DSG 7 speed تقرير المالكين

[A.Adel]

العربيات دي نازلة لدولة عالم تالت ,يعني المفروض يكونوا عاملين حسابهم على الزحمة و الطرق المكسرة ....الخ

مش مطلوب مني أجيب عربية بـ 200 ألف و أمشي زي اللي بحسس عليها :)
وفي الآخر برده يبوظ الفتيس

المفروض على الاقل يخلو ضمن الفتيس 7 سنين ويبقى فيه ضمان بجد مش بالخناق

[SYD]

العربيات دي نازلة لدولة عالم تالت ,يعني المفروض يكونوا عاملين حسابهم على الزحمة و الطرق المكسرة ....الخ


المفروض على الاقل يخلو ضمن الفتيس 7 سنين ويبقى فيه ضمان بجد مش بالخناق

معلش انا عملت فوكس علي نقطتين في كلام حضرتك
يبدو ان حضرتك سمعت عن توكيل فولكس من حد حصل معاه موقف مش كويس او هو كان غلطان ومنتظر من التوكيل انه يتعامل مع اخطاء العملاء

شوف حضرتك المشاركة دي وقولي ايه رأيك في دول العالم الثالث (عربية خليجي) وتوكيل بيتخانق معاك علي الضمان (عربية خارج الضمان ومش متسجلة صيانة)

http://www.nilemotors.net/Nile/308137-a.html#post3874519539

تحياتي لحضرتك

[A.Adel]

معلش انا عملت فوكس علي نقطتين في كلام حضرتك
يبدو ان حضرتك سمعت عن توكيل فولكس من حد حصل معاه موقف مش كويس او هو كان غلطان ومنتظر من التوكيل انه يتعامل مع اخطاء العملاء

أنا مسمعتش من حد ,احنا كان عندنا jetta هاي لاين 2009

أنا حقول لحضرتك مشكلة التوكيل إيه ,
التوكيل بيبقى عارف إن الفتيس لازم يتغير و رغم كده لازم يطلع عينك قبل مايغيرهولك
تروح أول مرة يقولك احنا غيرنالك chip بتاعت مش عارف إيه و هيبقى كله تمام(طبعا أنا مش فاكر اسماء قوي الكلام ده من 3 سنين )
مفيش كام يوم وترجع نفس المشكلة ,تقوم راجع تاني يقولك هنعملك update لل software
و برده مفيش حاجة ,تحسه بيجرب فيك
و في الآخر خالص بعد مايكونوا حرقوا دمك و ضيعوا وقتك ,يمنوا عليك و يغيروهلك

[A.Adel]

شوف حضرتك المشاركة دي وقولي ايه رأيك في دول العالم الثالث (عربية خليجي) وتوكيل بيتخانق معاك علي الضمان (عربية خارج الضمان ومش متسجلة صيانة)

http://www.nilemotors.net/nile/308137-a.html#post3874519539

تحياتي لحضرتك

وملاحظتش ليه برده الفتيس اللي ضرب على 27000 ألف ;)
وكمان مدافعينوا 2300 جنيه !!!!!!
مش المفروض ده عيب صناعة ,يعني التوكيل هو اللي يتحملوا
عرفت بقى ليه بقولك عالم تالت

ولو تلاحظ إن الموضوع ده قريب ,لما حاسوا إن سمعتهم بقت في الارض
و مبيعاتهم قلت جدا و برده ابقى اسأل صاحب العربية عملت إيه معاه
مفيش 20000 وهتلاقيه مغير فتيس تاني

بس هو عموما كل التوكيلات في مصر كده

[A.Adel]

شوف حضرتك في الصين مش هقولك امريكا ولا اوروبا
ضمان 10 سنين أو 160 ألف

Car owners revved up over VW gearbox glitch | Top News | chinadaily.com.cn

صدقت بقى إننا عالم تالت !!!!

[MohammedAladel]

أيوة عالم تالت وبيستهتروا بينا يعنى أنا متخيل إنى اشتريت فولكس جيتا والفتيس باظ منى بعد 10 آلاف كيلو الناس حتى اللى واخدة فكرة عغن الفولكس إنها عربية فخمة وكدا لو شافوا كدا هيضحكوا عليا وهيسخروا منى

الواحد يرد يقول إيه ؟ أصل هو الفتيس كدا ؟ أصل الفتيس حنين ورقيق ؟؟

دا أنا الفتيس الأوتو العادى بخاف عليه برغم إنه بيستحمل و محدش اشتكى منه فى أغلب العربيات

فما بالك بال دى إس جى ؟

دا استهتار بينا كإننا بنشحت منهم وكإن فلوسنا حرام أو العربية دى هدية وأحنا مش واخدين بالنا


مما لاشك فيه بعد كلام الناس هنا الفتيس دا فشنك وخربان بس ماشاء الله على فيات فعلا مشفتش حد على المنتدى اشتكى من فتيسها

[A.Adel]

يا راجل ده أنت منسق قسم seat :)
يعني عدى عليك مواضيع من دي كتير
شوف كده تعليقات فالكون و هاني 63

http://www.nilemotors.net/Nile/187792-dsg.html

شوف حضرتك بيعملوا إيه مع المصري مش الخليجي !!!!!

و ده كمان على مشاركة waleed4u و falcon crest

http://www.nilemotors.net/Nile/229591-dsg-6-a.html

شوف شكاوي الناس من التوكيل

و كمان واحد أهو عربيته خليجي :)

http://www.nilemotors.net/Nile/250226-dsg.html

و ده موضوع من عندكم seat leon

http://www.nilemotors.net/Nile/268149-2012.html

ده غير المواضيع اللي مغرقة المنتدى عن ال DSG

أنا مش حقول لحضرتك إنك أكيد سمعت الكلام ده من حد زي ما أنت قلتلي
ولا هشكك في ال موضوع اللي حضرتك جايبه اللي هو أصلا واحد بينقل تجربة صاحبه و كمان عربية خليجي ؟؟!!

بس يا ريت بقى حضرتك تقولي إنت حكمت على الفتيس إزاي إن مفيهوش مشاكل و إن التوكيل كويس ؟؟

[MohammedAladel]

وأنا أعمل بيه إيه التوكيل الحلو مع تصميم خاطئ ؟؟ إيه يعنى هيغيرلى نفس الفتيس ببلاش وبعد ما يبوظ تانى وأطلع من الضمان ؟؟

لو التوكيل حلو فلوس الناس ترجع وهما ياخدوا عربياتهم ويا دار ما دخلك شر :)

[SYD]

ثواني بس حضرتك
براحة شوية كدة وخلينا نتكلم بهدوء

اولا انا لا علاقة لي بالتوكيل سواء فولكس او سيات
بالنسبة للتوكيلين دول تقدر حضرتك تشوف الموضوعات وتراجعها ما بين مؤيد ومعارض ومابين شكر واعتزاز وما بين شكوي
وبالنسبة للفتيس فبردو ماليش اي علاقة بيه لأن عربيتي مانيوال واساسا تاريخ صنعها قبل تصنيع الفتيس الdsg
لكن انا والله عن تجربة شخصية لمعارفي اللي معاهم عربيات سواء فولكس او سيات او اسكودا محدش اشتكي منهم نهائي
واحب اقول لحضرتك ان اول فتيس dsg فولكس عملته وشغلته كان في الجولف عام 2003 يعني الdsg ليس وليد اللحظة او جديد علينا او علي فولكس
2003 يعني الجولف 4 - اللي محدش عمره جاب سيرة فتيسها بسوء
ونزل في الأسكودا ومحدش بردو جاب سيرة الفتيس
اشمعني الشكوي ظهرت الكام سنة الأخيرة دوول ؟؟؟؟

انا بخاطب في حضرتك العقل والمنطق ولا داعي لأي عصبية او تحيز - نتكلم بموضوعية

تحياتي لحضراتكم

[agaty1st]

شخص محل ثقه و يعمل في موقع سيارات متخصص قالي (و العهده على الراوي) الاتي :

الفتيس ده فعلا فيه مشكله و هي انك لما بتعمل بالعربيه Kick down الفتيس بياخد أمر انه ينزل نقله و يحرق على النقله لحد الأخر ثم ينقل على النقله الاعلى و يجيب اخرها ثم الاعلى ............الي أخره

في حالة انك لو عملت Kick down ثم حدث مثلا ان الاشاره قفلت عليك أو حد قطع الطريق فاضطريت تهدي فجأه
المشكله بقى الفتيس بيبقى لسه واخد الامر (مع انك لغيته بدوسة الفرامل) و بيلغيه متأخر فابيحصل 2 ميكانيزم عكس بعض

و هو ده اللي بيكسر الفتيسات دي

[MohammedAladel]

لو الأمر كدا يبقى تتظبط بسوفت وير يتجاوب مع الفرملة الفجائية بس معتقدش لو كدا كانوا حلوها بسهولة والله أعلم

[A.Adel]

[quote=syd;3874524656

اولا انا لا علاقة لي بالتوكيل سواء فولكس او سيات
بالنسبة للتوكيلين دول تقدر حضرتك تشوف الموضوعات وتراجعها ما بين مؤيد ومعارض ومابين شكر واعتزاز وما بين شكوي
[/quote]

حضرتك شوف عدد الشكاوي من ال dsg اد إيه
و عدد المؤيدين مفيش وجه للمقارنة أساسا :)

[A.Adel]

لكن انا والله عن تجربة شخصية لمعارفي اللي معاهم عربيات سواء فولكس او سيات او اسكودا محدش اشتكي منهم نهائي

هو فيه skoda في مصر DSG ؟؟

[A.Adel]

واحب اقول لحضرتك ان اول فتيس dsg فولكس عملته وشغلته كان في الجولف عام 2003 يعني الdsg ليس وليد اللحظة او جديد علينا او علي فولكس
2003 يعني الجولف 4 - اللي محدش عمره جاب سيرة فتيسها بسوء
ونزل في الأسكودا ومحدش بردو جاب سيرة الفتيس
اشمعني الشكوي ظهرت الكام سنة الأخيرة دوول ؟؟؟؟

أنا معرفش الفتيس القديم ده كان dsg ولا لأ (2003-2008)

بس اللي متأكد منه من أول 2009 و هو عامل مشاكل

[MohammedAladel]

أعتقد أيوة إن فيه سكودا فى مصر بالفتيس دا اللى هو نفس فتيس الجيتا بس مش عارف موديل كام والله أعلم