الحمد لله ركبت التكييف أخيراً

[egman]

السلام عليكم ورحمة الله وبركاته

انا الحمد لله اتممت تركيب التكييف للعربية هى ايبيزا موديل 94 هى كانت مجهزة لتكييف يعنى كان فيها كمبرسور وكان فيها مفاتيح للتكييف فى التابلوه وهوايات التكييف .

التفاصيل :

1- الكويل ولوحة المفاتيح كانت للجولف 4 وركبت باوش بتعها عادى جدا فى التابلوه بتاعى .

2- طقم التبريد الكبير الى هو 2 مروحة بسير وبموتور واحد .

3- خراطيم طقم التبريد .

4- كمبروسر لانه اثناء التجربة لقنا الكمبروسر الى عندى في تسريب وعرفت انه ما ينفعش له اى لحمات وتغيير الكمبرسور كان مفاجاءة ما كانتش محسبوه خالص خالص خالص .

الاداء :

الحمد لله ممتاز جدا جدا جدا ولله الحمد .

تفاصيل تيركيب التكييف :

1- تم التركيب فى ورشة الزعيم

http://www.nilemotors.net/Nile/327563-a.html

الى انا بتعامل معها وتم الاتفاق مع الكهربائي من الحرفيين ليقوم بالشغل فى الورشة .

2- الراجل ما اخدش فى فك التابلوه ووضع الكويل وتخريم العربية وتركيب التابلوه مره اخرى اكتر من ساعه .

3- قام محمد الزعيم بتركيب طقم التبريد فى وقت لا يذكر .

4- انا كنت متخوف جدا من حوار فك التابلوه لانى كنت عتارف ومحمد الزعيم قالى احتمال كبير الفريم بتاع التابلوه يتكسر للاسف ، المهم الحمد لله الكهربائي فكه وركبه تمام التمام .

5- بعد تجربة التكييف فترة فجاءة كده بدون مقدمات لقيت الفريم لوحده طالع من مكانه مشيت بيه على الرغم انى حاولت اثبته ما نفعش ومع اول نقره فى الشارع :( :( :( اتكسر والحمد لله لكن انا عالجته كويس اهوه بضحك على نفسي لانه مش وقت فلوس تانى خالص .

6- الكهربائي ركب التكييف على 2 كتاوت ووصل الكويل على الكنترول بتاع العربيه بحيث ان فى حالة تشغيل او اغلاق التكييف العربية ما تبطلش او ما توطاش اوى فى الكهرباء والحمد لله .

7- انا كل الى معكنن عليا دلوقتى حوار الفريم الى اتكسر وسبحان الله يتكسر بعد ما خلصت التركيب باسبوع ولوحده ، بس الحمد لله على كل شيء وانا فى بالى انى اغير التالبلوة مستقبلا لان الهوايات عندى برده حالها تعبان اوى .

8- الموضوع كله ما اختش 4 ساعات تركيب وشحن وكل حاجة كل الى عطلنا بس مفاجءة الكمبرسور وهو الى اخد وقت على ما رحت جبته .

التكلفه :

1- طقم التبريد الكبير 900 جنية خرطومين بس .

2- باقى الخراطيم كان سعرهم صدمة ناس كانت بتكلم فى هبل المهم جبتهم على 300 جنية من غير اى تريقة لان انا شوفت العجب فى الحرفيين .

3- الكمبرسور المفاجاءة الى طلعتلى فى النص من غير حساب 450 بالعافيه .

4- الكويل داخل فى 1000 جنية .

5- الكهربائي 400 جنية .

6- غير الشحن والزيت والكلام ده .

تحياتي للجميع ، وانا تحت امركم فى اى استفسار ،،

وشكرى وتقديرى من كل قلبي لصديقي ان سمح لى ان اكون صديقه أ / حسام الصادق لانه الوحيد الى اتصل بيا فترة غيابي عن بيتى التانى المنتدى وسال عليا ربنا يجازيه كل خير .

[hossamalsadik]

صديقى حسين بيك حمد لله على السلامه
وألف مبروك تركيب التكيف
على فكره انا عرف من احمد بيه موضوع تركيبك للتكييف وكنت مستنى تعملنا التقرير
مبروك مره تانيه وكل عام وانت بخير ورمضان كريم

[abaza2107]

السلام عليكم حمد الله على السلامه يا حسين باشا ولعله يكون المانع خير
انا كنت عرفت الكلام ده من الزعيم وكنت مستني التقرير بالتفصيل من حضرتك والف مبروك عليك التكييف والحمد لله انها جت على قد كده في موضوع التابلوه وربنا يسهل ان شاء الله وتغيره .
متشكريين يا باشا وفي انتظار تقارير اخرى

[egman]

صديقى حسين بيك حمد لله على السلامه
وألف مبروك تركيب التكيف
على فكره انا عرف من احمد بيه موضوع تركيبك للتكييف وكنت مستنى تعملنا التقرير
مبروك مره تانيه وكل عام وانت بخير ورمضان كريم

يا صديقي العزيز ربنا يبارك فيك وكل عام وحضرتك بخير يا رب ، وانا كنت منتظر تجربه الشغل كله علشان اعمل التقرير مرة واحده والحمد لله التجربة مرضية جدا جدا تسلم يا باشا وجزاك الله كل خير .

[egman]

السلام عليكم حمد الله على السلامه يا حسين باشا ولعله يكون المانع خير
انا كنت عرفت الكلام ده من الزعيم وكنت مستني التقرير بالتفصيل من حضرتك والف مبروك عليك التكييف والحمد لله انها جت على قد كده في موضوع التابلوه وربنا يسهل ان شاء الله وتغيره .
متشكريين يا باشا وفي انتظار تقارير اخرى

الله يسلمك يا باشا والحمد الله كله خير كانت شوية زحمة فى الشغل بس كبيرة شوية والحمد لله عدت يا باشا ، والحمد لله على حكاية الفريم بتاع التابلوه ده كل خير ، انت عارف بس الى يغيظ انه ركب سليم ومية مية على الرغم انى كنت اعرف ان الفريم ه اصلا بيتلكك علشان يتكسر وما يعملهاش الى بعدها بفترة من تركيبه ان شاء الله ربنا يسهل وابقى اغيره كله لما افوق شوية ، وتسلم يا باشا على سوالك .

[Mr.Lawyer]

الف مبروك يا حسين باشا على تركيب التكييف

يا ريت تقولنا راييك فى قوه التبريد للتكيف وفى الحر اخباره ايه ؟

[egman]

الف مبروك يا حسين باشا على تركيب التكييف

يا ريت تقولنا راييك فى قوه التبريد للتكيف وفى الحر اخباره ايه ؟

بص يا باشا العربية فى عز الظهر والشمس واجى اركبها بعد ما تكون مركونة فى الشمس حوالى 8 ساعات لازم اشغله الاول على 3 وبيكون زي الفل وبعدها بربع ساعه كده اخليه 2 او ايبه 3 زي ما هو لان فترة العصر بتكون نار وانا مش مفيم العربية لانى اعتقد لو فى فامية هيكون اداءه افضل بكتير .

اما بليل بشغله على اتين وممكن اخليه 1 على حسب بقى لو مش معايا الولاد بليل بخليه 2 لانى انا بحب
السقعه . وتحت امرك فى اى شيء .


ولو حضرتك بتسال لانك شاكك فى تكيفك مثلا واداءه فى فترة الظهر اقولكعلى حاجة افتح باب العربية وازل منها وانت هتعرف ان التكييف عامل شغل جامد فى العربية لان العربية علشان الزجاج منفذ للشمس وبيعمل حرارة بتحس ان التكيفف فى الظهر مش قد كده لا افتح باب عربيتك وازل منها وانت تعرف ان الدنيا جوة العربية تمام التمام لانى كنت مقلق من الحوار ده فى الاول وبيبان بليل بقى او لو العربية مفيمة بيكون احسن واجسن واحسن .

اما السحب بيقل بنسبه بسيطة مش ملوحظة .

[Karim Ibiza]

وانا بقول هو الراجل ده راح فين!!!! هو باع عربيته ولا ايه!!!!
اتاريك كل ده بتركب التكييف, بس اتأخرت قوى ياحسين

مبروك ياعم على التكييف وفداك الفريم

بس عندى كذا نقطة عارز اتكلم فيها:
هو المصنعية كلها 400 جنيه؟؟؟ ولا دى للكهربائى بس؟؟؟ طيب الزعيم أخد كام؟؟؟
قصدك ايه بكتاوت التكييف؟؟؟ وليه 2؟؟؟
بالنسبة لسعر الكومبريسور انا أعرف ان سعره فى حدود 800 جنيه
نصيحة بلاش تفيم الزجاج لأن الفيميه ده هيحجب الشمس لكن هيحبس الحرارة جوه الصالون وبالتالى مش هتحس يالتكييف خالص فى فترة الظهر
الأصول ان فيه فيميه خاص بالموضوع ده زى مثلا حاجة اسمها V-Cool وده بيبقى لونه شفاف بس بيحجب اشعة الشمس والحرارة بس برده مش رخيص

مبروك ياريس ورمضان كريم

[mohammad isdf]

ألف مبروووك انا عندى تكييف بس تعبان جدا

[mahmoudayman]

الف مبروك يا باشا على تركيب التكييف

[egman]

وانا بقول هو الراجل ده راح فين!!!! هو باع عربيته ولا ايه!!!!
اتاريك كل ده بتركب التكييف, بس اتأخرت قوى ياحسين

مبروك ياعم على التكييف وفداك الفريم

بس عندى كذا نقطة عارز اتكلم فيها:
هو المصنعية كلها 400 جنيه؟؟؟ ولا دى للكهربائى بس؟؟؟ طيب الزعيم أخد كام؟؟؟
قصدك ايه بكتاوت التكييف؟؟؟ وليه 2؟؟؟
بالنسبة لسعر الكومبريسور انا أعرف ان سعره فى حدود 800 جنيه
نصيحة بلاش تفيم الزجاج لأن الفيميه ده هيحجب الشمس لكن هيحبس الحرارة جوه الصالون وبالتالى مش هتحس يالتكييف خالص فى فترة الظهر
الأصول ان فيه فيميه خاص بالموضوع ده زى مثلا حاجة اسمها V-Cool وده بيبقى لونه شفاف بس بيحجب اشعة الشمس والحرارة بس برده مش رخيص

مبروك ياريس ورمضان كريم

كيمو حبيب قلبي عامل اية يا باشا وكل سنة وانت طيب ، لا والله انا عدم دخولى المنتدى كان لظروف شغل والحمد لله كله خير .

بس يا سيدي :

400 جنية دول مصنعيه الكهربائي ده الى اتفقك معايا عليه .

اما محمد الزعيم لسة ما حسبتوش لانى شطبت يا معلم هو ركبلى طقم التبريد .....

انا بخصوص كتاوت هو ركب كتاوت للكمبرسور وغالبا المراوح على ما افتكر وفى نفس الوقت وصل سلك من الكنترول للكويل بيقول علشان اثناء الفتح وغلق التكييف العربية ما توطاش اوى وتبطل ........

وده بالفعل سعر الكمبروسر الى جبته زي ما كتبته يا باشا ومعمول معانا واجب فيه علشان محمد كان معايا ....

طيب يا كيمو قولى اية الغريب فى الاسعار غالى ولا كويس ولا اية !!!!!!!!!!!!

انا بصراحه مش فى بالى حوار التفييم علشان ما بحبش حد يتفرد ويتني عليا فى المرور بس اية حوار الفامية الشفاف ده بقى وبكام وفين اعترف مش هسيبك الا لما تعترف .....

[egman]

ألف مبروووك انا عندى تكييف بس تعبان جدا

الله يبارك فيك يا باشا ، ولية التكييف ت عبان فى مشكلة اية قولنا ؟

[egman]

الف مبروك يا باشا على تركيب التكييف

الله يكرمك ويبارك فيك يا باشا

[Karim Ibiza]

كيمو حبيب قلبي عامل اية يا باشا وكل سنة وانت طيب ، لا والله انا عدم دخولى المنتدى كان لظروف شغل والحمد لله كله خير .

بس يا سيدي :

400 جنية دول مصنعيه الكهربائي ده الى اتفقك معايا عليه .

اما محمد الزعيم لسة ما حسبتوش لانى شطبت يا معلم هو ركبلى طقم التبريد .....

انا بخصوص كتاوت هو ركب كتاوت للكمبرسور وغالبا المراوح على ما افتكر وفى نفس الوقت وصل سلك من الكنترول للكويل بيقول علشان اثناء الفتح وغلق التكييف العربية ما توطاش اوى وتبطل ........

وده بالفعل سعر الكمبروسر الى جبته زي ما كتبته يا باشا ومعمول معانا واجب فيه علشان محمد كان معايا ....

طيب يا كيمو قولى اية الغريب فى الاسعار غالى ولا كويس ولا اية !!!!!!!!!!!!

انا بصراحه مش فى بالى حوار التفييم علشان ما بحبش حد يتفرد ويتني عليا فى المرور بس اية حوار الفامية الشفاف ده بقى وبكام وفين اعترف مش هسيبك الا لما تعترف .....

اصل انا اعرف ان الكومبريسور فى حدود 800 جنيه والتركيب فى حدود 1000 جنيه شامل كل حاجة
بس كده تمام قوى ربنا يباركلك فيه

بص هو ميزة الفيميه ده ان فيه منه شفاف وهتلاحظه فى العربيات المرسيدس والبى ام والفولكس الحاجات العالية دى
هتلاحظ ان الزجاج ميزرق شوية (أزرق) لان هما بينزلو فبريكة كده بالفيميه ده

ده اللينك بتاع التوكيل فى مصر بس امانة عليك لما تدخل على صفحة الأسعار بلاش تشتم او تدعى عليا عشان احنا فى رمضان

V-KOOL Egypt

[nesr6060]

الاسعار بتاعه الفاميه كااام


من 3300 ل 9950 ليه تفيم ايه ده تفيم بسعر نص كامل ليه يا عم مش مهم الواحد يوفر بنزين مش مهم حتى التكيف كاله التفيم اللى انا حاطه ماهو حلو ولا اقولك انا هجيب تفيم رش احسن