إعـــــــلان

Collapse

.

,
See more
See less

سكودا رابيد 2013 أول تقرير حصرى من الواقع بالصور من المصريه للسيارات حصريا

Collapse
X
 
  • Filter
  • الوقت
  • Show
Clear All
new posts

  • #61
    المشاركة الأصلية كتبت بواسطة mostafa hashem مشاهدة المشاركة
    أستاذ inspiron .. ده انا بتعلم منك يا باشا
    العفو يا أستاذ مصطفي..ربنا يكرمك ويديم المعروف

    Comment


    • #62
      طيب خلينا نبص للعربية بنظرة اعمق شوية بعيدا عن الانحياز لماركة معينة سواء كوري او اوروبي ....

      اولا : سكودا ( و اقصد الوكيل ارتوك اوتو ) جاب العربية و حطلها موتور 1600 بتاع الفانتازيا و قبليها الجيتا اللي من 2007 يعني موتور قديم مفيهوش اي تكنولوجيا جديدة غير انو بقا 2 كامة .
      ثانيا : شايل من العربية معظم وسائل الامان اللي كانت ممكن تميز العربية و سايب ال abs فقط و تخلي المشتري يفكر يشتري
      ثالثا : التابلوه فعلا تحس انو من 10 سنين ولا اكنهم قاصدين يخلوه كده مش عارف ليه . لا يتماشى اطلاقاااااااا مع شكل العربية الهجومي جدا و الشيك جدا جدا . يعني انا عايز اسأل سؤال فيها ايه لما يطو نواكل كده و شوية دلع من جوا هتكلف التوكيل كام يعني ؟؟!!!
      رابعا و دا العجييييب انها بالسعر دا و مانيوال .

      فين بقى الجديد اللي في العربية عشان اسميها عربية موديل جديد ؟؟!!! و اللي ممكن ادفع فيه المبلغ دا كله؟؟!!

      ولا اي حاااجة

      طيب نبص بقا لحاجة زي البيجو 301

      نفس الحوار موتور سيتروين c4 الشكل القديم + تعديل vti يعني موتور قديم معدل برضة
      تابلوة شيك مدعم بنواكل و كاسيت بلت ان و تكييف تاتش
      وسائل امان abs+ebd
      فتيس اوتوماتيك ستيب ترونيك كمان
      سعر ارخص 30 الف جنيه بحالهم

      طيب اديني عقلك بقا . العربيتين زي بعض تقريبا و احسن في الامكانيات كمان يبقى ازاي ارتوك اوتو منزله الرابيد بالسعر دا ؟!!!!! حاجة تجنن فعلا و حرام على التوكيل اللي بيعملو دا و هيسقط العربية كده

      مش عارف ليه الجشع دا مش كفاية سرقة بقا و الله حرام عليهم
      شكرا و اسف على الاطالة

      Comment


      • #63
        المشاركة الأصلية كتبت بواسطة matantawy مشاهدة المشاركة
        طيب انا مش همسك رد رد ارد عليه بس هقول ان عامة من الواضح ان اللى بيدافعوا عن العربية بيتكلموا فى انها اسمها يابانى او اوروبى تبقى كويسة و مفيش زيها و صاج و خامات و ممحدش راضى يعترف ان التابلوه وحش شكلاً و ان العربية فقيرة فى عوامل الامان، و اما حد بيجيب سيرة الكورى بيبقى الرد دى كورى يعنى ورق و متتقارنش باليابانى و الاوروبى ابداً
        خلينا واقعيين يا جماعة بعد اذنكم، يعنى مثلا فى مشاركة من احد اعضاء قسم كيا كان بيقول نتجنب الاكسنت كأنها مش قد المنافسة، ممسكتش فى خناقه عشان عارف هو ليه بيقول كده و معترف ان الاكسنت فى بعض النقاط تقيمها اقل من الريو، ف يا ريت اللى بيدافع ميبقاش متحيز و خلاص و نعترف ان حاليا البيجو 301 و الايليزيه و السكودا رابيد بيلعبوا لعبة الكورى اللى لعبها فى الاول، شيل عوامل الامان و غيره و غيره عشان تقل بالسعر و تبيع اكتر، بس على الاقل الكورى بيدينا تصميم حلو و حاليا بقى بيدى امان كمان -طبعا مش كل عوامل الامان بس احسن من قبل كده- يعنى مثلا الاكسنت rb بتاعتى -الحمد لله- فيها ايرباج و abs و ايموبلايزر، ماشى يا ريو :p

        يا ريت نفكر تانى بمحايدة لأن اليابان و اوروبا مش هيفيدونا بحاجة اما ننحاز ليهم من غير وجه حق
        و اسف على الاطالة.
        حلوه منك دي يا حوده انت بتقصدني مباشرتاً كده يعني واحد من قسم كيا يبقى اكيد من فريق عمل القسم ماشي يا عم وانا اقدر اغلط برضه ؟؟؟؟؟؟؟؟؟

        قول يا حوده متخفش بس معلش يعني احنا عندنا في الريو شويه امان اكتر وخامات اعلى من الاكسنت وفرامل ممتازة مش اكتر من كده

        Comment


        • #64
          المشاركة الأصلية كتبت بواسطة 2code مشاهدة المشاركة
          حلوه منك دي يا حوده انت بتقصدني مباشرتاً كده يعني واحد من قسم كيا يبقى اكيد من فريق عمل القسم ماشي يا عم وانا اقدر اغلط برضه ؟؟؟؟؟؟؟؟؟

          قول يا حوده متخفش بس معلش يعني احنا عندنا في الريو شويه امان اكتر وخامات اعلى من الاكسنت وفرامل ممتازة مش اكتر من كده
          :d لا والله انا مكنتش بلقح بالكلام انا اصلا عقبال ما خلصت قراءة كنت نسيت هو مين اللى قال الكلام ده بس كان قصدى ان حد معاه كيا :d
          و يا باشا ربنا يباركلم و يزيدكم من الامان و الخامات و الفرامل :d انا ده اكييد مايضايقنيش ;)
          [FONT=Tahoma][SIZE=5][COLOR=Navy]م/محمود طنطاوى[/COLOR][/SIZE][/FONT]

          Comment


          • #65
            المشاركة الأصلية كتبت بواسطة mostafa hashem مشاهدة المشاركة
            موضوع ممتاااااز .. اشكرك أستاذ يحيى اشرف عشان انتا كده وفرت عليا مشوااار كبير

            الناس اللى مستغربه من العربيه .. الشركه منزله العربيه دى عشان تسد الفجوه بين الفانتازيا اللى سعرها دلوقتى معدى 200ألف والفابيا .. عايزين ياكلو السوق يعنى

            أستاذ hossam_elwani .. الموتور اللى فيها موتور mpi نفس موتور الفانتازيا ال 1600 بس double cam بيديك 105 حصان صافى وكمان مع المانوال هيديك تسارع ممتاز .. انما لو كانت الشركه نزلت العربيه دى بموتور tsi مكنتش الفانتازيا الشكل الجديد اللى لسا هينزل هتتباع .. مع العلم ان الرابيد نازله بره بمواتير tsi 1200 و1400 ..

            الأوبشن مناسب للسعر جدا جدا .. والشركه متعمده تنزل العربيه بالأوبشن ده علشان تقلل السعر شويه .. مع العلم بردو ان الرابيد نازله بره بتكييف تاتش وكاسيت bolero اللى موجود فى الفانتازيا ..

            التصميم نفس تصميم الباسات والفانتازيا الجديده .. تصميم راقى جدا بس بردو مش لاقى مبرر أنهم حاطين مسند اليد فوق فرامل اليد .. نفس العيب اللى موجود فى a4 عندى وبشتكى منو .. انما الصالون هو هو صالون الفانتازيا بنفس الكراسى


            العربيه دى امتداد للأوكتافيا a4 اللى اتوقف انتاجها فى 2009 واتوقع ان العربيه دى تنجح بنسبه كبيره ..


            العربيه طبعا مينفعش تقارن بأى عربيه كورى او يابانى .. العربيه واضح انها نازله تنافس 3 عربيات تانى واللى يعتبروا فئتها >> فولكس بولو سيدان , بيجو 301 , ستروين اليزيه

            بعد الأستخاره هاتوكل على الله واحجز تانى فئه ,, بس لو حجزتها دلوقتى استلمها بعد أد ايه ؟؟

            الله يخليك يا فندم و نورت الموضوع



            الله ينور عليك .........شوف دلوقتى الفانتازيا وصلت لكام و شوف ارخص عربيه سكودا تمنها قد ايه


            سكودا متعمده تعمل عربيه رخيصه تناسب شريحه معينه من الناس

            لان فيه ناس مثلا نفسها تركب اى عربسه سكودا ولكن الاسعار غير مناسبة لهم

            Comment


            • #66
              المشاركة الأصلية كتبت بواسطة inspiron مشاهدة المشاركة
              الراجل ده قال كل حرف كنت ناوي أكتبه..تسلم إيدك.

              ولصاحب الموضوع كل الشكر علي المجهود الجبار ده في التقرير..بارك الله فيك..سكودا ناجحة ومتربعة مهما قالوا
              الله يخليك يا فندم
              ونورت الموضوع

              Comment


              • #67
                ملحوظة صغيره علشان يه ناس معترضه انها مانوال فقط
                السكودا سوبيرب كانت نازله مانوال فقط و ب 200 الف

                الفولكس تيجوان من 2008 ل 2012 كانت نازله مانوال فقط ب 270 الف
                هى فعلا دلوقتى متوفره اوتوماتيك بس كانت فترة كبيره مفيش منها مانوال

                ----------------------------------

                انا مش معنى كلامى انى بدافع عن السيارة بالعكس انا كان نفسى تنزل اوتوماتيك و لكن السيارة تناسب شريحه معينه من الناس

                تحياتى

                Comment


                • #68
                  هى ماشاء الله حلوه جدا
                  بس غاليه جدا على عربيه مانوال !!! لو اوتوماتك ماشى ..
                  [sor2]http://s24.postimg.org/48vqezkw5/1405119604784.jpg[/sor2]
                  [SIZE="4"][FONT="Trebuchet MS"][COLOR="Blue"]
                  Eng/Mohab Elnahas
                  Aviation Engineer[/COLOR][/FONT][/SIZE]

                  Comment


                  • #69
                    المشاركة الأصلية كتبت بواسطة yahiaashraf مشاهدة المشاركة
                    ملحوظة صغيره علشان يه ناس معترضه انها مانوال فقط
                    السكودا سوبيرب كانت نازله مانوال فقط و ب 200 الف

                    الفولكس تيجوان من 2008 ل 2012 كانت نازله مانوال فقط ب 270 الف
                    هى فعلا دلوقتى متوفره اوتوماتيك بس كانت فترة كبيره مفيش منها مانوال

                    ----------------------------------

                    انا مش معنى كلامى انى بدافع عن السيارة بالعكس انا كان نفسى تنزل اوتوماتيك و لكن السيارة تناسب شريحه معينه من الناس

                    تحياتى
                    السوبر ب كانت مانيوال لانها لو كانت نزلت اوتو مكنتش هتقدر تنافس في الفئة بتاعتها ( اللي هيا المفروض فئة الفولكس سي سي ) مع وجود الباسات الاوتو عشان كده هما نزلوها مانيوال عشان يقل السعر شوية و يقدرو ينافسوا دي حاجة

                    تاني حاجة بالنسبة لشريحة الناس دلوقت معظم الناس بتدور على حاجتين لما تيجي تشتري العربية انها تكون اوتو + قوة التكييف عشان زي ما حضرتك عارف الزحمة عاملة ازاي في بلدنا الجميلة

                    و بص حضرتك للمنافسين في نفس الفئة هتلاقي كل اللي معظم الناس بتدور علية + سعر ارخص بكتيير

                    الصراحة خطوة سيئة جدا من الوكيل انو يجيب عربية تعتبر ممتازة و يعمل فيها كده المفروض يتحاكم

                    Comment


                    • #70
                      هوا سعر الفانتازيا المانوال كان كام مش كان في حدود 160 ونفس كماليات الرابيد احسب فرق الدولار وفرق حجم الفانتازيا والرابيد هتلاقي 160 طبيعي عليها ونقطه تانيه الاوكتافيا الجديده هاتنتقل بكمالياتها وحجمها لفئه الباسات و بيجو 508 والرابيد حتحل مكان الاوكتافيا يعني طبيعي نلاقي سعر الربيد هاى لاين اتوماتيك جميع الكماليات في حدود 200

                      Comment


                      • #71
                        ال شكر يا جماعه على مروركم الكريم و جزاكم الله كل خير


                        على فكره يا جماعه لو حد حمل كتالوج دليل المالك اللى انا نزلته على المنتدى هيلاقى ان بالفعل في منها اوتوماتيك

                        وانا اعتقد ان الوكيل هينزلها اوتوماتيك بس مش دلوقتى
                        تحياتى

                        Comment


                        • #72
                          المشاركة الأصلية كتبت بواسطة freedom_2010 مشاهدة المشاركة
                          هوا سعر الفانتازيا المانوال كان كام مش كان في حدود 160 ونفس كماليات الرابيد احسب فرق الدولار وفرق حجم الفانتازيا والرابيد هتلاقي 160 طبيعي عليها ونقطه تانيه الاوكتافيا الجديده هاتنتقل بكمالياتها وحجمها لفئه الباسات و بيجو 508 والرابيد حتحل مكان الاوكتافيا يعني طبيعي نلاقي سعر الربيد هاى لاين اتوماتيك جميع الكماليات في حدود 200
                          يا فندم فين الطبيعي في الموضوع ؟؟!!

                          موتور 1600 معدل من 2007 و اكيد لو اوتو هتبقى الفتيس ال 6 نقلات بتاع الجيتا اللي من 2007 برضه غير كده العربية اصغر من الفنتازيا اصلا . يبقى فين ال 200 الف دول تمن ايه ؟؟ العربية مفيهاش اي جديد فير الشاسيه اللي اخف من شاسيه الفنتازيا ب 100 كيلو تقريبا

                          Comment


                          • #73
                            مع انى مش بحب الكورى ومش بعتبرها عربيات اصلا..بس بصراحة العربية دى ماعجبتنيش اصلا!!!..سعرها عالى جدااااوتابلوها فقيررر..
                            My "facebook" Account is "Ahmed Aymn Arbiat"

                            Comment


                            • #74
                              المشاركة الأصلية كتبت بواسطة i_am_legend مشاهدة المشاركة
                              مع انى مش بحب الكورى ومش بعتبرها عربيات اصلا..بس بصراحة العربية دى ماعجبتنيش اصلا!!!..سعرها عالى جدااااوتابلوها فقيررر..
                              والله انا كنت حاطط على العربية امل انها تكسر الدنيا بس جالي احباط

                              Comment


                              • #75
                                تقرير ممتاز و بتفصيل اكتر من لو أنا رحت شفتها بنفسي

                                Comment

                                Working...
                                X