وعندك كمان مشكله في فتيس فانتازيا 2010 :(:(:(

[ah_boba_ly]

السلام عليكم ورحمه الله وبركاته...
انا كنت داخل اكتب عن المشكله الي حصلت معايا فقولت ادور الاول لقيت استاذ كاتب مشكله برضو ف الفتيس لكن الصراحه انا مشكلتي اهون
المشكله بقى اني من كام يوم جيت اطلع بالعربيه لقيتها بتنتش نتشه جامده وانا بجيت R قولت ماشي بجيب ال D لقيت نفس المشكله وبتنتش قولت ماشي ااما اشوف اخرتها ....مشيت بالعربيه حبه لقيتها مش بتجيب غير التالت بس(هيا استبترونيك طبعا) يعني بتطلع ع التالت من غير اول وتاني ومفيش اي عزم طبعا ولما ازود السرعه ال RPM يعلى وتجعر ومتجبش التالت يعني من الاخر اخرها تجيب 60 وبس
المهم روحت المكان الي كنت رايحه وبعدها بساعتين نزلت اروح التوكيل لقيتها معدوله وماشيه حلو ...كبرت دماغي ومروحتش التوكيل(دا كان من اسبوع تقريبا....
النهارده وامبارح اتكرر نفس الموضوع روحت بيها التوكيل امبارح(نور الدين الشريف) بس كان معدوله قالي مفيهاش حاجه( بعد تلات ساعات بيجرها ) زعت واتعصبت قالي هاتها يوم الاتنين الي هوا بكره اكشفلك ع الضفيره بتاعت الكهربا
النهارده بقى عملتها تاني (يعني تاني يوم ع التوالي)روحت بيها مركز صيانه كشف عليها بالكمبيوتر ولقاها قاريه ايرور في الفتيس(كان حاجه الكتورنيك فالف تقريبا)وقالي لو اتكررت هتحتاج تغير فتيس...قلبي وجع ف رجلي ومن ساعتها مش ع بعضي


يريت لو حد عنده فكره او يعرف ايه سبب الحركه دي مع العلم اني عامل 45 الف كيلو والعربيه بقالها 3 شهور ونص تقريبا ومش غيرت زيت فتيس بس مظنش يكون هوا السبب(دا لو زيت اكل مكنش لحق يبوظ :( ) !!!!!
واسف طولت عليكوا :)

[Ahmed Amin]

هوا أولا بشمهندس بطيخة عشان يقولك أنو هيكشف علي ضفيرة الكهرباء, !! بصراحة لا تعليق يعني,
المشكلة من عنوان الموضوع وقبل ما أنت تقول أنو قالك هاتها أكشف لك علي الضفيرة واضح أنها مشكلة ضغوط في الفتيس,,

دا غير إن دا عيب شائع في الأوكتافيا يعني كان المفروض عرف من الهواء السبب من أيه,
بس كنت أسمع أنو أتعالج من أول الفانتازيا,,

والعيب دا موجود في معظم العربيات الأوروبي زي البيجو وسيتروين ورينو,,
وبيكون سبب المشكلة أن عندك بلوف أو الكترو فالف هيا اللي مسئولة عن ضغط الزيت الخاصة بالنقلات,
وكدا فيه مشكلة يا في البلوف دي, يا أما في لزوجة الزيت أو الزيت ناقص أوي, يا في مشكلة دورة التبريد..

وأحنا عشان ربنا أدانا عقل نفكر بيه ومش أفندية عشان يتقالنا غير فتيس علي طول كدا,,
من غير ما يشخص المشكلة عشان نشوف أيه علاجها, لازم ناخد الأمور خطوة بخطوة,

المفروض تكشف عند حد بيفهم لأن من الكلام اللي هوا قاله واضح أنو أما مبيفهمش, أو عايز يقلبك,,
عشان لو كان بيفهم كان هياخد ال Error code اللي طلع له ويشوف العيب دا مرتبط بأية سواء السلونيد فالف ولا مشكلة تانية في الضغوط
ويقولك هنبدأ بكذا,, مش يقولك نغير فتيس مرة واحدة.

لازم تروح لحد فاهم,,
ولازم تكشف علي كمية الزيت في الفتيس,, عشان ممكن يكون ناقص أو حصل تسريب قبل كدا ومتزودش بما أنك مش أول مالك ليها ومتعرفش كان حصل لها أيه قبل كدا,
ولو الزيت ناقص أو محروق دا اللي هيخلي الضغط يقل عشان كدا العربية بتاخد معاك التالت اللي هوا أسمه safe mode, عشان تعرف تمشي بيها لأقرب مركز خدمة.

وبعد ما تكشف علي الزيت وتزودة, أو تغيرة أفضل لو كان ناقص أوي لأنه هيبقي محروق,
تبتدي تكشف تاني علي الفتيس عند بيفهم وتشوف هيا فيها أيه.

[ah_boba_ly]

تسلم يا باشا وبصراحه جبتلي من الاخر :)

يعني من كلامك موضوع تغيير الفتيس دا مستبعد ولا ايه رايك؟؟

[Ahmed Amin]

ياباشا أنت بتقول العربية مش عاملة 45 الف كيلو,, تغير فتيس أيه دا اللي بيتكلم عليه ؟!!
أكيد مستبعد يعني, ودي ناس معندهاش ضمير مش عايزة تشتغل وتتعب نفسها في التشخيص وعايزة تقلب اللي قدامها,,

أنت عندك دلوقتي مشكلة في ضغوط الزيت جوا الفتيس,
ولو كان عيب فتيس, كانت العربية هتفضل مكلبشة طول الوقت, ومش هتمشي شوية كويس زي كا كنت نازل رايح للتوكيل وفي الغالب كانت العربية باردة عشان كدا مرزعتش ولاأخدت التالت,
وشوية هتلقيها بترزع زي ما حصل معاك..
لكن مش مكلبشة طول الوقت وفيه صوت مزعج مع المشي عشان نقول تغير فتيس,,,


وسبب مشكلتك تلات حاجات, الأولي الزيت يا أما نقص بشكل كبير خلي الضغوط غير كافية عشان العربية تاخد الغيارات بشكل طبيعي, وعشان كدا العربية بترزع معاك وبتاخد التالت عشان تعرف تمشيك ودا مود في الفتيس بيدخل فيه لما بيحصل مشكلة في ضغوط الفتيس عشان تعرف تمشي لأقرب مركز خدمة, وطبعاً بتبقي تقيلة ومش بتعدي السرعة 60 كيلو في الغالب,

السبب التاني الزيت نقص برضه بس أتمشي عليه كتير وهوا ناقص فأتحرق وعمل رايش ودا بيسد الفالفات وبيعمل الرزعة دي في العربية برضه بتاخد التالت عشان تمشيك,
وفي الحالة دي المفروض الزيت ينزل ويتغير بزيت جديد والفالفات تتنضف لو سليمة,
بس عندنا بنغير عشان منفكش ونركب تاني خصوصاً أنها في الغالب بتتضرر.

السبب التالت يكون عندك مشكلة في تبريد الفتيس ودي مستبعدة,
لأن مشاكل التبريد الفتيس بيكون شغال فيها كويس بس بيهيس في الغيارات, بياخد النقلات متأخر, أو لما بتقف العربية وتيجي تطلع تاني, الأر بي أم بيعلي ومتتحركش بعدين بتطلع برزعة,

والأرجح في حالتك إن الزيت قل, بسبب تسريب أو أي عامل تاني, وانتي مشيت عليه وهوا ناقص فأتحرق ودا طبيعي,
وبعد ما تغير الزيت وتشوف اللي نازل منها شكله عامل أزاي وفيه رايش ولا لأ, هتقرر ساعتها إيه اللي مفروض تاني يتغير زي مبرد الفتيس والفالفات تتغير ولا لأ.

وحتي في أي عربية سليمة بعد 40 ل 60 ألف كيلومتر تقريباً لو مشيت عليه من غير ما يقل بيتحرق برضه,
بس مش بيعمل نتش وترزيع و في حالتك بس هيعمل لأنه ناقص كمان.

شوف كدا مثلاً دا زيت فتيس أوتوماتيك نازل من عربية فتيسها سليم ومفهوش مشاكل بعد 40 ألف كيلو متر, شوف شكله عامل أزاي مقارنة بالزيت الجديد اللي كان فيها, واللي مفروض يتغيرلها.

http://www.nilemotors.net/Nile/3874990107-post10.html

دا الموضوع

http://www.nilemotors.net/Nile/355901-a.html#post3874980327

[حماده المصري]

في الغالب مشكله بادي فالف مش فاهم ليه المشكله المفروض انها اتحلت من 2008 تقريبا

عموما لو العربيه زيرو وبقالها 3 سنين مغيرتش زيت فتيس المفروض على ما اظن انه الزيت صلاحيته انتهت


عموما لو في ضمان خليك معاه

لو مفيش ضمان روح ل سمير الي ورا حديقه بدر هيقولك على حد بتاع فتايس شغال في فولكس ويخلص الكلام ده

حصلت مع صحبي بس هو عنده نتشه بسيطه في الغيارات ودي بدايه البوزان بتاعه عموما

[Ahmed_Adham]

كان قدامي مشكله مشابهه في عربيه قبل كده لما تجيب ال r تحس برجه وبعدين العربيه تقفش كأنك ماسك هاند بريك وسايق وكان السبب في كهربه الفتيس في "سويتش" اتغير وبعدها المشكله راحت تماما والكلام ده كان من 4 سنين. معرفش اسم القطعه الل كان فيها المشكله بالظبط بس ده اللي فاكره عن الموضوع.

[Ahmed Amin]

دي حاجة كمان تحطها في بالك اللي قالي عليها أستاذ أحمد أدهم,
بس في الغالب اللي بيخلي العربية تطلع عال تالت, وسرعتها لا تتعدي ال 60 كيلو متر في المشي,
بتبقي مشكلة ضغوط الزيت في الفتيس والألكترو فالفز,,

بجيب ال d لقيت نفس المشكله وبتنتش قولت ماشي ااما اشوف اخرتها ....مشيت بالعربيه حبه لقيتها مش بتجيب غير التالت بس(هيا استبترونيك طبعا) يعني بتطلع ع التالت من غير اول وتاني ومفيش اي عزم طبعا ولما ازود السرعه ال rpm يعلى وتجعر ومتجبش التالت يعني من الاخر اخرها تجيب 60 وبس

[Moratoz]

دي حاجة كمان تحطها في بالك اللي قالي عليها أستاذ أحمد أدهم,
بس في الغالب اللي بيخلي العربية تطلع عال تالت, وسرعتها لا تتعدي ال 60 كيلو متر في المشي,
بتبقي مشكلة ضغوط الزيت في الفتيس والألكترو فالفز,,

زي ما حضرتك قلت المفروض الاول يحاول يكسف علي زيت الفتيس ويشوفه لزوجته ولونه ويشوف ناقص ولا لَا وفي الأغلب هيكون محتاج يتزود وفي الحاله دي يفضل تغيرة بالكامل لتنظيف الفلف بادي من الرايش

[ah_boba_ly]

شكرا يا جماعه ع الردود

عموما اانا كلمت المهندس بتاع التوكيل وقالي انه هيكشف على الزيت ويكشف على الكهربا بتاعت العربيه ممكن تكون فيشه او حساس وممكن برضو الفالفات وقالي كمان ان سعرها ممكن يوصل 14000 جنيه :((((

يعني ابيعها احسن :(...........عموما ربنا يستر انا هروح بكره ليهم وهحكلكوا على الي حصل

بس يريت لو حد يقولي ازاي اعرف اقيس الزيت بتاع الفتيس دا واعرف اذا كان ناقص او لا؟؟

[inspiron]

هوا أولا بشمهندس بطيخة عشان يقولك أنو هيكشف علي ضفيرة الكهرباء, !! بصراحة لا تعليق يعني,
المشكلة من عنوان الموضوع وقبل ما أنت تقول أنو قالك هاتها أكشف لك علي الضفيرة واضح أنها مشكلة ضغوط في الفتيس,,

دا غير إن دا عيب شائع في الأوكتافيا يعني كان المفروض عرف من الهواء السبب من أيه,
بس كنت أسمع أنو أتعالج من أول الفانتازيا,,

والعيب دا موجود في معظم العربيات الأوروبي زي البيجو وسيتروين ورينو,,
وبيكون سبب المشكلة أن عندك بلوف أو الكترو فالف هيا اللي مسئولة عن ضغط الزيت الخاصة بالنقلات,
وكدا فيه مشكلة يا في البلوف دي, يا أما في لزوجة الزيت أو الزيت ناقص أوي, يا في مشكلة دورة التبريد..

وأحنا عشان ربنا أدانا عقل نفكر بيه ومش أفندية عشان يتقالنا غير فتيس علي طول كدا,,
من غير ما يشخص المشكلة عشان نشوف أيه علاجها, لازم ناخد الأمور خطوة بخطوة,

المفروض تكشف عند حد بيفهم لأن من الكلام اللي هوا قاله واضح أنو أما مبيفهمش, أو عايز يقلبك,,
عشان لو كان بيفهم كان هياخد ال error code اللي طلع له ويشوف العيب دا مرتبط بأية سواء السلونيد فالف ولا مشكلة تانية في الضغوط
ويقولك هنبدأ بكذا,, مش يقولك نغير فتيس مرة واحدة.

لازم تروح لحد فاهم,,
ولازم تكشف علي كمية الزيت في الفتيس,, عشان ممكن يكون ناقص أو حصل تسريب قبل كدا ومتزودش بما أنك مش أول مالك ليها ومتعرفش كان حصل لها أيه قبل كدا,
ولو الزيت ناقص أو محروق دا اللي هيخلي الضغط يقل عشان كدا العربية بتاخد معاك التالت اللي هوا أسمه safe mode, عشان تعرف تمشي بيها لأقرب مركز خدمة.

وبعد ما تكشف علي الزيت وتزودة, أو تغيرة أفضل لو كان ناقص أوي لأنه هيبقي محروق,
تبتدي تكشف تاني علي الفتيس عند بيفهم وتشوف هيا فيها أيه.

الله ينور عليك يا باشا

[Ahmed Amin]

الله ينور عليك يا باشا

وعليك يا كبير,,
ربنا يخليك.

[ah_boba_ly]

السلام عليكم
انا روحت التوكيل امبارح بأمانه شويه حمير اخرهم يعملوا الصيانه العاديه اي حاجه تانيه انسى....المهم بعد انتظار اربع ساعات للعربيه عندهم روحت قلت للمهندس هيا خلصت قالي لا دي سليمه قولتله شوفت الزيت بتاع الفتيس قالي طب هبصلك عليه....شافه وجه قالي دا محروق خالص وهنغيره لو ظبطت يبقى الزيت هوا السبب لو مظبطش يبقى فالفات...قولتله ماشي ...طبعا زيت مع الفلتر مع المصنعيه 1350 جنيه ومشيت الحمد لله...مش عارف كدا بقى هوا السبب الزيت ولا ممكن تظهر المشكله تاني الله اعلم.....بس المهندس هناك قالي لو الفالفات بايظه مش هتحس بالزيت الجديد وهتدي ايرور ع طول...فايه رأيكوا؟؟

[Ahmed Amin]

وعليكم السلام,
ودا كان المتوقع منهم انهم زي مانت قلت عليهم,,
عشان أنهم واضح انهم مكشفوش عليها اول مرة, لما جه وقالك انها سليمة,, وانت قلت له شوف الزيت.!
ربنا يسامحهم ,

وتعليقاً علي اخر جزئية المفروض لو الڤالڤات بايظة, هتخلف وتغربل الضغوط وهتدي أيرور.
دا المفروض بس مش شرط انها تدي دايماً أيرور,

بس انت المهم دلوقتي انك غيرت الزيت, ودي البداية الصح لعلاج المشكلة,
لان اي زيت في العمر دا في الغالب بينزل محروق وبيكون فقد لزوجته ومش بيتحمل الحرارة وبيكون السبب الرئيسي في مشاكل الفتيس واختلاف الضغوط.

واللي عليك دلوقتي انك تسوق عادي الفترة دي ومتقرصش عليه يعني علي مهلك ومتحرقش عليها,
وتشوف غيار الزيت دا هيفرق معاها في الاسبوع اللي جاي دا ولا لأ.

لو مفرقش نبدأ نكشف عال ڤالڤات.
لأن مينفعش تبدأ حل وتشخيص مشكلتك بتغير ڤالڤات وانت الزيت عندك فاقد لزوجته ومحروق.
ومفيش حاجة اسمها الڤالڤات بايظة ومش هتحس بالزيت, وألا مكنتش العربية مشيت بيك لما غيرت لها زيت وطلعت بيها من عندهم ونقلت غيارات بشكل طبيعي,
بصراحة لا تعليق عال هري اللي بيتقال. وحاجة مؤسفة في نفس الوقت ان الكلام دا من توكيل او مركز خدمة!

[ah_boba_ly]

اقولك انا ع كلامه بالظبط ....قالي اني الفالفات دي بتكون مشحونه الكترومغناتيك ولو الزيت فيه مشكله او رايش مثلا هيبوظ الشحنة بتاعت الفالفات وساعتها مش هتحس بلزوجة الزيت والزيت الحروق كان بالنسبالها تقيل فلما نغير الزيت ونحط جديد بيكون خفيف فلو بايظه مش هتحس ان فيه زيت اصلا وتدي ايرور...........


دا الي اتقالي تقريبا وطبعا انا واقف لا واثق فيه ولا حاسس انه فاهم حاجه ...بطيخه ع رأيك...اشتريت منه وقولت الزيت كدا كدا لازم يتغير طلعت فلفات مطلعتش فالفات فأغيره عشان ميكملش ع بقيت الفتيس ...دا بعيدا عن هوا فاهم ولا مش فاهم بقى فمش هيضرني يعني

[ah_boba_ly]

سؤال كمان معلش....هوا كان مفروض يحط حاجه ينظف بيها الفالفات ولا مينفعش؟؟