اي حد عندة استفسار في ستروين انا في الخدمة

[amrrashed]

مشاكل الفتيس كتصنيع موجود في 2006 طبعا في بعض عربيات 2007 نزل فيها نفس الفتيس ده علشان كدة 2006 واوائل 2007 بيكون فيهم مشاكل..

الاعراض وجود دبة وكلمة gearbox faulty بتظهر وحلها بيتفاوت بين تغيير بلفات او طقم شنبر او عمرة فتيس كاملة...

طب وموديل 2005 فيها العيب ده ولا لا والف شكر ليك على احياءك قسم الستروين

[ahmad--ezzat]

ايه اخبار تسارع ال c4 والثبات؟؟
وهل موتورها يسعف فى السرعات البطيئه ولا بطه فى الاول وبتشد بعد
كده؟

شكرا...

[Romeo26222]

لاء بتنتش وهي سخنة ومش بتديني اي error وهي في السحب وحشة ممكن ده يكون عيب من طلمبة البنزين وشكرا علي ردك

ممكن يكون العيب مش في الفتيس خالص لكن يلزم الكشف علي السيارة بالكومبيوتر لمعرفة الاخطاء واصلاحها ان شاء الله

[Romeo26222]

طب وموديل 2005 فيها العيب ده ولا لا والف شكر ليك على احياءك قسم الستروين

لا العيب بتاع التصنيع لم يظهر الا في 2006 لكن ليكن في حسابك ان السيارة موديل 2005 يعني بقالها 5 سنين فبيكون الفتيس مش بحالتة الاساسية وبيكون حصل فية تأكل علشان كدة مش من المستبعد انة يكون محتاج صيانة او تغير بلوف..

[medomonier]

ممكن يكون العيب مش في الفتيس خالص لكن يلزم الكشف علي السيارة بالكومبيوتر لمعرفة الاخطاء واصلاحها ان شاء الله

طيب يا باشا عايز اقابلك ممكن؟

[Romeo26222]

ايه اخبار تسارع ال c4 والثبات؟؟
وهل موتورها يسعف فى السرعات البطيئه ولا بطه فى الاول وبتشد بعد
كده؟

شكرا...

الثبات حدث ولا حرج عن العربية دي
من اثبت العربيات وأكثرها أمانا علي كل السرعات
بالنسبة للتسارع العربية تسارعها رائع جدا مش بطة خالص وبتسعف في السرعات البطيئة لان موتورها 110 حصان..

[amrrashed]

باشمهندس رامى اولا اشكرك على جهدك ثانيا عندى سؤال انا عندى سى فور 2005 وفى رسالة طلعتلى ان OIL pressure too low فعلى طول رحت البنزينة وغيرت زيت وحطيت موبيل ال 3000 كم والزيت القديم كان محروق بصراحة هل معنى الرسالة انى محتاج بس اغير زيت ولا فى حاجة تانية؟

[Romeo26222]

باشمهندس رامى اولا اشكرك على جهدك ثانيا عندى سؤال انا عندى سى فور 2005 وفى رسالة طلعتلى ان oil pressure too low فعلى طول رحت البنزينة وغيرت زيت وحطيت موبيل ال 3000 كم والزيت القديم كان محروق بصراحة هل معنى الرسالة انى محتاج بس اغير زيت ولا فى حاجة تانية؟

أولا/ زيت ال 3000 غلط يتحط في عربيتك ولازم تغيرة بزيت 5w40 ويفضل توتال كوترتز 9000
ثانيا/ مشكلة ضغط الزيت الواطي له كذا سبب لكن السبب الرئيسي هو نوعية فلتر الزيت اللي بتكون مش اصلية بتسبب كتم مسار الزيت..ويفضل تغيير الفلتر بفلتر اوريجنال..

[amrrashed]

الف شكر يا باشمهندس هروح التوكيل فى اقرب فرصة اغير الزيت والفلتر

[amrrashed]

معلش اصل انا قلقت فى خطورة انى امشى بالعربية كدة لغاية يوم السبت

[د.محمود صلاح]

شكراً جزيلاً Romeo26222 لعرضك الكريم ربنا يبارك فيك

[amrrashed]

معلش يا باشمهندس رامى هو سعر تغيير الزيت والفلتر فى التوكيل كام علشان اكون عامل حسابى بس

[Romeo26222]

الزيت 230 جنية
الفلتر 85 جنية

[amrrashed]

كويس جدا والف شكر ليك

[dynamic_alpha]

سؤال غريب شوية

انا مش عارف استغل الاماكن الموجودة في C4 لأنها غير مصممة للغرض الموجودة به

فمثلا مكان اللي بتضع فيه الكوب... لو الزجاجة كبيرة , بتقع لقدام عند التحرك بسرعة

و بعدين مش لاقي مكان احط فيه iPod او الموبايل من غير ما يقعوا عند التحرك بسرعة

فلو عرفتم تتعاملوا مع المشكلة ده يا ريت تقولولي
شكرا