سكودا رابيد 2013 أول تقرير حصرى من الواقع بالصور من المصريه للسيارات حصريا

[YahiaAshraf]

صدقني يا استاذ يحيى انا كنت منتظر الرابيد في فئة الـsub-compact قلت هنشوف عربية اكيد محترمة لكن للاسف انا فعلاً اتصدمت من اولاً شكل التصميم الداخلي (الخارجي جيد) انما التصميم الداخلي بجد ده تابلوه عربية في سنة 2000 مش تابلوه عربية 2013 وسكودا ونازلة تنافس في فئة فيها كيا ريو واكله الجو في كل مكان

كيا في اخر تقرير ليها بتوضح ارتفاع مبيعاتها عالمياً بنسبة 2.7% واكتر المبيعات كيا ريو
kia corporate news | kia motors global official site

فيعني انت نازل تنافس عربية واخده جايزتين افضل تصميم سنة 2012 واعلى مبيعات في شركتها السنة دي اكيد اكيد اعمل حاجة تقف في وشها

لكن مش يبقى فقر جودة وتصميم التابلوه وكمان سعر غير مبرر 160 الف جنية على عربية مانيوال ومفيهاش الا abs بس

فعلاً كنت مستنى العربية دي اخويا كان بيفكر يشتري عربية وعاجباه طبعاً الريو جداً قلت له نبقى احنا الاتنين ريو لأ طبعاً مش هينفع استني السكودا رابيد هي شويه وهتنزل - طبعاً لايمكن اقول له عليها دلوقتي

لما نشوف الفانتازيا الجديدة يمكن نتصدم مره تانية زي كده مش كفاية فيها الفتيس dsg - سكودا بتصعب على نفسها المستقبل بجد يا جماعة

انا معاك ان فعلا التابلوه فقير شوية
بس يعنى مثلا انا سيارة والدى فولكس سوران
التابلوه انا شوفت تعليقات الناس بيقولوا انه فقير

مع انى شايف انه كويس بحيث ان كل حاجه سهله بالنسبالى وانا سايق


نورت الموضوع يا فندم

[YahiaAshraf]

تقرير رائع كما عودتنا
من تقاريرك المصوره
وعربيه جميله بتفكرنى فعلا بالبولو السيدان بس دى اعتقد اكبر وشكلها جميل الاوروبى اوروبى

الله يخليك يا فندم ده من ذوق سعادتك


الله ينور عليك
الاوروبى اوروبى

[طارق _عبد السلام]

ما شاء الله علي التصوير المتكامل بس نسيت تفتح الشنطه وتصورها وفعلا ما يحسش الفرق غير ئل ركب أوربي وبالأخص الألماني

[yasserelsayad]

الله يخليك يا فندم و نورت الموضوع
أنا طبعا ركبت السيراتو الجديده

ولكن دى مسالة اذواق

انا مش بقارن باوبشنز
ولكن انا بقارن من حيث الراحه والخامات و الحاجات دى

ده غير ان فرق سعر كبير ما بينهم
شوف السيراتو وصلت لكام دلوقتى

يا باشا مع احترامى ليك انت اصلا مينفعش تقارن بينهم وبعدين راحة ايه وانت اصلا مسوقتهاش ولا جربتها حتى
والخامات كمان شكلها على ادها

وبعدين بدل ركبت السيراتو الجديدة هتعرف انا بتكلم فى ايه

شوف يا باشا فى فرق بين الرأى والازواق وبين الثوابت

السيراتو مش فى فئتها اصلا ولا حجم ولا قوة موتور ولا شكل ولا سعر ولا تجهيزات ولا اى حاجة خالص تخليك تحت الاتنين فى جملة واحدة وتقولى شوف السيراتو بقت بكام !!

[Hosam_Optrawy]

شكرا جزيلا على المجهود

بالنسبه للهندى والتشيكى عشان مايحصلش لخبطه

فى اتنين رابيد واحده تشيكى اللى بتنزل اوروبا ودى اللى نزلت عندنا , وفى الهندى ودى شكلها



وياريت كانت دى اللى نزلت عندنا

كانت هاتبقى ارخص , واوتوماتيك , وحتى يبقى شكلها مختلف شويه عن الاوكتافيا الجديده

لكن اللى نزلتلنا دى ملهاش اى معنى كدا

[zangry]

انا ركبت السيراتو الجديدة جميلة جدا وقعدتها حلوة ومختلفة عن الشكل القديم وطبعا احسن من الرابيد ! :d ونبقي بنظلم السيراتو لما نقارنها بيها .. السيراتو المفروض فئة الاوكتافيا .. الرابيد زي الصني والـ301 والسي اليزيه وطبعا هي كده سعرها معدي وتبقي البيجو صفقة رابحة عنها كفاية انها اوتوماتيك ! وماتور اقوي من ده كمان

[zangry]

شكرا جزيلا على المجهود

بالنسبه للهندى والتشيكى عشان مايحصلش لخبطه

فى اتنين رابيد واحده تشيكى اللى بتنزل اوروبا ودى اللى نزلت عندنا , وفى الهندى ودى شكلها



وياريت كانت دى اللى نزلت عندنا

كانت هاتبقى ارخص , واوتوماتيك , وحتى يبقى شكلها مختلف شويه عن الاوكتافيا الجديده

لكن اللى نزلتلنا دى ملهاش اى معنى كدا

اللى في الصورة دي يا استاذ حسام نفس البولو السيدان بس مغيرين الفوانيس والشبكة بس

[Hosam_Optrawy]

اللى في الصورة دي يا استاذ حسام نفس البولو السيدان بس مغيرين الفوانيس والشبكة بس

بالظبط ياباشا الاتنين توأم

[MOstafa Hashem]

موضوع ممتاااااز .. اشكرك أستاذ يحيى اشرف عشان انتا كده وفرت عليا مشوااار كبير

الناس اللى مستغربه من العربيه .. الشركه منزله العربيه دى عشان تسد الفجوه بين الفانتازيا اللى سعرها دلوقتى معدى 200ألف والفابيا .. عايزين ياكلو السوق يعنى

أستاذ hossam_elwani .. الموتور اللى فيها موتور Mpi نفس موتور الفانتازيا ال 1600 بس Double Cam بيديك 105 حصان صافى وكمان مع المانوال هيديك تسارع ممتاز .. انما لو كانت الشركه نزلت العربيه دى بموتور TSI مكنتش الفانتازيا الشكل الجديد اللى لسا هينزل هتتباع .. مع العلم ان الرابيد نازله بره بمواتير TSI 1200 و1400 ..

الأوبشن مناسب للسعر جدا جدا .. والشركه متعمده تنزل العربيه بالأوبشن ده علشان تقلل السعر شويه .. مع العلم بردو ان الرابيد نازله بره بتكييف تاتش وكاسيت Bolero اللى موجود فى الفانتازيا ..

التصميم نفس تصميم الباسات والفانتازيا الجديده .. تصميم راقى جدا بس بردو مش لاقى مبرر أنهم حاطين مسند اليد فوق فرامل اليد .. نفس العيب اللى موجود فى A4 عندى وبشتكى منو .. انما الصالون هو هو صالون الفانتازيا بنفس الكراسى


العربيه دى امتداد للأوكتافيا A4 اللى اتوقف انتاجها فى 2009 واتوقع ان العربيه دى تنجح بنسبه كبيره ..


العربيه طبعا مينفعش تقارن بأى عربيه كورى او يابانى .. العربيه واضح انها نازله تنافس 3 عربيات تانى واللى يعتبروا فئتها >> فولكس بولو سيدان , بيجو 301 , ستروين اليزيه

بعد الأستخاره هاتوكل على الله واحجز تانى فئه ,, بس لو حجزتها دلوقتى استلمها بعد أد ايه ؟؟

[esam123]

شكرا على الموضوع ولكن لن تحقق النجاح المطلوب

[matantawy]

طيب انا مش همسك رد رد ارد عليه بس هقول ان عامة من الواضح ان اللى بيدافعوا عن العربية بيتكلموا فى انها اسمها يابانى او اوروبى تبقى كويسة و مفيش زيها و صاج و خامات و ممحدش راضى يعترف ان التابلوه وحش شكلاً و ان العربية فقيرة فى عوامل الامان، و اما حد بيجيب سيرة الكورى بيبقى الرد دى كورى يعنى ورق و متتقارنش باليابانى و الاوروبى ابداً
خلينا واقعيين يا جماعة بعد اذنكم، يعنى مثلا فى مشاركة من احد اعضاء قسم كيا كان بيقول نتجنب الاكسنت كأنها مش قد المنافسة، ممسكتش فى خناقه عشان عارف هو ليه بيقول كده و معترف ان الاكسنت فى بعض النقاط تقيمها اقل من الريو، ف يا ريت اللى بيدافع ميبقاش متحيز و خلاص و نعترف ان حاليا البيجو 301 و الايليزيه و السكودا رابيد بيلعبوا لعبة الكورى اللى لعبها فى الاول، شيل عوامل الامان و غيره و غيره عشان تقل بالسعر و تبيع اكتر، بس على الاقل الكورى بيدينا تصميم حلو و حاليا بقى بيدى امان كمان -طبعا مش كل عوامل الامان بس احسن من قبل كده- يعنى مثلا الاكسنت rb بتاعتى -الحمد لله- فيها ايرباج و abs و ايموبلايزر، ماشى يا ريو :p

يا ريت نفكر تانى بمحايدة لأن اليابان و اوروبا مش هيفيدونا بحاجة اما ننحاز ليهم من غير وجه حق
و اسف على الاطالة.

[inspiron]

موضوع ممتاااااز .. اشكرك أستاذ يحيى اشرف عشان انتا كده وفرت عليا مشوااار كبير

الناس اللى مستغربه من العربيه .. الشركه منزله العربيه دى عشان تسد الفجوه بين الفانتازيا اللى سعرها دلوقتى معدى 200ألف والفابيا .. عايزين ياكلو السوق يعنى

أستاذ hossam_elwani .. الموتور اللى فيها موتور mpi نفس موتور الفانتازيا ال 1600 بس double cam بيديك 105 حصان صافى وكمان مع المانوال هيديك تسارع ممتاز .. انما لو كانت الشركه نزلت العربيه دى بموتور tsi مكنتش الفانتازيا الشكل الجديد اللى لسا هينزل هتتباع .. مع العلم ان الرابيد نازله بره بمواتير tsi 1200 و1400 ..

الأوبشن مناسب للسعر جدا جدا .. والشركه متعمده تنزل العربيه بالأوبشن ده علشان تقلل السعر شويه .. مع العلم بردو ان الرابيد نازله بره بتكييف تاتش وكاسيت bolero اللى موجود فى الفانتازيا ..

التصميم نفس تصميم الباسات والفانتازيا الجديده .. تصميم راقى جدا بس بردو مش لاقى مبرر أنهم حاطين مسند اليد فوق فرامل اليد .. نفس العيب اللى موجود فى a4 عندى وبشتكى منو .. انما الصالون هو هو صالون الفانتازيا بنفس الكراسى


العربيه دى امتداد للأوكتافيا a4 اللى اتوقف انتاجها فى 2009 واتوقع ان العربيه دى تنجح بنسبه كبيره ..


العربيه طبعا مينفعش تقارن بأى عربيه كورى او يابانى .. العربيه واضح انها نازله تنافس 3 عربيات تانى واللى يعتبروا فئتها >> فولكس بولو سيدان , بيجو 301 , ستروين اليزيه

بعد الأستخاره هاتوكل على الله واحجز تانى فئه ,, بس لو حجزتها دلوقتى استلمها بعد أد ايه ؟؟

الراجل ده قال كل حرف كنت ناوي أكتبه..تسلم إيدك.

ولصاحب الموضوع كل الشكر علي المجهود الجبار ده في التقرير..بارك الله فيك..سكودا ناجحة ومتربعة مهما قالوا

[MOstafa Hashem]

أستاذ inspiron .. ده انا بتعلم منك يا باشا

[khaabas]

هههههههههههههههههههههع :)

[khaabas]

__________________________________________________ _______________ :)