DSG 7 speed تقرير المالكين

[Falcon.Crest]

يا راجل ده أنت منسق قسم seat :)
يعني عدى عليك مواضيع من دي كتير
شوف كده تعليقات فالكون و هاني 63

http://www.nilemotors.net/Nile/187792-dsg.html

شوف حضرتك بيعملوا إيه مع المصري مش الخليجي !!!!!

و ده كمان على مشاركة waleed4u و falcon crest

http://www.nilemotors.net/Nile/229591-dsg-6-a.html

شوف شكاوي الناس من التوكيل

و كمان واحد أهو عربيته خليجي :)

http://www.nilemotors.net/Nile/250226-dsg.html

و ده موضوع من عندكم seat leon

http://www.nilemotors.net/Nile/268149-2012.html

ده غير المواضيع اللي مغرقة المنتدى عن ال DSG

أنا مش حقول لحضرتك إنك أكيد سمعت الكلام ده من حد زي ما أنت قلتلي
ولا هشكك في ال موضوع اللي حضرتك جايبه اللي هو أصلا واحد بينقل تجربة صاحبه و كمان عربية خليجي ؟؟!!

بس يا ريت بقى حضرتك تقولي إنت حكمت على الفتيس إزاي إن مفيهوش مشاكل و إن التوكيل كويس ؟؟

انا كان معايه جولف 6 2011 المشاكل بدات من 2000 كم
رجه و نتشه في الفتيس ( التويكيل: معقوله المانيا تعمل حاجه وحشه انت الي مش عارف تتعامل ايه)
الفتيس بعد 5000 زفت العربيه بتقف فجاءه راحت التوكيل علي ونش ( التوكيل تفير ميكا ترونك)
الفتيش بعد 8000 العربيه حلفت ما هي شغاله تاني ( التوكيل هانغيرك الفتيس و نزود الضمان علي الفتيس 5 سنوات ) رفضت اكيد
العربيه جيتا 2011
الفتيس زي الفل كنت بعامل العربيه معامله زباله علشان احيب اخرها بعد 6 شهور الربيه تمام 11000 كم و رجعت التوكيل علشان كانت عربيه بديله و استلمت عربيتي الاودي a3 2012
من الاخر جولف 2013 لسه فيها نفس العيب ز ده كلام مهندسين ( فتايين) التوكيل

و كل dsg , احنا بخير

[sala7]

السلام عليكم و رحمة الله و بركاته

انا قريت تقريبا معظم ردود الاعضاء و كانت الخلاصة هي كالاتي :
احنا ماينفعش معانا غير الدبرياج و الفتيس العادي ، مش عاوزين بقا نضحك على نفسنا و نقول نركب اوتوماتيك و نرجع نشتكي
بديهي كدا اللي عاوز يركب اوتو علشان يريح رجله الشمال لازم يستحمل صيانة الاوتو

على فكرة في الماني و انجلترا تحديداً و دول اروبا عموماً قليل اوي استخدام الفتيس الاوتو هما بيعتمدوا كليا على المانيول لانه اقوى في كل حاجه و عمرة اطول و صيانته المتكرره فترتها ابعد بكتييييييييييييييييييير او من الفتيس الاوتو
لو تلاحظو اعطال الفتيس المانيول لا تتعدى 3% نسبة الى الفتيس الاتوا اللي نسبة اعطاله تتعدى 80 % و ده ناتج على التكنولوجيا الزائده في الفتيس

ياجماعة احنا ليه معظمنا فاكر انه خلاص حان موعد ركوب الاوتوماتيك و احنا اساسا معندناش حد يصلح الاوتوماتك (معظم الميكانيكية مابيفهموش فيه و اللي فاهم منهم بيغير الفتيس و يريح دماغه) عارفين ليه بيريح دماغة ؟؟
لانه ببساطه مبيتصلحش

عاوزين نغير النمطية اللي احنا عيشينها دي و نفكر بطريقة عملية و نحسبها قبل ما ندخل في حيطة الفتيس الاوتوماتيك ،

اسف على الاطالة و لكن كانت نصحيتي ان المانيول احسن بكتتتتير من الاوتو في بلدنا مصر ، لكن اللي مش عاجبه كلامي و عاوز يركب اوتو فأهلا و سهلاً بك في عالم الرفاهية المكلف .

[MohammedAladel]

السلام عليكم و رحمة الله و بركاته

انا قريت تقريبا معظم ردود الاعضاء و كانت الخلاصة هي كالاتي :
احنا ماينفعش معانا غير الدبرياج و الفتيس العادي ، مش عاوزين بقا نضحك على نفسنا و نقول نركب اوتوماتيك و نرجع نشتكي
بديهي كدا اللي عاوز يركب اوتو علشان يريح رجله الشمال لازم يستحمل صيانة الاوتو

على فكرة في الماني و انجلترا تحديداً و دول اروبا عموماً قليل اوي استخدام الفتيس الاوتو هما بيعتمدوا كليا على المانيول لانه اقوى في كل حاجه و عمرة اطول و صيانته المتكرره فترتها ابعد بكتييييييييييييييييييير او من الفتيس الاوتو
لو تلاحظو اعطال الفتيس المانيول لا تتعدى 3% نسبة الى الفتيس الاتوا اللي نسبة اعطاله تتعدى 80 % و ده ناتج على التكنولوجيا الزائده في الفتيس

ياجماعة احنا ليه معظمنا فاكر انه خلاص حان موعد ركوب الاوتوماتيك و احنا اساسا معندناش حد يصلح الاوتوماتك (معظم الميكانيكية مابيفهموش فيه و اللي فاهم منهم بيغير الفتيس و يريح دماغه) عارفين ليه بيريح دماغة ؟؟
لانه ببساطه مبيتصلحش

عاوزين نغير النمطية اللي احنا عيشينها دي و نفكر بطريقة عملية و نحسبها قبل ما ندخل في حيطة الفتيس الاوتوماتيك ،

اسف على الاطالة و لكن كانت نصحيتي ان المانيول احسن بكتتتتير من الاوتو في بلدنا مصر ، لكن اللي مش عاجبه كلامي و عاوز يركب اوتو فأهلا و سهلاً بك في عالم الرفاهية المكلف .

هو مش بالظبط كدا إحنا هنا بنتكلم على نوع من الفتيس الأوتوماتيك

بالنسبة للصنايعية مبيعرفوش يصلحوا الأتوماتيك والمانيوال كمان نظرا لقلة العلم

و لو باظ الفتيس الأوتو بيتيغر عشان مفيش صنايعية مش عشان مبينفعش يتصلح والمانيوال كمان بيغيروه

بس معاك المانيوال أفضل بكتير من الأوتو وجهة نظر بالنسبة لى

[sala7]

هو مش بالظبط كدا إحنا هنا بنتكلم على نوع من الفتيس الأوتوماتيك

بالنسبة للصنايعية مبيعرفوش يصلحوا الأتوماتيك والمانيوال كمان نظرا لقلة العلم

و لو باظ الفتيس الأوتو بيتيغر عشان مفيش صنايعية مش عشان مبينفعش يتصلح والمانيوال كمان بيغيروه

بس معاك المانيوال أفضل بكتير من الأوتو وجهة نظر بالنسبة لى

معلش بس عاوز اعرف حضرتك حاجه و مع كامل احترامي لرأيك
الفتيس الاوتو لو فرط ما بتصلحش ولا حتى في اي توكيل في العالم
الفتيس الاوتو لو اي مشكلة بسيطه فيه ينفع تتصلح و اتصلحت بيرجع تاني يبوظ و اكتر من الاول و احتمال كمان ما ينطقش خالص ....
قلة العلم و الصانيعية بتوع كل شىء ان كان صحيح ، لكن لو اتعرف في مصر واحد بس فاهم او مهندس فاتح ورشة و دارس و متعلم هيقولك انه مش هيتصلح و لازم يتغير لو فيه مشكلة
و اسال هتلاقي كلامي صح 100%

[Ahmed_Gallant]

اظن ان اوقع حاجه ان الناس اللى معاهم الdsg بس هم اللى يقدروا يقولوا رأيهم لان ساعات كتير فى ناس اسألهم على العربيه عامله ايه معاه يقول زى الفل مع انها قرفاه ومطلعه عينه بس هو بيقول كده عشان سببين
اولا لو العربيه وحشه يبقى انا معرفتشى اشترى يعنى انا مبفهمشى فى العربيات
ثانيا عشان اعاده البيع لو انا قلت لكل اللى حواليا واشتكيت من العربيه مش هعرف ابيعها بينهم زى اللى بيعمل موضوع انا عملت حادثه ويشرح فيها ان العربيه مغيره ربع وبعدين يعمل موضوع بيع عربيه فبريقه
من الاخر بما ان فى شكاوى من ناس حوالين الفتيس معنى كده ان ما خفى كان اعظم لان الناس بتميل انها تدارى العيوب بعكس لو فى اشاده بفتيس او نظام تعليق معين هتلاقى معظم اللى معاهم العربيه بيأكدو المعلومه وينشروها ويحسوا ان العربيه حلوه عشان هم اشتروها
وكمان انا معنديش استعداد ابدا ابدا ابدا اشترى عربيه بمواصفات رياضيه جولف 6 مثلا والاقى واحد بعربيه جولف3 معدى من جنبى ومخيط الشارع وانا خايف اعمل زيه عشان ننوس عين امه الفتيس بيزعل من الشد او من الحر او من القرص ده الفتيس بتاعى بتمن عربيته فول اوبشن بفتحه سقف
اسف على العصبيه

[sala7]

اظن ان اوقع حاجه ان الناس اللى معاهم الdsg بس هم اللى يقدروا يقولوا رأيهم لان ساعات كتير فى ناس اسألهم على العربيه عامله ايه معاه يقول زى الفل مع انها قرفاه ومطلعه عينه بس هو بيقول كده عشان سببين
اولا لو العربيه وحشه يبقى انا معرفتشى اشترى يعنى انا مبفهمشى فى العربيات
ثانيا عشان اعاده البيع لو انا قلت لكل اللى حواليا واشتكيت من العربيه مش هعرف ابيعها بينهم زى اللى بيعمل موضوع انا عملت حادثه ويشرح فيها ان العربيه مغيره ربع وبعدين يعمل موضوع بيع عربيه فبريقه
من الاخر بما ان فى شكاوى من ناس حوالين الفتيس معنى كده ان ما خفى كان اعظم لان الناس بتميل انها تدارى العيوب بعكس لو فى اشاده بفتيس او نظام تعليق معين هتلاقى معظم اللى معاهم العربيه بيأكدو المعلومه وينشروها ويحسوا ان العربيه حلوه عشان هم اشتروها
وكمان انا معنديش استعداد ابدا ابدا ابدا اشترى عربيه بمواصفات رياضيه جولف 6 مثلا والاقى واحد بعربيه جولف3 معدى من جنبى ومخيط الشارع وانا خايف اعمل زيه عشان ننوس عين امه الفتيس بيزعل من الشد او من الحر او من القرص ده الفتيس بتاعى بتمن عربيته فول اوبشن بفتحه سقف
اسف على العصبيه

يا عم الحاج ولا عصبية ولا حاجه انت قلت المفيد ،، هو صح علشان خاطر ننوس عين ام الفتيس الاوتوماتيك لازم يتعامل معاملة خاصة و خصوصاً dsg ... اللي هو اصلاً جاي من بلدة بمشاكله علشان احنا نبتكر حل له بالصانيعية اللذاذ بتوعنا .
منا راكب اوتوماتيك و مش الزفت اللي اسمه dsg و مع ذالك في قناعة نفسي من جوة قاعد مستني امتى هيعطل هههههههههه
انا بقالي 15 سنة بسوق مانيول عمري ما اشتكيت ، وقلت اجرب اشتري اوتو ... مكدبش عليك فعلاً مريح بس على الاقل عامل حسابي اني ما اشتكيش منه لو عطل مني و من استخدامي او حتى لو هو فيه مشكلة اساسا .. هغيره وانا ساكت ، لاني عارف مسبقا انه اعطاله كتيره و خرابه مالوش حل .. الله المستعان

[Khaled Online]

السلام عليكم
إن شاء الله أنا دلوقتي هجيب عربية سيات أو فولكس أوتو موديل 2000-2005
سؤالي ليكم إذا تكرمتم: أجيبها ولا لأ؟
علما بأن المفاضلة بين:
رينو (داتشيا) لوجان 2013 زيرو أوتو
أو
فولكس بولو أو جولف مستعمل 2000-2005 أوتو
أو
سيات إبيزا أو توليدو مستعمل 2000-2005 أوتو؟

وكلامكم ده مرعب الحقيقة!

[MohammedAladel]

الكلام دا بيخص فتيس معين معتقدش إنه بينزل فى ا لموديلات اللى حضرتك بتفكر فيها

[Nader92]

أنا لسة مشترى سيات ابيزا موديل2010 فتيس dsg 7 نقلات .....أنا قرأت كل اللى قولتوه و بصراحة انتو رعبتوونى انا ماشى بالعربية 6000 كيلو لسة ....أنا شاريها عاملة 5000 كيلو كسر زيرو و رحت عملت فحص شامل على العربية ب500 جنية و معاية تقرير انها في حالت الفبريكة و كلامكم على ال فتيس دة راعبنى و خلانى قلقان و مش عارف أعمل أية ......انا يسمع سعات وانا ماشى براحة صوت شغللة او تخبيط كدة بس صوت ضعيف كدة هل دة من الفتيس؟ العربية خارج الضمان دلوقتى.....و أنا خايف يحصل اللى الناس بيقولوه دة انها بتجيب فتيس....ياريت تقولولى اعمل أية ؟!!!!!!

[MohammedAladel]

خليهاعلى الله

[Khaled Online]

الكلام دا بيخص فتيس معين معتقدش إنه بينزل فى ا لموديلات اللى حضرتك بتفكر فيها

الحمد لله :)
ده موضوع ال dsg كان هيعملي هسهس
أنا بقالي مدة عمال أغربل في موديلات لغاية ما رسيت على ال3 دول فكويس إن معليهمش كلام وربنا يطمنك زي ما طمنتني :)

[SYD]

أنا لسة مشترى سيات ابيزا موديل2010 فتيس dsg 7 نقلات .....أنا قرأت كل اللى قولتوه و بصراحة انتو رعبتوونى انا ماشى بالعربية 6000 كيلو لسة ....أنا شاريها عاملة 5000 كيلو كسر زيرو و رحت عملت فحص شامل على العربية ب500 جنية و معاية تقرير انها في حالت الفبريكة و كلامكم على ال فتيس دة راعبنى و خلانى قلقان و مش عارف أعمل أية ......انا يسمع سعات وانا ماشى براحة صوت شغلله او تخبيط كدة بس صوت ضعيف كدة هل دة من الفتيس؟ العربية خارج الضمان دلوقتى.....و أنا خايف يحصل اللى الناس بيقولوه دة انها بتجيب فتيس....ياريت تقولولى اعمل أية ؟!!!!!!

اولا اهلا بيك في نايل موتورز وقسم سيات
الف مبروك العربية وربنا يباركلك فيها

بالنسبة للأصوات دي ممكن تكون ليها عدة اسباب سواء عفشة او من العجل او او او
معظم الشكاوي من الفتيس بتبقي بعد ال10,000 بوجه عام
ربنا مايجيب حاجة وحشة
المهم ماتكونش بتحس بتنتيشة او اداءه بيضعف منك علي المطالع او اي مشاكل تخص الات الجر

بس حضرتك لو قلقان - روح التوكيل واكشف علي الفتيس


اهلا بحضرتك مرة تانية في نايل موتورز وياريت نشوف مشاركات وتواجد من حضرتك في القسم وماتقلقش من اي حاجة ان شاء الله

[SYD]

السلام عليكم
إن شاء الله أنا دلوقتي هجيب عربية سيات أو فولكس أوتو موديل 2000-2005
سؤالي ليكم إذا تكرمتم: أجيبها ولا لأ؟
علما بأن المفاضلة بين:
رينو (داتشيا) لوجان 2013 زيرو أوتو
أو
فولكس بولو أو جولف مستعمل 2000-2005 أوتو
أو
سيات إبيزا أو توليدو مستعمل 2000-2005 أوتو؟

وكلامكم ده مرعب الحقيقة!

أزيك يا خالد باشا
عامل ايه ؟؟؟

بص يا باشا
الفتيس الٍDSG اول ما نزل - نزل في الجولف في سنة 2003 ودة كان 6 غيار وبيسموه wet وفي 2008 نزل ال7 غيار ودة كان dry ودي النسخة اللي عملت المشاكل لأن الميكاترونيك ماكنش بيتم تبريدها بسبب انه جاف وبياخد 1.7 لتر زيت فقط فبالتالي بتسخن وتتحرق بسبب اشارتنا الجميلة والوقفات الكتير
دي اول نقطة
تاني نقطة ان فولكس بدأت تعمم فتيسها الdsg في كل الموديلات بعد 2003 بفترة (مش عارف قد ايه)
وبالتالي سواء البولو او السيات من 2000 لحد 2005 بعيدة كل البعد عن مشاكل الdsg

تحياتي ليك
واتمني اشوفك علي خير ان شاء الله

[Nader92]

SYD طبعا انا يشكرك جدا جدا على أهتمامك بالرد عليا, انا بقالى يومين مبانمش بسبب موضوع الفتيس دة العربية بقاله معايا شهر و جبتها بعد عناء و جايلى حالت احباط بصراحة انا يسمع صوت شخللة كدا او تخبيط وانا ماشى براحة او الطريق مكسر بس مش بلاحظ اى حاجة فالسحب ولا فى المطالع....مش عارف بصراحة اعمل اية لنل كنت لسة فى التوكيل و عامل فحص شامل ليها...أنا قريت و شوفت جميع مشاكل الفتيس دة و فهمت حاجات كتير..أنا اصلن فى 4 هندسة قسم Mechatronics...فا جايلى هسس بسبب الفتيس من ساعت ما قريت مشاكل الناس.....عموما اللى ربنا يجيبو كويس و قدر الله ما شاء فعل ......ولو قابلتى حاجة هقوللك عليها....شكرا تانى على ردك و مساعدتك......

[Khaled Online]

أزيك يا خالد باشا
عامل ايه ؟؟؟

بص يا باشا
الفتيس الٍdsg اول ما نزل - نزل في الجولف في سنة 2003 ودة كان 6 غيار وبيسموه wet وفي 2008 نزل ال7 غيار ودة كان dry ودي النسخة اللي عملت المشاكل لأن الميكاترونيك ماكنش بيتم تبريدها بسبب انه جاف وبياخد 1.7 لتر زيت فقط فبالتالي بتسخن وتتحرق بسبب اشارتنا الجميلة والوقفات الكتير
دي اول نقطة
تاني نقطة ان فولكس بدأت تعمم فتيسها الdsg في كل الموديلات بعد 2003 بفترة (مش عارف قد ايه)
وبالتالي سواء البولو او السيات من 2000 لحد 2005 بعيدة كل البعد عن مشاكل الdsg

تحياتي ليك
واتمني اشوفك علي خير ان شاء الله

أهلا يا زعيم :) شاكر جدا لردك وممتن امتنان الإبل ههههه