محتاج مساااعده يا اهل سكودا ^_^

[AhmeD RoziQ]

اولا انا متابع المنتدى من فتره والنهارده سجلت فيه لان عجبانى فكرته جدا وخصوصا ان في قسم سكودا الى احنا لسه شاريينها


انا جبت سكودا اوكتافيا خليجي موديل 2010 مش اعلى فئه بس الى بعدها على طول الى هيا بفتحه سقف برده وكل حاجه ماعدا التلاجه


والنهارده بالصدفه اكتشفت ان الكاسيت شغال فالابواب الاماميه فقط فهل الفئه دي بتنزل اصلا من غير سماعات فالابواب الخلفيه ؟؟ ولا هيا موجوده وممكن اشغلها ؟؟

مع العلم ان السماعات موجوده فالباب يعني زى ما هيا معموله فالابواب الاماميه فهي بنفس الشكل فالابواب الخلفيه

[Moratoz]

٩٠ ٪ من الخليجي السماعات اماميه فقط بس مكانهم موجود في الأبواب الخلفيه واحتمال كمان التوصيلات

[AhmeD RoziQ]

شكرا لردك
بس ممكن توضيح اكتر ؟
يعني مكانهم موجود بس هما مش موجودين ؟؟

طيب لو دا قصدك اركبهم بكام بقي ؟

[Ahm662]

شكرا لردك
بس ممكن توضيح اكتر ؟
يعني مكانهم موجود بس هما مش موجودين ؟؟

طيب لو دا قصدك اركبهم بكام بقي ؟

حسب الماركة اللى عاوزها او هاتهم استيراد من عربية نفس نظام الصوت عندك

[طارق _عبد السلام]

ماعدا التلاجه ازاى يعنى معندكش تبريد فى الطابلوه ولا بكره ظبط التبريد لا ما اظنش
ممكن ميكونش فيه قنصول ومسند اليد لكن تلاجه فى الطابلوه لاااااااااااااازم

[AhmeD RoziQ]

ماعدا التلاجه ازاى يعنى معندكش تبريد فى الطابلوه ولا بكره ظبط التبريد لا ما اظنش
ممكن ميكونش فيه قنصول ومسند اليد لكن تلاجه فى الطابلوه لاااااااااااااازم

بص هو انا اول مره اركب المانى كمالك للسياره الصراحه فحاسس انى بطيخه فيه


انا الى عندى مش الاعلى فئه بس الى وراها ع طول فيها فتحه سقف فمش عارف فيها التلاجه ولا لأ


طيب بما انك شكلك فاهمهم كويس متعرفش فيها سماعات خلفيه ولا لأ ؟؟

[AhmeD RoziQ]

حسب الماركة اللى عاوزها او هاتهم استيراد من عربية نفس نظام الصوت عندك

مممممممم ما هو انا لحد دلوقتي مش عارف ازا كانو هما فعلا موجودين فالباب ولا لأ

انا هصور باب العربيه بكره وانزل الصوره هنا وانتو شوفوها يمكن توضحلكم حاجه

بس لو نفرض ان مفيهاش

انا برده معرفش فالماركات فايه الماركات الكويسه واسعارها كام وتركيبها هياخد كام

[sakr_skoda]

نورت القسم استاذ :احمد رزق

[AhmeD RoziQ]

نورت القسم استاذ :احمد رزق

منور بيكم

[AhmeD RoziQ]

العربيه طلع مفيهاش سماعات فعلا فالابواب الخلفيه
هو مكانها فقط الى موجود
وروحت لواحد عشان اركبهم قالى اركبلك سماعتين بايونير ورا اسهل ب 150 جنيه

فمش عارف اركب الى فالابواب ولا الى ورا

في حد يعرف الى فالابواب لو ركبتهم يعملو كام ؟

[طارق _عبد السلام]

بص هو انا اول مره اركب المانى كمالك للسياره الصراحه فحاسس انى ................ فيه


انا الى عندى مش الاعلى فئه بس الى وراها ع طول فيها فتحه سقف فمش عارف فيها التلاجه ولا لأ


طيب بما انك شكلك فاهمهم كويس متعرفش فيها سماعات خلفيه ولا لأ ؟؟

يافندم حضرتك منور القسم وحنا هنا بنكمل بعض اهلا بيك

عربيتك ان شاء الله هاى لاين خليجى كاتوجرى b

دى بتبقى فتحه سقف و 2 تلاجه واحده فى الطابلوه وواحده فى مسند اليد والتلاجه بتشتغل مع التكييف وهتلاقى فى التابلوه (بكره تلفها يمين وشمال تتحكم فى درجه الحراره)
وفى مسند اليد بعد ماتفتحه هتلاقى شداد صغير اسحبه لفوق

والفئه اللى مع حضرتك بتنزل بدون مرايات ضم ولا زينون ومن غير سماعت الابواب الخلفيه وبالكاسيت الصغير ولكن هى من فئه الهاى لاين

[AhmeD RoziQ]

يافندم حضرتك منور القسم وحنا هنا بنكمل بعض اهلا بيك

عربيتك ان شاء الله هاى لاين خليجى كاتوجرى b

دى بتبقى فتحه سقف و 2 تلاجه واحده فى الطابلوه وواحده فى مسند اليد والتلاجه بتشتغل مع التكييف وهتلاقى فى التابلوه (بكره تلفها يمين وشمال تتحكم فى درجه الحراره)
وفى مسند اليد بعد ماتفتحه هتلاقى شداد صغير اسحبه لفوق

والفئه اللى مع حضرتك بتنزل بدون مرايات ضم ولا زينون ومن غير سماعت الابواب الخلفيه وبالكاسيت الصغير ولكن هى من فئه الهاى لاين

القسم منور بيكم وانا معجب احقيقه بالقسم هنا جدا ورغم انى مبحبش ادخل منتديات بس هنا حسيت بفرق الصراحه واول مره اكون حابب انى اشارك فمنتدى


وكل كلامك صح بس العربيه فيها زينون

اما النور العالى فهو الى مش زينون فمش عارف دا تركيب بقي ولا ايه

وانا هجرب حوار التلاجه دا
بس هيا التلاجه مبتشتغلش الا مع التكييف ؟
يعني لو العربيه دايره فقط متشتغلش ؟

[ايمن ابوالوفا]

افيدونا افادكم الله

السلام عليكم و رحمة الله و بركاته. كل عام و حضراتكم بخير .
الحقيقة يا جماعة انا في حيرة شديدة . اشتريت عربية من السعودية اوكتافيا موديل 2013 على حسب ما قالي المستورد ودي اول مره اشتري عربية فمعنديش اي فكرة عن الاوكتافيا الخليجي لانها طبعا مش تبع التوكيل. وفيه كم من الاسئلة كبير . ربنا يعينكم على الاجابة عليها .
1. العربية صناعة شهر 11 2012 هل دي في عرف السوق تعتبر 2013
2. فيه واحد صديقي مشتري عربية فئة اولى توكيل و قالي انه التوكيل بينزل 3 فئات لكن بيقولي العربية بتاعتي مش زي اي فئة من التوكيل . فياريت حد يقولي العربية تعتبر من اي فئة من فئات التوكيل طبقا للمواصفات التالية .
العربية فتحة سقف . جنوط سبور 16 . فرش قماش . كاسيت شاشة عريضة زي التابليت . بدون زينون . بدون سماعات خلفية . حساسات خلفية فقط . تحكم يدوي في المقاعد. مرايات تعتيم.وطي المرايات اوتوماتيك
الملاحظات اللي انا لاحظتها على عربية صديقي علما بانها اول فئة توكيل . عنده في التابلوه بوكس بيتحكم في الايرباج وده مش موجود في عربيتي اللي هي المفروض اعلى من عربيته في الفئة. العربية مش موجود فيها نظام قياس ضبط اطارات السيارة .فبالتالي مش عارف اقيم سعر العربية اذا كان هو ده سعرها الحقيقي و لا اتخميت فيه . انا اشتريتها شهر 4 2013 ب 230000 في الوقت اللي كان فيه ثمن العربية في التوكيل الفئة الاولى 207000 جنيه

[ايمن ابوالوفا]

العربية على فكرة بدون رشاشات فوانيس

[ايمن ابوالوفا]

العربية دي تعتبر الفئة الكام . و اسم الفئة اي . وانا بشوف ردود في المنتدى بتقول a7 ????