معدل استهلاك الابيزا ؟!!

[simsim_scorpio]

بص حضرتك
الخراطيم دي بتاعة المبخر بتاع البنزين
المبخر بيعمل ايه ؟؟ المفترض انه بيوفر شوية في الأستهلاك نتيجة انه بيرجع بخر البنزين من المنافولد للتانك
دي فكرة عامة لكن التفاصيل مع ايهاب
وعموما مش بيوفر اوي يعني

انا المبخر شايله عندي في البيت تذكار
وايهاب كان شافه راكب عندي في عربيتي -زمان

انا ماعرفش حد في الحرفيين
لكن لو دورت هتلاقي هناك
اعتقد بيتباع مع الأسبراتير
عموما مش هي دي قضيتك دلوقتي
سيبه لحد لما تلاقي الأصلي
والواضح انك مش مركب الأسبراتير الأصلي اساسا

ياريت صورة كدة للأسبراتير الراكب بالكوباية بتاعته (غطاء) وبدون كوباية
في اقرب فرصه هصورة ان شاء الله

اما بالنسبة لصوت الموتور والأر بي ام
انت لازم تهدي الصوت باي شكل
الطبيعي بتاع العربية دي ان الار بي ام يكون عند 0.9 ولو نزل لحد 0.8 بردو عادي
بالظبط من اول 0.775 لحد 0.9 دة الطبيعي بتاع العربية
انا عندي علي السلانسية 0.9 المشكلة مش في كده المشكلة ان صوت الموتور عالي سنه زي ما يكون الموتور متعلي بالرغم من ان الار بي ام علي 0.9 زي ما قولت لحضرتك ده بغض النظر عن ارتفاعه الجنوني مع الاشارة فطبيعي صوت الموتور هيعلي

بالنسبة للتفويل مع المنظف
عشان تحصل علي افضل نتيجة
تحطه مع نص التانك
تخبط مشوار محترم (50 كم مثلا)
تفول
تخلص التفويلة
تغير فلتر بنزين (لو ماكنتش غيرته قبل المنظف)
تفول تاني
هو للاسف المعلومة دي جت متأخره لاني فضيته علي تنك مليان علي العموم مش هتفرق المرة الجاية ان شاء الله اطبق الكلام ده واللي عرفته ان المفروض اكررها كل تغيير زيت او 4.000 ميل بما يعادل 6.400 كم زي ما مكتوب علي الزجاجة وبالنسبة للفلتر هغيره قبل التفويلة اللي جاية ان شاء الله

وان شاء الله تشعر بتحسن

واول ملاحظة هتاخد بالك منها - مؤشر البنزين في الطابلوه
مش هتشوف دخنة والرغي الي بنسمعه دة
لو الدنيا مظبوطة - هتلاحظ فرق في الأستهلاك
ولو الدنيا مظبوطة - هتلاحظ فرق في الطلعة وريحة العادم

بس للأسف كل الكلام دة مش هيستمر اكثر من شهر بالكتير او 3000 كم بحد اقصي

ربنا يوفقك

والله المستعان
،
،

[SYD]

يا سيدي الفاضل
الموضوع ابسط مما تتخيل
انت مشكلتك دلوقتي محصورة في نقطتين
1- الأسبراتير بوشه بشاكوشه (وقولت لحضرتك تصورلنا الأسبراتير نشوفه)
2- الخراطيم الغير واصلة والمتسببة في رفع الأر بي أم (حاول تقفلهم علي بعض وشوف النتيجة)

اولا الوش القديم كان فعلا لا يصلح سواء انت حسيت بيه او لم تشعر بمشكلة
ثانيا انت ماقولتش انه بيبوش يمين وشمال - ودة طبيعي لأنه مش مربوط بمسامير، دة مجرد قافل بالكلبسات بتاعته
ثالثا انت اول مرة تقول علي موضوع الأشارات - ودي غالبا قفلة في الدراع مع الضفيرة الماشية جوة القاطمة ودة بدورها اكيد بتقفل حاجة في الدايرة بتخلي الكنترول يرفع الأر بي ام

مشاكلك كلها بسيطة
لكن مشكلتك الحقيقية انك مش بتمشي ورا العيوب وتعرف المسببات

كلنا عندنا مشاكل في عربياتنا
انا وانت والمهندس ايهاب وكل واحد انت شايفه قدامك
المهم
تعرف مشكلتك
تعرف مسبباتها
تعرف الحلول

سواء حليتها دلوقتي
او سواء أجلتها لحد لما تفضي او لما تكون عامل حسابك عليها

روح لرشاد (بسمع عنه كتير لكن ماجربتوش)
وشوف هيقولك ايه

بس رشاد مالوش في الأسبراتير (لأنها مشكلة ميكانيكية)
اختصاص رشاد هيكون في دراع الأشارة الي بيرفع الأر بي أم

انت حسبت اسستهلاكك اليومين الي فاتو؟؟

امشي مع العربية بالتفكير المنطقي
يعني
حدد المشكلة
دور علي مسببات
اقترح الحلول
جرب الحلول (بمنطق Try and Erro)
انتقي افضل الحلول
شوف النتيجة

ماكنش
ارجع تاني تجرب

الميكانيكية نفسهم شغالين بالمنطق دة
طالما مش هتغرم فلوس او مش هتبوظ حاجة
يبقي مفيش مشكلة من التجربة والخطأ

انا شخصيا فضلت بدور ورا مشكلة ما يزيد عن ال3 شهور
وكانت اشهر مشكلة علي مستوي القسم
لدرجة عملتلها موضوع زيك كدة من 4 أجزاء
وفي النهاية
اتحلت بفضل الله تعالي اولا
ثم
بفضل المهندس ايهاب
فضلنا ندور سوا انا وهو
لحد لما حصرنا المشكلة فين بالظبط

وبردو كانت في الأسبراتير
وطلع في النهاية اني مركبه عكس - ودة بسبب اني شوفت الميكانيكي مركبه كدة
وكل مرة افكه واركبه عكس لأني شايفه مركبه كدة
لحد لما المهندس ايهاب شافه
وقالي فكه وركبه بالشكل الفلاني
فعلا ركبته صح
المشكلة انتهت


كلنا عندنا عيوب ومشاكل
المهم نوصل للمشكلة عشان نعرف نوصل للحل

انت ملاحظاتك جيدة
ينقصك الجرأة في الفك والتركيب
حاول وجرب بنفسك

مش هتخسر حاجة

انا حاليا واقع في مشكلة في عربيتي
بعمل زي حالاتك
بلاحظ
بفكر
بقترح مسببات
همشي وراها ان شاء الله مسبب مسبب
لحد لما اوصل للحلول
هجرب حل حل
لحد لما احل مشكلتي بنفسي بمعاونة المهندس ايهاب اولا ثم الميكانيكي بتاعي ثانيا

من الأخر
انا وايهاب المخ
والميكانيكي العضلات

ولما تتحل ان شاء الله
هعمل بيها موضوع هنا
عشان الفايدة تعم علي الجميع

والله المستعان
،
،

[simsim_scorpio]

بالنسبة للاسبراتير بوشه بشاكوشه هصوره لحضراتكم وهرفع الصور الساعة 1 الظهر .
بالنسبة للخراطيم انا فعلا عملت زي ما المهندس ايهاب قال وروحت من نص ساعه وصلتهم في بعض ولفيت عليهم شريط لحام وقفلتهم كويس وشلت الفيشة اللي كانت واصلة في خرطوم منهم ( وبالمناسبة دي مخدتش بالي منها غير لما اشار ليها المهندس ايهاب ) والفيشة التانية مش واصله في حاجة وده طبعا لان المبخر مش موجود وبرده هصورهم وارفع صورهم .
بالنسبة لموضوع الاشارات ده لو تفتكر انا اول اتصال ليا بحضرتك كان بخصوص موضوع الاشارات والار بي ام بس ده من فترة طويلة شوية يعني من حوالي 3 شهور تقريبا.
بالنسبة للمشاكل اللي عندي الحمد لله بسيطة وانا عارف ده بس هي الفكرة ان اكيد محدش فينا بيقبل ان عربيته يكون فيها عيب او مشكلة حتى وان كانت بسيطة . اما بخصوص الفرق بين مشاكلي ومشاكل حضراتكم فالفرق كبير جدااااااااا ابسط حاجه حضرتك لما هتروح لميكانيكي او كهربائي بنسبة 90 % هتبقي عارف المشكلة عندك في ايه وتكلفتها هتكون في حدود كام وهل المشكلة دي لازم تتحل دلوقتي ولا ممكن تتأجل شوية ومتضرش العربية اما انا فزي ما قولت لحضرتك فكرتي عن الميكانيكا صفر ان لم تكن اقل بس بحاول استنتج العيب ممكن يكون من ايه ولو تفتكر حضرتك المكالمة انا وقتها قولتلك انا عندي مشكلة في الكهرباء وانا لغاية النهاردة متأكد من ده لسبب بسيط - وزي ما حضرتك تكرمت وقولت بالتفكير المنطقي - انا اي برجله بتحصل للعربيه متعلقة بالكهرباء يعني مثلا الطبيعي ان العربيه تبرجل الصبح لما اجي ادورها سواء دورتها مباشر او استنيت عليها خمس او عشر ثواني وقتها هيكون في 100 تفسير للبرجلة لكن بيتهيألي بعد ما سخنت تعمل كده ده مش طبيعي وانا متأكد انه ملوش علاقة بالبوجيهات او الموبينه او الاسبراتير او اي حاجه من الحاجات دي وبرده للعلم انا لما بلاقي العربية عملت كده وكل ما ادوسلها بنزين احس انها هتبطل بقوم رافع دراع الاشارة يقوم هو كمان بدوره معلي الار بي ام تقوم العربية مظبوطة الوضع بالظبط زي ما يكون واحد حاجه محشورة في زوره ومش قادر يتنفس واول ما تخبطه علي ظهره مثلا الحاجه اللي كانت محشورة خرجت وبالتالي رجع يتنفس طبيعي !!!
رفع دراع الاشارة بيظبط العربية لما بتكون متبرجلة + رفع دراع الاشارة بيعلي الار بي ام لما العربية بتكون مظبوطة= المشكلة متعلقة بدراع الاشارة يعني المشكلة مشكلة كهرباء
اما بخصوص الاستهلاك فممكن زي ما حضراتكم قولتم خراطيم مش متوصله وش اسبراتير كل الحاجات اكيد ليها دور وطبعا الكهرباء اللي مش مظبوطة ليها نصيب الاسد في المشكلة
وبرده هصور الموتور وكل الاسلاك والخراطيم اللي خارجه منه والحوض كله عموما لاني مقدر صعوبة تحديد المشكلة علي الوصف وخصوصا ان الوصف غير دقيق بس ده غصب عني لاني مش فاهم .
وبالنسبة لحساب الاستهلاك للاسف هضطر اجله ليوم السبت لاني كنت بتدرب علي امتحان المرور امبارح لمدة ساعة ونصف وبالتالي مش هقدر احدده فيوم السبت هفول تاني واشغل التريب تاني ولو ان ده بيتهيألي هيبقي غلط علشان المنظف ولا انت ايه رأيك يا باشمهندس؟
وبخصوص مشكلتك مع عربيتك ربنا يوفقك وتلاقي الحل واتمني من الله ان محدش مننا يكون عنده مشاكل بإذن الله

[SYD]

كدة تمام اوي

المشكلة كدة انت حددتها
يبقي لما تروح لرشاد يكون كلامك معاه واضح ومحدد
مشكلتي في دراع الأشارة
حتي لو غيره علي سبيل التجربة فدة فحد ذاته كويس
وابقي اشتريه لو ظروفك دلوقتي مش سامحة
ثمنه في حدود 150 جنيه
ولو هتجيب المجموعة كاملة مش هتكمل 250 جنيه
الدراعين (اشارة ومساحات) ومعاهم زرار الأنتظار

وخلي بالك
المجموعة مرتبطة ببعضها وبيبقي معاهم الفيشة بتاعتهم
وانا رجح ان تخليه يظبطلك الدنيا كلها
انا شخصيا عندي مشاكل في الجزء دة بردو
ومتعلق بيهم كمان الكلاكس

وبتخرج الضفيرة كلها عشان توصل بالمساحات والأنوار والكلاكس

ففعلا لو في مشكلة فحاجة فيهم هتأثر علي الباقيين

بس مش عارف لو في قفلة هتوصل للكنترول ؟؟
الله اعلم
بس وارد

لأن العربية كلها منظومة واحدة
واي خلل فحاجة
ممكن يرجع اشارات للكنترول عن طريق علبة الفيوزات

الله اعلم
دة توقعي وتخميني

وعموما ماتقلقش
واحدة واحدة هتتعلم كل حاجة
انت بس تابع المشاكل والموضوعات والحلول
وان شاء الله بسيطة

والله المستعان
،
،

[simsim_scorpio]

كدة تمام اوي

المشكلة كدة انت حددتها
يبقي لما تروح لرشاد يكون كلامك معاه واضح ومحدد
مشكلتي في دراع الأشارة
حتي لو غيره علي سبيل التجربة فدة فحد ذاته كويس
وابقي اشتريه لو ظروفك دلوقتي مش سامحة
ثمنه في حدود 150 جنيه
ولو هتجيب المجموعة كاملة مش هتكمل 250 جنيه
الدراعين (اشارة ومساحات) ومعاهم زرار الأنتظار

وخلي بالك
المجموعة مرتبطة ببعضها وبيبقي معاهم الفيشة بتاعتهم
وانا رجح ان تخليه يظبطلك الدنيا كلها
انا شخصيا عندي مشاكل في الجزء دة بردو
ومتعلق بيهم كمان الكلاكس
علي فكرة الكلاكس كان قطع من حوالي شهر كده ولما روحت للكهربائي لقي فردة كلكس عاملة قافلة كل ما يحط فيوز يضرب اول ما يدوس كلكس راح فاصل الفرده اللي عامله قافله وحاليا ماشي بفرده واحده

وبتخرج الضفيرة كلها عشان توصل بالمساحات والأنوار والكلاكس

ففعلا لو في مشكلة فحاجة فيهم هتأثر علي الباقيين

بس مش عارف لو في قفلة هتوصل للكنترول ؟؟
الله اعلم
بس وارد

لأن العربية كلها منظومة واحدة
واي خلل فحاجة
ممكن يرجع اشارات للكنترول عن طريق علبة الفيوزات

الله اعلم
دة توقعي وتخميني

وعموما ماتقلقش
واحدة واحدة هتتعلم كل حاجة
انت بس تابع المشاكل والموضوعات والحلول
وان شاء الله بسيطة
جاري رفع صور للاسبراتير ولمكان الخراطيم بالتحديد وفيش الكهرباء بتاعتهم
والله المستعان
،
،

[simsim_scorpio]

صور وش الاسبراتير والاسبراتير












دي بقي صورة البوابة والخرطوم اللي انا ماسكة احد الخرطومين بتوع منظم البنزين ( بدايته )





اما الصورة دي فهي نهاية الخرطوم التاني ومن الواضح انها رايحة علي التانك او اي مكان تاني غير الحوض( الخرطوم الاولاني من الشمال )


دي بقي صورة الخرطومين بعد ما وصلتهم ببعض وهتلاقي تحتهم الفيشتين بتوع الكهرباء


ودي صورة اخيرة للحوض كله


للعلم الميكانيكي اللي فكلي العمه ووش الاسبراتير علشان اصور قالي برده ان الوش ده مش بتاعها
في انتظار رايكم

[simsim_scorpio]

بمناسبة الاستهلاك التريب عامل 97 كم ولسه المؤشر منزلش من علي علامة Full

[SYD]

مش قولتلك في قفلة عندك؟ وفعلا الكلاكس مرتبط بالدراعات والأنتظار وكلهم منظومة واحدة

[SYD]

بالنسبة للأسبراتير دة فعلا الأسبراتير بتاع ال1000 وراكب مظبوط
هو بس مقدم سنة بسيطة بس مش هتأثر اوي - مش قضية

المفروض يكون المسمار في منتصف المجري بتاعة الربط

والوش دة الأسود - بردو مش مشلكة

[SYD]

بالنسبة للخراطيم فهي طبيعية وانا مش شايف عندك حاجة غريبة

اما بالنسبة للأستهلاك فلو انت مفول الأضافي فلحد كدة كويس والمفروض يمشي معاك كمان قد 40 كم
اما لو مش مفول الأضافي فكدة كويس جدا وانجاز هايل

ولازم تحل مشكلة الأشارات

والله المستعان
،
،

[SYD]

وابقي طمنا وصلت لأيه

معلش انا بكتب الردود بتاعتي مقطعة ومش مع بعض
ودة لأني شغال من الusb stick والسرعة ضايعة علي الأخر

فكل لما بشوف صورة برد عليها

تحياتي

والله المستعان
،
،

[SYD]

هو عموما الوش الأسود بتاع الجولف 2
واحيانا بيمشي مع بعض الأبيزا

وابقي غيره يا باشا مش قضية
دة ب 15 جنيه

خليك دلوقتي في التقايل
اهتم بموضوع الأشارات

ولما نتقابل ان شاء الله ابقي هات معاك الوش بتاعها ونركبه سوا ونظبط الأسبراتير

والله المستعان
،
،

[simsim_scorpio]

هو عموما الوش الأسود بتاع الجولف 2
واحيانا بيمشي مع بعض الأبيزا

وابقي غيره يا باشا مش قضية
دة ب 15 جنيه
الاسود اللي راكب ده اشتريته ب 30 اما بتاعها الاصلي فجبته ب 55 Topran وركبته وظبط الحمد لله

خليك دلوقتي في التقايل
اهتم بموضوع الأشارات
بخصوص موضوع الاشارات فالمهندس ايهاب كلمني امبارح الله يباركله وشرحلي كل حاجه بأدق التفاصيل لدرجة انه قالي علي العده اللي هستخدمها كمان ومقاساتها وكان المفروض اني هنزل الحرفيين اجيبهم استيراد دراع اشارات ودراع مساحات وكنت متحمس جدا لاني كنت ناوي اركبهم بنفسي بس للاسف حصلت ظروف منعتني وهحاول النهارده ان شاء الله اجيبهم لو لقيت وقت .

ولما نتقابل ان شاء الله ابقي هات معاك الوش بتاعها ونركبه سوا ونظبط الأسبراتير

يا بشمهندس محمد المهم نتقابل واتعرف بحضراتكم ده اهم من اي حاجه .
والله المستعان
،
،

[ehab_mansour]

منتظر ردك
و الاستهلاك ياريت متفكرش تتكلم فيه غير بعد ما تاخدلك تفويلة كاملة من الاول حتي ينتهي التانك و تعمل كده مرة و اتنين و ثلاثة و بعدين تعمل متوسط و تقلنا ايه الأخبار

لكن عموما بعد اول تفويلة قول عملت معاك كام تقريبيا

ياريت موضوع الدراعات اللي قلتلك عليه تعمله و تحاول تنهي قصة الكهرباء دي لأن غلط جدا اللي بيحصل ده علي الكنترول و الحساسات و ربنا يستر أسف علي قلة الرد لأني مسافر المنصورة و قرفان جدا من نتيجة الانتخابات و لكن هذا قدر الله ربنا يعديها علي خير ان شاء الله

[SYD]

طب الحمد لله انك جيبت الأصلي

وياريت فعلا تبدأ تشتغل بأيدك

وفي انتظارك ان شاء الله يوم المقابلة
واحنا الي يحصلنا الشرف يا باشا

اهم حاجة تتابعنا كل صفيحة بمعدل الأستهلاك

والله المستعان
،
،