أنا والتكييف وهواك (ابيزا 98)

[Karim Ibiza]

رجااالة صباح الفل

للناس اللى عارفانى من اول ما دخلت قسم SEAT عارفين ان عربيتى ابيزا 98 كانت موتور 1000 وبعدين بقت 1400 وبدون باور وتكييف ودلوقتى بعد موضوع تجربة تفريغ نص بولو كلاسيك فى ابيزا
98 بقت 1600 وباور وتكييف ومن ساعة ما خلصت موضوع التسقيط ده وانا مكنتش شحنت التكييف عشان الجو حلو (مفيش فلوس)

وقلت مبدهاش بقى نروح نشحن التكييف عشان نشم النسيم على نضافة

قبل ما أدخل فى الموضوع انا كان عندى حاجة غريبة وهى ان لما العربية بتسخن او بتوصل لدرجة الحرارة اللى المفروض تشتغل عندها المروحة, المروحة مش بتشتغل, بس شوية والمراوح تشتغل بس على السرعة العالية (انا عندى الردياتير الكبير بـ 2 مروحة)
يعنى عمرى ما شوفت المروحة على السرعة البطيئة بس مكنتش بحط فى بالى لأنها مش بتسخن وقلت يمكن هو ده الطبيعى

نرجع لموضوعنا

بما انى كان معايا لادا موديل 84 ولما الفلوس لعبت فى ايدى جبت ابيزا 98 فاضية وده ان دل فأنه يدل على انى عمرى ما اتعاملت مع بتاع تكييف قبل كده ولا اعرف بيتشحن ازاى

المهم واحد صاحبى وصفلى واحد بتاع تكييف وقاللى كويس, روحتله ولما عرف انى مركبلها تكييف مرضاش يشتغل فيها ليه يابويا!!!! انا بشتغل فى التكييفات الفبريكة بس عشان مش بحب التكييفات اللى متركبة عشان بيبقى كله شغل عك, قولتله عندك حق والله بس افتح الكبوت وشوف

فتح الكبوت (و أنا نايمة) وشاف المواسير والكباس والثلاجة وقلى انت مركبه؟؟!! قولتله اه, قاللى مفرغ نص؟؟!! أى نعم, طيب توكلنا على الله

كبس المواسير والحمد لله مفيش اى تسريب
شحن فريون وشغل التكييف وبعدين قاللى بطل العربية
خير يابويا!!!! قاللى المروحة مش شغالة على البطئ طيب ايه الصح؟؟ قاللى لازم اول ما تفتح التكييف المروحة تشتغل على البطئ
طيب يمين شمال فوق وتحت
فاكرين الـ fan control اللى مكونتش عارف ده بتاع ايه


قالى المشكلة فيه لأن ده كونترول مسؤل عن تشغيل المراوح وتوقيت وطريقة تشغيلهم وروح لكهربائى يبصلك عليه

طيب ايه العمل دلوقتى؟؟!!
فك فيشة حساس الـ pressure sensor من جنب مبخر البنزين (فيها 4 اطراف) ووصل طرفين ببعض عشان يشغل المروحة مع التكييف direct (طبعا المروحة السرعة العالية) وقاللى على بال ما تروح تضبط موضوع الكونترول ده امشى مؤقتا كده (يابن الايه يا لذينة)

طيب ادخل شوف التكييف وقوللى ايه رأيك
التكييف ما شاء الله حاجة جميلة وافتكرت كلمة ايهاب منصور فى المقابلة لما قاللى التكييف بتاعك لما تشحنه هتلاقيه اقوى من الابيزا العادية لأن الكباس ده كبير عشان الموتور كبير

عايز كام يا معلمة؟؟ 150 جنيه, اتفضل , شكرا

طبعا بكرة اجازة ومفيش حد فاتح, هل فيه خطر انى اشغل التكييف بالوضع ده؟؟؟ يا ترى الموضوع ممكن يكون فيوز او كتاوت؟؟؟ هل فيه حاجة اقدر اعملها بنفسى؟؟؟

معلش يا جودعان اصلى جديد فى التكييف

الى اللقاء

[matrix_it]

الف مبروك يا كبير على التكيف ربنا يباركلك

[hossamalsadik]

مبروك ياكيم
هتشم النسيم أخيرا حقك أنتا تعبت فيه أوى أنا عارف

الى بينظم المروحه السرعه البطيئه والعاليه الكونترول الخاص بهم فلازم كهربائى نضيف يبص عليه
بس ممكن تشيك على سلوكه
بس رجااااء كهربائى محترف فقط

[SYD]

الف مبروك يا كريم علي التكييف
والله يا صاحبي انا كمان مش بفهم اوي في موضوع التكييف لأني مالحقتش اتهني عليه وحصل اللي حصل ومن ساعتها ماعنديش تكييف في عربيتي

انت عايز كهربائي فولكس يشوفهالك

عايز تنزلي القاهرة واروح معاك عند كهربائي محترف فولكس - انا عينيا ليك
مكسل وعايزيني اجيب الكهربائي ونجيلك (دة في الجنينة) انا عنيا بردو

ربنا يوفقك

[engkhater]

بص يا باشا انا كان معايا نفس الموضوع ده و الكهربائى عملى المروحتين على السرعه العاليه ومعرفش يظبطهالى وكانت لما المروحه تشتغل كانو بيشفطو الكهربا كلها من العربيه و المكنه تبرجل
رحت لكهربائى تانى قالى ان السرعه العاليه دى بتشتغل لما تكون فى عز الحر فى شهر 7 و الساعه 2 الظهر وتكون مشغل التكيف و قارص على العربيه و فى زحمه كمان ( بمعنى اصح ان المكنه طالع عينها) غير كده السرعه الصغيره هي اللى بتشتغل وبعدين عندى مروحتين يعنى بكفاءه مروحه واحده و سرعه عاليه
وركبلى بتاع كده اسمه مخفض كهربا
بيجيب السلك اللى واصل للمروحه فى الكهربا و يركبه فى النص لو عاوزنى اصوره ليك واوريهولك من عينيا
وبعد كده لا سمعت صوت للمروحه خالص و انهارده كنت فى مشوار انهارده و مشغل التكيف و شويه زحمه و شويه على الطريق العربيه ولا مسكت حراره ولا اى حاجه
والليله كلها كانت ب 20 جنيه

[mahmoud ghanem]

مبروك يا كيمو وبصراحة الجو عندنا بقى لايطاق بدون التكييف
اللى اعرفة فى التكييف ان المروحتين بيشتغلوا اول ما التكييف يشتغل سواء العربية باردة سخنه المروحتين بيشتغلوا

بس غالباً على السرعة البطيئة والله اعلم علشان صوتهم مش مزعجع قوى

طبعاً ومن غير التكييف مروحة بس اللى بتشتغل على السرعة البطيئه او عاليه على حسب درجة الحرارة
بالتوفيق ان شاء الله

[Karim Ibiza]

الف مبروك يا كبير على التكيف ربنا يباركلك

الله يبارك فيك يا باشا
شكرا لمرورك

[Karim Ibiza]

مبروك ياكيم
هتشم النسيم أخيرا حقك أنتا تعبت فيه أوى أنا عارف

الى بينظم المروحه السرعه البطيئه والعاليه الكونترول الخاص بهم فلازم كهربائى نضيف يبص عليه
بس ممكن تشيك على سلوكه
بس رجااااء كهربائى محترف فقط

الله يبارك فيك يا حسام
انا فعلا تعبت فيها ولسه بتعب والله

فعلا هو الكونترول هو المسؤول وجارى البحث على كهربائى محترف

[Karim Ibiza]

الف مبروك يا كريم علي التكييف
والله يا صاحبي انا كمان مش بفهم اوي في موضوع التكييف لأني مالحقتش اتهني عليه وحصل اللي حصل ومن ساعتها ماعنديش تكييف في عربيتي

انت عايز كهربائي فولكس يشوفهالك

عايز تنزلي القاهرة واروح معاك عند كهربائي محترف فولكس - انا عينيا ليك
مكسل وعايزيني اجيب الكهربائي ونجيلك (دة في الجنينة) انا عنيا بردو

ربنا يوفقك

الله يبارك فيك يا رياسة وعقبالك

والله ياباشا كلك واجب (ايه الناس ديه) انا فعلا زى ما قولتلك قبل كده ناوى انزل القاهرة عشان نتقابل كلنا بس اليومين دوول ماش فى اجراءات التجديد والفحص عشان ماشى ورخصة العربية منتهية

ان شاء الله اجدد وانسق معاك

[Karim Ibiza]

بص يا باشا انا كان معايا نفس الموضوع ده و الكهربائى عملى المروحتين على السرعه العاليه ومعرفش يظبطهالى وكانت لما المروحه تشتغل كانو بيشفطو الكهربا كلها من العربيه و المكنه تبرجل
رحت لكهربائى تانى قالى ان السرعه العاليه دى بتشتغل لما تكون فى عز الحر فى شهر 7 و الساعه 2 الظهر وتكون مشغل التكيف و قارص على العربيه و فى زحمه كمان ( بمعنى اصح ان المكنه طالع عينها) غير كده السرعه الصغيره هي اللى بتشتغل وبعدين عندى مروحتين يعنى بكفاءه مروحه واحده و سرعه عاليه
وركبلى بتاع كده اسمه مخفض كهربا
بيجيب السلك اللى واصل للمروحه فى الكهربا و يركبه فى النص لو عاوزنى اصوره ليك واوريهولك من عينيا
وبعد كده لا سمعت صوت للمروحه خالص و انهارده كنت فى مشوار انهارده و مشغل التكيف و شويه زحمه و شويه على الطريق العربيه ولا مسكت حراره ولا اى حاجه
والليله كلها كانت ب 20 جنيه

الله يفتح عليك, انا من ساعة ما استلمت العربية وانا بيحصل عندى الخطفة دى لما المراوح تشتغل والميكانيكى قاللى ان البطارية ضعيفة, طبعا اى هتش فى اى اتجاه لأن المفروض انى ماشى على الدينامو

اول مرة اسمع عن مخفض الحرارة ده, يا ريت لو صورة ليه وتقولنا وظيفته ايه

[Karim Ibiza]

مبروك يا كيمو وبصراحة الجو عندنا بقى لايطاق بدون التكييف
اللى اعرفة فى التكييف ان المروحتين بيشتغلوا اول ما التكييف يشتغل سواء العربية باردة سخنه المروحتين بيشتغلوا

بس غالباً على السرعة البطيئة والله اعلم علشان صوتهم مش مزعجع قوى

طبعاً ومن غير التكييف مروحة بس اللى بتشتغل على السرعة البطيئه او عاليه على حسب درجة الحرارة
بالتوفيق ان شاء الله

الله يبارك فيك يا حوده
فعلا شكله هيبقى صيف ساخن جدا

[Karim Ibiza]

مبروك يا كيمو وبصراحة الجو عندنا بقى لايطاق بدون التكييف
اللى اعرفة فى التكييف ان المروحتين بيشتغلوا اول ما التكييف يشتغل سواء العربية باردة سخنه المروحتين بيشتغلوا

بس غالباً على السرعة البطيئة والله اعلم علشان صوتهم مش مزعجع قوى

طبعاً ومن غير التكييف مروحة بس اللى بتشتغل على السرعة البطيئه او عاليه على حسب درجة الحرارة
بالتوفيق ان شاء الله

الله يبارك فيك يا حوده
فعلا شكله هيبقى صيف ساخن جدا

[SYD]

الله يبارك فيك يا رياسة وعقبالك

والله ياباشا كلك واجب (ايه الناس ديه) انا فعلا زى ما قولتلك قبل كده ناوى انزل القاهرة عشان نتقابل كلنا بس اليومين دوول ماش فى اجراءات التجديد والفحص عشان ماشى ورخصة العربية منتهية

ان شاء الله اجدد وانسق معاك

هههههههههه
حصل اللي كنت خايف منه
يا باشا انت عارف انا لو عليا اجيلك لو في اخر الدنيا
بس تفتكر الكهربائي هيرضي يسيب ورشته ويجي معايا عشان 150 ج واكلة سمك وجمبري (بس هو يوافق)

حبيبي يا كيمو

[engkhater]

هو اسمه مخفض ياباشا
وظيفته انه بيخفض الكهربا اللى داخله للمروحه او بيخليها تسحب كهربه نص نص علشان تشتغل على السرعه المنخفضه
بيركب على سلك الكهربا اللى داخله للمراوحه قبل المراوح على طول بيتركب فى السلك
هو الكهرباى قص السلك الكهربا الموجب مش الارضي و راح مركبه فى النص و فضلت واقف قدامه نص ساعه مشغل العربيه والمروحه اشتغلت 10 مرات وممسكتش حراره لان الموتور اصلا صغير على المروحتين
فحلو اوى عليهم
واللى يقولك مشاكل بطاريه سيبك منه لان الكلام ده كله اتقالى و فيه ناس كمان تقولك الدينامو بيغزى كهربا ضعيفه برده سيبك منه
هو من الاخر الكنترول بتاع البولو مفيش فيه انه يشغل المروحه على السرعتين دول والله اعلم على اما سمعت من الكهربائى
وحاضر جارى تنزيل صورته

[engkhater]

دى صورتها الفيشه الخضره جايه من الكتاوت بتاعه المراوح اللى حضرتك رافع صورتها والفيشه السمرا اللى داخله للمراوح
انا معرفش ازاى ارفع صوره بس اللنك اهه

https://www.facebook.com/photo.php?fbid=512297945497873&set=a.512297932164541.1073741826.100001530162959&type=3&theater