مشكلة غريبة عاملة زى مسائل الرياضة فى ابيزا 98

[ehab_mansour]

السلام عليكم

الحمد لله انك وصلت لكده وربنا يوفقك وتركب الرشاشات الجديدة وتشتغل واحنا متابعين معاك بإهتمام لكن انت اللي بتغيب عننا كتيييييييير
وبالتوفيق وكل سنة وانت طيب

[M.Hassan47]

وانت طيب يا ايهاب وكل المنتدى بخير
انا النهارده جبت الرشاشات قبل الفطار بساعتين وسبتها للميكانيكى وروحت عشان فعلا مكنتش حمل احباط او صدمات
و اتصلت بيه دلوقتى قالى ركبت الرشاشات ودارت شوية لحد ماسخنت وراحت مبطلة وقطعت بردو قالى شوفت سلك الموبينا لقيته ضعيف غيرته ونفس الحوار وانه هايكمل شغل فيها بكره

ياترى بقى الفزورة دى هاتتحل امتى مبقتش عاااارف

[dr_click]

أنا كان عندي نفس الابيزا زمان وحصلي نفس الموضوع دا بس اكتشفت من الاول خالص إن ال-controller كان بايظ وغيرتوه بواحد جديد كان ب-٦٠٠ جنيه، د كان من ٤ سنين

[M.Hassan47]

والله يامان ممكن يكون الكنترول بس للأسف نفسى حاجة تأكدلى كل وظايفه شغالة بيبعت اشارات لكل حاجة
تقريبا ملهاش حل غير انها ترجع المانيا تانى هما بقى هايعرفوا فيها ايه

[alzelafy]

بص يا باشا انتا تطلع بيها على حد متخصص لان الميكانيكى هيجرب فيك كل حاجه و هيخليك تجيب موتور كامل حته حته لحد ما يوصل للعيب و لو موصلوش هيقلك هات موتور كامل بقى متقفل و يركبهولك يبقى كدة موتورين اطلع على محمد سمير عند حديقه بدر جسر السويس و ارمى العربيه هناك و هو هينطقهالك

[M.Hassan47]

يازيلفى اصلى انا متأكد من الميكانيكى ده لأنه مش اول تعامل وانا واثق منه جدا وهو النهارده اتصلت بيه قالى كده العربية شغالة تمام بقت بدور عادى لكن بتفصل بعد خمس ثوانى يعنى كده دخلت تانى فى دايرة المفتاح والحوار ده ان المفتاح مش متعرف على الكنترول فابدور دلوقتى بقى على حد بتاع مفاتيح مشفرة يشوف الحوار ده وللعلم كان فى واحد قبل كده وشاف المفتاح وجه يخش على الكنترول قاله البن كود وانا معرفش البن كود وربنا يسهل

امال انتو فين يا ايهاب انت ومحمد مصطفى بقالى كتير مش بشوفكم فى التوبيك انتو يئستوا منى ولا ايه ياجماعة امال انا اعمل ايه

[alzelafy]

طيب بص يا باشا انا من حوالى 3 شهور قريت فى المنتدى عن مشكله زى دى و طلع من الكونتاكت كان بايظ و بيهرب كهرباء مش عارف ازاى الراجل كان كاتب كدة و بتاع المفاتيح هو اللى عملهولو بردو شوف الحوار دة بردو مع الشفرة و كفايه بهدله فى الموتور و وواحد صاحبى كان معاة اودى و كانت بتتاخر فى الدوارة جامد اوى لحد ما البطاريه بتنام منو و غير البوجيهات و جاب بطاريه و فى الاخر طلع الكونتاكت مبيوصلش كهرباء و اللى عملهالو كهربائى كفتجى سبحان الله

[M.Mostafa80]

واضح ان الميكانيكى بتاعك مش متخصص وأكبر دليل الكابل ما ركبش
لازم تتحط على جهاز هتريحك من وش حاجات كتير وانا شاكك فى وحده التشفير بتاعت المفتاح
يأما شفره المفتاح نفسه حصلت فيها مشكله

[mr_shims_49]

انا رايي بردة تحطها علي الجهاز او ريح دماغك ووديها التوكيل اللي خلاك صرفت كل ده مع الميكانيكي كنت وديتها التوكيل من الأول كانوا قالولك المشكلة في ايه بالظبط و عملوها و ربنا يوفقك ان شاء الله و تتحل المشكلة

[ehab_mansour]

معلش اسف علي التأخير ولكني كنت مسافر بقالي كام يوم ومش بدخل علي النت نهائيا

واحنا معاك يا باشا وتحت أمرك لكن انت مشكلتك الرئيسية انك في دائرة مغلقة كل ما تلف ترجع تاني لازم تتأكد من موضوع المفتاح الأول وبعدين تشوف الماكينة والكنترول عشان تحجم المشكلة وتحصرها في نطاق محدد والله الموفق

[mr_shims_49]

معلش اسف علي التأخير ولكني كنت مسافر بقالي كام يوم ومش بدخل علي النت نهائيا

واحنا معاك يا باشا وتحت أمرك لكن انت مشكلتك الرئيسية انك في دائرة مغلقة كل ما تلف ترجع تاني لازم تتأكد من موضوع المفتاح الأول وبعدين تشوف الماكينة والكنترول عشان تحجم المشكلة وتحصرها في نطاق محدد والله الموفق

+11111111

[M.Hassan47]

[overline]ولا يهمك يا ايهاب وشكرا جدا ياجماعة على المتابعة
وعلى فكره ياجماعة انا لسه لحد دلوقتى الميكانيكى مخدش منى جنيه واحد بس كفاية المصاريف بتاعت قطر العربية وشيلها والرشاشات والأرف

واخر حاجة حصلت ان وديتها لواحد بتاع مفاتيح فى شارع القصر العينى وللعلم مشهور وسمعته جامده جدا وبالرغم من كده مقدرش يحدد العيب بس هو اتكسف يقول كده الأول قال الإيمو بايظ وعمل مفتاح تانى وشفرة تانية وبرمجها على الإيمو ولكن لا حياة لمن تنادى راح جايب كهربائى بجهاز اعطال

وطبعا اكواد كتيرة جدا ظهرت مسحها وكان من ضمنهم الكنترول والبوابة والطلمبة المهم بعد مامسحها دارت بالمفتاح القديم ودا اثبت ان بتاع المفاتيح كان غلط بس الفكرة بقى انها بدور ولو شلت رجلك من على البنزين تبطل واضريت يومها انى امشى بيها عشان اوديها للميكانيكى تانى لكن كانت الساعة 3 بليل يعنى مفيش بنى ادم يقطر العربية فى وقت الصحور طبعا فاضريت افتح البوابة سنة ومشيت بيها شوية ونفس السيناريو بتاع اول مره اتكرر بالظبط العربية فضلت تترج بعد مامشيت مسافة بالظبط من شارع القصر العينى لحد الجيارة كده وراحت قاطعة تدور مابدورش بجد فى اللحظة دى خلاص بقى مبقتش فارقة معايا نهائى وحلفت انى مش هاركبها تانى الا وهى مفيهاش تكة ورحت رمتها عند الميكانيكى وقلتله انا مليشفيه انا عايز العربية دى دايرة ازاى بقى معرفش قالى خلاص سيبهالى وانا هانزل بيها الحرفين ونشوف فيها ايه

وهو هايبدأ فيها شغل بكره

بس بجد ياجماعة انا كل الناس اجمعوا ان عربيتى دى غريبة جدا حتى الراجل بتاع المفاتيح قالى انت معزم عليها انهامدورش ولا ايه وميكانيكة كتار جدا ومشهورين جدا وقفوا ادامها ومعرفوش يعملوا حاجة حتى الميكانيكى بتاعى اللى مفيش عربية المانى بتقف ادامه قالى عربيتك ربتنى خلتنى لأول مره احس انى عجزت عن حل مشكلة وهو عنده الكابلات بتاعت الاعطال لكن كابل الإبيزا والجولف 3 مش عنده فاهيجيبه بكره مخصوص
وربنا بقى يقدم اللى فيه الخير

سورى ياجماعة انى طولت بجدبس اعذرونى



[/overline]

[ehab_mansour]

لا شكر علي واجب يا أخي الفاضل وربنا يقومهالك بالسلامة

علي العموم طالما العربية دارت وكل ماتشيل رجلك من علي البنزين تبطل ده معناه ان البوابة ما بتفتحش والكنترول مش بيديها اشارة وده ممكن يكون عيب كنترول او عطل في حساس maf او حساس درجة حرارة مياة التبريد يعني من الأخر موضوع عدم فتح البوابة ده عطل مركب شوية محتاج الميكانيكي ياخدها عند واحد عنده قطع غيار استيراد او ماكينة زيها ويغير حساسات وغيره لحد ما يوصل للعيب فين
ثانيا موضوع ان العربية مشيت شوية وراحت قاطعه اعتقد والله اعلم عيب كنترول لأنه كده لم يعد يعطي اشارات للرشاشات عشان كده سكتت خالص ومش هتدور والحل بنفس الطريقة برده
واعتقد ان الميكانيكي لما ينزل بيها الحرفيين هيخلص الموضوع بس يارب يكون امين وربنا يوقعه في الجزء العاطل اولا قبل ما يغير كل حاجه

وربنا معاك معلش هي العملية طولت لكن اصبر واحتسب شكلها اخدت عين جامده قوي

[mr_shims_49]

بجد نفسي اسالك ليه ماروحتش التوكيل من اول ما بدأت تحس ان الميكانيكي مش عارف يتعامل معاها صدقني هاتريح دماغك
روح اديلهم العربية و امشي و اكيد ان شاء الله هايعملوها صدقني لو الميكانيكي لما يجيب كابل الأعطال لو معرفش يعملها ريح دماغك و وديها التوكيل و ربنا يصبرك ان شاء الله

[alzelafy]

لازم تطمنا وصلت لايه