اي حد عندة استفسار في ستروين انا في الخدمة

[Romeo26222]

صباح الخير لكل الاخوة الاعضاء
الموضوع دا هيبقي مخصص لمشاكل السيارات الستروين وبالاخص مشاكل الموديلات الحديثة وحلولها واسعار القطع المطلوبة..
اي حد عندة استفسار انا في الخدمة..
م/رامي

[medomonier]

السلام عليكم

انا عندي نتشة غريبة في الفتيس بين d1&d2 انا معايا c4 2006

[Romeo26222]

العربية بتنتش وهي باردة ولا وهي سخنة؟
هل العربية بتديك "Gearbox faulty" ولا لأ

اجابتك علي الاسئلة دي هتحدد اذا كان دا عيب في الفتيس ولا طبيعي لان كل السي 4 فيها نتشة بين الاول والتاني..

[haythamsamir]

xsara

انا قدامي اشتري اكسارا 2004 وماشية 50000 كم بس العربية اتخبطيت والميكانيكي بيقولي ان الخبطة طالت الاكصدام والفوانيس بس مع العلم بان الوسادة الهوائية فتحت . فهل يمكن ان تضرب الوسادة الهوائية دون حدوث خسائر مؤثرة ؟
وياريت حضرتك تقولي اهم عيوب العربية دي

[Romeo26222]

انا قدامي اشتري اكسارا 2004 وماشية 50000 كم بس العربية اتخبطيت والميكانيكي بيقولي ان الخبطة طالت الاكصدام والفوانيس بس مع العلم بان الوسادة الهوائية فتحت . فهل يمكن ان تضرب الوسادة الهوائية دون حدوث خسائر مؤثرة ؟
وياريت حضرتك تقولي اهم عيوب العربية دي

بالنسبة للاكسارا ال n7 اللي هي بتتسمي اكسارا 2 العربية دي كويسة جدا ومن افضل الموديلات اللي نزلت سيدان من ستروين
بالنسبة للوسائد الهوائية ممكن تفتح فعلا بدون حدوث خسائر مؤثرة لان الكومبيوتر بيحسب السرعة المتناقصة للعربية وبيقرر فتح الوسائد..
بالنسبة للعيوب احب اقولك ان الاكسارا n7 من اقل العربيات اعطالا دا بشرط ان مايكونش في اي لعب في ضفيرة العربية لانها حساسة شوية من جهة الكهرباء وقطع الغيار متوفرة لكن غالية نسبيا...

[amrrashed]

الف شكر على جهدك

[yaco_nil]

موتور

موتور خفيف يعنى ايه
الفيوزات
علبة الدريكسيون لو عايزه حشو يعنى ايه
العربيه احيانا بتنتش او بتقطع وهى بتجرى وبعد كده تبقى كويسه واحيانا تقطع
ممكن اجابه

[Romeo26222]

موتور خفيف يعنى ايه
الفيوزات
علبة الدريكسيون لو عايزه حشو يعنى ايه
العربيه احيانا بتنتش او بتقطع وهى بتجرى وبعد كده تبقى كويسه واحيانا تقطع
ممكن اجابه

ممكن اعرف انت بتتكلم علي اي عربية بالظبط؟؟

اولا بالنسب للموتور الخفيف يعني كبس الموتور بقي اضعف بسبب التاّكل اللي بيحصل في بستم الموتور والشمايز او ضعف طقم الشنبر..
علبة الدركسيون عايزة حشو يعني في جزء فبر اسمة طقم حشو بيكون مكسور او متاكل جوة العلبة وبيتغر بس نتايجة مش مضمونة وطقم الحشو مش متوفر في كل الموديلات
بالنسبة للتنتيشة احب اعرف نوع وموديل العربية..

[kahrota]

ممكن تكلمنا عن مشكله الجير الاتومتيك فيc4 و بتحصل امتي و هل هي تحدث بتكرار و هل العربيه ال ؤ4cيعتمد عليها ولا كثيره الا عطال
و شكرا

[Romeo26222]

ممكن تكلمنا عن مشكله الجير الاتومتيك فيc4 و بتحصل امتي و هل هي تحدث بتكرار و هل العربيه ال ؤ4cيعتمد عليها ولا كثيره الا عطال
و شكرا

مشاكل الجير بوكس الاتوماتيك في السي 4 كانت كتيرة في موديلات 2006 بسبب عيب في تصنيع جزء داخلي في الفتيس وقلت خالص بل كادت ان تختفي في الموديلات الاخيرة
العربية السي 4 يعتمد عليها وهي ما اكثر العربيات ثباتا وامناً لكن يشترط عدم تركيب اي اكسسوارات او كماليات مش مصممة للعمل علي السيارة لانها حساسة جدا من ناحية الكهرباء غير كدة العربية من احسن العربيات اللي موجودة حاليا في سيتروين..

[zimoo]

م/رامي
حضرتك قولت قبل كده ان عيب الفتيس الاوتوماتيك لc4موجود في موديل 2007
وليس 2006 فايه هو الصح
الاهم هو
ما هي الاعراض وكيفية الحل؟
شكرا

[Romeo26222]

م/رامي
حضرتك قولت قبل كده ان عيب الفتيس الاوتوماتيك لc4موجود في موديل 2007
وليس 2006 فايه هو الصح
الاهم هو
ما هي الاعراض وكيفية الحل؟
شكرا

مشاكل الفتيس كتصنيع موجود في 2006 طبعا في بعض عربيات 2007 نزل فيها نفس الفتيس ده علشان كدة 2006 واوائل 2007 بيكون فيهم مشاكل..

الاعراض وجود دبة وكلمة gearbox faulty بتظهر وحلها بيتفاوت بين تغيير بلفات او طقم شنبر او عمرة فتيس كاملة...

[kahrota]

و التصليح الجير بوكس في حدود كام

[medomonier]

العربية بتنتش وهي باردة ولا وهي سخنة؟
هل العربية بتديك "Gearbox faulty" ولا لأ

اجابتك علي الاسئلة دي هتحدد اذا كان دا عيب في الفتيس ولا طبيعي لان كل السي 4 فيها نتشة بين الاول والتاني..

لاء بتنتش وهي سخنة ومش بتديني اي error وهي في السحب وحشة ممكن ده يكون عيب من طلمبة البنزين وشكرا علي ردك

[yaco_nil]

نوع العربيه
ax موديل 1995