مشكلة غريبة عاملة زى مسائل الرياضة فى ابيزا 98

[mr_shims_49]

أيه الاخبااااااااار

[M.Hassan47]

شكرا ياجماعة على الردود والمتابعة وسورى على التأخير لأنى كنت مسافر بس
وانا بقالى كتير مش متابع ايه الجديد عشان سفرى لكن اخر مره كان قالى ان الطلمبة اتحرقت وغيرها واكيد هى اتحرقت لما انا مشيت وقطعت خالص لأن قبلها علطول كانت الطلمبة بتقطع وهو غيرها ودارت ولسه بردو حوار انها تقطع على السلانسيه والنهارده بقى هانزل اشوف ايه الجديد اللى تم وربنا يقدم اللى فيه الخير وعسى ان تكرهوا شيئاً وهو خير لكم

[mr_shims_49]

ربنا يصبرك

[ehab_mansour]

الله المستعان
"ان الله مع الصابرين "
بس ياريت تطمنا دايما بسرعه وربنا معاك

[M.Mostafa80]

ربنا يطمنك عليها ويريحك من الغلب معلش هو سؤال غريب شويه بس ياريت تجاوبنى عليه وهو والله ما تريقه
فى حد من اصحابك شاف العربيه دى وابدى أعجابه من غير تقديم أسم الله أو تكبيره لو دا حصل هاتو ووضيه بماء وأختزن الماء الخاص بالوضوء فى وعاء وخذ هذا الماء وأغسل به السياره وشوف وقولنا
أنا مقولتش الكلام دا غير من حيرتى والله بس دا شئ وارد أنها تكون محسوده ومصابه بعين ياريت ياجماعه محدش يتريق على كلامى بسالوضع دا غريب
وسؤال تانى ليك هى العربيه ليها كابل خاص لوحدها يعنى الكابل اللى عندى ما يشتغلش عليها لو كده قولى وأنا أجيلك لحد المكان اللى انت حاطيط العربيه فيه ونشوف يمكن يضع الله سره فى أضعف خلقه اللى هو أنا

[mr_shims_49]

ربنا يطمنك عليها ويريحك من الغلب معلش هو سؤال غريب شويه بس ياريت تجاوبنى عليه وهو والله ما تريقه
فى حد من اصحابك شاف العربيه دى وابدى أعجابه من غير تقديم أسم الله أو تكبيره لو دا حصل هاتو ووضيه بماء وأختزن الماء الخاص بالوضوء فى وعاء وخذ هذا الماء وأغسل به السياره وشوف وقولنا
أنا مقولتش الكلام دا غير من حيرتى والله بس دا شئ وارد أنها تكون محسوده ومصابه بعين ياريت ياجماعه محدش يتريق على كلامى بسالوضع دا غريب
وسؤال تانى ليك هى العربيه ليها كابل خاص لوحدها يعنى الكابل اللى عندى ما يشتغلش عليها لو كده قولى وأنا أجيلك لحد المكان اللى انت حاطيط العربيه فيه ونشوف يمكن يضع الله سره فى أضعف خلقه اللى هو أنا

انا برده بدأت اشك في موضوع الحسد ده و بعدين مافيهوش تريقه دي حاجة مذكورة في القرآن

[M.Hassan47]

والله يامحمد انا مؤمن جدا بالحسد بس انا كل اصحابى شافوا العربية من سنة ونص من ساعة ماجبتها يعنى كل الحسد اللى ممكن اكون خته من اصحابى فأكيد خته من زمان وفعلا انا حصلى حاجات كتيرة جدا بسبب الحسد بس المرادى مش عين بنى ادم طبيعى انا اللى مسببلى كل المشاكل دى هو لون العربية لأنه ملفت زياده عن اللزوم واوعدك يامحمد هاعمل فرز بكل الأسماء اللى شافوا العربية فى الفترة الأخيرة هههههههههههههههههه

وبالنسبة للكابل هو كابل الإبيزا 98 العادى وربنا يكرمك يامحمد انا مقدر شعورك بس انا مش عايز اتعب حد معايا واهى خلاص هانت

[ibiza50]

[QUOTE=romeo21;3871932735]انا ياجماعة عندى مشكلة رخمة اوى فى العربية وغريبة موووت

انا امبارح كنت ماشى بالعربية ومكنش فيها بنزين المهم شحطت وفضلت تقطع لحد ماوقفت خالص

صديقى الايبيزاوى
انا مش عاوزك تزعل بس انا حاسس انها طرمبة البنزين هى اللى فيها المشكله و دى ملهاش دعوه بان البنزين فضى او لاء هى بتتعطل فجاة و بدون مقدمات ودى غاليه شويه و دى من الحجات اللى صعب تيجى مستعمله
و ده بافتراض ان كل حاجه سليمة
و عموما لو المفتاح هو اللى فيه مشكله العربيه هدور لمده ثانيه واحده و هتبطل و ده فى كل محاوله تدوير للعربيه
انما لو ما بتدرورش خالص تبقى طرمبه البنزين و الله اعلم.و عموما انت ممكن تجرب حكايه كده بس بحرص شديد اشتر حقنه و حط فيها بنزين و خلى حد يدور العربيه و حاول ترش البنزين بهدوء فى فتحه الهواء اللى تحت العمة لو دارت بانتظام لغايه ما البنزين يخلص من الحقنه يبقى طرمبه البنزين لو ما دارتش و كانت زى ما هى يبقى ممكن اسلاك البوجيهات
و ربنا معاك
مع تحياتى محمد مصطفى

[M.Mostafa80]

والله يامحمد انا مؤمن جدا بالحسد بس انا كل اصحابى شافوا العربية من سنة ونص من ساعة ماجبتها يعنى كل الحسد اللى ممكن اكون خته من اصحابى فأكيد خته من زمان وفعلا انا حصلى حاجات كتيرة جدا بسبب الحسد بس المرادى مش عين بنى ادم طبيعى انا اللى مسببلى كل المشاكل دى هو لون العربية لأنه ملفت زياده عن اللزوم واوعدك يامحمد هاعمل فرز بكل الأسماء اللى شافوا العربية فى الفترة الأخيرة هههههههههههههههههه

وبالنسبة للكابل هو كابل الإبيزا 98 العادى وربنا يكرمك يامحمد انا مقدر شعورك بس انا مش عايز اتعب حد معايا واهى خلاص هانت

مفيش تعب ولا حاجه على فكره أنا كل يوم بعدى من منطقه بين السريات وأنا راجع من الشغل لو الميكانيكى بتاعك فى طريقى
وحتى لو مش فى طريقى قولى هو فين وانا تحت أمرك أحنا هنا كلنا أخوات شوف وقولى

[midoazzam]

هههههههههههههههه دى نفس مشكلتى بالظبط ومش عارف اعمل ايه بس انا حاطنها على الجهاز فى الحرفيين وقالى ده الكنترول ومش عارف باه ده يتغير ولا يتصلح الى حنقنى انى كنت رايح للحرفيين لحاجه تانيه خالص فى الكهربه وكنت رايحله العربيه دايره وبعد مخلصنا كل حاجه بندورها بردو مش راضيه تدور هو يدوب ثانيتين بالعافيه يعنى رايح لحاجه رجعت بحاجه تانيه خااالص العربيه دى مش راضيه تقفل بقها خااالص معايا انا مش عارف ليه

[mr_shims_49]

ايه الاخبلر يا باشا لسه ولا ايه

[miko64]

هى فعلا مشكلة غريبه ومتعبه جدا يا روميو بس ان شاء الله هاتت

وباذن الله تتصلح خلال الاسبوع ده

[M.Hassan47]

ايييييييييه ياشباب اخيرا المكنة جابت قماااااااش

ههههههههههه اخيرا العربية نطقت

انا كنت عند الميكانيكى امبارح وقالى انا مش عايز اوديها الحرفيين الا لما اعرف فيها ايه لأننا لو ودناها هايدوهلنا دايرة دا اكيد بس مش هانعرف بقى جابو ايه واتكلفت كام ولا هانقدر نقول حاجة

فهو غير طلمبة البنزين اول حاجة لأنها كانت اتحرقت اخر مره وقالى انا بعت اجيب بوابة من عند طيرة من الحرفيين وفعلا انا مشكلة البوابة دى عندى من زمان وقالى لو العربية اتظبطت تمام لو مش اتظبطت نرجع البوابة وانا اتصلت بيه دلوقتى قالى انه بعد ماركب البوابة والطلمبة وغير البوجيهات وهو كان ظبط سلوك الحساسات كلها فاهى دلوقتى دارت وبقت تمام بس بقى ناقص اننا نحطها على جهاز عشان طبعا نشيل الأكواد اللى عليها ونشيك اتشيك اخير على الحساسات

وشكرا بجد ياجماعة على المتابعة وعلى تعبك يامحمد انت وايهاب ومستر شمس بقالكو اسبوعين معايا

ويامحمد هو الميكانيكى فى عين الصيرة ادام حديقة الفسطاط
لو يناسبك النهارده بعد الفطار يبقى تمام بس على شرط اننا هنتعامل كاشغل مش زمايل منتدى واحد بس

[miko64]

الف مبروك يا باشا وان شاء الله ترجع احسن من الاول

[midoazzam]

لو الميكانيكى ده انت واثق فيه قولى وانا اروحله لانى انا برضه قربت اتجنن