رابطة مالكى الـ c4

[Mohab.Nabil]

انضميت للستروين
وأصبحت عضو جديد معاكو

الف مبروك يا باشا و تتربى فى عزك ان شاء الله و تستمتع بيها

يا ريت لو حضرتك تدينا بيانات اكثر عن العربية و تعرفنا بنفسك

و مرة ثانية نورت الرابطة

[kokegogy]

حد ظهر ليه الرساله ديت قبل كده
على فكره انا شارى العربيه عامله 99000 الف انا عارف انو كتير بس شوفت عربيات كتيره جدا 307 sw ملعوب فى العداد والستروين ديت انضف واحده شوفتها وجاءت بعد تعب اكيد ,,

[Mohab.Nabil]

انا عندى كل يوم الصبح اما أدور العربيه تترج وسينسور الشكمان بتاع البيئه يظهر وابطل واشغل عدة مرات لغايط العربيه تظبط وتروح العلامه النهارده بس عملت نفس الشئ بس اللمبه ثبتت فى السكرين وكل ما أدور يطلع
antipollution faulty
ممكن تطلع مفهاش حاجه بردو !!!!!!!!
محتار اروح لايهاب جلال ولا فريد شوقى ولو مكنشى امير و جوزيف بمعاد مسبق كنت روحت انا اول تعامل ليا فى العربيه مع مراكز اصلاح لأنى لسه جايبها

بصراحة عشان مكدبش عليك انا الموضوع دا محصليش الا مرة واحدة و كنت مفول من بنزينة مش اللى بفول منها على طول و طلعلى الصبح بس بطلت و دورت اختفى على طول

فى الاغلب الايرور دا بيبقى بسبب نوع البنزين لأن انا بصيت جوه التنك لقيت الـ recommended ron 95/98

و حضرتك اكيد عارف البنزين عندنا عامل ازاى

بس برضه ممكن تعمل تشيك على الموضوع فى امير و جوزيف او المهندس ايهاب .. انا اتعاملت مع الاثنين و الاثنين محترمين و فاهمين بصراحة

[kokegogy]

الف مبروك يا باشا و تتربى فى عزك ان شاء الله و تستمتع بيها

يا ريت لو حضرتك تدينا بيانات اكثر عن العربية و تعرفنا بنفسك

و مرة ثانية نورت الرابطة

شكرا جدا ليك انا بقى اول ما جبت العربيه ناس بثق فيهم دالونى على واحد عشان يغسل العربيه وحصل الى حصل بورده السنتر بتاعت الزجاج باظط والنهارده موضوع ال antipollution
عارف انو قدر وعارف ان ممكن حظ بس الحمد لله

[Mohab.Nabil]

حد ظهر ليه الرساله ديت قبل كده
على فكره انا شارى العربيه عامله 99000 الف انا عارف انو كتير بس شوفت عربيات كتيره جدا 307 sw ملعوب فى العداد والستروين ديت انضف واحده شوفتها وجاءت بعد تعب اكيد ,,

هو الكيلومتر مش عالى اوى بالذات لو العربية 2005-2006 يعنى تقريبا فى المتوسط 20 الف كيلو فى السنة او اقل و دا معدل طبيعى يعنى

و العربية لو متحافظ عليها مش فارقة عدد الكيلوات كثير

اهم حاجة ان حضرتك شوفت انها نظيفة و عملت كشف عليها فى مكان محترم بس كده

و ان شاء الله تعيش و تعمل بيها مليون كم كمان

[Mohab.Nabil]

شكرا جدا ليك انا بقى اول ما جبت العربيه ناس بثق فيهم دالونى على واحد عشان يغسل العربيه وحصل الى حصل بورده السنتر بتاعت الزجاج باظط والنهارده موضوع ال antipollution
عارف انو قدر وعارف ان ممكن حظ بس الحمد لله

يا باشا معلش و احمد ربنا انها جات على قد كده لأن العربية ديه مفروض اللى يغسلها يبقى بيفهم فيها و بالذات من جوه يفضل انك متخليش حد ينضف حاجة من جوه ناحية التابلوه بالذات .. الموضوع كله فوطة صفرة و نظف التابلوه من التراب بنفسك انا بعمل كده كل شوية و مش بخلى اى حد ينضف من جوه الا الارضية بس ..

و معلش كل عربية جديدة لازم يحصل فيها الكلام ده انا عربيتى اتخبطت و هى راكنة تحت البيت اول ما جبتها

[kokegogy]

العربيه حاسس انها نشفه شويه بس بصارحه جرايه هى موديل 2006 استيبترونيك وكان معايا واحد شريك صاحب مركز صيانه (بيتعامل معانا فى شراء العربيات)وهو الى لف معايا فى عربيات كتيره وبتجربتو للعربيه بيعرف فيها ايه من غير رفع مثل فى 307 عرف ان الفيتيس فيه دلنجات وفى كل عربيه بيقولى فيها كذا و كذا
بس انا عاوز اتعامل مع حد فى الصيانه
ايهاب جلال رحتلو فى البورده بتاعت الزجاج بعاتنى اشتريها من التوكيل وبس متعاملتش مع حد تانى

[Mohab.Nabil]

العربيه حاسس انها نشفه شويه بس بصارحه جرايه هى موديل 2006 استيبترونيك وكان معايا واحد شريك صاحب مركز صيانه (بيتعامل معانا فى شراء العربيات)وهو الى لف معايا فى عربيات كتيره وبتجربتو للعربيه بيعرف فيها ايه من غير رفع مثل فى 307 عرف ان الفيتيس فيه دلنجات وفى كل عربيه بيقولى فيها كذا و كذا
بس انا عاوز اتعامل مع حد فى الصيانه
ايهاب جلال رحتلو فى البورده بتاعت الزجاج بعاتنى اشتريها من التوكيل وبس متعاملتش مع حد تانى

لو قصدك على العفشة فالعفشة فعلا انا حاسس انها ناشفة سنة بس انا كاوتش مقاس 16 فده ممكن يزود الاحساس شوية .. تمام و ان شاء الله تبقى كويسة فعلا

هو احسن مكان للصيانة التوكيل طبعا بس تكلفة عالية برضه

و المهندس ايهاب جلال برضو محترم جدا و فاهم

و امير جوزيف المهندس رامى برضو من الناس المحترمة جدا

انا معملتش اى صيانة قبل كده بصراحة لحد دلوقتى بس انا اتعاملت معاهم فى حاجات خفيفة كشف و تركيب وصلة aux و كده

[kokegogy]

الحمد لله وعلى فكره انا كنت رايح عند الراجل ال غسالى العربيه عشان المفروض انو بيفهم و عشان كده الحساب كان مخصوص واتغسلت العربيه فى 5 ساعات والحمد لله بس انا مش عارف القدر مخابيلى ايه عشان انا دايما عندى وسواس ووضنى مع العربيه على طول ف ربنا يستر ويخلينى مركز مع الكاسيت بدل من العربيه !!!!!!!! ههههه

[Mohab.Nabil]

الحمد لله وعلى فكره انا كنت رايح عند الراجل ال غسالى العربيه عشان المفروض انو بيفهم و عشان كده الحساب كان مخصوص واتغسلت العربيه فى 5 ساعات والحمد لله بس انا مش عارف القدر مخابيلى ايه عشان انا دايما عندى وسواس ووضنى مع العربيه على طول ف ربنا يستر ويخلينى مركز مع الكاسيت بدل من العربيه !!!!!!!! ههههه

معلش يا باشا زى ما قلت لحضرتك انا بفضل ان محدش ينظفها من جوة الا انا عشان بصراحة مدمنش ممكن يعمل فيها ايه او يلخبط ايه و انا عندى الحاجة حتى لو مش نظيفة اوى بس ماشية و مترتبة زى ما انا عايز احسن ما انظف و الاقى الحاجة ضاعت و الدنيا اتلخبطت

و انا برضه من النوع اللى بسمع اى صوت حتى لو عادى فى العربية و بقعد اقول للى راكب معايا مش سامع الصوت ده فى ساعات بحس ان عندى حساسية زيادة على العربية

و ركز مع الكاسيت ماشاء الله الصوت بتاع العربية محترم جدا انت بس اقفل الشبابيك و شغل الكاسيت موسيقى هادية كده و امشى براحتك و هتدعيلى

[shoeir]

انا عندى كل يوم الصبح اما أدور العربيه تترج وسينسور الشكمان بتاع البيئه يظهر وابطل واشغل عدة مرات لغايط العربيه تظبط وتروح العلامه النهارده بس عملت نفس الشئ بس اللمبه ثبتت فى السكرين وكل ما أدور يطلع
antipollution faulty
ممكن تطلع مفهاش حاجه بردو !!!!!!!!
محتار اروح لايهاب جلال ولا فريد شوقى ولو مكنشى امير و جوزيف بمعاد مسبق كنت روحت انا اول تعامل ليا فى العربيه مع مراكز اصلاح لأنى لسه جايبها

مبروك عليك العربية وان شاء الله تعجبك ,اما بخصوص المشكلة بتاعت الشكمان عندك حلين اولهم انك اول ما تيجى تدور الصبح افتح الكونتكت لمدة ثوانى من غير ما تدور العربية وبعدين وانت بتدورها دوس سنة بنزين واول ما تدور افضل دايس بنزين على خفيف وبعدين شيل رجلك من على دواسة البنزين وثانى حل انك دور عادى ذى ما بتدور كل يوم ولو حسيت انها هتدرج دوس بنزين بس جامد شويه لغاية ما تحس انها مش هتعلق (بس الاكلام ده كله قبل ماتطلعلك الرسالة)
اما بخصوص العفشة جرب تحط نيتروجين فى الكاوتش بدل الهواء وبتنفخش الكاوتش اوى

[kokegogy]

مبروك عليك العربية وان شاء الله تعجبك ,اما بخصوص المشكلة بتاعت الشكمان عندك حلين اولهم انك اول ما تيجى تدور الصبح افتح الكونتكت لمدة ثوانى من غير ما تدور العربية وبعدين وانت بتدورها دوس سنة بنزين واول ما تدور افضل دايس بنزين على خفيف وبعدين شيل رجلك من على دواسة البنزين وثانى حل انك دور عادى ذى ما بتدور كل يوم ولو حسيت انها هتدرج دوس بنزين بس جامد شويه لغاية ما تحس انها مش هتعلق (بس الاكلام ده كله قبل ماتطلعلك الرسالة) النهارده معملتش حاجه بس اللمبه والرساله بيطلعو اروح احطها على كمبيوتر واعرف العيب فين ولا استنى شويه ؟؟!!!!
اما بخصوص العفشة جرب تحط نيتروجين فى الكاوتش بدل الهواء وبتنفخش الكاوتش اوى

النتروجين بيتحط عند مين ؟؟
وعاوز اعرف الصيانه بتعملها فين عشان انا لسه جديد فى سى 4 ؟؟!!

[shoeir]

النتروجين بيتحط عند مين ؟؟
وعاوز اعرف الصيانه بتعملها فين عشان انا لسه جديد فى سى 4 ؟؟!!

اخى العزيز
النيتروجين عند اى واحد بتاع كاوتش اسأله عنده نيتروجين .
اما بخصوص اللمبة والرسالة فجرب تفصل كابل البطارية لمدة ثوانى وبعدين ركبه تانى لو راحت المشاكل يبقى خير وبركة اما لو ما راحتش فمفيش مشكلة لا تقلق بس ممكن تحتاج تروح التوكيل علشان تتحط على الجهاز علشان الرسالة ماتطلعش تانى (العربية مافهاش حاجة لاتقلق ).
ولو قالولك فيها مشكلة ابقى قول لنا وان شاء الله تتحل.
اما بخصوص الصيانة الدورية فممكن الأخ الفاضل mohab.nabil يرد عليك فيها علشان انا بصلح فى التوكيل.

[A.Adel]

يا ريت يا جماعة لو حد معاه c4 و فيها تكييف تتش يقولى ازاى اخلى التكييف ياخد هواء من جوه العربية

[haythamabo]

انا ظهرتلى نفس المشكله وروحت عند فريد شوقى بعد الكشف بالكمبيوتر قاللى يالموبينه يالبوجيهات فغيرت البوجيهات من عنده ب 125 جنيه وظبطت تمام انصحك تروح علشان الموبينه ماتبوظش دى ب 750 جنيه