حصريا ابيزا 2009 الشكل النهائى ,

[wawoo]

تحليل رائع يا wawoo اية الشغل الكبير دة .. برافو عليك

بص يا سيدى كلامك كلة صح الا ان فى بعض النقاط اصبحت سلبية او ضعفت و هى :

1-الشبكة الامامية لم تظل بنفس الشكل البيضاوى الصغير الذى يحتوى على علامة السيات فى دقة متناهية (ودة كان مميز اوى فى الموديل السابق و ما زال مشترك فى بقية الموديلات الحالية )

ليتم استبدالة بشكل شبة منحرف نسبة ضعيفة من حيث الطول (كبير) و الارتفاع (صغير) شكل مكرر و ليس لة شخصية

2-الفوانيس الامامية لم تأخذ الشكل البيضاوى الحاد كما فى بقية الموديلات الحالية

و تم استبدالة بفوانيس اشبة بمتوازى مستطيلات مائل ... ايضا ً غير مميز

ما انا قولتلك انهم بعدو شوية عن الخطوط البيضاوية , و استبدلت بخطوط حادة شوية , و مش لازم الجديد يكون صورة تبق الاصل من اللى اتعمل قبل , لازم يكون فى تطوير شوية , والتطوير دة حيظهر فى المودلات الجديدة تباعا .
فى حاجة بقى عاوز اوضحها . ان عمل تصميم جديد لسيارة موجودة مش بيتم فى مرحلة واحدة , يعنى مش المصمم راح راسم تصميم جديد و تانى يوم يروح متنفذ .
الموضوع للاسف اعقد من كدة بكتير , التصميم بيكون على مراحل كتيرة و بيتدخل فية مصممين كتير و مهندسين كتير , و بيكون فية مراحل كتير , و بيتم عمل عشرات النمازج و باشكال كتير مختلفة و بيتم اختيار احسنها و بعدها بيتم تطوير ما تم اختيارة و عمل كذا تطوير و يتم الاختيار من بنها بعد كدة برضو .
يعنى باختصار التصميم عدى على مصممين محترفين كتير و شغل مهندسين كتير .
يعنى تصميم السيارة مش لوحة فنية و خلاص دة فى مائت العوامل اللى بتتدخل فى الموضوع .
عارف زى مدرسة الdiconstraction كدة فى العمارة , يعنى عملية الهدم بقيت هى بقيت التريند الجديد , و طبعا فى تاثير بيحصل على تصميم السيارات , و دة حياخد وقت طبعا مع المستهلكين عشان يتقبلو الاشكال الجديدة دى و الارتياح ليها .و دة مصير اى حاجة جديدة .

بمناسبة وفاة العندليب , اول ما ظهر عبد الحليم و بدء يغنى حصل اية , الناس هجموة و ضربوة بالطماطم , و دة حصل لية عشان هوة عمل تمرد على الشكل التقليدى للغناء فى هذا الوقت , و لكن مع اصرارة و شغلة , بدء الناس تتقبل هذا اللون من الغناء و شوف كام واحد مشى فى جنازتة يوم وفاتة و اصبح اسطورة فى الغناء .
دايما كدة اى ابداع جديد لازم يصطدم بالاشكال و الافكار القائمة , و لازم يحصل هجوم علية و عدم تقبل و دة طبيعى , و لكن بعد كدة , الابداع دة بيتم تقديرة و بيكون فى المقدمة .

[CryptonX]

يا كريم عرض الصور مبوظ تنسيق الصفحة
مش كان واجب تعملها رسيز قبل ما تحطها وانت راجل بروفيشنال يعني مش لسه باد يوزر

كريم انا في الشغل شغال علي LCD 22" ًًWidescreen
1440 مش عارف في كام ..
و بطلع مكبر علشان اقرأ العربي اصلا .. فما مبيبانش عندي اي حاجة غلط .. لما برجع البيت للغلبانة ال 17 و ال 19 ... كل العك بيبان :)

[mishopel]

صور الرائعة ابيزا 2009

الجديدة و الرائعة ابيزا 2009 انتظروها قريبا في مصر
من التوكيل بسعر منافس جدا
:)



.............................................
تم دمج هذه المشاركة مع الموضوع الأصلى لإنه مكرر
الإدارة - 3

[mishopel]

هتبقي جامدة موت وهتنافس الجولف و الاسترا

[mishopel]

باي باي جولف

[SEATLOVER]

اية الشغل الحلو دة ..اهو كدة يا رجالة السيات
الف شكر يا mishopel صور جميلة و مميزة

[mishopel]

لا شكر علي واجب يا معلم

[TAG_Turbo0]

هتبقي جامدة موت وهتنافس الجولف و الاسترا

باي باي جولف

اية الشغل الحلو دة ..اهو كدة يا رجالة السيات
الف شكر يا mishopel صور جميلة و مميزة

انا مش علف انتوا بتتكلموا ازاى
مفيش أى وجه مقارنة بين المبعجرة دى والجولف سيدة الهاتش باك بلا منازع ولا حتى الأسترا
انا مش شايف فيها أى شيئ حلو خالص
الشكل الموجود أحلى بكتييييييير

[mishopel]

سيدة الهاتش الجولف اللي انت بتقول عليها دي 1600 xxxxxxxxxxxxx
و مخيطها ب اوبل فيكترا موديل 1997
يعني عربية من 10 سنين ملشية
xxxxxxxxxxxx


............................................
تحذير للعضو بعدم إستخدام هذه الألفاط السيئة
لإننا فى منتـــــــــــدى محتــــــــــــــــــرم
الإدارة - 3

[Sharky]

انا مش علف انتوا بتتكلموا ازاى
مفيش أى وجه مقارنة بين المبعجرة دى والجولف سيدة الهاتش باك بلا منازع ولا حتى الأسترا
انا مش شايف فيها أى شيئ حلو خالص
الشكل الموجود أحلى بكتييييييير

أنا بأيد كلامك يا محمد
فعلا الجولف و الاسترا أحلى كثيرا من الإيبيزا الجديدة

[mishopel]

الاسترا مقدرش اقول عليها كلمة انما الجولف مليون كلمة
بعد كده السيات نازله تنافس
اولا السعر
ثانيا نفس الموتور 1600
ثالثا نفس اوبشنز Abs Ebd Srs Cd/mp3 Sunroof Tiptronic
انت بقي عاوز ايه تاني
كلام و خلاص بدون ماتوزن كلامك ي معماري

[TAG_Turbo0]

سيدة الهاتش الجولف اللي انت بتقول عليها دي 1600 xxxxxxxxxxxxx
و مخيطها ب اوبل فيكترا موديل 1997
يعني عربية من 10 سنين ملشية
xxxxxxxxxxxx

بعيد عن الى الادارة حذفتة
أولا ممكن يكون عيب سواق مش عيب عربية
ومش انت ولا انا ولا أى حد يدأر يتكلم نص كلمه على الجولف

الاسترا مقدرش اقول عليها كلمة انما الجولف مليون كلمة
بعد كده السيات نازله تنافس
اولا السعر
ثانيا نفس الموتور 1600
ثالثا نفس اوبشنز Abs Ebd Srs Cd/mp3 Sunroof Tiptronic
انت بقي عاوز ايه تاني
كلام و خلاص بدون ماتوزن كلامك ي معماري

مش عارف ليه انا حاسس بنبرة تريأه فى (يا معمارى دي)
على العموم انت عكست الآية خالص باة الاسترا معليهاش كلام والجولف هى الى عليها؟
وبعدين انت بتقارن الأصل (الجولف) بصور من البولو انت بتتكلم ازاى
بتقارن العربية الى عمل فئة الهاتش باك من سنة 74 بعربية بدأت تتصنع بعدها بأكتر من 10 سنين (أول ابيزا كانت على شاسية الفيات ريتمو 85)

لكل الى بيقارن الجولف بالابيزا بعد أذنكم ادخلوا على اللنكات دول وبعدين نتكلم

http://en.wikipedia.org/wiki/Volkswagen_Golf

http://en.wikipedia.org/wiki/SEAT_Ibiza

[SEATLOVER]

يا جماعة ممكن براحة شوية و بالذات فى موضوع الشكل اى عربية كل واحد بيشوفها من وجهة نظرة و انطباعاتة و اراءة وراحتة النفسية .

وفعلاً يا mishopel احنا هنواجة تحديات كبيرة فى الفترة اللى جاية مع العربية دى و توقع الهجوم عليها من ناس كتير لآن التغيير اللى حصل كان جامد و فى اتجاة تانى خالص عن النمط اللى عوديتنا علية سيات طول عمرنا
واعتقد ان الابيزا الجديدة فى الفترة اللى جاية هاتعتمد على الاداء المتميز ليها و تاريخها المشرف و جاذبيتها الخاصة مع توافر تكنولوجى عالى جدا عن كل مرة ودى عوامل كان بيطغى عامل الشكل الجذاب عليها كل سنة ... المرة دى هايبقى الشكل و التصميم بيجذب نوع و نمط خاص جداً من الاذواق ليس بالضرورة انة يكون جميل جداً لكن لة طابع خاص جداً و فريد.

وياريت مندخلش موضوع المقارنات هنا لآنة مش القسم بتاعها و كل واحد بيشوف العربية اللى مقتنع بيها هى دائماً الافضل

فابراحة كدة ..ويا خبر النهاردة بفلوس بكرة ببلاش ..و الصور غير برضو الواقع ..فا مفيش داعى نسبق اوى الاحداث ومفيش قواعد ثابتة للسوق ورآى الناس
فاكتير اوى عربيات وحشة شكلاً انتشرت جداً ..و كتير كانت جميلة جدا ..ولم تنتشر

[tutankhamoun]

الســــــــلام علـيــــكم يا أهل الســــــــــلام

أنا شايف إن في أختلاف في الآراء ما بين الأعضاء الزملاء و الأخوة الكرام

و أنا شايف إن الباشمهندس محمد عادل مش عاجباه الإبيزا شكلا .... و ده حقه الطبيعي الذي لا يستطيع أحد الحجر عليه و أيضا له منا جميعا كامل الإحترام لرأيه المحترم .

و أيضا أنا عايز أقول إن الإبيزا شكلا مش بتعجب ناس كتير و ده مش معناه إن العربية وحشة
العربية الإبيزا دي عربية أكثر من ممتازة و أنا شايف إن شكلها روعة و خرافة
و برضه الأوبل أسترا و الجولف .......... روعة و خرافة
و لو تكلمنا على التاريخ فهو لصالح الأوبل أسترا و أيضا الجولف ذات التاريخ العريق
و لكن التاريخ لا يجعل من شئ أفضل من الحاضر لمجرد أن له تاريخ حافل
و لكن أنا في رأيي إن الثلاثة عربيات موضع الكلام و النقاش أكثر من ممتازين

بس أنا لي تعليق
هو ليه لما الناس تتكلم على عربية و تقول عليها وحشة ........ يقوم أصحاب العربيات يدافعوا بطريقة عدائية أو فيها شئ من التهكم و السخرية من صاحب الرأي ؟؟؟؟ !!! ليه مفيش أحترام لآراء الآخرين
يعني لو جاء واحد و قالي عربيتك البونتو أو الجين 2 شكلهم مبعجر ووحشين
هل ده يديني الحق إن أهاجمه لمجرد أنه مش معجب بشكل العربية ؟؟؟؟
هو حر في رأيه و لازم أحترم رأيه .... عارفين ليه ؟
علشان لو الكل له رأي واحد مكنش بقى فيه إلا ماركة واحدة هي اللي بتبيع و لكن بما أن هناك أختلاف للأذواق فيوجد تعدد للمنتجات و الأشكال

و أرجوا أن نحترم بعضنا البعض و أن نحترم الرأي الأخر لزميل أو أخ عزيز علينا في المنتدى
حتى لو قال على عربية حد أنها زبــــــــــــالة ..... لأنها في الآخر ... حديد في حديد
و شكرا لكم جميعا و تحياتي للجميع

[TAG_Turbo0]

أخى العزيز توت انا أحترم بشده كلامك المنطقى
وانا معنديش جولف ولا ابيزا
بس هو الاخ التانى هو الى اسفزنى
انا بتناقش بشكل موضوعى محترم ومعتقدش ان صدر منى أى لفظ أو كلام يدايق أى حد لا فى الموضوع ده ولا فى غير
وحقناً للدماء انا مش هكمل نقاش فى الموضوع احتراماً للجميع