رابطة مالكى الـ c4

[Mohab.Nabil]

يا باشا أنا متشكر جدا على ردك.

تقريبا اللى قاله على موضوع البلفين ده هو مهندس ايهاب .. لأنه قالى انه فى صقر قريش.

كده أنا عندى أمل ان موضوع البلفين ده ممكن يحل المشكلة ان شاء الله.

العفو يا باشا على ايه بس ؟ كان نفسى اساعد حضرتك اكثر من كده و الله

ان شاء الله تبقى المشكلة بسيطة و تتحل على طول ان شاء الله و نورت الموضوع

[Mohab.Nabil]

السلام عليكم وكل عام وانتم بخير

بما اننا اصحاب سيارة فرنسية يعني ولاد عم (انا عندي رينو فلوانس ) بصراحة انا من اشد المعجبين بـ c4 وبالاخص الجديدة 2012 وعلشان نطمئن الجميع فان التوكيل غير سياسته بحيث جعل الضمان 3 سنوات او 100 الف كيلو ايهما اقرب وده كويس لعربية زي دي ونوع جبار زي سيتروين .
والسلام عليكم

و عليكم السلام و رحمة الله و بركاته و حضرتك بألف خير

يا باشا احنا اخوات مش ولاد عم بس .. والدى عنده رينو فلوينس برضو و ماشاء الله ربنا يبارك لحضرتك فيها .. فعلا الجديدة جامدة جدا بس الحلو ان هى ما ضيعتش جمال القديمة من وجهة نظرى ديه ستايل و ديه ستايل مختلف تانى

و فعلا موضوع الضمان دا خطوة ايجابية جدا لأن موضوع السنة ده كان يقلق اى حد و بيثبت الاشاعات عليها و ان هى عربية مش اعتمادية فعلا بس واضح ان عز العرب بدأ ياخد باله من النقطة ديه

و يا رب سوق العربية يتحسن فعلا لأنها تستحق بجد

و ان شاء الله ربنا يكرمك بواحدة c4 2012 و تنورنا فى الموضوع على طول

[Mohab.Nabil]

يا جماعة مفيش اخبار عن ال ds4 محدش اشترى العربية او جربها ؟

انا جربتها يا باشا فى التست درايف اللى كانوا عملينه هى و الـ ds3 و ناوى ان شاء الله اعمل تقرير مفصل عن كل عربيات 2012 بتاعت ستروين بس بصراحة الوقت ضيق جدا و القسم حاله ميشجعش

بالنسبة للعربية هى تحفة طبعا و انا حاسس انها مميزة جدا من برة و من جوة و ليها طابع خاص بيها و طبعا موتور قوى جدا 156 حصان تربو و العربية شكلها مدى على عربية 4x4 صغيرة كده بس بشياكة عالية اوى تحس انها اسد واقف و من جوة فى منتهى الفخامة و ثابتة جدا على الطريق كعادة ستروين .. بس لو حضرتك بتفكر لازم تعمل حسابك ان اعادة البيع هتنزل جامد اوى لأن العربية مش هتنتشر اوى لأن اللى هيجيبها مش اى حد .. لازم يكون حد فاهم ستروين و مقتنع بيها و دول قليلين فى البلد و مش اى حد هيدفع حوالى ربع مليون فى عربية الا لو كان حاببها فعلا و لو فيه اى استفسار عنها ان شاء الله ارد عليك

[gharana]

يا جماعة مفيش اخبار عن ال ds4 محدش اشترى العربية او جربها ؟

في واحد صاحبي جربها وعنده في الاصل c4 الشكل القديم وقام بتجربة الشكل الجديد فعجبته ولكن جرب بعد كده DS4 بيقول ان هي خطيرة طلقة وفظيعة لدرجة ان قال لي انه ممكن يشتريها وهو اصلاً سواق جامد ولازم هاخليه يحكيلكوا بالتفصيل عن التجربة دي فانتظروه ان شاء الله.

[shoeir]

السلام عليكم و رحمة الله و بركاته

طبعا كلنا شايفين ان قسم الستروين يعتبر من اقل الاقسام نشاطا فى المنتدى كله

ففكرت ان احنا نعمل رابطة للــ c4 زى باقى الاقسام ما عاملة للعربيات المنتشرة فى الماركات الثانية

طبعا الــc4 مش منتشرة .. الستروين اصلا مش منتشرة فى مصر بس الــ c4 بتمثل نسبة كبيرة من الستروين فى مصر

العربية من اكثر العربيات المظلومة فى مصر .. سواء بسبب الشائعات اللى هى السبب الرئيسى فى ضياع سوق العربية ديه فى مصر .. او بسبب التوكيل اللى انا شايفه مقصر فى حق ستروين جامد

يا رب الموضوع يلاقى اقبال و نقدر نفيد الناس و نحببهم فى العربية قدر المستطاع لأنها تستحق فعلا انها تتحب

مستنيين مشاركات الاعضاء و يا ريت نتشرف بملاك الــc4 اللى مستخبيين

و طبعا الموضوع مفتوح للرد على اى استفسار يخص العربية و ان شاء الله نقدر نفيد الاعضاء

فكرة الموضوع مستوحاة من موضوع الاستاذ bukla فى قسم رينو

الف مبروك على المنتدى الجميل وانا سعيد ان فيه حد فكر فى العربيه الجميلة دى و اللى حظها مش حلو فى بلدنا رغم انها احسن من عربيات كثيرة موجودة وماركات جامدة وان شاء الله نتمنى ان سوقها ينتعش الفترة القادمة

[shoeir]

في واحد صاحبي جربها وعنده في الاصل c4 الشكل القديم وقام بتجربة الشكل الجديد فعجبته ولكن جرب بعد كده DS4 بيقول ان هي خطيرة طلقة وفظيعة لدرجة ان قال لي انه ممكن يشتريها وهو اصلاً سواق جامد ولازم هاخليه يحكيلكوا بالتفصيل عن التجربة دي فانتظروه ان شاء الله.

انا فعلا عملت test drive على c4وds4 والصراحة الاثنين جامدين أوى وعلى فكرة الc4 اتغييرت تماما شكلا ومضمونا والامكانيات فمثلا الموتور مصنوع بالتعاون مع BMW وهو الموتور الموجود فى المينى 1600 CC 120 حصان الفتيس اتغير وبقى 6 نقلات وبها نظام الثبات الالكترونى ESP كاسيت cd mp3 و bluetooth و مسند لليد وparking sensor خلفى وزجاج خلفى فوميه ومرايات طى كهربائى وجنوط 205 /55 R16 من الاخر شديدة

[Mohab.Nabil]

الف مبروك على المنتدى الجميل وانا سعيد ان فيه حد فكر فى العربيه الجميلة دى و اللى حظها مش حلو فى بلدنا رغم انها احسن من عربيات كثيرة موجودة وماركات جامدة وان شاء الله نتمنى ان سوقها ينتعش الفترة القادمة

الله يبارك فى حضرتك

و منور الرابطة و واضح ان حضرتك معاك العربية

يا ريت تعرفنا بنفسك اكثر و ايه اخبار العربية معاك ؟

[Mohab.Nabil]

انا فعلا عملت test drive على c4وds4 والصراحة الاثنين جامدين أوى وعلى فكرة الc4 اتغييرت تماما شكلا ومضمونا والامكانيات فمثلا الموتور مصنوع بالتعاون مع bmw وهو الموتور الموجود فى المينى 1600 cc 120 حصان الفتيس اتغير وبقى 6 نقلات وبها نظام الثبات الالكترونى esp كاسيت cd mp3 و bluetooth و مسند لليد وparking sensor خلفى وزجاج خلفى فوميه ومرايات طى كهربائى وجنوط 205 /55 r16 من الاخر شديدة

فعلا السى فور متكاملة ماشاء الله

من رأيى مش ناقصها حاجة الا البانوراما و ان كان التوكيل مبرره فى كده ان ناس كثير اشتكت منها ..

و ربنا يرزقنا بواحدة جديدة كلنا ان شاء الله

[Mohab.Nabil]

ايه يا جماعة الرابطة مالها ماتت كده

مفيش اعضاء جداد معانا ولا ايه ؟

[MuhamedNabil]

طيب دلوقتى خالى عنده ستروين c4 و حصل عنده مشكلة فى الفتيس ان الفتيس بييجى لحد التالت و ميجبش الرابع و لمبة service تنور .. يضطر يقف و يبطل و يدور عشان تجيب الأول.

راح يغير زيت فتيس لقاه كان ناقص كتير .. و حط 4 كيلو زيت .. الكيلو ب 40 جنية .. بس المشكلة لسه متحلتش.

فى واحد قاله العربية محتاجه تغيير بلفين فى الفتيس .. البلف ب 400 جنية .. و أنا بقول له هات فتيس استيراد أحسن.

انتوا يه رأيكم؟ و الفتيس الاستيراد يعمل كام و منين؟ و يروح لمين يبص له على العربية؟

المشكلة دى موجوده فى 307 نفس الكلام بس تحت gearbox fault
- مبدئيا الزيت الحطيته ب 40 ده مينفعش الفتيس ده ليه زيت معين اللتر ب 120 اى زيت تانى يبوظ الفتيس و احيانا العيب ده بيكون ليه اسباب كتير انصحك روح لحد متخصص عشان ممكن المشكلة تطلع صغيرة بس متتعلجيش كويش و تفتح حاجة تانية
- الزيت عايز يتغير و العداد بتاعه يتصفر لان ليه عداد خاص بيه بيتشاف بكشف الكمبيوتر و ده محتمل لو دى اول مرة تغيير زيت الفتيس
- ممكن البلوف عايز تتغير
- ممكن طلمبة زيت الفتيس بس دى الناس بيغير فتيس ارحص من تغيير طلمبة الزيت.

ايه يا جماعة الرابطة مالها ماتت كده

مفيش اعضاء جداد معانا ولا ايه ؟

احنا ممكن نعمل ميرج مع مالكى 307 عشان اكثر انتشار و العيوب واحدة بسهما مغيريين رسائل التحذير و بسبب انتشار 307 العيوب بقيت محفوظة .

[Yanouk]

مبروك على الرابطة وأتمنى أعداد المشاركين فيها يزيدوا مع الوقت لأن السيتروين من الماركات المحترمة جداً، والسى فور من الموديلات الجميلة وتستحق أن يكون لها منتدى خاص بها.

فى الحقيقة أنا معجب بالعربية من سنة تقريباً من خلال شكلها القديم المميز، فعلاً تصميم مميز وعبقرى. ثم شاهدت الشكل الجديد فى معرض أوتوماك، ورغم أن سيتروين تخلت عن التصميم المميز للسى فور واتخذت منحى أكثر تقليدية وشبهاً بباقى السيارات المشابهة من نفس الفئة؛ إلا أن السيارة لا زالت مميزة كما أن موديل 2012 يأتى وبه حزمة لا بأس بها من التكنولوجيا ترضى محبى التكنولوجيا من أمثالى، وعامل الجمال فى التصميم الخارجى والداخلى المميز لسيارات سيتروين يضيف للسيارة رونق وجمال وتميز لمحبى التميز - من أمثالى أيضاً :).

أنا معجب بالسيارة وحالياً أنا فى رحلة البحث عن سيارة جديدة وعليه فأنا أفاضل بينها وبين السكودا فانتازيا وأيضاً الهوندا سيفيك الشكل الجديد 2012 حيث أن سيارتى القديمة كانت هوندا أيضاً.

فى الحقيقة أنا محتار بين السيارات الثلاثة، بالنسبة للسى فور ورغم إعجابى بها إلا أن سعر إعادة البيع يجعلنى أفكر أكثر من مرة وأتردد فى شراءها؛ كما أن سمعة التوكيل سيئة وهى سمعة إستحقها عز العرب بكسله وتقاعسه وسياساته السيئة ونقص قطع الغيار وربما ضعف المستوى الفنى أيضاً. طبعاً كلامى عن التوكيل سارى حتى تاريخه؛ ولا أدرى هل هناك تغيير حقيقى فى الطريق بالنسبة لأداء التوكيل أم لا حيث يبدو أن هناك بعض التغيير البادى فى السياسة التسويقية لسيتروين فى مصر بنزول أربع موديلات جديدة دفعة واحدة مع سياسة ضمان جديدة ووعود بتوافر قطع الغيار وتحسن الخدمة؛ عموماً أفلح إن صدق. وإن لم يصدق فأرى أن إستمرار سيتروين مع هذا الوكيل المتقاعس هو ظلم كبير لصانع السيارات المتميز سيتروين؛ وأيضاً ظلم لمقتنى هذه السيارة ولمن يفكرون باقتنائها.

أرجو أن أحسم حيرتى قريباً وأن يوفقنى الله للأختيار السليم ما بين السى فور 2012 والسيفيك 2012 والفانتازيا بإذن الله. دعواتكم ونصائحكم.

[Mohab.Nabil]

احنا ممكن نعمل ميرج مع مالكى 307 عشان اكثر انتشار و العيوب واحدة بسهما مغيريين رسائل التحذير و بسبب انتشار 307 العيوب بقيت محفوظة .

تمام يا باشا فكرة ممتازة و الله

و العربيتين فعلا تقريبا واحد

بس يا ترى هيبقى الموضوع فى القسمين ازاى ؟

و هل فيه فعلا رابطة للـ 307 و لا لسه هتعملوها

[Mohab.Nabil]

مبروك على الرابطة وأتمنى أعداد المشاركين فيها يزيدوا مع الوقت لأن السيتروين من الماركات المحترمة جداً، والسى فور من الموديلات الجميلة وتستحق أن يكون لها منتدى خاص بها.

فى الحقيقة أنا معجب بالعربية من سنة تقريباً من خلال شكلها القديم المميز، فعلاً تصميم مميز وعبقرى. ثم شاهدت الشكل الجديد فى معرض أوتوماك، ورغم أن سيتروين تخلت عن التصميم المميز للسى فور واتخذت منحى أكثر تقليدية وشبهاً بباقى السيارات المشابهة من نفس الفئة؛ إلا أن السيارة لا زالت مميزة كما أن موديل 2012 يأتى وبه حزمة لا بأس بها من التكنولوجيا ترضى محبى التكنولوجيا من أمثالى، وعامل الجمال فى التصميم الخارجى والداخلى المميز لسيارات سيتروين يضيف للسيارة رونق وجمال وتميز لمحبى التميز - من أمثالى أيضاً :).

أنا معجب بالسيارة وحالياً أنا فى رحلة البحث عن سيارة جديدة وعليه فأنا أفاضل بينها وبين السكودا فانتازيا وأيضاً الهوندا سيفيك الشكل الجديد 2012 حيث أن سيارتى القديمة كانت هوندا أيضاً.

فى الحقيقة أنا محتار بين السيارات الثلاثة، بالنسبة للسى فور ورغم إعجابى بها إلا أن سعر إعادة البيع يجعلنى أفكر أكثر من مرة وأتردد فى شراءها؛ كما أن سمعة التوكيل سيئة وهى سمعة إستحقها عز العرب بكسله وتقاعسه وسياساته السيئة ونقص قطع الغيار وربما ضعف المستوى الفنى أيضاً. طبعاً كلامى عن التوكيل سارى حتى تاريخه؛ ولا أدرى هل هناك تغيير حقيقى فى الطريق بالنسبة لأداء التوكيل أم لا حيث يبدو أن هناك بعض التغيير البادى فى السياسة التسويقية لسيتروين فى مصر بنزول أربع موديلات جديدة دفعة واحدة مع سياسة ضمان جديدة ووعود بتوافر قطع الغيار وتحسن الخدمة؛ عموماً أفلح إن صدق. وإن لم يصدق فأرى أن إستمرار سيتروين مع هذا الوكيل المتقاعس هو ظلم كبير لصانع السيارات المتميز سيتروين؛ وأيضاً ظلم لمقتنى هذه السيارة ولمن يفكرون باقتنائها.

أرجو أن أحسم حيرتى قريباً وأن يوفقنى الله للأختيار السليم ما بين السى فور 2012 والسيفيك 2012 والفانتازيا بإذن الله. دعواتكم ونصائحكم.

الله يبارك فى حضرتك و ان شاء الله تنضم معانا قريب

فعلا الستروين ماركة محترمة جدا و للاسف مش واخدة حقها فى مصر خالص

و رأى حضرتك سليم فى موضوع عبقرية الشكل القديم .. بقاله 7 سنين اهو و لسه ملفت للنظر و مميز جدا

بالنسبة للمقارنة

السيفيك الشكل الجديد انا اسمع ان سعرها هيعدى جامد هتبدأ من 180 الف

الفانتازيا بثمن السى فور تجيب فانتازيا بيز لاين

بس عامة ديه فئة و ديه فئة تانية

و بالتوفيق ان شاء الله

و نورت الرابطة

[kokegogy]

انضميت للستروين
وأصبحت عضو جديد معاكو

[kokegogy]

انا عندى كل يوم الصبح اما أدور العربيه تترج وسينسور الشكمان بتاع البيئه يظهر وابطل واشغل عدة مرات لغايط العربيه تظبط وتروح العلامه النهارده بس عملت نفس الشئ بس اللمبه ثبتت فى السكرين وكل ما أدور يطلع
antipollution faulty
ممكن تطلع مفهاش حاجه بردو !!!!!!!!
محتار اروح لايهاب جلال ولا فريد شوقى ولو مكنشى امير و جوزيف بمعاد مسبق كنت روحت انا اول تعامل ليا فى العربيه مع مراكز اصلاح لأنى لسه جايبها