استفسار عن ابيزا 99

[night_angel0007]

السلام عليكم انا عندى كام استفسار عن ابيزا 99 ياريت الاخوه يفيدونى بس ياريت الى يخش ميبخلش عليا برد لانى فعلا ان شاء الله هشترى ابيزا 99 ومحتاج كام استفسار

اولا

رنج سعر العربيه دلوقتى علشان متخمش فيها وفى نفس الوقت اقدر احكم حسب الحاله لانى مش هقدر اعرف الرنج من كونتكت او دوبيزل او اى موقع تانى لان معروف الى على النت بيزود على الاقل 3000 علشان يعمل حسابه الى هيفاصل وكده

ثانيا انا عايز عربيه ميكونش ملعوب فيها خالص ومحتاج موتورها الا 1000 cc ان شاء الله علشان يباه موفر فى البنزين علشان معايا مشوار كبير من التجمع الخامس لاكتوبر يوميا فمحتاج عربيه موفره فى البنزين وتستحمل فى نفس الوقت فهل هتستحمل

ثالثا

تسارع موتور الا 1000 cc كويس ولا هيباه اخره 120 والمكنه هتكحح واحس انى راكب ماروتى

رابعا ايه العيوب الى فى العربيه ديه علشان لما اكشف اكشف عليها اول حاجه وايه النصايح الخاصه بالعربيه ديه علشان كل عربيه بيباه ليه عيوب معينه معروفه فيها او كده يعنى من الاخر ازاى اشيل عربيه ابيزا 99 حالتها حلوه واتاكد انه مش ملعوب فيها

اخيرا ياريت يا جماعه الى عنده اى رد حتى ولو على جزئيه صغيره ميبخلش بالرد عليا علشان الموضوع مهم اوى بالنسبالى واكيد كل واحد فيكم كان مزنوق فى يوم من الايام ومحتاج يعرف معلومه وكان نفسه حد يرد عليه بسرعه

وجزاكم الله خيرا

[night_angel0007]

ايه يا رجاله بقالى اكتر من اسبوع عامل الموضوع كله ومفيش ولا رد عموما تسلموا والله على اساس ان كلو اتولد بيركب عربيات محدش كان نفسه يفهم حاجه فى يوم من الايام وبتمنى حد يرد عليه ناس غريبه والله

[ibiza50]

اتمنى انى اكون قدمتلك بعض المعلومات

http://www.nilemotors.net/Nile/93049-a.html

http://www.nilemotors.net/Nile/298020-1993-1999-a.html

http://www.nilemotors.net/Nile/182568-a.html

[hossamalsadik]

أهلا بيك معنا فى اسرة السيات
معلش المثل بيقول الغايب حجته معاه
الأبيزا عربيه جميله وهتديك الى انتا عاوزه توفير فى البنزين وقوة تحمل عاليه وقطع غيار منتشره جديد وأستيراد واسعار فى المتناول
الماتور ال 1000cc كويس مع التكييف مش وحش
والاستاذ / محمد ماشاء الله جبلك لينكات فيها معلومات كتير
أحب اضيف اللينك ده

http://www.nilemotors.net/Nile/374068-94-98-a.html

واخيرا اختيار موفق ان شاء الله ومبروك مقدماً

[SYD]

ايه يا رجاله بقالى اكتر من اسبوع عامل الموضوع كله ومفيش ولا رد عموما تسلموا والله على اساس ان كلو اتولد بيركب عربيات محدش كان نفسه يفهم حاجه فى يوم من الايام وبتمنى حد يرد عليه ناس غريبه والله

احب في البداية اعتذرلك عن التاخير في الرد
ثانيا عندنا قسم فرعي اسمه اهم موضوعات القسم فيه اهم الموضوعات وفيه الموضوع دة
نظرة عن كثب: كل ما تريد معرفته عن الجيل الثاني من سيات ابيزا

هتلاقي فيه لينكات كمان لأهم الموضوعات عن الأبيزا 99

تحياتي
وشكراً علي الأسلوب في التحدث مع الأعضاء

[night_angel0007]

اولا شكرا يا جماعه بجد على الرد بس انا بجد كنت متضايق ان مفيش حد رد ولفتره كبيره وانتوا عارفين الواحد لما بيكون بيسال على حاجه مش عارفها بيكون محتاج لاى مساعده اان اسف لو اسلوبى مكنش كويس اوى فى الرد التانى وبعتذر عن اى اساءه وكتير خيركم

كان عندى استفسار تانى لو مفيهاش ازعاج هو رنج العربيه الا 1999 الكامله سعرها من كام لكام دلوقتى اان بشوف على المواقع البيع والشراء بس معروف ان الى بيعرض عالنت بيزود شويه لزوم الفصال وكده فمحتاج اعرف منكوا ؟؟

[night_angel0007]

فى حد عارف رنج العربيه فى الاسعار ؟؟

[mahmoud ghanem]

99 كاملة من 31 - 35 حسب الحالة
98 كاملة من 30 - 34 حسب الحالة

لو فاضية نقص 3000 - 4000 جم

[night_angel0007]

طب استاذ محمود ايه الفرق بين ال 98 و ال 99 الفروق الجوهريه انا الى اعرفه ان ال 99 متورها انجيكشن اتنين كامه ومفتاحها امبوليزر وكامله لحد المرايات كهرباء فتقريبا مش ناقصه اى حاجه كعربيه ايه فى الحاجات ديه مش موجود فى ال 98 الى مع حضرتك وايه الفروق عموما

[SYD]

طب استاذ محمود ايه الفرق بين ال 98 و ال 99 الفروق الجوهريه انا الى اعرفه ان ال 99 متورها انجيكشن اتنين كامه ومفتاحها امبوليزر وكامله لحد المرايات كهرباء فتقريبا مش ناقصه اى حاجه كعربيه ايه فى الحاجات ديه مش موجود فى ال 98 الى مع حضرتك وايه الفروق عموما

ال98 هي هي ال99
ولكن
بعض ال99 نزل كامل بنفس كماليات ال2000 (تكييف باور سنتر مرايات فوجات اضاءة في الشنطة و درج التابلوه)
الاثنين ايموبلايزر والاثنين محرك 1000 سي سي 1 كامة 8 صباب

[hossamalsadik]

الأبيزا 2000 مافيهاش اضاءة فى درج التبلوه للاسف والصراحه الواحد كتير بيعوز اضائه فى المكان ده

[night_angel0007]

جزاكم الله خيرا يا جماعه لو حد قدامه ابيزا 99 كامله بحاله كويسه ياريت يقولى لانى بدور الايام ديه ومش مستعجل علشان ملبسش فى حاجه تقرفنى ياريت لو حد يقدر يفيدنى فى الابيزا ال 99 ايه الى محتاج ابص عليه من عيوب شائعه للعربيه تحديدا علشان اعرف صاحبها مش هاملها ولا لا ومديها صيانتها كامله والعربيه كانت مرتاحه معاه لانى عارف ان الالمانى لازم ايديك تباه ايديك فيه على طول علشان ميقرفكش

[hossamalsadik]

الاستاذ / محمد (ibiza50) والمهندس محمد سيد (SYD) جزاهم الله خيرا ادو حضرتك لينكات ارجو ان حضرتك تقراها بعنايه
وانا اديت حضرتك لنك (أكثر العيوب الشائعة في ابيزا 94-98) والابيزا 99 زى 98 ، هيوضحلك حجات وعيوب شائعه هتبص عليها
وبوجه عام الاهم انك تبص على الشاسيه يكون سليم 100% ثم ياتى الصالون يكون حالته كويسه ثم كهرباء العربيه ميكنش معكوك فيها ثم حالة الماتور
ممكن حد يبصلك بصه على العربيه زى ميكانيكى فولكس او حد يكون عنده ابيزا وفاهم
هوا بعد حالة الشاسيه الى مافهوش فصال الباقى واى حاجه ممكن تتعمل بس كله يبقى من السعر وده بيتطلب حد فاهم وعارف يربط بين اسعار السوق بالنسبه للعربيه وسعر كل قطعه عشان يقدر يقيم العربيه مناسبه بالنسبه للسعر ولا لا

واهم حاجه تستخير ربنا وبالتوفيق ان شاء الله

[night_angel0007]

جزاك الله خيرا على المعلومات القيمه ولو فى حد حابب يضيف حاجه فى اى وقت او قدامه عربيه 99 ياريت يقولى واكون شاكر جدااا