إعـــــــلان

Collapse

.

,
See more
See less

تجربتي مع اللوجان

Collapse
X
 
  • Filter
  • الوقت
  • Show
Clear All
new posts

  • #16
    اولا اقسملك بالله وانا معرفكش - ومش عايز اعرفك - ان انت معكش العربية من اصلة والملام الخايب اللي انت كاتبة دا كلة كلام مالوش اي اساس من الصحة مايستهلش الواحد يرد علية وفي الاخر العربية حلوه - حلوة ايه يا راجل دا انت شوهت ام العربية بشوية كلام مستفز - هوا اية اللي بيطير شعرك؟؟؟

    معروف جدا ان العربية اقل عربية 1600 استهلاك في البنزين تقدر تقولي استهلاك عربيتك كام واتهلاك العربيات التانية اللي انت بتقارن بيها كام اتحداك!!!!!!!!!! انت حكمت علي العربية علي اساس ايه؟؟؟؟

    والسقف بيوتسخ بسرعة هو دا عيب - دا اذا كان في الموضوع دا في العربية اصلا - وبعدين دا متوقف انت بتمشي بيها فين ما جايز الاماكن اللي بتروحا اصلا مش نضيفة

    انا معايا العربية من اكتر من سنة ونص وعامل بيها 31000 كيلو مغير التيل الامامي عند 28000 لا كان بيصفر في الاول ولا كان بيصفر بعد ما غيرتة انت جبت الكلام دا منين

    العربية ثابتة جدا ومبتحسش بيها باي سرعة انا عن نفسي جبت بيها لحد 170 علي الساحلي من بعد نزلة الدخيله لغاية الكيلو 21 واللي مشي علي الطريق دا عارف انة صعب وماينفعش تجيب علية سرعات دا غير الاخوه علي المنتدي اللي جاب بيها لغاية ال 200 ودا مش تسخين ان الناس تمشي بسرعة بس العربية فعلا ثابتة ومابتحسش بيها بالسرعة نهائي

    في النهاية عيب جدا لما تدي رايك في العربية وانت اصلا لا تملكها لان اكيد رايك مش حيبقي محايد لازم تبقي معاك العربية الاول وتجربها عشان تقدر تدي راي موضوعي فيها مش اللي انت كاتبة دا

    التوكيل من افضل واحسن التوكيلات في مصر سواء في الامكانيات والتقنيات او المعاملة الطيبة والزوق والاخلاق ولو مش مصدقني اسال اي حد دخل التوكيلات في الاسكندرية

    علي فكرة كمان انا معايا سانديرو 2012 غير اللوجان يعني مش مكتفي بواحدة من جمال العربية واعتماديتها

    انا برضة اتنقلت من عربيات كتير وفي حياتي اول مرة اركب حاجة مش الماني يعني من اول الجولفات لغاية ال بي ام وموديلات عالية دا غير ان كان معايا قبل اللوجان لانسر ولله الحمد ماحسيتش باي فرق
    [U][I][B][SIZE="3"]فى كل شارع فى بلادى صوت الحريه بينادى[/SIZE][/B][/I][/U]
    [aldl]http://i.treehugger.com/images/2007/10/24/renault%20logan%20eco2.jpg[/aldl]
    [LEFT][B][I][FONT="Comic Sans MS"][SIZE="3"]Ashraf Kerima[/SIZE][/FONT][/I][/B][/LEFT]

    Comment


    • #17
      المشاركة الأصلية كتبت بواسطة me_medoo مشاهدة المشاركة
      بسم الله الرحمن الرحيم




      في المجمل هيا عربية حلوة وربنا يوفق الي عاوز يشتريها ... م
      ههههههه
      وكده فى المجمل تبقى عربية حلوة
      كلام خسارة قراءته ويعبر عن عدم معرفه نهائى بالسيارة
      ومن العبث انك تقول على عربية من اوفر العربيات فى استهلاك البنزين سفاحه بنزين ( العشرين لتر بيعملوا على السريع اكثر من 320 كيلو ) ومن العبث ان افضل توكيلات مصر بقى ورشه ومش عاوز ارد اكثر من كده عشان معلمش قيمة للكلام المكتوب
      [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
      غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

      Comment


      • #18
        كل كلام حضرتك غير صحيح.... ليه ؟؟؟
        سبب واحد بس
        علشان حضرتك بتقول انك ركبت ( كابريس 86كامري 88لانوس2004 بيجو 505 كرولا 96 ماتريكس 2006شاهين 2003 تويوتا يارس 2008 نيسان مكسيما 2000 وسوبارو vxr )
        اللي انا متأكد منه انه مش ممكن واحد يكون ركب العربيات دي كلها وميعرفش منتدى بسمعه وحجم نايل موتورز
        حد خد باله ياجماعه من تاريخ انتساب العضو المحترم للمنتدى
        ده تاريخ الانتساب يوم 9-12-2011 يعني من اسبوع بس!!!!!!!!!!!!!
        يعني ممكن تسامحني لو قلت انك داخل تسؤ سمعه العربيه وخلاص
        وده راجع طبعا للأنتشار الواسع للعربيه (بص يمينك وشمالك وانت ماشي)
        ف اكيد الناس دي كلها عندها من الخبره مايكفي لاختيار العربيه دي....وده يبرره الانتشار الكبير للعربيه في 4 سنين بس
        .... في الاخر هعلق تعليق بسيط على موضوع استهلاك البنزين.....
        التعليق ده هيثبت فعلا ان حضرتك لا تعرف اي شيء عن العربيه
        طب ليه انا اخترت موضوع البنزين بالذات ..؟؟؟
        لأني معايا في حقائق وبالارقام
        1- انا مهندس ميكانيكا
        2- يعني ايه مهندس ميكانيكا ..؟؟؟ يعني اعلى كفاءه مع اقل تكلفه
        3- انا معايا لوجان زيرو 2011 (النهارده تمت 6 شهور و 7 ايام)
        4- من اول يوم استلمت فيه اللوجان وانا عامل ع اللاب توب اكسيل شيت بكتب فيه يوميا اي تغيرات او مشاكل تظهر في العربيه ... موعيد الصيانه ...قطع غيار تم تغيرها ... خبطه ... خدش ... زيت تم تغيره .... ميه تبريد ... البنزين ... الكيلو مترات.... يعني من الاخر دبه النمله بتتسجل
        5- احب اقول للناس كلها ان اقل معدل استهلاك (ده حساب يدوي .. يعني مش كومبيوتر الرحلات .. لحسن حد يقوليي الكمبيوتر مهييس) وصلت له في اللوجان كان 5.8 لتر لكل 100 كيلو متر (بنزين 92)
        6- اكبر معدل استهلاك كان 13.17 لتر لكل 100 كيلو متر (بنزين 92)
        7- المتوسط على مدى 6 شهور 8.59 لتر لكل 100 كيلو متر (بنزين 92)
        لاحظ ان المعدلات دي شامله كل انواع الطرق سريعه وداخل مدن وعشوائيات وصحراوي واشارات ودائري (وما ادراك ما الدائري)
        8- ملحوظه اخيره انا عربيتي 2011 ومفيش حاجه اسمها حراره الدواسات نهائي
        .......في النهايه.......
        برجاء تقبل مروري بصدر رحب

        شكرا للجميع

        Comment


        • #19
          اخي ياريت تقول رأيك ده لوزاره الداخليه اللي متعاقده علي 550 عربيه لوجان لتجديد اسطول دوريات الشرطه يمكن يغيروا رايهم و تكسب فيهم ثواب . و ترشح لهم عربيه من اختيارك علي اساس انك ما شاء الله ركيب عربيات . و بعدين انت يادوب منتسب للموقع من اسبوع و داخل تشرح العربيه طيب اصبر شويه لما الناس تاخد عليك . ربنا يهديك و يهدينا .
          [SIZE=5][B]اللهم انك كريم حليم عفو تحب العفو فاعفو عنا[/B][B] .
          اللهم اعني علي ذكرك و شكرك و حسن عبادتك .[/B][/SIZE]

          Comment


          • #20
            المشاركة الأصلية كتبت بواسطة a_nbm مشاهدة المشاركة
            كل كلام حضرتك غير صحيح.... ليه ؟؟؟
            سبب واحد بس
            علشان حضرتك بتقول انك ركبت ( كابريس 86كامري 88لانوس2004 بيجو 505 كرولا 96 ماتريكس 2006شاهين 2003 تويوتا يارس 2008 نيسان مكسيما 2000 وسوبارو vxr )
            اللي انا متأكد منه انه مش ممكن واحد يكون ركب العربيات دي كلها وميعرفش منتدى بسمعه وحجم نايل موتورز
            حد خد باله ياجماعه من تاريخ انتساب العضو المحترم للمنتدى
            ده تاريخ الانتساب يوم 9-12-2011 يعني من اسبوع بس!!!!!!!!!!!!!
            يعني ممكن تسامحني لو قلت انك داخل تسؤ سمعه العربيه وخلاص
            وده راجع طبعا للأنتشار الواسع للعربيه (بص يمينك وشمالك وانت ماشي)
            ف اكيد الناس دي كلها عندها من الخبره مايكفي لاختيار العربيه دي....وده يبرره الانتشار الكبير للعربيه في 4 سنين بس
            .... في الاخر هعلق تعليق بسيط على موضوع استهلاك البنزين.....
            التعليق ده هيثبت فعلا ان حضرتك لا تعرف اي شيء عن العربيه
            طب ليه انا اخترت موضوع البنزين بالذات ..؟؟؟
            لأني معايا في حقائق وبالارقام
            1- انا مهندس ميكانيكا
            2- يعني ايه مهندس ميكانيكا ..؟؟؟ يعني اعلى كفاءه مع اقل تكلفه
            3- انا معايا لوجان زيرو 2011 (النهارده تمت 6 شهور و 7 ايام)
            4- من اول يوم استلمت فيه اللوجان وانا عامل ع اللاب توب اكسيل شيت بكتب فيه يوميا اي تغيرات او مشاكل تظهر في العربيه ... موعيد الصيانه ...قطع غيار تم تغيرها ... خبطه ... خدش ... زيت تم تغيره .... ميه تبريد ... البنزين ... الكيلو مترات.... يعني من الاخر دبه النمله بتتسجل
            5- احب اقول للناس كلها ان اقل معدل استهلاك (ده حساب يدوي .. يعني مش كومبيوتر الرحلات .. لحسن حد يقوليي الكمبيوتر مهييس) وصلت له في اللوجان كان 5.8 لتر لكل 100 كيلو متر (بنزين 92)
            6- اكبر معدل استهلاك كان 13.17 لتر لكل 100 كيلو متر (بنزين 92)
            7- المتوسط على مدى 6 شهور 8.59 لتر لكل 100 كيلو متر (بنزين 92)
            لاحظ ان المعدلات دي شامله كل انواع الطرق سريعه وداخل مدن وعشوائيات وصحراوي واشارات ودائري (وما ادراك ما الدائري)
            8- ملحوظه اخيره انا عربيتي 2011 ومفيش حاجه اسمها حراره الدواسات نهائي
            .......في النهايه.......
            برجاء تقبل مروري بصدر رحب

            شكرا للجميع


            يا راجل كنت عايزك تسيبة يرد علي حتة البنزين دي ونشوف معدل استلاك البنزين لل 1600 اللي هو سماه (سفاحة بنزين) يبقي كام لتر في كام كيلو وهو قارن بانهي عربية 1600 ومعدلها قد ايه في استهلاك البنزين؟؟؟؟؟؟؟؟؟؟؟؟؟؟؟؟؟

            وحاجة تانية يعني اية الازاز بيدخل شمس امال عايزة يدخل ايه هو لما انت ركبت العربية كان حد ضحك عليك وقالك ان العربية نازلة بازاز فامية وانت اكتشفت العكس
            [U][I][B][SIZE="3"]فى كل شارع فى بلادى صوت الحريه بينادى[/SIZE][/B][/I][/U]
            [aldl]http://i.treehugger.com/images/2007/10/24/renault%20logan%20eco2.jpg[/aldl]
            [LEFT][B][I][FONT="Comic Sans MS"][SIZE="3"]Ashraf Kerima[/SIZE][/FONT][/I][/B][/LEFT]

            Comment


            • #21
              المشاركة الأصلية كتبت بواسطة me_medoo مشاهدة المشاركة
              بسم الله الرحمن الرحيم

              السلام عليكم شباب النيل ...أنا النهرده عاوز أديكم تجربتي مع اللوجان علشان الي بيفكر يشتريها يعرف كويس أيه عيوبها .

              أولاً : في المجمل العربية اللوجن عربية حلوة وجميلة الشكل وشكلها فخم وضخم وتعتبر الأجمل وسط مثيلاتها من الانوس والفيرنا لكن وحط تحت لكن دي خمسين خط :

              1- العربية تكيفها رائع وجامد جداً لكن يافرحتي في هوى سخن جي من تحت التابلوة من الطور للكبينة عدل ولاحظت المشكله دي حتى عند زميلي الي عندهم نفس الموديل انا كنت جايبها 2011 .

              2- قزاز العربية ضعيف جداً وميسواش تلاته تعريفة طول ما انتا ماشي يقعد يزقزق جمب منك وكأنوو مفكووك .

              3- بيدخل زجاج السيارة الشمس كاملة بجميع أشعتها البنفسجية والحمراء والصفراء للي يخلي الكبينة نااااااااااااااااااااااار في الصيف .

              4- العربية سفاحت بانززززين عن مثيلاتها من ال 1600 سي سي .

              5- على الرغم أن فراملها قوية وحلوة تيل الفرامل بيبدء يصفر من الوقوف بالزحمه المتكرر ... ولازم تغيرو كل 30.000 كيلو على ماسمعت .

              6- العربية سريعة وجراية بس تحس أنها بتزعق وتنهج لمن تجريها وصوت المطور يامشاء الله متسمعش الي جمبك نهائي .

              7- توكيلها زي الزفت ويعد على الاصابع ... ولو جربت تروح كده وتخطف رجليك لمطلع المقطم واتفرج على أعظم توكيل في التاريخ ياراجل دي لو ورشة في الحرفين هتكون أنضف من كده ... وأسعارهم هيا نفس أسعار التوكيلات الفخمه المكيفه الي بتشوف عربيتك بيتعمل فيها أيه ... وشوف الجمال والحلاوة لمن يرموو عربيتك في الجبل لحد مايجي دورها ... ولازم تروح الساعه 8 الصبح أوعه تنسى لازم تيجي بدري علشان تمشي 4 العصر ... ومتنساش تحجز قبليها بفترة كبيرررررررررررررة علشان الصيانة .

              8- الأضاءة بتاعت العربية زي الزفت لمبة بتنور بعييييييييييد ولمبة قدامك بمتيرين ولو ركزت هتلاقيها حرف أكس على الارض وعندك مساحة عامية في الرؤيا الليلية .

              9- فتحت شبابيك العربية الكبيرة زي الزفت أن قفلت الشباك علشان تسمع الي جمبك من صوت أزعاج المطور تتخنق من الحرررر الي داخلك على الكبينة وأن فتحتوو تلاقي الهوى ضارب في صرصور ودنك ومتسمعش الي جمبك نهائي ده غير انو بيطير شعرك وينعكشوو كأنك كنت بتتخانق .

              10- عمرك ما هتحس بالامان بعد 120 ولا بالثبات دي أصلا أصلا بعد المية بتبقى طااااااير ولو في سبت فكة واقع على الارض قدامك لو فديتو ممكن تنقلب .

              11- مفاتيح الكهربا بتاعت الشبابيك الخلفية محطوطة في مكان عقيم جداً ولازم توطي علشان تطولوا لو عاوز تفتح او تقفل الشباك .

              12- سرعة فتح وقفل الشبابيك بطيئة جداً وياريتني جبتها فاضية مش كاملة على الاقل هتحرك بالأوكرة بتاعت الشباك أسرع من كده .

              13- بالنسبة للهيكل الخارجي الجميل والفخم هو هو بنفس وزن الانوس (الضعيفه) لكن اللهم هما شادينو على الاخر بحيث يضعف قوتو فلو واقف في موقف والعربية الي جمبك عيل صغير فتح الباب بقوة وخبط خبطة صغيره في عربيتك تحس أنها خبطة كبيرة لأن صاجها ضعيييف جداً وأقل خبطة تحسها حدثة .

              14- بالنسبة للمسحات بتاعت العربية كارثه في عالم السيارات بتمسح 60% من القزاز فقط وترفع الميه فوق وطبعاً لأن البرفريز بتاعها واقف بنسبة 80 درجة فالمية بتنزل تناي على القزاز وتوسخو بالذات في النص لذلك نصيحه يتشغلها على طول ياتجيب حتتين وحده في ايدك وانتا سايق والتانية في ايد المدام وطلع راسك من الشباك وأمسح البرفريز ههههههههه .

              15- وأجمل كدبة تسمعها في العربية أن فيها باور ... قال بور قال ...

              16- أما عن الأبواب حدث ولا حرج جرب كده تفتح أي باب من الي ورى وتقفلوو وهتحس على طول برزعت الباب الجميلة ويقولك يا باشا الرينو كلو كده .

              17- العربية دي فيها ميزة مش هتلاقيها في اي عربية ... عمرك شفت سقف عربية من جوا بيهبب بسرعه ويبقى كلوو هباب ووساخة وتراب وعفار ...بص كده في اي عربية لوجن وشوف قد أيه سقفها الداخلي من جوا قذر وده نتيجة الهوى الي بيدخل من المطور للكبينة بسبب سخونيتوو بيتصاعد للسقف بحكم انو عالي ومتكملش اسبوعين وغير تلاقي السقف قد ايه قذر ...بس حلو بسيط هتلك مكنسة كهربا مع العربية كل أسبوع أكنسوو . ملاحظة الهوى الي بيجب من المطور للكابينة بيجيلك من تحت التابلوة أو من وراه من منطقة الأقدام كده .

              18- عربية غير عاطفية بالمرة ومتحسسش بأي متعه نهائي في سواقتها

              في المجمل هيا عربية حلوة وربنا يوفق الي عاوز يشتريها ... ممكن لو واحد ركيب كان بيركب فيت و 128 والكلام ده يحسها أمله ونقلة نوعية في حياتو ... وهيا يمكن تقدر تقول عليها لادا 2011 او شاهين 2011 مطورة فقط لاغير .
              ويمكن للي ملوش خبرة في العربيات يقول عليها وااااااااااو بس هيا مكملتش نص حرف الواو بس الحق يقال العربية عالية عن الاسفلت وعائلية وتكيفها ممتاز بس لولا عيب حرارة الكبينة وانا كنت جايبها فضي وكبينتها بتسخن في الصيف حتى بالليل بحس ان الكراسي مولعه وحرارة المطور طبيعية فما بالكم لو اشتريتها سودة كنت عملت ايه ... والكراسي فرشها فبريكه أمال لو ركبتهم جلد كنت عملت أيه في حرارت الكبينة .
              والله على ما أقول شهيد ...

              بالمناسبة خبراتي السابقه وما ملكته في السيارات والملك لله ( كابريس 86كامري 88لانوس2004 بيجو 505 كرولا 96 ماتريكس 2006شاهين 2003 تويوتا يارس 2008 نيسان مكسيما 2000 وسوبارو vxr ) .

              انا متفق معاك في بعض النقاااط وده لان اغلب اصحابي وقرايبي جابو اللوجان ... السخونية من التابلوه معاااااااااااااااااااااااااااك جدا ...... صوت الماتور عاااالي اتفق معااااك وبشدة ..... الباور تعبااااان .... واحد صاحبي كنا لسه جايبنها من المعرض وووقفنا تحت البيت سندت على العربية بظهري على الشنطة من الجمب اتطبقت بس الحمد لله فتحنا الشنطة وردناها من جوه ... السقف بيسود بسرعة غريبة العربية لسه مكملتش سنة انا معاك انا اللون الفاتح هيغمق بس مش بالسرعة دي .... طبعا بعد ال120 الثبات بيقل عشااان ارتفاع العربية
              خلاصة الكلام ومع احترامي لملاك اللوجان اغلب اللي جابوهاا عشان السعررر معدش في عربية بالسعر ده وتكون عائلية وعالية وحمولة زي اللوجان .... وبالتالي مش هيفرق معاه صوت موتور ولا زجاج ولا فرامل مش هيركز في الحاجات دي ,,,, ومعلش بردو اغلب (ومش كل) اللي جابوها بتكون او عربية زيرو ليه فبيحس بفرق وبتعجبه العربية اووووي .... واسف على الاطالة وتقبلو رأيي لان ده والله من معرفتي ليجي 6 اشخاص معاهم لوجااااان .... بس كلنا متفقين ان العلو ده مناسب لشوارع مصر
              [aldl]http://store2.up-00.com/Jan12/l6z75685.png[/aldl]

              Comment


              • #22
                في البداية ياشباب أنا أشكركم لتفاعلكم للموضوع ده ... وأرجو أن تتقبلو رئي بصدر رحب زي ما تقبلت رئيكم بصدر رحب ... لأن في الاول والاخير محدش هيحجر عليه أني أقول رأي ... زي محدش هيحجر عليكم أنكم تقولوا رأيكم بكل أحترام ...

                أما بالنسبة ياشباب لموضوع معاية العربية ولا ممعيش عربية يعني انا مش عارف هل انا مطالب اني أثبت لكم أني أشتريتها أجبلكم فاتورة ولا المفروض لمن أكتب الموضوع أحط صورة من رخصة العربية ...

                خلاص كل واحد يكتب موضوع يثبتلنا انو شاري العربية دي ... وانا معاك يا أستاذي أن وزارة الداخلية تعاقدت على العربية اللوجن وأستغربت جداً من الموضوع ده ... لأنها يمكن مش هتستحمل ... بس قلت هما هيروحو بيها فين يعني ماهي رمينة قدام أقسام الشرطة ويمكن جابو عربية رخيصة خايفين لا يجيبو حاجه نضيفه وتتكسر ولا تتحرق وانتو عارفين الظروف المنيلة الي بتمر بيها البلد .

                متخلوش الغيرة والدفاع عن العربية يجرنا لكلام ملهوش لازمة في الاول والاخير دي حتت عربية وانا بأيد أستاذ
                </B>
                ahmadmidop لمن قال ان الي دفع الناس لشارئها السعر والوسع

                أما بالنسبة للحجات الي شفتها في العربية من عيوب في ناس بتشوفها وبتحسها ... وفي ناس مشفتهاش ... وفي ناس مش فارقه معاها حتى لو ركب كراكة ولا حتى فزبة المهم عربية توصلوا وتوديه وتجيبو ... وانا مجرد كتابتي للموضوع ده علشان ولاد بلدي الي بيفكرو يشتروها يكونوا على نور ويعرفو ان العربية فيها شوية عيوب ان متفرقش معاهم العيوب دي يتوكلو على الله ويشتروها وان فرقت معاهم يشوفوا غيرها وخلاص ... وناس كتير عجباهم العربية بس ناس كتير كمان جابو العربية ومعجبتهمش ... المهم انا عاوزكم تفكرو شوية بالشعار بتاع رينو بصولو كويس وفكرو الشعار ده بيدل على أيه ورسمت الشعار ده هو رسمت أيه ؟

                أما بالنسبة لأني جديد في المنتدى وهو عضو قديم ... فيشرفني أني أكون في موقع محترم زي النيل موترز بيتقبل الرأي والرأي الاخر طالما في حدود الأحترام ...واحنا هنا وجودنا مش علشان نعمل دعاية للعربية أحنا هنا بندرس عيوب كل عربية علشان نوصل في النهاية لأحسن أختيار ... ونجبر الشركات انها تعالج العيوب دي على نفقتها الخاصة غصب عنها ... مش على حساب ونفقت المواطن المصري البسيط الغلبان ... ونجبر شركة زي رينو تطور من نفسها ... وتعمل توكيل محترم في كل مكان مدام العربية منتشرة كده يامشالله هيخسرو ايه لو عملو توكيل محترم في ابو رواش مش يخلوني واقف على رجليه من الساعه تسعه الصبح لأربعة العصر علشان المكان ديق في توكيل المقطم ... ويرمولي عربيتي في الجبل وشبابكيها مفتوحه قال أيه لمن يفضلها مكان ... المره الجايه هحاول اصورلكم التوكيل بتاعها بتاع المقطم وقولولي بالله عليكم توكيل ده ولا ورشة في الحرفيين .

                الي عجباه العربية ربنا يوفقو ويخالهالو ويحمهالو ويباركلو فيها كمان ورئيكم كلكم على عيني وعلى راسي وأشكركم لتفاعلكم بالموضوع وشكراً ...

                me_medoo

                Comment


                • #23
                  المشاركة الأصلية كتبت بواسطة a_nbm مشاهدة المشاركة
                  كل كلام حضرتك غير صحيح.... ليه ؟؟؟
                  سبب واحد بس
                  علشان حضرتك بتقول انك ركبت ( كابريس 86كامري 88لانوس2004 بيجو 505 كرولا 96 ماتريكس 2006شاهين 2003 تويوتا يارس 2008 نيسان مكسيما 2000 وسوبارو vxr )
                  اللي انا متأكد منه انه مش ممكن واحد يكون ركب العربيات دي كلها وميعرفش منتدى بسمعه وحجم نايل موتورز
                  حد خد باله ياجماعه من تاريخ انتساب العضو المحترم للمنتدى
                  ده تاريخ الانتساب يوم 9-12-2011 يعني من اسبوع بس!!!!!!!!!!!!!
                  يعني ممكن تسامحني لو قلت انك داخل تسؤ سمعه العربيه وخلاص
                  وده راجع طبعا للأنتشار الواسع للعربيه (بص يمينك وشمالك وانت ماشي)
                  ف اكيد الناس دي كلها عندها من الخبره مايكفي لاختيار العربيه دي....وده يبرره الانتشار الكبير للعربيه في 4 سنين بس
                  .... في الاخر هعلق تعليق بسيط على موضوع استهلاك البنزين.....
                  التعليق ده هيثبت فعلا ان حضرتك لا تعرف اي شيء عن العربيه
                  طب ليه انا اخترت موضوع البنزين بالذات ..؟؟؟
                  لأني معايا في حقائق وبالارقام
                  1- انا مهندس ميكانيكا
                  2- يعني ايه مهندس ميكانيكا ..؟؟؟ يعني اعلى كفاءه مع اقل تكلفه
                  3- انا معايا لوجان زيرو 2011 (النهارده تمت 6 شهور و 7 ايام)
                  4- من اول يوم استلمت فيه اللوجان وانا عامل ع اللاب توب اكسيل شيت بكتب فيه يوميا اي تغيرات او مشاكل تظهر في العربيه ... موعيد الصيانه ...قطع غيار تم تغيرها ... خبطه ... خدش ... زيت تم تغيره .... ميه تبريد ... البنزين ... الكيلو مترات.... يعني من الاخر دبه النمله بتتسجل
                  5- احب اقول للناس كلها ان اقل معدل استهلاك (ده حساب يدوي .. يعني مش كومبيوتر الرحلات .. لحسن حد يقوليي الكمبيوتر مهييس) وصلت له في اللوجان كان 5.8 لتر لكل 100 كيلو متر (بنزين 92)
                  6- اكبر معدل استهلاك كان 13.17 لتر لكل 100 كيلو متر (بنزين 92)
                  7- المتوسط على مدى 6 شهور 8.59 لتر لكل 100 كيلو متر (بنزين 92)
                  لاحظ ان المعدلات دي شامله كل انواع الطرق سريعه وداخل مدن وعشوائيات وصحراوي واشارات ودائري (وما ادراك ما الدائري)
                  8- ملحوظه اخيره انا عربيتي 2011 ومفيش حاجه اسمها حراره الدواسات نهائي
                  .......في النهايه.......
                  برجاء تقبل مروري بصدر رحب

                  شكرا للجميع

                  معلش انا هعلق على على حاااجة واااحدة بخصوص عضو جديد ....... معلش في ناس احسن مني ومن حضرتك في الميكانيكا وركبو كل العربيات اللي تتخيلها وميعرفوش عن المنتدى حاجة عاااادي
                  [aldl]http://store2.up-00.com/Jan12/l6z75685.png[/aldl]

                  Comment


                  • #24
                    توضيح اخر بسيط الكلام ده على اللوجان بس انما سانديرو السيمبول محدش اعرفه اشتكى من حاجة فيهم عشان الاستاذ اللي قلق من السانديرو ..... خلاصة الكلام ومن غير زعل انا ماشفتش في اي قسم حد بيدافع عن عربية غير في قسم اللوجاان ..... جايز لانكم شايفين حاجة احنا مش شايفنها فياريت ياجماعة بلاش العصبية الزياادة دي ومش كل حد مش معاه لوجان يبقى داخل يهاجمكم او كلام من ده .. اللوجان مش عربية واو اللوجان سعرها هو اللي خلى الناس تشتريها مش اكتر مش هتلاقي حاجة في وسع او ارتفاع اللوجان بالسعر ده .... بس عشااان محدش يقلق الكلام على اللوجان بس لاكن شركة رينو بصفة عااامة لاغباااااار عليها ... وتقبلو مروري من غير زعل
                    [aldl]http://store2.up-00.com/Jan12/l6z75685.png[/aldl]

                    Comment


                    • #25
                      المشاركة الأصلية كتبت بواسطة me_medoo مشاهدة المشاركة
                      المهم انا عاوزكم تفكرو شوية بالشعار بتاع رينو بصولو كويس وفكرو الشعار ده بيدل على أيه ورسمت الشعار ده هو رسمت أيه ؟
                      يا ريت تنورنا و تقول لنا بيدل علي ايه .
                      [SIZE=5][B]اللهم انك كريم حليم عفو تحب العفو فاعفو عنا[/B][B] .
                      اللهم اعني علي ذكرك و شكرك و حسن عبادتك .[/B][/SIZE]

                      Comment


                      • #26
                        موضوع شيق بس للأسف غير حيادى ..

                        حل المعضله دي ان الاستاذ اللى تفضل بذكر العيوب كلها نرجوه يقولنا المزايا كمان من وجهة نظره ولازم يكون في مزايا ولو قليله ..

                        و الاخوه اللي تفضلوا بذكر كل الردود علي العيوب يقولوا العيوب من وجهة نظرهم و الكل يقدر يرد بتقييم من 10 درجات و الساده الزوار اللي عايزين يقرروا يقدروا يخدوا المحصله من الموضوع

                        انا لسه شاري العربيه و ليا تعليقات عليها و في حاجات عجبانى و الكل كدا لان العربيه زيها زي اي سلعه .. لولا اختلاف الاذواق لبارت السلع

                        شكرا

                        Comment


                        • #27
                          المشاركة الأصلية كتبت بواسطة ahmadmidop مشاهدة المشاركة
                          توضيح اخر بسيط الكلام ده على اللوجان بس انما سانديرو السيمبول محدش اعرفه اشتكى من حاجة فيهم عشان الاستاذ اللي قلق من السانديرو ..... خلاصة الكلام ومن غير زعل انا ماشفتش في اي قسم حد بيدافع عن عربية غير في قسم اللوجاان ..... جايز لانكم شايفين حاجة احنا مش شايفنها فياريت ياجماعة بلاش العصبية الزياادة دي ومش كل حد مش معاه لوجان يبقى داخل يهاجمكم او كلام من ده .. اللوجان مش عربية واو اللوجان سعرها هو اللي خلى الناس تشتريها مش اكتر مش هتلاقي حاجة في وسع او ارتفاع اللوجان بالسعر ده .... بس عشااان محدش يقلق الكلام على اللوجان بس لاكن شركة رينو بصفة عااامة لاغباااااار عليها ... وتقبلو مروري من غير زعل
                          صديقي العزيز
                          لو هتكلم عن نفسي
                          انا كلامي مكنش دفاع عن العربيه
                          الراجل بيقول بالحرف الواحد (4- العربية سفاحت بانززززين عن مثيلاتها من ال 1600 سي سي .)
                          انا شفت كلمه سفاحه بنزين دي واتجننت ... ليه؟؟؟
                          لاني مسجل استهلاك العربيه من ساعه استلامها من المعرض وكان اقل استهلاك زي ما ذكرت 5.8 لتر
                          واخويا الزميل يقول سفاحه يبقى لازم ارد

                          Comment


                          • #28
                            المشاركة الأصلية كتبت بواسطة ahmadmidop مشاهدة المشاركة
                            انا متفق معاك في بعض النقاااط وده لان اغلب اصحابي وقرايبي جابو اللوجان ... السخونية من التابلوه معاااااااااااااااااااااااااااك جدا ...... صوت الماتور عاااالي اتفق معااااك وبشدة ..... الباور تعبااااان .... واحد صاحبي كنا لسه جايبنها من المعرض وووقفنا تحت البيت سندت على العربية بظهري على الشنطة من الجمب اتطبقت بس الحمد لله فتحنا الشنطة وردناها من جوه ... السقف بيسود بسرعة غريبة العربية لسه مكملتش سنة انا معاك انا اللون الفاتح هيغمق بس مش بالسرعة دي .... طبعا بعد ال120 الثبات بيقل عشااان ارتفاع العربية
                            خلاصة الكلام ومع احترامي لملاك اللوجان اغلب اللي جابوهاا عشان السعررر معدش في عربية بالسعر ده وتكون عائلية وعالية وحمولة زي اللوجان .... وبالتالي مش هيفرق معاه صوت موتور ولا زجاج ولا فرامل مش هيركز في الحاجات دي ,,,, ومعلش بردو اغلب (ومش كل) اللي جابوها بتكون او عربية زيرو ليه فبيحس بفرق وبتعجبه العربية اووووي .... واسف على الاطالة وتقبلو رأيي لان ده والله من معرفتي ليجي 6 اشخاص معاهم لوجااااان .... بس كلنا متفقين ان العلو ده مناسب لشوارع مصر
                            ,


                            ومتفق معاه ان توكيل رينو الى فيه شبه اجماع على انه من افضل توكيلات مصر ورشه

                            وشايف ان اللوجان الى بيوصل معايا الاستلاك على السريع ل 4.5 لتر لكل 100 كيلو يعى الصفيحه ممكن تعمل معاك لغايه 320 كيلو واحيانا اكتر

                            وشايف ان عيب سخونة خرطوم التكييف الى موجود فى بعض العربيات بيدخل رماد من ماتور العربية على الى قاعد جوه الكبينة
                            ده على اساس انه راكب الترامكو



                            وحضرتك برضه متفق ان من العيوب الى خلت اخونا الفاضل يبيع العربية ان مع فتح الاقزار الهواء بينكش شعره

                            غير انو بيطير شعرك وينعكشوو كأنك كنت بتتخانق .

                            ده عيب جل مش عيب عربية


                            ومتفق معاها ان الى شارى اللوجان نازل من 128 ( رغم ان ديه مش اهانة ) بس ذكرها فى السياق ده لازم يؤخذ فى الاعتبار
                            [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
                            غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

                            Comment


                            • #29
                              مبدئيا اهلا بيك يا باشا

                              انا الحمد لله كنت من اوائل الناس اللي جابوها العربية معاي من شهر 9 2009 لحد النهاردة و الحمد لله حجزت عربية ثانية لوجان بردو و الحمد لله سقت عربيات كثير منها الكويس و منها الممتاز و منها التعبان من اول الصيني زي الاسبيرانزا مرورا باللادا و الشاهين و ال128 و اللانوس و الفيرنا و الاكسنت و الRB و فورد قديم و كثير من اللي في نفس الفئة دي و اخيرا سوبارو امبريزا 2009

                              عاوز اوضح كذا حاجة
                              1- لما تقارن عربية تقارنها بنفس الفئة بتاعتها يعني متقارنش عربية ب 70000 بعربية ثانية ب 100000
                              2- خدلك لفة كدة في المنتدى بتاع اللوجان كلو و شوف اراء الناس و بص على التواريخ و انت تعرف ان الناس اللي متعرفش بعضها مجتمعين على عيوب و مميزات
                              3- الحمد لله القسم هنا مش بيدافع عن العربية بشكل مرضي او بغير حق لكن في نفس الوقت لازم يرد على الكلام اللي بيتقال و يبان لو كلام تمام يبقى شكرا و زي الفل و لو اي كلام يبقى لازم يترد عليه بشكل واضح و قاطع
                              4- كل الناس اللي في القسم و اللي في غير القسم مجتمعين على عيوب انت ذكرتها و عيوب انت مذكرتهاش
                              5- مفيش عربية كاملة
                              6- متزعلش مني =)

                              - موضوع العربية سفاحة بنزين فاسمحلي اققلك انك غلطان تماما العربية دي فعلا من اقل العربيات ال1600 استهلاك للبنزين عملت معايا مرة 5 لتر/ 100 كيلو

                              - تكييف العربية انا مش شايفه قوي زي مانت ما بتقول هو كويس لكن مش سوبر و مستغرب ازاي انت ركبت كابريس و عندك كورولا و بتقول ان تكييف اللوجان ممتاز؟؟

                              - عيب انت مقلتوش زي مثلا مكان الكلاكس زي مثلا مكان زراير الزجاج الامامي زي مثلا ان التنك مبيفتحش من جوة

                              - عيب الدواسات ده انا صاحبي معاه 2011 و مستلمها معاه و كنا في الصيف و سايقنها من مصر الجديدة للزهراء و مش موجود لحد النهاردة و كان عندي و التوكيل فرع المقطم اللي حضرتك بتشتكي منو هو اللي ركبلي العازل لكن فعلا لاحظت سخونة في التابلوه من فوق بس ارجع و اقلك انها موجود مثلا في السيراتو و الناس مقلبتش الدنيا

                              - الموتور كلنا مجمعين على انو تكنولوجيا قديمة بس في نفس الوقت انو معمر لأنو متجرب في الميجان 1 و معروفه العربية دي اظن + انو بعد التليين الدنيا بتتظبط

                              - الثبات اقسم بالله العلي العظيم راجع من اسكندرية و في الطريق الضيق اللي قبل البوابات ده جبت بيها 160 من غير ماحس و محستش غير اما بصيت على العداد و الله العظيم يمين احاسب عليه بس علشان الحق لو فيه هواء شديد اخرك 120 علشان تبقى حاسس بالامان مع العربية

                              - صاج العربية يا احمد الحتة اللي انت سندت عليها دي اضعف حتة في العربية و فعلا بتترد من جوة زي مانت عملت لكن اتحداك لو حتة ثاني في العربية عملت معاك كدة

                              - السانديرو هي هي اللوجان بتصميم مختلف و في توب جير كابتن سلو كان معجب جدا بالعربية دي انها عربية مدينة و مش بيقارنها بالسوبر كارز زي كلاركسون اللي بصيصلها على انها عربية شكلها مقرف و تعبانة لأنو بيقارن بالسوبر كارز

                              - الزجاج عندي مفيهوش لا مشاكل ولا اصوات الحمد لله

                              - الباور تقيل معاك في دي بس اخف من الساجا مثلا اللي سقتها اكثر من مرة

                              - اماكن زراير الزجاج اللي ورا رخمة للي قاعد ورا لكن في متناول السواق جداااا

                              - العربية تعتبر في نفس ثبات اللانوس لحد ال120 لأني مجربتش لانوس في سرعة اكثر من كدة و في نفس الوقت صاجها افضل من اللانوس و الدليل على كدة اللانوس واخدة في EuroNCap نجمتين و نص و اللوجان واخدة 3 نجوم و ده مش علشان هي وحشة لكن علشان في حاجاةت optional في الsafety features بتاعتها

                              - فرع المقطم في التوكيل عامل كدة بشكل مؤقت لأنو هيتقفل و يحل محله واحد في ابو رواش و فتحوا واحد في القطامية غير اللي في العبور

                              - موضوع العربيات الفرنساوي اللي بتتعمل علشان تمشي 4 سنين و بعدين تتعدم ده ازاي يعني؟؟ ده الفرنساوي معروف طول عمره عندك البيجو ال504 و ال405 و الرينو 4 و 5 و ال19 و الرينبو و كل الكلام ده معمول علشان يمشي 4 سنين و ماشي دلوقتي فيه اللي داخل في 15 سنة و اللي في 20 و فيه اللي اكثر!!!!!
                              يجب تعديل حجم الصورة

                              Comment


                              • #30
                                المشاركة الأصلية كتبت بواسطة zkralla مشاهدة المشاركة
                                ,


                                ومتفق معاه ان توكيل رينو الى فيه شبه اجماع على انه من افضل توكيلات مصر ورشه

                                وشايف ان اللوجان الى بيوصل معايا الاستلاك على السريع ل 4.5 لتر لكل 100 كيلو يعى الصفيحه ممكن تعمل معاك لغايه 320 كيلو واحيانا اكتر

                                وشايف ان عيب سخونة خرطوم التكييف الى موجود فى بعض العربيات بيدخل رماد من ماتور العربية على الى قاعد جوه الكبينة
                                ده على اساس انه راكب الترامكو



                                وحضرتك برضه متفق ان من العيوب الى خلت اخونا الفاضل يبيع العربية ان مع فتح الاقزار الهواء بينكش شعره

                                غير انو بيطير شعرك وينعكشوو كأنك كنت بتتخانق .

                                ده عيب جل مش عيب عربية


                                ومتفق معاها ان الى شارى اللوجان نازل من 128 ( رغم ان ديه مش اهانة ) بس ذكرها فى السياق ده لازم يؤخذ فى الاعتبار
                                اولا ياباشا انا قلت اتفق معاك في بعض الحاجات وانا مذكرتش منها التوكيل ومذكرتش البنزين وحوار الشعر ده اعتقد انه فكاهي
                                [aldl]http://store2.up-00.com/Jan12/l6z75685.png[/aldl]

                                Comment

                                Working...
                                X