العربية الرينو التعبانة دي هو هو ثمن عربية تيوتا يارس زيرو فول أوبشن في دول الخليج ..........
نفسي مرة كده نتجمع ياشباب نطلع حملة لا لجمارك العربيات ولا على جمارك أوبشن العربية ... ولو عوزين يجمركو يجمركو المتور بس يعني على السي سي ويسيبووو الأوبشن بتاع العربية في حالو ، ده اانا حاسس كل ما اشتري عربية انهم ضايفين على تمنها جمرك الكسيت وجمرك أربعة حزام أمان بأعتبارو رفاهية لا يستحقها الشعب المصري . واللهي حراااااااااااااااااااااام ومنهم لله خلو الناس تلجء للتكاتك وتلجء للادا ونلجء للشاهين وال128 واللوجن المغربي ده العربية منهم بلدها وقفت تصنيعها واحنا لسه بننتجها ونبيعها ونحلف بحياتها كمان

[ahmedeg1]

بسم الله الرحمن الرحيم

السلام عليكم شباب النيل ...أنا النهرده عاوز أديكم تجربتي مع اللوجان علشان الي بيفكر يشتريها يعرف كويس أيه عيوبها .

أولاً : في المجمل العربية اللوجن عربية حلوة وجميلة الشكل وشكلها فخم وضخم وتعتبر الأجمل وسط مثيلاتها من الانوس والفيرنا لكن وحط تحت لكن دي خمسين خط :

1- العربية تكيفها رائع وجامد جداً لكن يافرحتي في هوى سخن جي من تحت التابلوة من الطور للكبينة عدل ولاحظت المشكله دي حتى عند زميلي الي عندهم نفس الموديل انا كنت جايبها 2011 .
1 - موديل 2012 مفيش الموضوع ده خالص و مع ذلك رحت التوكيل بتاع القطاميه و ركبولى العازل لما قولتلهم ز
2- قزاز العربية ضعيف جداً وميسواش تلاته تعريفة طول ما انتا ماشي يقعد يزقزق جمب منك وكأنوو مفكووك .
2 - روح التوكيل و قولهم على المشكله دى و هتتحل بس هيا محتاجه نظافه لمجرى الزجاج و ممكن ترش wd40 والموضوع هيظبط
3- بيدخل زجاج السيارة الشمس كاملة بجميع أشعتها البنفسجية والحمراء والصفراء للي يخلي الكبينة نااااااااااااااااااااااار في الصيف .
3 - كل عربيات مصر كده و ممكن تركب عازل للحراره بس انا أصلا مش فارق الموضوع ده معايا لأنى متعود قبل ماركب العربيه فى الحر بفتح الابواب و الشبابيك زى ما هو موصى فى الكتالوج عشان أطرد الهواء الساخن

4- العربية سفاحت بانززززين عن مثيلاتها من ال 1600 سي سي .
4-أى عربيه 1600 سى سى أو إنجكشن فى الزحمه و وسط البلد بتكون كده يعنى مثلا انا عندى بتعمل 10 لتر فى ال 100 كيلو و ممكن 11 لتر كمان بس ده بسبب الزحمه اللى مش طبيعيه لكن تعلالى بقى على طريق سفر بتعمل معايا 4.4 لتر كل 100 كيلو و أظن مفيش عربيه فى مصر بتعمل المعدل ده و لا لانوس 6 .5 لتر فى ال 100 كيلو لا طبعا الفيرنا 9 لتر فى ال 100 كيلو

5- على الرغم أن فراملها قوية وحلوة تيل الفرامل بيبدء يصفر من الوقوف بالزحمه المتكرر ... ولازم تغيرو كل 30.000 كيلو على ماسمعت .
5 - طبيعى جدا إن التيل يتغير على 25000 ألف كيلو و أنا غيرته قبل كده فى اللانوس على 35000 ألف فتغيير التيل فى اللوجان على 30000 ألف ده رقم قياسى لتغييير التيل و انتا و حسب دوستك للفرامل و بعدين حضرتك سمعت ما شفتش و ياريت متسمعش و شوف انتا بنفسك

6- العربية سريعة وجراية بس تحس أنها بتزعق وتنهج لمن تجريها وصوت المطور يامشاء الله متسمعش الي جمبك نهائي .
7 - فعلا صوت الموتور عالى بس مش لدرجة انك مش هتقدر تسمع اللى جنبك دى مبالغ فيها جدا

7- توكيلها زي الزفت ويعد على الاصابع ... ولو جربت تروح كده وتخطف رجليك لمطلع المقطم واتفرج على أعظم توكيل في التاريخ ياراجل دي لو ورشة في الحرفين هتكون أنضف من كده ... وأسعارهم هيا نفس أسعار التوكيلات الفخمه المكيفه الي بتشوف عربيتك بيتعمل فيها أيه ... وشوف الجمال والحلاوة لمن يرموو عربيتك في الجبل لحد مايجي دورها ... ولازم تروح الساعه 8 الصبح أوعه تنسى لازم تيجي بدري علشان تمشي 4 العصر ... ومتنساش تحجز قبليها بفترة كبيرررررررررررررة علشان الصيانة .
7 - دى بقى مش معاك فيها خالص لأنه حاول تتعامل معاهم و انتا هتشوف المعامله محترمه ازاى و كفايه يا راجل انك بتشوف العربيه بتتعمل قدام عينك و ممكن يكون المقطو متوضع بس الخبره الفنيه كبيره و عندك فره العبور و القطاميه الجديد حدث و لا حرج عن الإحترام والفنيات الممتازه

8- الأضاءة بتاعت العربية زي الزفت لمبة بتنور بعييييييييييد ولمبة قدامك بمتيرين ولو ركزت هتلاقيها حرف أكس على الارض وعندك مساحة عامية في الرؤيا الليلية .
8 - يا راجل دى العربيه الوحيده فى مصر اللى فيها بكرة لتعديل الإضاءه انتا بس اللى محتاج بظيتها من حيث الارتفاع و اللإنخفاض

9- فتحت شبابيك العربية الكبيرة زي الزفت أن قفلت الشباك علشان تسمع الي جمبك من صوت أزعاج المطور تتخنق من الحرررر الي داخلك على الكبينة وأن فتحتوو تلاقي الهوى ضارب في صرصور ودنك ومتسمعش الي جمبك نهائي ده غير انو بيطير شعرك وينعكشوو كأنك كنت بتتخانق .
9 - معاك ان فتحات الزجاج كبير بس تقريبا انتا كند مشكله فى شكمان العربيه علشان فعلا صوت الموتور مش مسموع نهائىو انتا ماشى و لو حبيت تقفله و ده اللى أنا بحب أعمله علشان بيعزلنى عن أصوات العالم الخارجى بشغل المروحه و اوزع الهواء على وضع الزجاجى و أفتح زرار تجديد الهواء من الخارج و دى ميزه مش موجوده فى اللانوس اللى بعتها علشان أجيب لوجان وكانت موديل 2010 عارف ليه لأن فى فلتر تكييف بيمنع دخول الأتربه و الذى منه مش تفتح تلاقى شويه عفره محترمه تضرب فى وشك اللوجان مافيهاش القصه دى دا يا راجل صوت مروحة تكييف اللوجان ليه نغمه خاصه تعرفك انك قاعد فعلا فى عربيه محترمه

10- عمرك ما هتحس بالامان بعد 120 ولا بالثبات دي أصلا أصلا بعد المية بتبقى طااااااير ولو في سبت فكة واقع على الارض قدامك لو فديتو ممكن تنقلب .
10 - جايب بيها 180 كم/س و الثبات فوق الممتاز و كان معايا الولاد و لو حسيت للحظه انها خطر عمرى ما هعملها علشان ولادى انتا بس اللى قلبك خفيف جمد قلبك يا جميل و إشرب بريل (أنا بهزر معاك)

11- مفاتيح الكهربا بتاعت الشبابيك الخلفية محطوطة في مكان عقيم جداً ولازم توطي علشان تطولوا لو عاوز تفتح او تقفل الشباك .
11 - دى بقى فعلا حاجه رخمه جدا و ده عيب صريح لكن مع الوقت هتتعود.

12- سرعة فتح وقفل الشبابيك بطيئة جداً وياريتني جبتها فاضية مش كاملة على الاقل هتحرك بالأوكرة بتاعت الشباك أسرع من كده .
12 - هيا هيا نفس السرعه فى اى عربيه أوربى و ده لأن مشوار الزجاج طويل بالبنسه للكورى أو اليابانى و الزجاج نفسه كبير

13- بالنسبة للهيكل الخارجي الجميل والفخم هو هو بنفس وزن الانوس (الضعيفه) لكن اللهم هما شادينو على الاخر بحيث يضعف قوتو فلو واقف في موقف والعربية الي جمبك عيل صغير فتح الباب بقوة وخبط خبطة صغيره في عربيتك تحس أنها خبطة كبيرة لأن صاجها ضعيييف جداً وأقل خبطة تحسها حدثة .

14 - يا جميل وزن اللانوس 120 كيلو ووزن اللوجان 1450 كيلو و صاج اللوجان أقوى بكتير من اللانوس و الفيرنا لكن الفراغ اللى بين الصاج و هيكل السياره الداخلى كبير نسبيا لزيادة عزل السياره أثناء السير و لكن وإنتا واقف ممكن تحس بذبذبات صوت ٌفل أى باب خلفك و إنتا فى وضع السكون و ليها علاج انك تملا الفراغ اللى بين الصاج و الشاسه الداخلى للسياره و ده انا ناوى أعمله و هرفعه ان شاء الله
14- بالنسبة للمسحات بتاعت العربية كارثه في عالم السيارات بتمسح 60% من القزاز فقط وترفع الميه فوق وطبعاً لأن البرفريز بتاعها واقف بنسبة 80 درجة فالمية بتنزل تناي على القزاز وتوسخو بالذات في النص لذلك نصيحه يتشغلها على طول ياتجيب حتتين وحده في ايدك وانتا سايق والتانية في ايد المدام وطلع راسك من الشباك وأمسح البرفريز ههههههههه .
14 - فعلا الموضوع ده موجود بس ماتنساش انها بتمسح المساحه دة بنسبة 100 فى ال 100 و بتبقى الرؤيه واضحه و نقيه
15- وأجمل كدبة تسمعها في العربية أن فيها باور ... قال بور قال ...
15 - دى ميزه بتديها ثبات على السرعات العاليه لكن لو عندك تقيل ظبط ضغط الكاوتش على 29 أمامى و 32 خلفى


16- أما عن الأبواب حدث ولا حرج جرب كده تفتح أي باب من الي ورى وتقفلوو وهتحس على طول برزعت الباب الجميلة ويقولك يا باشا الرينو كلو كده .
16 - عندك حق فى الموضوع ده و ليها حل

17- العربية دي فيها ميزة مش هتلاقيها في اي عربية ... عمرك شفت سقف عربية من جوا بيهبب بسرعه ويبقى كلوو هباب ووساخة وتراب وعفار ...بص كده في اي عربية لوجن وشوف قد أيه سقفها الداخلي من جوا قذر وده نتيجة الهوى الي بيدخل من المطور للكبينة بسبب سخونيتوو بيتصاعد للسقف بحكم انو عالي ومتكملش اسبوعين وغير تلاقي السقف قد ايه قذر ...بس حلو بسيط هتلك مكنسة كهربا مع العربية كل أسبوع أكنسوو . ملاحظة الهوى الي بيجب من المطور للكابينة بيجيلك من تحت التابلوة أو من وراه من منطقة الأقدام كده .
17 - ده عيب جو بلدنا مش العربيه

18- عربية غير عاطفية بالمرة ومتحسسش بأي متعه نهائي في سواقتها
18 - دى نسبيه من شخص لشخص
في المجمل هيا عربية حلوة وربنا يوفق الي عاوز يشتريها ... ممكن لو واحد ركيب كان بيركب فيت و 128 والكلام ده يحسها أمله ونقلة نوعية في حياتو ... وهيا يمكن تقدر تقول عليها لادا 2011 او شاهين 2011 مطورة فقط لاغير .
ويمكن للي ملوش خبرة في العربيات يقول عليها وااااااااااو بس هيا مكملتش نص حرف الواو بس الحق يقال العربية عالية عن الاسفلت وعائلية وتكيفها ممتاز بس لولا عيب حرارة الكبينة وانا كنت جايبها فضي وكبينتها بتسخن في الصيف حتى بالليل بحس ان الكراسي مولعه وحرارة المطور طبيعية فما بالكم لو اشتريتها سودة كنت عملت ايه ... والكراسي فرشها فبريكه أمال لو ركبتهم جلد كنت عملت أيه في حرارت الكبينة .
والله على ما أقول شهيد ...
يا باشا انتا ممكن تبيعا و تجيب حاجه تانيه 128 أو شاهين لادا لانوس فيرنا أو حتى bmw
كلها عربيات زى الفل و بتغنينا عن سؤال اللائيم و بهدلة المواصلات و لا ايه ؟؟
و على فكره انا صالونى كله جلد و اسود كمان و مبسوط منها جدا جدا

بالمناسبة خبراتي السابقه وما ملكته في السيارات والملك لله ( كابريس 86كامري 88لانوس2004 بيجو 505 كرولا 96 ماتريكس 2006شاهين 2003 تويوتا يارس 2008 نيسان مكسيما 2000 وسوبارو vxr ) .

انا بعت عربيتى لانوس 30000 كم بعد سنه و نص علشان لوجى و بصراحه فى فرق السما من العما و ركبت فورد و فيرنا و لانسر و 128 و رينو 5 و 127 و سيراتو و كورولا 2077 أوتو
و مبسوط من كل دول لكن حبيت لوجى أكتر و ده شئ نسبى من واحد لواحد

[mostmoh]

تقرير يرعب الواحد ، ربنا يستر أصلى حاجز سانديرو ستب واى ، ايه رأيكم يا جماعة فى الكلام ده ؟

[me_medoo]

خلاص يابوحميد ... بكره أنشاء الله هجبلي علبتين بريل وأجرب السرعه فيها ههههههههههه أجمد قلبي أيه بس ياراجل ، ده حتى الصورة بتاعت توقيعك صورة لوجن ولا دتشا بتتقلب ههههههههه

بس الحمدالله انا خلصت منها وبعتها لأن بجد بجد العربية فعلاً سيئة من وجهة نظري الشخصية ... جايز حد يشوفها ممتازة .

بس بصراحة بصراحة أنا عندي عربية يباني قديمة ومستعملة برقبة عربية لوجن جديدة وفبريكة ... أو حتى عربية كوري كسر زيرو .

بس انا بعتقد أن الفرنساوين عندهم سياسة أنهم بيصنعو العربيات علشان تعيش أربع سنين لذلك هما عندهم قانون العربية بعد اربع سنين تعدم ويعاد تصنيها مش زي عندنا أربعين سنة ولسه مشغلينها ... لذلك كمان أغلب الفرنساوين دلوقتي مبقوش يتملكوو بيأجرو عربيات ويشتروا دماغهم ... أما سياسة اليابانيين أو الألمان أنهم يصنعو سلعة معمرة وتستحمل وتعيش والهدف عندهم أنك تقتني عربية تستمع بيها مش بعد أربع سنين ترميها ... بس طبعاً في مصر عندنا هنا زي ماقلت حمارتك العرجة بتغنيك عن سؤال اللئيم ... والعربيات عندنا مش بس بتعرج لا ومكسحه كمان ومشاء الله شغاله وزي الفل . ههههههههه عامةً مرسي على مشاركتك يا جميل . وأفادكم الله .