ارغب فى شراء ابيزا 94

[Ahmedbasha14]

السلام عليكم ورحمة الله وبركاته
أخواتى الأعزاء
أولا : انا سعيد جدا لانى موجود معاكوا هنا فى المنتدى الأكثر من رائع ، لان بصراحة اللى بشوفه هنا ان الناس كلها بتخاف على بعضها ومحدش بيبخل بالمعلومه على اللى محتاجها.
ثانياً : انا سعيد جدا برضه ، بس علشان انى على وشك - ان شاء الله - انى اشترى اول عربيه ليا.
ثالثاً : العربيه المعروضه عليا ابيزا 95 صاحبها بيقول ان حالتها كويسه اوى
وبيقول انه مسقط لها موتور جولف 1400
وبيقول انه مركب لها تكييف فريون
وبيقول انه عامل لها عمرة عفشه فى بورسعيد ب1500 جنيه
وبيقول ان السعر النهائى لها 30 الف

ياريت تقولوا لى هل السعر ده مناسب ام لا ، ولو مناسب اسأل على ايه بالظبط فى العربيه دى اللى ممكن يعملى مشكله فيما بعد

انا متشكر جدا جدا جدا ومقدر ردودكوا الكريمه

[SYD]

اولا احب ارحب بيك في قسم سيات والمنتدي ككل عضو جديد معانا

ثانيا احب اطمنك من موضوع موتور جولف لأن اساسا العربية كلها علي بعضها فولكس مأصلة بس هو مش جولف هو بولو وبأختصار لأن الجولف ال1400 نزل ابتداء من جولف 3 وكان نازل هاف انجيكشن او علي انجيكتور واحد فقط وفي الجولف 4 وكان 2 كامة ودة ماحدش بيركبه في الأبيزا والأشهر منه موتور البولو ال1400 الأنجيكشن ودة انا شخصيا وزملاء واخوة كتير جدا هنا مركبينه في عربياتنا

ثالثا التكييف لو راكب صح هتلاقيه إن شاء الله كويس بس اكشف عليه كويس وجربه

رابعا بالنسبة للعفشة هتبان علي التجربة لما تركب العربية وتسوقها وعموما عفشة الفولكس والسيات بتعيش كتير وحمالة قسية

خامسا ودة المهم راجع تاني علي السعر
والفيصل هو الحالة

في هنا كام موضوع بيتكلموا عن الموضوع دة اقراهم كويس وشوف الردود بخصوص الحالة وكيفية الفحص للعربية الي ناوي تشتريها

http://www.nilemotors.net/Nile/272552-a.html#post3874119903

http://www.nilemotors.net/Nile/272737-a.html#post3874122011

http://www.nilemotors.net/Nile/272911-seat-cordoba-1998-a.html#post3874123895

تمنياتي لكم بالتوفيق

والله المستعان
،
،

[ehab_mansour]

بالتوفيق ان شاء الله و أعتقد ان مهندس محمد سيد رد عليك بكل شيء و الموضوعات اللي حطهالك دي بص عليها هتفيدك كتير
و عموما أنصحك انك تكشف عليها عند متخصص فولكس عشان تتأكد انها تمام و ياريت تحاول تنزل في السعر شوية

[Ahmedbasha14]

متشكر جدا لردودكو