إعـــــــلان

Collapse

.

,
See more
See less

تجربتي مع اللوجان

Collapse
X
 
  • Filter
  • الوقت
  • Show
Clear All
new posts

  • #91
    المشاركة الأصلية كتبت بواسطة ahmed a.maksoud مشاهدة المشاركة
    أيه ده ؟؟؟؟؟؟؟؟

    دى طلعت موقوفة تعدد عضويات هههههههههههههههههه

    أقسم بالله كنت متوقع كدة



    لكن عموماً الملحوظة



    أكتر من 95 % من إلي بيهاجمو العربية مش من مالكيها
    أكتر من 95 % من إلي بيدفعوا عنها من مالكيها و دة معناه


    أن معظم مالكي اللوجان مقتنعين بيها و راضين عنها و أنا منهم .


    أكيد العربية مميزة جداً في فئتها


    و مش من المنطق مقارنتها بفئة أعلى منها .




    وائل الشيشيني

    Comment


    • #92
      المشاركة الأصلية كتبت بواسطة Nany2011 مشاهدة المشاركة
      ياسبحان الله طيب ما تقلي يا أبو العريف أخش فين ومخشش فين
      تاني حاجة انا بكتب بسرعة وعلشان نسيت حرف الالف خلاص بقيت ولد يعني ونخش بأه في كلام مهلوش لازمة وانتي ولد لا انا بنت طب سمعينا صوتك طب أثبتي وكلام فاضي ملهوش لزمة

      بس بصراحة بحييك أنتا كنت شغال مدقق أملائي ولا موجه لغة عربية قبل كده .

      تالت حاجة الموضوع التاني بيتلكم عن أزاي أي أنسان يعرف العربية الكويسة من العربية الي مش كويسة والعربيات مش مخلوقة للرجالة بس ... انا مش عارفه أنتا عايش فين بس أحنا في مصر هنا عندنا عربيات وبنسوق عربيات وبنشتري عربيات ولازم نعرف العربية الكويسة من الي مش كويسة ... والستات من قديم الازل وهما أحسن ناس بينقو ، مش بس بينقو فساتين وينقو خضرة وفكهة وبسطرمة وسمك ، ولو مكنتش عارف في ستات بتسوق تكوسة كمان ولمكنتش عارف في ستات بيشتغلو في تجارة العربيات للبيع لحساب الغير ولو مكنتش تعرف كمان في ستات بتوصل طلبة وطلبات الصبح للمدارس ولو مكنتش تعرف في ستات دكترة وأساتذة ومهندسين كمان

      يشرفنى انى اكون اول واحد اكتشف ذكورة حضرتك وتعدد عضوياتك وطلعت على حد قولك ( ابو العريف )
      ويحضرنى هنا قول الحكيم مازنجر والاخت افروديت اذهب غير ماسوف عليك
      واكيد طبعا مش هرد على كلام واحد عامل واحدة ست عشان يقدر يتكلم معانا
      وبما ان الموضوع قلب لتحليل نفسى لملاك اللوجان اسمحوا انا كمان امشى مع السياق ده واحلل شخصيان الى بيهاجموا اللوجان والى عمالين يزايدوا على ملاكها وبيقولوا اننا بندافع على عربية بدون داعى ضد عيوب وهمية قايلها ناس داخلين بعضويات متعددة فقط لمهاجمة العربية ( زى اختنا ولا اهونا الموقوف لتعدد عضويات ) وعاوزين ملاك اللوجان يقولوهم اه مظبوط جميل كلامكم حكم
      والملاحظ حتى من الى داخلين يهاجموا انهم يا اما عضويات مزدوجه وطبعا بيكونوا تبع شركات منافسه او ناس من المنتدى معاهم عربيات تهاجم كثير من الاخرين امالانها عربية صينى مثلا - مش تقليل من الصينى بس محدش ينكر ان الصينى اكثر عربيات بتتهاجم وان فيه انواع منها عباره عن علب تونه - ( طبعا فيه عربيات محترمة زى ال byd وغيرها )
      وعشان كده بعض اصحابها عاوزين يثبتوا لانفسهم باى طريقة ان فى عربيات وحشه زى عربيتهم
      احنا بنرحب بيهم فى وقت اذا كان ده بيهديهم ويريح نفستيهم
      وعربيات تانية زى الافيو الى فيه شبه اجماع على انها افشل عربية نزلت مصر منذ كان الخواجه فيات لسه نونو وعنده 7 سنين

      معلش خرجت عن الموضوع بس اصل بصراحه الموضوع زاد قوى ومبقاش مناقشه عيوب عربية احنا - فى قسم اللوجان - اول ناس وضحنا كل عيوبها وعمرنا ما خبينا عند حد عيوب فيها بما انها صناعة لازم يكون فيها بعض العيوب زى اى عربية تانية والمشكلة بتكون هل العيوب ديه حالات فرديه وهل يمكن معالجتها وهل التوكيل قوى ويساند صاحب العربية فى اصلاح اى عيب
      [B]الوا السياسة مهلكة بشكل عــــــــــــــام...و بحورها يا بني خشنة مش ريش نعام.
      غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام[/B]

      Comment


      • #93
        المشاركة الأصلية كتبت بواسطة ahmadmidop مشاهدة المشاركة
        ياجمااااااااعة والله انتو اللي كلامكو بيخلي الناس تدخل وتعلق انتو بتدافعو عن العربية بشدة اووووووووووي ... والاستاذ اللي يقولك ماشي 180 والعربية ثابتة ... ياعم حررررررررررررررام عليك بقى انا ركبت كذا لوجاااان والله العظيم 180 ايه اللي ثابتة ... انتا شكلك بتقارنها بال 131 اللي كنت راكبها فعشان كده حاسس بالثبات المفرط
        لا مش بقارنها سيادتك بال 131 ، بقارنها بالعربيات اللي في نفس الفئة السعرية بتاعتها ، اللي كنت راكبها :b4_388:

        Comment


        • #94
          من الاخر ....اللي عايز يشتري العربيه دي.....

          1- لازم يقارنها بنفس الفئه اللي هي فيها
          2- لازم يعرف مميزتها من ملاكها فقط
          3- لازم يعرف عيوبها من ملاكها فقط

          وبجوله بسيطه في قسم اللوجان اللي احنا فيه ده ... يقدر يعرف الكلام ده كله
          انا ليه بقول كده .....
          لان الناس هنا هما اول ناس كان ليهم شرف المحاوله في شراء العربيه دي(من 2008)
          لحد ما العربيه بقت ماليه شوارع القاهره

          يبقى لما ناخد العيوب او المميزات ناخدها منهم

          شكرا

          Comment


          • #95
            يا شباب انا بصراحه ممتن جدا و مبسوك جدا علشان عضو فى قسمنا الحبيب قسم اللوجان و تكاتف رجالة القسم مع بعد هوا اللى القسم ده يكبر و هيبقى إن شاء الله أحسن قسم فى المنتدى بالإحترام المتبادل بين أعضاءه و بما إن فى بعض الأعضاء بيحبوا التحليل النفسى لأعضاء اللوجان
            ياريت يخلوا بالهم من العضو ahmedeg1
            لحسن ممكن يتجنن عليهم لأ بجد ده مريض بحب لوجى خلوا بالكم يا جماعة
            و الأستاذ اللى عامل نفسه واحده ست ربنا يهديه لأنه بجد انا ممكن أحلل شخصيته
            بس بلاش أحسن و خلينا إحنا أحسن من منتقدينا الهداميين
            و مرحب بالمنتقد البناء
            [CENTER][RIGHT][SIZE=4][COLOR=Black]لا تكن أحادي الرأي فمن الجميل أن تؤثر وتتاثر
            [/COLOR][/SIZE]
            [/RIGHT]
            [/CENTER]

            Comment


            • #96
              المشاركة الأصلية كتبت بواسطة a_nbm مشاهدة المشاركة
              من الاخر ....اللي عايز يشتري العربيه دي.....

              1- لازم يقارنها بنفس الفئه اللي هي فيها
              2- لازم يعرف مميزتها من ملاكها فقط
              3- لازم يعرف عيوبها من ملاكها فقط

              وبجوله بسيطه في قسم اللوجان اللي احنا فيه ده ... يقدر يعرف الكلام ده كله
              انا ليه بقول كده .....
              لان الناس هنا هما اول ناس كان ليهم شرف المحاوله في شراء العربيه دي(من 2008)
              لحد ما العربيه بقت ماليه شوارع القاهره

              يبقى لما ناخد العيوب او المميزات ناخدها منهم

              شكرا


              ومتنساش شوارع الاسكندرية عاشقة اللوجان والرينو عموما

              انا مشارمتش في الموضوع دا الا برد واحد في اوله ولما لقيت ان الموضوع قلب بعبط فضلت عدم الرد مرة اخري عشان مغلطتش في حد عشان بصراحة الكلام كله مستفز

              الاخ صاحب الموضوع لو بحثنا في مواضيعة حتلاقيها كلها بيضور علي عربية ياريس وبيسال الناس اصحابها عليها ودا تقريبا اول موضوع بقول فيه رايه عن عربية وواضح جدا انه اول مرة يشوف عربيات في حياتة

              اللي مندهش ليه اصحاب اللوجان دايما يدخلوا يدافعوا عنها انا بقولهم لا داعي للدهشة اللوجان لا هي اختنا ولا الرينو ابونا ولا احنا مغاربة ولا رومان علي فكرة عشان انا سبق اتهامي بذلك !!!!!!!!!!

              كل الموضوع ان العربية والله حلوة وفعلا من احسن العربيات اللي انا ركبتها وسوقتها وانا ماركبتش قليل انا بقالي فوق ال 18 سنة بسوق وبغير في عربيات

              وان مكانتش عربية كويسة مكانش كل الناس دي لبستها - قصدي ركبتها - ولا ايه؟؟؟ اكيد الناس اللي اشترتها اقتنعوا بيها قبل ما يشتروها ولا مكنوش اشتروها والمفاجاه والغريب اني لما روحت الاقصر ولفيت في جنوب الصعيد لقيتها الحمد لله انتشرت هناك انتشار لا باس بيه دا غير اني شفتها في الغردقة تاكسي

              المهم في النهاية انا متعودش ارد علي اي موضوع مهما كان مستفز بقلة ادب ولا كلام مش تمام بس بجد الموضوع دا مايترضش عليه الا بتيت كبيره عشان فيه نيه مبيتة لاظهار عيوب غير موجوده بالعربية اللي عنده والله اي عيب موضوعي عن العربية يتفضل يقول رايه والله احنا كملاك للعربية حنرد عليك برضة بمنتهي الموضوعية ولا يمكن نقول الا الحقيقة في حاجة زي كده - احنا في الاول والاخر موجودين علي المنتدي عشان نفيد ونستفيد وجايز يبقي فيه حاجة مش واخدين بالنا منها ونحاول نصلحها او نشوفلها حل في توكيل العربية اللي علي فكرة برضة من احسن التوكيلات في مصر وكبيتاخرش عننا في اي حملاحظة نقولهاله عن العربية
              [U][I][B][SIZE="3"]فى كل شارع فى بلادى صوت الحريه بينادى[/SIZE][/B][/I][/U]
              [aldl]http://i.treehugger.com/images/2007/10/24/renault%20logan%20eco2.jpg[/aldl]
              [LEFT][B][I][FONT="Comic Sans MS"][SIZE="3"]Ashraf Kerima[/SIZE][/FONT][/I][/B][/LEFT]

              Comment


              • #97
                يقولوا عليها زي ما يقولوا يهاجموا و يطلعوا عليها كلام هبل و خبل و أحيانا أوهام و يتحرقوا من ثقة الناس فيها و انتشارها و إثبات وجودها و جودتها و اعتماديتها (كمان مرة علشان محدش يزعل) براحتهم عالآخر هي عاجبانا و باسطانا و شايلانا و مقضيانا . في النهاية بقولها"يا جبل ما يهزك ريح"

                Comment


                • #98
                  الغريب والعجيب ياشباب أني أتمنيت حد يتكلم عن تجربتو الخاصة بالعربية مش يعلق على تجربت غيروا ... دي تجربتي ودي وجهت نظري انتا بأه وجهت نظرك في عربيتك أيه قلها ملكش دعوه بوجهت نظري انا ... كل واحد ليه وجهت نظروا ... وعربيتي عن عربيتك بتفرق ... ووجهت نظري عن وجهت نظرك بتفرق .

                  وفي برنامج مشهور أسمو توب جير ... بيمسكو أفخم العربيات ويقولوا عيوبها وعندهم منتدى خاص بيهم جميل قوي عمري ماشفت الي حصل في قسم اللوجن هنا ده نهائي ،من هجوم غير مبرر لمجرد أن واحد قال رأيو في عربيه هو أشتراها .

                  ده حتى مره في حلقه من حلقات البرنامج مسكو العربية المرسيدس وقعد الراجل يقول بصو على الماتريل بتاع العربية المرسيدس الاسبورت دي متريل رقيق وضعيف جداً ودون المستوى بصوا على الزرار الفلاني قد أيه ضعيف ومسك العربية المرسيدس حسسني انو بينتقد عربية فيت مش مارسيدس وطلعلك كل عيوبهاااا ... ومسمعناش عن حد هاجمو لأن الحق معاه لأن الزبون دايماً على حق وطبعاً العبارة دي غير معترف بيها في مصر هنا عندنا بل بالعكس شركة مارسيدس خدت كل كلمة قالها وخدت جميع انتقادتو وحطتها بالاعتبار علشان الموديل الجديد تحسن من صانعتها ومتخليش كلمة عليها تنقال .

                  الحمدالله معندناش برنامج توب جير في مصر ، لأنوا لو أتكلم كلمة عليها ممكن بتوع اللوجن يروحو يكسرولوا القناة ويضربوه ويقولوا لو انتا أزاي تقول عن اللوجن كده .ههههههههههه

                  والحمدالله وانا بلف في المنتدى بتاع اللوجن لقيت كلامي مش جديد ولا تأليف في ناس كتير أشتكت منو ، يعني مكنتش بحلم ان العربية عندي فيها العيوب دي ...

                  عامةً ملاحظة هامة : هذا الموضوع لايعبر سوى عن رأي كاتبه وتجربته الخاصة فيما أشترى ... وفيما رأى ، ألي عاوز يعلق يعلق عن تجربته هو وليس عن تجربت غيره أو كلام غيره (عندك تجربة وتحب مشاركتنا بها أذكرها حتى لو مديح في عربيتك معندكش تجربة شكراً وكتر ألف خيرك وملكش دعوة بكلام غيرك عن عربيته هوا مش عربيتك ) ... وفي النهاية أشكر الجميع على سعة صدرهم وأتساع أفقهم ومشاركتهم الفعاله .
                  me_medoo

                  Comment


                  • #99
                    طب بعد المشادة العنيفة دي اللي فضلت متابعها باهتمام اتكل علي الله واجيب اللوجان او السانديرو ولا خليني احسن في الهنا اللي انا فيه؟؟؟؟؟؟؟
                    انا ركبتها في المعرض بس وعجباني جدا جدا زراير الشباك
                    مكان غريب اه بس جديد وانا بحب الجديد
                    وبصراحه القسم بتاع اللوجان خلاني اقتنع بيها مع اني كنت خلاص هجيب فيرنا بس قعدت اسبوع بحاول اقري معظم المواضيع اللي جت هنا والحمد لله اقتنعت بشكل كبير
                    بس لسه الاختيار ما بين لوجان وسانديرو
                    وان شاء الله اول ما اجبها هعمل تقرير اول بأول زي ما كنت بعمل في تيريوستي

                    Comment


                    • بالتوفيق يا نونه ومبروك ياستي مقدماً على العربية الجديدة
                      me_medoo

                      Comment


                      • اله يبارك فيك بس يارب تيجي بقي لحسن بقت راسي تتخلع من مكانها كل ما بشوفها علشان هتجنن عليها
                        بس كتير مخوفني وربنا يعمل اللي فيه الخير

                        Comment


                        • كيفية متابعة استهلاك السيارة للبنزين

                          المشاركة الأصلية كتبت بواسطة a_nbm مشاهدة المشاركة
                          صديقي العزيز
                          لو هتكلم عن نفسي
                          انا كلامي مكنش دفاع عن العربيه
                          الراجل بيقول بالحرف الواحد (4- العربية سفاحت بانززززين عن مثيلاتها من ال 1600 سي سي .)
                          انا شفت كلمه سفاحه بنزين دي واتجننت ... ليه؟؟؟
                          لاني مسجل استهلاك العربيه من ساعه استلامها من المعرض وكان اقل استهلاك زي ما ذكرت 5.8 لتر
                          واخويا الزميل يقول سفاحه يبقى لازم ارد
                          ممكن حضرتك ترسل لى ملف الإكسيل اللى ممكن أتابع بيه استهلاك السيارة للبنزين؟

                          Comment


                          • كل ددددددددددددددددددة عشان واحد قال رأية فى عربية !
                            اللى حيضيع بلدنا : الفهلوة و كلمة باشا و معلش و أصل


                            [SIGPIC][/SIGPIC]

                            Comment


                            • انا ممكن اختلف مع صاحب الموضوع فى كذه نقطه انا طبعا معايا لوجان 2010 معدى بيها العشرين الف من فتره قريبه
                              1- السخونه اللى من الدوسه دى مش موجوده عندى صراحه مش عارف هى نزلت تقريبا فى مجموعه من العربيات بس تقريبا ومش موجوده عندى نهائيا
                              2- بالنسبة للتيل انا مغير التيل فى صيانه العشرين الف وده لانى زى ما حضرتك شايف خلال سنتين عامل 20 الف وعيش فى القاهره بزحمتها فالفرامل شغاله معايا على طول وللعلم اخويا معاه بروتون جين تو وبرضوا مغير التيل فى 20 الف زى
                              3- السواد اللى فى السقف من جوه ده مش موجود عندى لانى زى ماقولت لحضرتك ان مفيش سخونه عندى من الماتور على العربيه
                              4- صوت الماتور حضرتك مبالغ فيه جدا ومن شكى من كتر كلام الناس على علو صوت الماتور احيانا بقعد ناس جنبى وقولهم صوت الماتور ده عالى بيقولولى لا عادى جدا وهو صراحه يعتبر عالى شويه بس لو قفلت الازاز وشغلت الكاست انسى انك تسمعه العزل بتاع العربيه ممتاز لدرجه انى مره خبطت ومحست انى خبطت من كتر ما عزل العربيه
                              5- الازاز بطي بعتقد الكلام ده صعبه وممكن يكون حاله فرديه ليك لان الازاز بيتفتح بسرعه مناسبه
                              6- اخيرا بالنسبة للسرعه حضرتك بتقول ازاى جاب 160 أنا جبت 190 ودى صوره العداد
                              [aldl]http://a8.sphotos.ak.fbcdn.net/hphotos-ak-ash3/580638_422952827734040_100000579795976_1525528_175 4578466_n.jpg[/aldl]

                              Comment


                              • انا كان ليا زميل في الشغل معاه لوجن واختلفت انا وهو لمن جاوبتو على سؤال انا بعت العربية ليه ومكنش مصدقني. فقمت راكب معاه عربيتو لقيتو يامشاء الله عندو حرارة بس مش حاسس بيها لانو مبيخودش مشاوير طويلة وعندو كزا مشكلة ومكنش شايف عيوبها خالص
                                بس عامةً. انا بحترم كل انسان يختلف معايا. وحضرتك لو بتقول ان سرعة نزول القزاز دي طبيعية ومشكلة فردية طيب حضرتك اوقف جمب اي واحد معاه عربية شبابيكها كهربا وخليه ينزل شباكو وانتا نازل شباكك وشوف مين اسرع
                                الغريب انا لمن ذكرت عيوب العربية ذكرتها كبكتج. مرة وحده وفي ناس مستحمفتش الصدمة وتعبت ، بس تعالة امسك كل نقطه ذكرتها انا وادخل على قسم اللوجن هتلاقي كل واحد الا ما تلاقي عندو مشكلة وحده مما ذكرتها انا
                                حتى هنا في نفس الموضوع هتلاقي كل واحد حاطط مشاركة بيقولك انا معاك في كزا ومش معاك في كزا وكزا وكزا. طيب المحصلة النهائية ان العيوب الي ذكرتها موجوده في العربية. ١٠٠٪
                                انا العربية مقعدتش معايه اكتر من ست تشهر ومشيت بيها ١٧٠٠٠ لعشرين الف كيلو حضرتك مثلا بتقلي سنتين وممشيتش بيها غير عشرين ال كيلو بس ههههههه يعني سامحني حضرتك تعتبر لسه بتلين العربية امشي بيها اكتر وهتقول مي ميدوو قال وتحياتي
                                me_medoo

                                Comment

                                Working...
                                X