رابطة مالكى الـ c4

[Mohab.Nabil]

السلام عليكم و رحمة الله و بركاته

طبعا كلنا شايفين ان قسم الستروين يعتبر من اقل الاقسام نشاطا فى المنتدى كله

ففكرت ان احنا نعمل رابطة للــ c4 زى باقى الاقسام ما عاملة للعربيات المنتشرة فى الماركات الثانية

طبعا الــc4 مش منتشرة .. الستروين اصلا مش منتشرة فى مصر بس الــ c4 بتمثل نسبة كبيرة من الستروين فى مصر

العربية من اكثر العربيات المظلومة فى مصر .. سواء بسبب الشائعات اللى هى السبب الرئيسى فى ضياع سوق العربية ديه فى مصر .. او بسبب التوكيل اللى انا شايفه مقصر فى حق ستروين جامد

يا رب الموضوع يلاقى اقبال و نقدر نفيد الناس و نحببهم فى العربية قدر المستطاع لأنها تستحق فعلا انها تتحب

مستنيين مشاركات الاعضاء و يا ريت نتشرف بملاك الــc4 اللى مستخبيين

و طبعا الموضوع مفتوح للرد على اى استفسار يخص العربية و ان شاء الله نقدر نفيد الاعضاء

فكرة الموضوع مستوحاة من موضوع الاستاذ bukla فى قسم رينو

[bukla]

السلام عليكم و رحمه الله و بركاته
الف مبروك على افتتاح الرابطه
و تمنياتى القلبيه بالتوفيق لكل مالكى الجميله سيتروين c4 و اللى بعتبرها واحده من اميز العربيات فى السوق المصرى لكن و ده رأيى الشخصى ان للأسف زى ما حضرتك اشرت التوكيل مقصر بشده فى حق العربيه من حيث الدعايه سواء للعربيه نفسها او حتى لنفسه من حيث انتشار مراكز الصيانه او العروض
بالتوفيق ان شاء الله

[A.Adel]

انا معايا c4 2009 لو فيه اي استفسار انا موجود

[Mohab.Nabil]

السلام عليكم و رحمه الله و بركاته
الف مبروك على افتتاح الرابطه
و تمنياتى القلبيه بالتوفيق لكل مالكى الجميله سيتروين c4 و اللى بعتبرها واحده من اميز العربيات فى السوق المصرى لكن و ده رأيى الشخصى ان للأسف زى ما حضرتك اشرت التوكيل مقصر بشده فى حق العربيه من حيث الدعايه سواء للعربيه نفسها او حتى لنفسه من حيث انتشار مراكز الصيانه او العروض
بالتوفيق ان شاء الله

و عليكم السلام و رحمة الله و بركاته

الله يبارك فى حضرتك و يكرمك

و طبعا شاكر لكرم اخلاقك

فعلا التوكيل مقصر جدا فى حق العربية .. حد يصدق ان ضمان عربية زى ديه يبقى سنة واحدة .. دا الصينى مع احترامى ليه فيه منه بيديك 5 سنين .. كأنك بتقول للى رايح يشترى لأ حاسب العربية ديه اى كلام و بتبوظ على طول .. دا حتى التوكيل بيضمنها سنة واحدة بس

[Mohab.Nabil]

انا معايا c4 2009 لو فيه اي استفسار انا موجود

اهلا و سهلا بحضرتك معانا

يا ريت لو تقدر تحكى عن تجربتك مع العربية و هل انت راضى عنها و يا ترى هل اشاعات الناس كانت مخوفاك من العربية قبل ما تجيبها ؟

[Mohab.Nabil]

تعتبر الستروين c4 من فئة العربيات العائلية الصغيرة و تم بدء انتاجها فى اواخر سنة 2004 لتحل محل الـxsara , حصلت السى فور على المركز الثانى فى جائزة سيارة العام فى اوروبا لعام 2005 , تعتبر السيارة كشقيقة للبيجو 307 حيث ان الموتور واحد و بعض قطع الغيار هى واحدة فى السيارتين .

تأتى السى فور فى ثلاثة اشكال مختلفة

السى فور الهاتشباك العادية ذات الـ 5 ابواب





السى فور الكوبيه ذات الـ 3 ابواب



و الغريب النسخة السيدان و ديه بيتم اصدارها فى دول محدودة زى الارجنتين و البرازيل و المجر و طبعا مش موجودة فى مصر




الثلاث اشكال المختلفة يمتلكون تقريبا نفس المقدمة



فيه اشكال اخرى تندرج تحت اسم السى فور برضه و ان كنت شايف ان الثلاثة اللى تم ذكرهم هم اساس الـ c4 العربية العائلية الصغيرة لأن الـ Grand c4 Picasso ذات السبعة مقاعد او c4 Picasso ذات الخمسة مقاعد هم عربيات عائلية من ستايل الـ MPV

Grand c4 Picasso




c4 Picasso

[A.Adel]

بالنسبة لنقطة الخوف من الشراء دي مكانتش موجودة بحكم ان كان عندناmegane فعارف ان الفرنساوي بدام بتعمله الصيانة في اماكن محترمة عمره ما هيخذلك بس بصراحة العربية متتشراش جديدة مش عشان وحشة و لكن ال options اقل من عربيات كتير( مفيش فتحة سقف ولا بانوراما في الشكل الجديد-مفيش sensors-فتيس 4 سرعات-مفيش bluetooth- بسairbags 2-مفيش xenon) علي سبيل المثال اختها 307 و لان سعر بيعها مش كويس بس هيه بامانة من احسن العربيات الي تتجاب مستعمل و ده الي انا عملتو الحمد لله وصراحه العربية ركوبة محترمة جدا بس هيا مش بتاعة شد و حرق و كدا و لكن في الوضع ال sport بتكون ممتازة.يعني مثلا 0-100 في 12.5(عن تجربة لل auto) و ده عشان طلعتها تقيلة شوية زي اغلب الاوروبي بسبب وزنها ولكن بعد ال 60 زي ال golf بضبط و اللي انا ملاحظه كمان بتستهلك بنزين كتير حوالي اكتر من 10 لتر لكل 100 كيلو و العزل بتاعها وهم بصراحة تحس انك راكب طيارة و stability وهم
دا الي جاي في دماغي دلوقتي و ان شاء الله لو افتكرت حاجة تاني هكتبها بس انا عاوز الناس تشارك عشان كلنا نستفيد و بجد و الله في ناس كتييير العربية عجباهم بس خايفيين من كلام الناس

[Mohab.Nabil]

بالنسبة لنقطة الخوف من الشراء دي مكانتش موجودة بحكم ان كان عندناmegane فعارف ان الفرنساوي بدام بتعمله الصيانة في اماكن محترمة عمره ما هيخذلك بس بصراحة العربية متتشراش جديدة مش عشان وحشة و لكن ال options اقل من عربيات كتير( مفيش فتحة سقف ولا بانوراما في الشكل الجديد-مفيش sensors-فتيس 4 سرعات-مفيش bluetooth- بسairbags 2-مفيش xenon) علي سبيل المثال اختها 307 و لان سعر بيعها مش كويس بس هيه بامانة من احسن العربيات الي تتجاب مستعمل و ده الي انا عملتو الحمد لله وصراحه العربية ركوبة محترمة جدا بس هيا مش بتاعة شد و حرق و كدا و لكن في الوضع ال sport بتكون ممتازة.يعني مثلا 0-100 في 12.5(عن تجربة لل auto) و ده عشان طلعتها تقيلة شوية زي اغلب الاوروبي بسبب وزنها ولكن بعد ال 60 زي ال golf بضبط و اللي انا ملاحظه كمان بتستهلك بنزين كتير حوالي اكتر من 10 لتر لكل 100 كيلو و العزل بتاعها وهم بصراحة تحس انك راكب طيارة و stability وهم
دا الي جاي في دماغي دلوقتي و ان شاء الله لو افتكرت حاجة تاني هكتبها بس انا عاوز الناس تشارك عشان كلنا نستفيد و بجد و الله في ناس كتييير العربية عجباهم بس خايفيين من كلام الناس

اهلا بيك يا استاذ ceaser مرة ثانية

على فكرة انا برضه عندى ميجان بس لسه محتفظين بيها لحد دلوقتى و هى عربية حلوة جدا ماشاء الله و كانت مدخل العائلة كلها للفرنساوى .. عربياتنا فى البيت كلها فرنساوى دلوقتى و فعلا لو حافظت على العربية الفرنساوى و اديتها حقها من صيانة و معاملة كويسة مش هتعمل اى حركات نقص معاك ابدا .. و بعدين الفرنساوى ليه طعم تانى بصراحة .. انا مع رأى حضرتك ان العربية متشتراش جديدة بس رأيى ان السبب مختلف و هو سعر اعادة البيع المنخفض بسبب السوق المصرى العجيب .. بس ارجع و اقول برضه ان الواحد لو مقتنع بيها و مش ناوى يغير قريب تبقى اختيار كويس لأنها عربية ممتازة فعلا و سعرها زيرو مش مبالغ فيه بالنسبة ان العربية فرنساوى 100% .. بس انا مش متأكد يا باشا من موضوع البلوتوث ده انا قبل كده قالولى فى عز العرب انه موجود بس مش فى كل الفئات .. بس انا شايف برضه يا باشا ان الاوبشنز مش قليلة خالص يعنى العربية متحسهاش فاضية خالص و على فكرة انا عربيتى مانيوال يعنى مش كاملة بس مش حاسس انها ناقصها حاجة الا البانوراما و ان كانت اوبشن رفاهية زيادة بس كان نفسى فيها بصراحة .. انا عربيتى مانيوال فمش هقدر احكم على موضوع السبورت بس انا عندى الطلعة الحمد لله تعتبر كويسة .. احسن من الميجان بمراحل بس فعلا بعد الـ 60 حاجة ثانية خالص .. انا عندى مش بتستهلك كثير اوى .. انا العربية لسه جايبها من حوالى شهرين بس مش فاكر ارقم كام بصراحة بس مش حاسس انها بتحرق بنزين كثير .. يمكن برضه عشان فرق المانيوال و الاوتوماتيك و ان كانت مش قليلة فى الاستهلاك .. يعنى شايفها متوسطة و لا ممتازة و لا سيئة فى موضوع استهلاك البنزين .. العزل بصراحة فعلا وهم .. انا مركب فاميه .. فى وسط الظهر فى عز الحر بشغل التكييف و الكاسيت طبعا السوند سيتسم من jbl بحس انى مفصول عن العالم و تحس ان انت مش ماشى فى الطريق.. تحس انك طاير .. فعلا مفيش حاجة بتصحينى من الحلم الا صوت كلاكس اوتوبيس او حاجة و بحس كأنى قومن من النوم مفزوع .. الستابيلتى الطريق مسمحليش الا لحد 130 و كانت تمام و ثابتة جدا زى الميجان .. صحيح حضرتك اكثر سرعة جبتها بيها كام ؟ اصل الميجان بتجيب لحد 220 هل السى فور هتقدر تعمل الكلام ده و لا ايه ..

انا هحاول ان شاء الله اكمل المشاركات البسيطة اللى بحاول اعرف الناس بيهم بالعربية و هحاول اعمل تقرير كامل ان شاء الله عنها بس لما افضى و اغسل العربية عشان التقرير يبقى تمام

[Mohab.Nabil]

الـ c4 تم تصميمها بواسطة Donato Coco المصمم الايطالى المنشأ وكان هو المسئول عن تصميم العربيات الصغيرة الحجم فى شركة ستروين زى الـ c2 & c3 & c4 و فى سنة 2005 قام بالانتقال لشركة Ferrari ليشارك فى تصميم الفيرارى 458 ايطاليا و الفيرارى كاليفورنيا و دلوقتى هو بيشتغل منصب كبير المصممين فى شركة Lotus

يعنى الـ c4 كانت فتحة خير على الراجل و راح اشتغل فى ferrari و العربية فعلا بتتميز بتصميم خارجى جميل جدا و محتفظ برونقه لحد دلوقتى رغم مرور حوالى 7 سنين عليه , العربية ستايلها مميز جدا و ملفتة جدا للنظر ..

تميزت الـ c4 عند نزولها بالتكنولوجيا المتطورة جدا اللى نزلت فيها فى الوقت ده , طبعا بعيدا عن الاوبشن اللى تعتبر كانت عادية فى الوقت ده فى اوروبا ( مكوناش تقريبا بنشم ريحتها فى مصر ) زى الايرباج و الـ abs و الـ multifunction .. تميزت العربية باوبشنز جامدة جدا و فريدة فى الفئة ديه من العربيات .. زى الـ Lane Departure Warning System و دا بينبهك لو غيرت الحارة بتاعتك من غير ما تدى اشارة .. طبعا دا ما نزلش مصر و كلنا عارفين السبب و الـ directional headlights و اللى كانت بتعبر وقتها حاجة جديدة و اللى بتخلى نور الكشاف الامامى يلف مع الدركسيون فى المنعطفات و دا بيدى مجال رؤية اوسع .. و Perfume Dispenser عشان يظبط الجو و الريحة مع التكييف و طبعا الزجاج البانورما اللى بتتميز بيه العربية و العداد الديجيتال المميز و اللى بتختلف قوة و درجة لون اضائته حسب المكان اللى فيه بحيث يبقى واضح فى كل الظروف ... ممكن تلاقيه ابيض او اصفر غامق او برتقالى حسب شدة درجة الضوء المسلطة عليه

و طبعا فى الاخر مش هنسى اتكلم على الاختراع الجامد جدا اللى مشفتوش فى اى عربية فى مصر غيرها و هو عجلة القيادة الثابتة و دا اختراع لطيف جدا .. قلب الدركسيون نفسه مش بيلف اللى بيلف الطارة بس و دا طبعا بيساعد على السواقة المريحة و بيساعد على سهولة الوصول لمفاتيح الـ multifunction بتاعت الكاسيت و مثبت السرعة و على فكرة مثبت و محدد السرعة بينزل فى المانيوال بتاعها كمان مش الاوتوماتيك بس

[A.Adel]

ملهاش لزمة استاذ و كدا , انا اسمي احمد عادل و عندي 21 سنة

يا ريت لو كل واحد يكتب اية مراكز الصيانة اللي اتعامل معاها و مين احسنهم عشان الكل يستفيد و معلش مش هقدر افيدكم في النقطة دي لاني شاري العربية بعد صيانة ال 15000 و لسة معملتش ال30000 و ايه رأيكم في نقطة ان الصيانة كل 15000 دى

و كمان لو فى محلات اكسسوارات لل citroen ,يا ريت كلو يكتب اساميها
ولو عدل حاجة , يكتبها الا لو خايف من الحسد

[Mohab.Nabil]

ملهاش لزمة استاذ و كدا , انا اسمي احمد عادل و عندي 21 سنة

يا ريت لو كل واحد يكتب اية مراكز الصيانة اللي اتعامل معاها و مين احسنهم عشان الكل يستفيد و معلش مش هقدر افيدكم في النقطة دي لاني شاري العربية بعد صيانة ال 15000 و لسة معملتش ال30000 و ايه رأيكم في نقطة ان الصيانة كل 15000 دى

و كمان لو فى محلات اكسسوارات لل citroen ,يا ريت كلو يكتب اساميها
ولو عدل حاجة , يكتبها الا لو خايف من الحسد

دا على كده انت اكبر منى بسنتين بقى

انا مهاب و عندى 19 سنة

اهلا و سهلا بيك يا احمد و اتمنى تتقبلنى كأخ ليك

انا العربية شاريها بعد صيانة الـ 45 فلسه معملتش برضو ولا صيانة ..

بس ناوى ان شاء الله اعملها فى امير و جوزيف .. انا كشفت على العربية عندهم قبل ما اشتريها و كانوا ناس تمام اوى بصراحة

انا معدلتش اى حاجة فى العربية غير الفاميه و ركبت وصلة AUX عشان انا عندى الكاسيت اوديو بس

للاسف و انا نازل اركب العربية النهاردة لقيت الازاز فيه شرخ من تحت واخد حوالى 20 سم لفوق .. زعلت اوى بصراحة بس هغيروا ان شاء الله قريب

محلات اكسسورات صعب متهيألى تلاقى حاجة مخصوص للسى 4 عشان العربية نادرة شوية بس ممكن برضه .. ما المينى كوبر ليها محلات فى الحرفيين .. انا مش قصدى اقارن على فكرة بس انا بتكلم فى الفكرة نفسها

انا عربيتى مانيوال خليجى 2006 لونها بين الازرق و الفيرانى اعتقد اسمه iron مفهاش بانوراما مش عارف المانيوال بينزل منه بانوراما و لا لا بس انا كان نفسى فيها بصراحة بس بصراحة خفت من المشاكل الكثير بتاعت الفتيس الستبترونيك فى الموديل ده

[A.Adel]

الظاهر كدا ان مفيش حد غيرنا مهتم بالموضوع , انت في كلية ايه بقي
انا فى هندسة قاهرة و العربية عاملة ايه معاك

[Mohab.Nabil]

الظاهر كدا ان مفيش حد غيرنا مهتم بالموضوع , انت في كلية ايه بقي
انا فى هندسة قاهرة و العربية عاملة ايه معاك

عندك حق فعلا مفيش اى حد بيشارك فى الموضوع خالص

بس خلينا نشارك و نوضح للناس جايز حد يتشجع و يجيب العربية او اللى معاهم العربية يدخلوا فى الرابطة معانا

طب تصدق انا فى هندسة القاهرة انا كمان مش ممكن .. واضح اننا مشتركين فى حاجات كثير

العربية لحد دلوقتى تمام اووى الحمد لله

انت ايه رأيك فى العربية ؟

[A.Adel]

bos ya m3lm da link el account bta3y 3l FB

http://www.facebook.com/profile.php?id=1388507051

e3mely add w isa lazm ashofak awel lma el drasa tbda2

[Mohab.Nabil]

bos ya m3lm da link el account bta3y 3l fb

http://www.facebook.com/profile.php?id=1388507051

e3mely add w isa lazm ashofak awel lma el drasa tbda2

اكيد ان شاء الله يا باشا لازم نتقابل فى الجامعة ان شاء الله

و عملتلك اد انا اسمى مهاب نبيل