اي حد عندة استفسار في ستروين انا في الخدمة

[Romeo26222]

عربيتي c4 وكنت عاود أزود زيت البلور لأنه ناقص شوية .. ممكن أعرف نوع الزيت ورقم العينة بتاعته بالضبط .. العربية موديل 2005 وعاملة 62600 كلم وشكراً جداً لمجهودك يا باش مهندس

مالوش رقم ومش بيتباع غير في الوكيل

[amrrashed]

باشمهندس رامى كنا عايز اغير الاربع فرد كاوتس للسى فور اجيب ميشلان وبكام ولا ممكن كومهو يبقى كويس وخاصة ان فرق السعر كبير ؟ وشكرا لك

[waelelgazawey]

السلام عليكم ورحمة الله وبركاته
انا لسه مشترك جديد معاكم ومن الواضح ان في ناس كتير محترمة وعندها معلومات كتير انا عندي عربية الحمد لله حالتها كويسة هي ستروين ax الصغيرة وكنت عايز اغير لها الكاوتش لان اللي راكب فيها نسر طبعا معفن وادامي كذا نوع منهم الشيات وحاجات اندونيسي بس الحقيقة انا اخترت البيريللي هو المقاس عندي 13/ 145 فكنت عايز اعرف هل نوع البيريلي كويس وله لا وايه الافضل لو مش كويس هو سعر الفردة 238 جنية
وكمان هجيب بأذن الله بطارية جافة عشان استغنى عن قرف البطارية العادية فاخترت كلوريد 55 ومعروض عليا 70 كلورايد برضه وفرق السعر مش كبير اوي فهل اجيب 70 ام 55 مع العلم ان العربية 1200 سي سي
.... وهل سعر الكاوتش كدة كويس وله لا وسعر البطارية تقريبا 300 مع العلم انهم قسط فهل الاسعار دي معقولة وله غالية وله كويسة
.... وكمان عندي بيكون الفتيس تقيل شوية الصبح وانا لسه طالع وخصوصا في الاولاني

لكم جزيل الشكر

[zimoo]

م/رامي
كنت عايز استفسر علي اسعار بعض قطع الغيار وتقريبا بتتغير كل قد ايه و( المصنعيات لو امكن)
1-تيل الفرامل الامامي
2-تيل الفرامل الخلفي
3-جلب المقصات
4-زيت الجير البوكس والفلتر
5-زيت الباور
6-طلمبة الباور
7-فلتر البنزين

[zimoo]

طبعا كل الحاجات دي للc4

[Romeo26222]

السلام عليكم ورحمة الله وبركاته
انا لسه مشترك جديد معاكم ومن الواضح ان في ناس كتير محترمة وعندها معلومات كتير انا عندي عربية الحمد لله حالتها كويسة هي ستروين ax الصغيرة وكنت عايز اغير لها الكاوتش لان اللي راكب فيها نسر طبعا معفن وادامي كذا نوع منهم الشيات وحاجات اندونيسي بس الحقيقة انا اخترت البيريللي هو المقاس عندي 13/ 145 فكنت عايز اعرف هل نوع البيريلي كويس وله لا وايه الافضل لو مش كويس هو سعر الفردة 238 جنية
وكمان هجيب بأذن الله بطارية جافة عشان استغنى عن قرف البطارية العادية فاخترت كلوريد 55 ومعروض عليا 70 كلورايد برضه وفرق السعر مش كبير اوي فهل اجيب 70 ام 55 مع العلم ان العربية 1200 سي سي
.... وهل سعر الكاوتش كدة كويس وله لا وسعر البطارية تقريبا 300 مع العلم انهم قسط فهل الاسعار دي معقولة وله غالية وله كويسة
.... وكمان عندي بيكون الفتيس تقيل شوية الصبح وانا لسه طالع وخصوصا في الاولاني

لكم جزيل الشكر

1- البيريللي ماركة محترمة جدا واتصحك بشرائها
2- البطارية لازم تكون 55 مش 70 علشان البطارية ال 70 هتخلي الدينامو يشتغل اكتر علشان يشحنها وهي المقرر لها بطارية 55 امبير
3-الاسعار كويسة طبعا
4- مشكلة الفتيس هو في نوع الزيت اللي موجود والي انا متأكد انة زيت 140 والمفروض يتحط عندك زيت 90 ودا موجود في التوكيل ومش غالي..

[Romeo26222]

1-تيل الفرامل الامامي 400
2-تيل الفرامل الخلفي 475 او 340 علي حسب النوع اللي موجود عندك
3-جلب المقصات لا توجد جلب لكن المقص كامل 750
4-زيت الجير البوكس 120 ولا يحتاج للتغيير الا اذا تم فك الفتيس
5-زيت الباور 135 اللتر وهو كافي لمليء السيارة كلها ولا يحتاج لتغيير
6-طلمبة الباور 3000
7-فلتر البنزين 75 ويتم تغييرة كل 30000 كيلو

[amrrashed]

معلش ممكن سؤال ... عايز اغير الاربع فرد كاوتش للسى فور اجيب ميشلان وبكام ولا ممكن كومهو علما بان فرق السعر كبير شوية ؟؟؟؟؟ وشكرا

[haythamsamir]

السلام عليكم
ان عندي اكسارا 2003 اتوماتيك والعربية بتنتش وهيه سخنة والكمبيوتر مش مدي اي مشكلة . ممكن تكون المشكلة في ايه؟

[medo2o1o]

سؤال رزل بعد اذنك حضرتك ليه مش راكب سيتروين هل بسبب ما بنسمع عنها عن تعقيد صيانتها و عدم توافر قطع الغيار و و و و ولا ماجاتش فرصة تشترى واحدة

سؤال تانى بعد اذنك هل البيجو 307 زى الC4
اخر سؤال و اسف لو كنت تقلت عليك هو فى ال c4 ازاى الدركسيون بيلف و العلامة ثابتة فى النص هل الدركسيون صح على سينسور زى ما بعض الاشاعات بتقول
شكرا

[Romeo26222]

معلش ممكن سؤال ... عايز اغير الاربع فرد كاوتش للسى فور اجيب ميشلان وبكام ولا ممكن كومهو علما بان فرق السعر كبير شوية ؟؟؟؟؟ وشكرا

يفضل الميشلان لانة طري وبيساعد علي نعومة العفشة لكن كومهو برضة كويس المهم الاربع فرد يبقوا نفس النوع ونفس المقاس الاوريجنال..
موضوع بكام مش عارف لكن ممكن تشوف متوسط الاسعار عند بتوع الكاوتش وما اكثرهم

[Romeo26222]

سؤال رزل بعد اذنك حضرتك ليه مش راكب سيتروين هل بسبب ما بنسمع عنها عن تعقيد صيانتها و عدم توافر قطع الغيار و و و و ولا ماجاتش فرصة تشترى واحدة:f_eyeb1[1]:

سؤال تانى بعد اذنك هل البيجو 307 زى الc4 :o_stupid[1]:
اخر سؤال و اسف لو كنت تقلت عليك هو فى ال c4 ازاى الدركسيون بيلف و العلامة ثابتة فى النص هل الدركسيون صح على سينسور زى ما بعض الاشاعات بتقول
شكرا

1- ماجاتش فرصة اشتري واحدة للاسف
2- متشابهين في حاجات كتير جدا وتكاد تكون عربية واحدة
3- دا تصميم واخد جوائز عالمية بش مش علي سنسور ولا حاجة دا ميكانيكا تماما بدون تدخل الكهرباء وهو تصميم معقد في شرحة لكن ببساطة هو الدركسيون علي بلية وترس بيلف من برة والطارة ثابتة من جوة..

[waelelgazawey]

اشكرك بشدة يا باشمهندس وعندي سؤال تاني لان في ناس قالت لي اني ممكن اركب مقاس العجل يكون 170/65/ٌR13 فهل المقاس دة كويس على الستروين AX وله له تأثير على حاجة سواء طنابير او الكوبلن او كدة لك جزيل الشكر يا باشمهندس

[mamin]

Salamou 3alaykom
I am sorry but i can't write in arabic on this PC
I have a C4, 2009 model; the car is perfect (quiet, smooth, powerful..
The main issue that used to happen every now and then is the car loosing its power once turned on followed
by the appearence of the "antipollution faulty" message
Sometimes, i can drive it (with the warning lamp on and the message on the console) other times i can't
Then after few hours or maybe days; these symptoms disappeared and the car back to normal!
I have changed the fuel from 92 to 95 but still the problem exists
Any idea about that?
Thanks a lot

[Romeo26222]

اشكرك بشدة يا باشمهندس وعندي سؤال تاني لان في ناس قالت لي اني ممكن اركب مقاس العجل يكون 170/65/ٌr13 فهل المقاس دة كويس على الستروين ax وله له تأثير على حاجة سواء طنابير او الكوبلن او كدة لك جزيل الشكر يا باشمهندس:f_eyeb1[1]:

المقاس المظبوط 155/70 r13
لكن المقاس اللي انت اخترتة ينفع يركب لان الفروق بينة وبين الاصلي طفيفة وان كان يفضل المقاس الاوريجنال