وعندك كمان مشكله في فتيس فانتازيا 2010 :(:(:(

[Hany Saad]

أحب أشارك ببعض معلومات بسيطة عن الموضوع لو سمحتولى....بداية البادى فالف هى نقدر نشبهها بمخ الجيربوكس....هى اللى بتتحكم فى الضغوط و مسارات الزيت علشان تدى النقلة المضبوطة على حسب معطيات كتير جدا من كذا منطقة أهمها الكنترول يونيت بتاعت الفتيس.

السائل الأساسى اللى بينضغط علشان ينقل النقلات و فى نفس الوقت بيبرد وحدة الجيربوكس كلها هو الزيت.....إذا لزوجته و كميته و نوعه شىء فى منتهى الأهمية....تغييره الدورى لا يخضع لمقياس معين...طبعا فى حد أقصى مش لازم أعديه و لكن على حسب ظروف سواقتى (نقلات كتير و زحمة و درجات حرارة مرتفعة و و...) يفضل تغييره كمان أسرع من المفروض و ذلك لحماية الجيربوكس كله...

فكرة أن موديلات 2008 كان فيها مشاكل و موديلات الفانتازيا مفهاش أو قلت أعتقد فكرة مش سليمة قوى و ذلك لأن ده مش عيب فى الفتيس ذات نفسه و أتصلح فى الموديلات الحديثة و لا هو عيب فى السكودا..لأ ده عيب صيانة دورية للفتيس....موديلات 2010 إبتدت دلوقتى تعمل حوالى 45000 كم و أنت طالع و ده ميعاد تغيير زيت الفتيس....أى حد مش هياخد باله أو هيتأخر أو عامل كم عالى أو سواقته كلها فى ظروف صعبة هتلاقى عنده هذه المشكلة....نصيحة لأى حد عامل فى حدود 45000 و أنت طالع أنو يغير زيت فتيس على طول....بعد سنة من الأن هنلاقى شكاوى كتير من مالكى فانتازيا 2011 و هكذا......المفروض 50000 كم هو الحد الأقصى لتغيير الزيت فى ظروف بلدنا (30000 miles)

أى عيب فى لزوجة الزيت أو كميته أو نوعه....مع طبعا الحر و الزحمة الشديدة فى بلدنا بيؤدى إلى مشاكل فى التزييت، مشاكل فى الضغوط لأن كله مبنى على لزوجة معينه و خواص معينه للزيت ( الضغط مع درجة الحرارة)....الموضوع بيبتدى بنتشة أو تعليقات و هنا يجب الأسراع فوراً و على طول بتغيير الزيت بزيت أصلى جيد و ذلك لتلافى أى عيب أكبر يمكن حدوثه لا قدر الله....

لو الموضوع ده متمش بسرعة رهيبة و نتيجة لسؤ التليين من الزيت و الإحتكاك بين القطع المعدن ممكن يحدث رايش معدن بسيط يؤدى إلى أذى فى البادى فالف نفسه....و فى هذه اللحظة و جب تغيير بادى فالف كامل لأنه غير قابل للإصلاح....السعر فعلا فى حدود 14000 مصرى فى توكيل سكودا....

[ah_boba_ly]

أحب أشارك ببعض معلومات بسيطة عن الموضوع لو سمحتولى....بداية البادى فالف هى نقدر نشبهها بمخ الجيربوكس....هى اللى بتتحكم فى الضغوط و مسارات الزيت علشان تدى النقلة المضبوطة على حسب معطيات كتير جدا من كذا منطقة أهمها الكنترول يونيت بتاعت الفتيس.

السائل الأساسى اللى بينضغط علشان ينقل النقلات و فى نفس الوقت بيبرد وحدة الجيربوكس كلها هو الزيت.....إذا لزوجته و كميته و نوعه شىء فى منتهى الأهمية....تغييره الدورى لا يخضع لمقياس معين...طبعا فى حد أقصى مش لازم أعديه و لكن على حسب ظروف سواقتى (نقلات كتير و زحمة و درجات حرارة مرتفعة و و...) يفضل تغييره كمان أسرع من المفروض و ذلك لحماية الجيربوكس كله...

فكرة أن موديلات 2008 كان فيها مشاكل و موديلات الفانتازيا مفهاش أو قلت أعتقد فكرة مش سليمة قوى و ذلك لأن ده مش عيب فى الفتيس ذات نفسه و أتصلح فى الموديلات الحديثة و لا هو عيب فى السكودا..لأ ده عيب صيانة دورية للفتيس....موديلات 2010 إبتدت دلوقتى تعمل حوالى 45000 كم و أنت طالع و ده ميعاد تغيير زيت الفتيس....أى حد مش هياخد باله أو هيتأخر أو عامل كم عالى أو سواقته كلها فى ظروف صعبة هتلاقى عنده هذه المشكلة....نصيحة لأى حد عامل فى حدود 45000 و أنت طالع أنو يغير زيت فتيس على طول....بعد سنة من الأن هنلاقى شكاوى كتير من مالكى فانتازيا 2011 و هكذا......المفروض 50000 كم هو الحد الأقصى لتغيير الزيت فى ظروف بلدنا (30000 miles)

أى عيب فى لزوجة الزيت أو كميته أو نوعه....مع طبعا الحر و الزحمة الشديدة فى بلدنا بيؤدى إلى مشاكل فى التزييت، مشاكل فى الضغوط لأن كله مبنى على لزوجة معينه و خواص معينه للزيت ( الضغط مع درجة الحرارة)....الموضوع بيبتدى بنتشة أو تعليقات و هنا يجب الأسراع فوراً و على طول بتغيير الزيت بزيت أصلى جيد و ذلك لتلافى أى عيب أكبر يمكن حدوثه لا قدر الله....

لو الموضوع ده متمش بسرعة رهيبة و نتيجة لسؤ التليين من الزيت و الإحتكاك بين القطع المعدن ممكن يحدث رايش معدن بسيط يؤدى إلى أذى فى البادى فالف نفسه....و فى هذه اللحظة و جب تغيير بادى فالف كامل لأنه غير قابل للإصلاح....السعر فعلا فى حدود 14000 مصرى فى توكيل سكودا....

شكرا على المعلومات الجامده دي....عموما انا غيرته بعد موضوع النتشه دي باسبوع تقريبا وربنا يستر :)

[Moratoz]

وشعورك ايه بعد ما حضرتك ختها من التوكيل واحساسك بالفتيس بعد تغير الزيت ايه اعتقد ان في الأغلب تم علاج المشكله ولا يوجد نتشه في الوقت الحالي ان شاء الله وخاصه ان الزيت القديم نازل محروق ولكن هل تم سؤال الفني ما اذا كان الزيت ناقص كمان ام لا
تحياتي

[طارق _عبد السلام]

السلام عليكم
انا روحت التوكيل امبارح بأمانه شويه حمير اخرهم يعملوا الصيانه العاديه اي حاجه تانيه انسى....المهم بعد انتظار اربع ساعات للعربيه عندهم روحت قلت للمهندس هيا خلصت قالي لا دي سليمه قولتله شوفت الزيت بتاع الفتيس قالي طب هبصلك عليه....شافه وجه قالي دا محروق خالص وهنغيره لو ظبطت يبقى الزيت هوا السبب لو مظبطش يبقى فالفات...قولتله ماشي ...طبعا زيت مع الفلتر مع المصنعيه 1350 جنيه ومشيت الحمد لله...مش عارف كدا بقى هوا السبب الزيت ولا ممكن تظهر المشكله تاني الله اعلم.....بس المهندس هناك قالي لو الفالفات بايظه مش هتحس بالزيت الجديد وهتدي ايرور ع طول...فايه رأيكوا؟؟

التوكيل ده فين واسمه ايه
انا لسه مغير زيت فتيس من يومين فى التوكيل
1800 جنيه مش 1350

[zangry]

التوكيل ده فين واسمه ايه
انا لسه مغير زيت فتيس من يومين فى التوكيل
1800 جنيه مش 1350

يمكن مغيروش الفلتر ! نضفوه بس

[Ahmed Amin]

اقولك انا ع كلامه بالظبط ....قالي اني الفالفات دي بتكون مشحونه الكترومغناتيك ولو الزيت فيه مشكله او رايش مثلا هيبوظ الشحنة بتاعت الفالفات وساعتها مش هتحس بلزوجة الزيت والزيت الحروق كان بالنسبالها تقيل فلما نغير الزيت ونحط جديد بيكون خفيف فلو بايظه مش هتحس ان فيه زيت اصلا وتدي ايرور...........


دا الي اتقالي تقريبا وطبعا انا واقف لا واثق فيه ولا حاسس انه فاهم حاجه ...بطيخه ع رأيك...اشتريت منه وقولت الزيت كدا كدا لازم يتغير طلعت فلفات مطلعتش فالفات فأغيره عشان ميكملش ع بقيت الفتيس ...دا بعيدا عن هوا فاهم ولا مش فاهم بقى فمش هيضرني يعني

أنا رديت عليك أمبارح أول مرة بس كنت برة, ولما أنت كتبت الرد دا معرفتش أرد عليك,,
و Meggieboy سبقني بالرد وماشاء الله عليه وضح كل حاجة ويمكن أحسن من ما أنا كنت هعلق علي كلام المهندس البطيخة دا,,

بس أنا كنت كتبت رد فعلاً,
ومكنتش كملته لما ميجي قام بالواجب ورد, فقت أكمله أنها وأحطة هنا,,


تعليقاً علي كلام البطيخة,,
بتكون مشحونه الكترومغناتيك.
ولو الزيت فيه مشكلة هيبوظ الشحنة بتاعت الفالفات.
وأنت مدتوش بضهر بأيدك وهوا بيقول الكلام دا وبيستخف بدماغك.؟؟؟!
لاحول ولا قوة إلا بالله,,




واضح إن الأخ أخدته الجلالة في نفسه, ووسعت منه العميلة, >>>

وأعتبرك زبون "أفندي" ومش هتفهم حاجة فقعد سوري يشتغلك بنظام فتي الميكانيكة بتوع زمان,,
والفتي بقي اللي يحسسك ويقنعك إن الموضوع كبير وخطير عشان تقوله طب والحل,
ألحقني أبوس أيدك الكلام دا كبير وانت اللي فاهم وأعمل الصح.!!



وأنت طبعاً بااشا بالنسبة له, وراكب عربية غالية ولو وقعت في المصيدة هايسموعليك ويقولو حلال الله أكبر
وهيغرموك علي قد ما يقدرو لأن بالمنظر دا, دي ناس معندهاش ضمير ولا يصح يتقال عليها مهندسين,!!



نيجي للمهم,
أولاً الڤالڤ أسمه ألكترو ڤالڤ او سولونيد ڤالڤ,
لا بيجي مشحون, ولا بيكهرب.!!!!
ولا الشحنة بتفضي,, ولا بنشحنة لنا بيفضي من بطارية إنرچايزر ولا عند بتاع بطاريات.!!


والڤالڤ بيكون راكب عال ڤالڤ بادي أو الهيدروليك ڤالڤ بلوك. اللي هوا مخ الفتيس زي ما Meggieboy وضح,

والفالف بيكون الكتروميكانيال, وبنقول عليه صمام كهربائي بيستخدم للتحكم في ضغط الزيت داخل الفتيس,

بيوصلة شحنة كهربائية من الصمام الفالف بادي عشان يشتغل وساعتها يفتح ويقفل عشان يمرر الزيت منه ويختار الغيار المطلوب,, علي حسب ما الل ECU بتاعة الجير بوكس بتديلة الأمر هوا وباقي الفالفات اللي جنبة وبتنقل الغيارات علي حسب سرعة العربية, وعلي حسب دوستك علي دواسة البنزين.

لكن بقي لا بيجي مشحون,, ولا الشحنة بتفضي, ولا الرايش بيبوظ الشحنة,
وأنت لو بتغير زيتك علي كل 40 ألف كيلو وبينزل كويس مش محروق
ومفيش رايش ولا فيه نقص في الزيت يأدي لأنه يتحرق ولا فيه مشاكل في تبريد زيت الفتيس, ممكن متغيرش الفالفين دوول خالص,

إلا لما تحصل مشكلة في الفتيس من نقص زيت, ويتحرق الزيت ساعتها ويعمل رايش دا ساعتها ممكن يأذي البلوف وتضطر تغيرها.

هوريك مثال شكل السولونيد فالف عندنا في البيجو والستروين والرينو عامل أزاي,


ودا الهيدروليك بلوك, أو الفالف بادي, مخ الفتيس,
ولو تلاحظ في فالفين فوق لونهم مدي علي أبيض, والباقي عال شمال لونهم أسود دول خاصين بباقي الغيارات.
ومعظم المشاكل بتكون في أول فالفين عندنا ودول اللي بتغيرهم بتوع الأول والتاني والريفرس.

[Ahmed Amin]

سؤال كمان معلش....هوا كان مفروض يحط حاجه ينظف بيها الفالفات ولا مينفعش؟؟

الفالفات لو سليمة ومتأذتش من الرايش, ممكن تطلع برة وتنضف هيا والهايدروليك بلوك,
وترجع تتركب تاني ومفيش بيبقي فيه أي مشكلة ودا بيفرق معاك في نقلات الفتيس بتبقي أنعم والسحب بيبقي أفضل,

لكن عندنا في مصر لأنعدام الضمير ودول تانية برضه, بيغير عشان يبيع لك قطع وياخد تمن القطعة ومصنعية التغيير.

مينفعش تحط حاجة مع الزيت الأوتوماتك في العربيات الجديدة, دا ممكن يبهدلك الضغوط ويعمل تفويت في النقلات,,
العربيات الأوتوماتيك موديلات التسعينات مثلاً ممكن يتعمل معاها الموضوع دا لما يكون الفتيس حالته صعبة والتروس مأذية, ساعتها في مواد بتنضاف مع زيت الفتيس عشان تحسن من النقلات والأداء.

ودي صور لواحد كان منضف الهيدروليك بلوك في عربية بيجو ومغير الفالفين,
وقال أن فتيس العربية رجع زي الجديد والنقلات أنعم ودا حقيقي, بس الموضوع دا عايز ميكانيكي فاهم وشاطر وعنده ضمير.

دي صورة للفتيس قبل ما يتفك هوا وكارتيرة الزيت,



دي الكارتيرة والزيت المحروق



دا الفالف بادي - الهيدروليك بلوك


ودا بعد ما أتشال من الفتيس,,



ودا هوا بيتنضف وبياخد حمام محترم,,


وأخيراً دي بعد ما أتفك وأتنضف وأتنشف كويس, وهيرجع يتركب تاني مع زيت جديد ونضيف,





قارن بقي أخر صورة بتالت صورة, وشوف فرق النضافة بنفسك, اللي هينعكس علي الفالف بادي وحركة ولزوجة الزيت الجديد اللي أنت هتحطة في الجير بوكس بعد ما تنزل الزيت المحروق وتنضف بقيته من مخ الفتيس وباقي الفالفات والبلوك.

[Ahmed Amin]

المهم أنت أيه أخبار الفتيس معاك دلوقتي بعد تغير الزيت ؟

[mo7a_mo7a]

أحب أشارك ببعض معلومات بسيطة عن الموضوع لو سمحتولى....بداية البادى فالف هى نقدر نشبهها بمخ الجيربوكس....هى اللى بتتحكم فى الضغوط و مسارات الزيت علشان تدى النقلة المضبوطة على حسب معطيات كتير جدا من كذا منطقة أهمها الكنترول يونيت بتاعت الفتيس.

السائل الأساسى اللى بينضغط علشان ينقل النقلات و فى نفس الوقت بيبرد وحدة الجيربوكس كلها هو الزيت.....إذا لزوجته و كميته و نوعه شىء فى منتهى الأهمية....تغييره الدورى لا يخضع لمقياس معين...طبعا فى حد أقصى مش لازم أعديه و لكن على حسب ظروف سواقتى (نقلات كتير و زحمة و درجات حرارة مرتفعة و و...) يفضل تغييره كمان أسرع من المفروض و ذلك لحماية الجيربوكس كله...

فكرة أن موديلات 2008 كان فيها مشاكل و موديلات الفانتازيا مفهاش أو قلت أعتقد فكرة مش سليمة قوى و ذلك لأن ده مش عيب فى الفتيس ذات نفسه و أتصلح فى الموديلات الحديثة و لا هو عيب فى السكودا..لأ ده عيب صيانة دورية للفتيس....موديلات 2010 إبتدت دلوقتى تعمل حوالى 45000 كم و أنت طالع و ده ميعاد تغيير زيت الفتيس....أى حد مش هياخد باله أو هيتأخر أو عامل كم عالى أو سواقته كلها فى ظروف صعبة هتلاقى عنده هذه المشكلة....نصيحة لأى حد عامل فى حدود 45000 و أنت طالع أنو يغير زيت فتيس على طول....بعد سنة من الأن هنلاقى شكاوى كتير من مالكى فانتازيا 2011 و هكذا......المفروض 50000 كم هو الحد الأقصى لتغيير الزيت فى ظروف بلدنا (30000 miles)

أى عيب فى لزوجة الزيت أو كميته أو نوعه....مع طبعا الحر و الزحمة الشديدة فى بلدنا بيؤدى إلى مشاكل فى التزييت، مشاكل فى الضغوط لأن كله مبنى على لزوجة معينه و خواص معينه للزيت ( الضغط مع درجة الحرارة)....الموضوع بيبتدى بنتشة أو تعليقات و هنا يجب الأسراع فوراً و على طول بتغيير الزيت بزيت أصلى جيد و ذلك لتلافى أى عيب أكبر يمكن حدوثه لا قدر الله....

لو الموضوع ده متمش بسرعة رهيبة و نتيجة لسؤ التليين من الزيت و الإحتكاك بين القطع المعدن ممكن يحدث رايش معدن بسيط يؤدى إلى أذى فى البادى فالف نفسه....و فى هذه اللحظة و جب تغيير بادى فالف كامل لأنه غير قابل للإصلاح....السعر فعلا فى حدود 14000 مصرى فى توكيل سكودا....

كلام سليم 100%

[mo7a_mo7a]

اولا انا بشكر العضو LeitoSR علي الشرح الوافي والصور التوضيحية
واستاذن اني اضيف نقطتين
ان الافضل لما يتنظف الفالف بادي ان يتم اخراج العقل من مجاريها وغسلها هي كمان
ثانيا فتيس DSG بتاع فولكس دوال كلاتس يعني بيحضر النقلة التالية قبل ما تنقل وده عبارة عن 2 فتيس مربوطين ببعص وطبعا بيدي نعومة اكثر في السواقة لكن بردو حمل اعلى واهلاك اسرع للقطع اللي اولها السلينويدز والبادي فالف ككل

تحياتي

[ah_boba_ly]

أنا رديت عليك أمبارح أول مرة بس كنت برة, ولما أنت كتبت الرد دا معرفتش أرد عليك,,
و Meggieboy سبقني بالرد وماشاء الله عليه وضح كل حاجة ويمكن أحسن من ما أنا كنت هعلق علي كلام المهندس البطيخة دا,,

بس أنا كنت كتبت رد فعلاً,
ومكنتش كملته لما ميجي قام بالواجب ورد, فقت أكمله أنها وأحطة هنا,,


تعليقاً علي كلام البطيخة,,
بتكون مشحونه الكترومغناتيك.
ولو الزيت فيه مشكلة هيبوظ الشحنة بتاعت الفالفات.
وأنت مدتوش بضهر بأيدك وهوا بيقول الكلام دا وبيستخف بدماغك.؟؟؟!
لاحول ولا قوة إلا بالله,,




واضح إن الأخ أخدته الجلالة في نفسه, ووسعت منه العميلة, >>>

وأعتبرك زبون "أفندي" ومش هتفهم حاجة فقعد سوري يشتغلك بنظام فتي الميكانيكة بتوع زمان,,
والفتي بقي اللي يحسسك ويقنعك إن الموضوع كبير وخطير عشان تقوله طب والحل,
ألحقني أبوس أيدك الكلام دا كبير وانت اللي فاهم وأعمل الصح.!!



وأنت طبعاً بااشا بالنسبة له, وراكب عربية غالية ولو وقعت في المصيدة هايسموعليك ويقولو حلال الله أكبر
وهيغرموك علي قد ما يقدرو لأن بالمنظر دا, دي ناس معندهاش ضمير ولا يصح يتقال عليها مهندسين,!!



نيجي للمهم,
أولاً الڤالڤ أسمه ألكترو ڤالڤ او سولونيد ڤالڤ,
لا بيجي مشحون, ولا بيكهرب.!!!!
ولا الشحنة بتفضي,, ولا بنشحنة لنا بيفضي من بطارية إنرچايزر ولا عند بتاع بطاريات.!!


والڤالڤ بيكون راكب عال ڤالڤ بادي أو الهيدروليك ڤالڤ بلوك. اللي هوا مخ الفتيس زي ما Meggieboy وضح,

والفالف بيكون الكتروميكانيال, وبنقول عليه صمام كهربائي بيستخدم للتحكم في ضغط الزيت داخل الفتيس,

بيوصلة شحنة كهربائية من الصمام الفالف بادي عشان يشتغل وساعتها يفتح ويقفل عشان يمرر الزيت منه ويختار الغيار المطلوب,, علي حسب ما الل ECU بتاعة الجير بوكس بتديلة الأمر هوا وباقي الفالفات اللي جنبة وبتنقل الغيارات علي حسب سرعة العربية, وعلي حسب دوستك علي دواسة البنزين.

لكن بقي لا بيجي مشحون,, ولا الشحنة بتفضي, ولا الرايش بيبوظ الشحنة,
وأنت لو بتغير زيتك علي كل 40 ألف كيلو وبينزل كويس مش محروق
ومفيش رايش ولا فيه نقص في الزيت يأدي لأنه يتحرق ولا فيه مشاكل في تبريد زيت الفتيس, ممكن متغيرش الفالفين دوول خالص,

إلا لما تحصل مشكلة في الفتيس من نقص زيت, ويتحرق الزيت ساعتها ويعمل رايش دا ساعتها ممكن يأذي البلوف وتضطر تغيرها.

هوريك مثال شكل السولونيد فالف عندنا في البيجو والستروين والرينو عامل أزاي,


ودا الهيدروليك بلوك, أو الفالف بادي, مخ الفتيس,
ولو تلاحظ في فالفين فوق لونهم مدي علي أبيض, والباقي عال شمال لونهم أسود دول خاصين بباقي الغيارات.
ومعظم المشاكل بتكون في أول فالفين عندنا ودول اللي بتغيرهم بتوع الأول والتاني والريفرس.

يا باشا تسلم ايدك ...انا كدا ممكن اروح اضرب المهندس اصلا :)
اسف على التاخير ف الرد بس كنت مسافر والله :)
الحمدلله انا مخلتهوش يغير حاجه غير الزيت وبقالي اسبوعين اهو والحمدلله معملتش حاجه تاني وواضح ان العيب كان في الزيت وربنا يستر ويكملها ع خير ....والف شكر تاني على شرحك وتعبك معايا :)

[Ahmed Amin]

يا باشا تسلم ايدك ...انا كدا ممكن اروح اضرب المهندس اصلا :)
اسف على التاخير ف الرد بس كنت مسافر والله :)
الحمدلله انا مخلتهوش يغير حاجه غير الزيت وبقالي اسبوعين اهو والحمدلله معملتش حاجه تاني وواضح ان العيب كان في الزيت وربنا يستر ويكملها ع خير ....والف شكر تاني على شرحك وتعبك معايا :)

أولا حمدلله علي سلامتك,,
وكويس إن المشكلة راحت من غيار الزيت بس, :)
وأنك مخلتهوش يحور عليك ويلعب لك في الفتيس,, خصوصاً أنو واضح أنه مش فاهم هوا بيقول أيه ودا الأخطر من واحد يكون فاهم بس عايز يعمل شغل عليك ومش هيضرك.!

*كنت عايز أوضح حاجة بس أخير في أخر بوست كنت كاتبة مع أنه مش تبع أسكودا بس تصحيح لجزئية صغيرة فيه, وهيا معلومات عامة.
الفالفين اللي في أخر صورة مش بتوع الأول والتاني,
واحد بتاع الضغط الأساسي, والتاني بتاع ضغط الزيت اللي خارج من قربة الزيت,
Main pressure modulation solenoid valve EVM
converter pressure modulation electrovalve EVLU

المهم أنت مبروك علي حل مشكلتك, وأديك عرفت سبب المشكلة دي لو حصلت تاني هيبقي من أيه وتبدأ بأيه,,
وأعمل حسابك تنزل الزيت اللي أنت غيرت بيه دا بعد 10 الأف كيلو وأخرك عليه 20 بس منصحكش تسيبة كتير,,
لأن مش كل الزيت المحروق بينزل لما تفك الطبة اللي تحت, ودلوقتي الزيت الجديد أتخلط القديم اللي نزل محروق وممكن يبقي فيه رايش جوا لسه من الزيت القديم المحروق,,

فعشان تحافظ علي الفالف بادي valve body والصمامات اللي فيه, تنزل وتغير الزيت كمان مرة وتحط زيت جديد كمان 10 الأف كيلو, عشان يبقي اللي أنت حطيته أتخلط بالقديم ونضف شوية ومع الغيار الجاي تنزل باقي اللي أتخلط بيه ومتحصلش عندك مشاكل تاني في وقت قريب.

وحاول تشوف مركز تاني محترم ويكون ثقة, غير المكان اللي كان فيه البطيخة اللي أنت قابلته دا.

[vampero]

طيب يا رجالة سؤال مهم انا عربيتى 2010 بس ماشيه 20 الف بس
الزيت بتغير بالمدة يعنى بعد 3 سنين او اربعة ولا لما تكمل 50الف كيلو بدون اعتبار للمده ال قعدها الزيت فى الفتيس ولا اايه حد يفهمنى ولا الزيت طويل العمر ولا ليه عمر افتراضى بعديها لازم يتغير حتى لو مكملش المسافه المطلوبه اررجوا الرد

[inspiron]

طيب يا رجالة سؤال مهم انا عربيتى 2010 بس ماشيه 20 الف بس
الزيت بتغير بالمدة يعنى بعد 3 سنين او اربعة ولا لما تكمل 50الف كيلو بدون اعتبار للمده ال قعدها الزيت فى الفتيس ولا اايه حد يفهمنى ولا الزيت طويل العمر ولا ليه عمر افتراضى بعديها لازم يتغير حتى لو مكملش المسافه المطلوبه اررجوا الرد

لا بعدد الكيلو متر فقط.قبل ما توصل الـ 60 ألف غير.

[vampero]

لا بعدد الكيلو متر فقط.قبل ما توصل الـ 60 ألف غير.

الف شكر يا حاج احمد جزاك الله خير يعن امشى عليه عادى لحد ما يقرب على المسافه 60 الف والمده عادى مفيش قلق