علمت علي هيواندي كوبية .....(احترامي لملاكها )

[omaranes77]

على فكرة يا جماعة الكوبيه ثباتها حلو جدا واعلى بكتير من الالنترا والحاجات الكوري التانية... وانا كنت قايل في مشاركة قبل كده اني عقدت سيراتو كوبيه على طريق السخنة ومكنتش مصدق انه مش قادر يجيبني بالـ130 حصان بتوعه الا لما لاحظت اني بفرق عنه كتير عند الملفات فعرفت ان ثباته مش قد كده وممكن جدا لو كان الطريق طوالي بس ومفيهوش مطبات هوا ولا ملفات كان جابني بسهولة... وفي اليوم ده انا اكلت الطريق كله ياباني بألماني بكوري ومحدش سد معايا... فعلى فكرة برضه الياباني فيه حاجات محترمة جدا جدا وانا لما سقت فانتازيا لقيت عربيتي متقللش عنها بأي شيء ملحوظ في الثبات، اللهم الا فرق العزل مع السرعات فقط لا غير...
ولو فيه حاجة كوري ممكن اجري بيها وانا مطمن لحد كبير تبقى الكروز بصراحة... عربية محترمة برضه...

شكرا لمرورك ياباشا محدش قال الفانتازيا bmw هيا فعلا موتورها ضعيف شوية بس ممتاز وسحبة بعد 100 ممتاز بس بردو ارجع واقول نفس النقطة الاوربي بشكل عام قبل 80مريح بعد كدة ممكن تشوف نور الفرامل وعلي فكرة انت ممكن حضرتك تبقي ماشي بعربيتك 200 وتلاقي نفسك معدي من جمب bmw فهل انت كدة سابقتة في الشد ...تحياتي لحضرتك ربنا يباركلك في العربية بس ماتشرفنا بنوعها

[monamize4]

دا حقيقي فعلاََ :)

طبعا الباسات اعلي في العزم
إنما الإلنترا قدرة حصانية اعلي ولو كان بشكل بسيط و وزن اخف كتـيـــــــر
اما الـ dsg .. مازال لا يتفوق علي المانيوال -ودا رأي شخصي- خصوصا لو شخص بينقل علي 6.5 rpm في الشد زي حالاتي :)

لا يا باشا ,, ال dsg بينقل اسرع من المانيوال shift time حوالى 8 milli sec
و خلى بالك كمان ان aerodynamic الباسات افضل من الالنترا
afair كان ال drag coefficient الباسات 0.29 ف مقابل 0.31 للالنترا

سرد الواقعه لا يعني باي حال من الأحوال تفوق الإلنترا .. او حتي مقارنتها بالباسات اللي سعرها عالاقل ضعف ثمن الإلنترا
إنما هو تأكيد إن مواتير العربيات الكوري بتديها ميزه قويه في الجري .. وربنا يستر :)
cant agree more ع الكلام الجميل دا

تحياتي

[saddam]

صديقي المواطن
قولا واحدا
في بس حقيقة غائبة عن البعض وهي إن الهيونداي الكوبيه الموجودة في مصر هي 1600 حتى الشعب الكوري في كوريا وشركو هيونداي مش بتحترمها وعاملاها للناس اللي عايزة منظر شبه رياضي سباقات بإمكانيات محدودة لكن لو كانت النسخة اﻷصلية ال 2700 فدي عربية وحش إنفجارية ولا تستطيع سكودا أن تقف أمامها ووفقك الله لما فيه الخير لك أنا بسوق بسرعة لكن بسوق لمتعتي الشخصية وليس ﻷشد مع اﻵخرين فإنت أكبر من كده وأنت أكبر من إن أي حد يستفزك ويجرك لسباق مضاره أكثر من منافعه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Silent~Dream]

يا جماعه بتختلف حسب الشخص الى بيسوق و قلبه ميت ولا غبى ولا محترف ولا ايه بالظبط و هل اخره يدوس بنزين و خلاص و لا professional
و ليه فى toe and heel downshifts و الحاجات الجامده دى ولا ايه و العربيه اوتو ولا مانوال و dual clutch ولا عادى و الطريقه الى بيعدى بيها الملف
باقصى acceleration بدون فقد كبير فى ال stability لو سايق عربيه معينه مهتم بصيانتها و ايده فى العربيه على طول و العربيه بتطلع اقصى قدره ليها ولا لا حتى الكاوتش بيفرق فى ال handling و ال performance بجزء بسيط لكن جزء بسيط على جزء بسيط يكون جزء كبير و فارق كام ثانيه عن الاداء الاصلى و اسباب تانيه كثير يخليك تاكل الطريق كله و تحط على عربيه معينه و تجى يوم تانى نفس الموديل و عربيه تانيه تحط عليك

[طارق _عبد السلام]

صديقي المواطن
قولا واحدا
أنا بسوق بسرعة لكن بسوق لمتعتي الشخصية وليس ﻷشد مع اﻵخرين فإنت أكبر من كده وأنت أكبر من إن أي حد يستفزك ويجرك لسباق مضاره أكثر من منافعه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

دائما تقول قولا واحد يجيب من الاخر
وهذا مالزم بيانه ودمتم للنضال ومن نصر لنصر

[J A G U A R]

انتو بتتكلمو فى ايه بس .. شايفين العربيه دى اقسم بالله لا حد يقولى لابى ام فئه سابعه ولا مرسيدس S600 ولا اتخن عربيه فيكى يا مصر تاكل مع العربيه دى فى شد او جرى او تسارع او اى حاجه .. دى نيسان ماكسيما 2001 ...

[Ahmed TRAVCO]

شكرا لمرورك ياباشا محدش قال الفانتازيا bmw هيا فعلا موتورها ضعيف شوية بس ممتاز وسحبة بعد 100 ممتاز بس بردو ارجع واقول نفس النقطة الاوربي بشكل عام قبل 80مريح بعد كدة ممكن تشوف نور الفرامل وعلي فكرة انت ممكن حضرتك تبقي ماشي بعربيتك 200 وتلاقي نفسك معدي من جمب bmw فهل انت كدة سابقتة في الشد ...تحياتي لحضرتك ربنا يباركلك في العربية بس ماتشرفنا بنوعها

يا صديقي انا قصدي أؤكد على ان الثبات عندك هو اللي عمل الفرق وليس التسارع... آه انا عارف ان اقصى عزم عندك بيطلع على آر بي إم قليل بس برضه الهيونداي كوبيه جراية زيها زي كل الكوري وتتفوق على كتير منهم في الثبات لأنها عريضة وواطية + اني اعرف حد معاه العربية دي وبيشكر في ثباتها جدا...
مكنتش بحاول اقول اني احسن من الفانتازيا، انا بقول ان لو ثبات الكوبيه زيك كان جابك بسهولة (في رأيي)، واستشهدت باللي حصل بيني (شارك) وبين السيراتو على طريق السخنة لأني اللي متأكد منه ان موتوره اقوى في السحب ورغم ذلك بهدلته تماما ومعرفش يعدي غير قبل الكارتة بشوية لما انا قررت اهدي... السبب زي ما بقولك الثبات مش قوة موتور عربيتي عن عربيته... هو كان بيخاف ياخد الملفات على 180 و 190 زيي فكنت بفرق عنه كتير ثم لما يحاول يقرب المسافة شوية تلاقينا داخلين ع الملف اللي بعده ونرجع زي الأول...
في نفس الوقت كنت بقولك ان الياباني فيه عربيات محترمة جدا جدا ولو حضرتك نزلت من الـa4 وركبت شارك او سيفيك او مازدا3 هتلاقي العربيات دي متقلش في الثبات تقريبا بل ربما تتفوق بقى في التسارع كمان، طبعا ناهيك عن الإمبريزا وثباتها المتوحش!!
ربنا يباركلك في عربيتك والاسكودا طبعا عربية روعة مفيش ولا كلمة!

[Ahmed TRAVCO]

انتو بتتكلمو فى ايه بس .. شايفين العربيه دى اقسم بالله لا حد يقولى لابى ام فئه سابعه ولا مرسيدس S600 ولا اتخن عربيه فيكى يا مصر تاكل مع العربيه دى فى شد او جرى او تسارع او اى حاجه .. دى نيسان ماكسيما 2001 ...

يا ريس كلامك مؤكد، بس احنا بنتكلم هنا في عربيات 1600 مش الماكسيما اللي على ما اتذكر 3000cc و6 سلندر وفوق الـ200 حصان!!! طبعا حاجة مرعبة يعني!!

[omaranes77]

صديقي المواطن
قولا واحدا
في بس حقيقة غائبة عن البعض وهي إن الهيونداي الكوبيه الموجودة في مصر هي 1600 حتى الشعب الكوري في كوريا وشركو هيونداي مش بتحترمها وعاملاها للناس اللي عايزة منظر شبه رياضي سباقات بإمكانيات محدودة لكن لو كانت النسخة اﻷصلية ال 2700 فدي عربية وحش إنفجارية ولا تستطيع سكودا أن تقف أمامها ووفقك الله لما فيه الخير لك أنا بسوق بسرعة لكن بسوق لمتعتي الشخصية وليس ﻷشد مع اﻵخرين فإنت أكبر من كده وأنت أكبر من إن أي حد يستفزك ويجرك لسباق مضاره أكثر من منافعه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا لمرورك حضرتك انا مابقلش من العربية العربية جميلة بس تقريبا الحصنة بتاعتها بلدي شكرا لمرورك

[omaranes77]

يا جماعه بتختلف حسب الشخص الى بيسوق و قلبه ميت ولا غبى ولا محترف ولا ايه بالظبط و هل اخره يدوس بنزين و خلاص و لا professional
و ليه فى toe and heel downshifts و الحاجات الجامده دى ولا ايه و العربيه اوتو ولا مانوال و dual clutch ولا عادى و الطريقه الى بيعدى بيها الملف
باقصى acceleration بدون فقد كبير فى ال stability لو سايق عربيه معينه مهتم بصيانتها و ايده فى العربيه على طول و العربيه بتطلع اقصى قدره ليها ولا لا حتى الكاوتش بيفرق فى ال handling و ال performance بجزء بسيط لكن جزء بسيط على جزء بسيط يكون جزء كبير و فارق كام ثانيه عن الاداء الاصلى و اسباب تانيه كثير يخليك تاكل الطريق كله و تحط على عربيه معينه و تجى يوم تانى نفس الموديل و عربيه تانيه تحط عليك

كلامك كلوا علي راسي يا باشا انا عربيتي مانويل ومش عامل فيها اي تعديل وطبعا يا باشا هيجي يوم واتنفخ من عربية اكيد

[omaranes77]

دائما تقول قولا واحد يجيب من الاخر
وهذا مالزم بيانه ودمتم للنضال ومن نصر لنصر

شكرا لمرورك وطبعا بنتعلم من حضرتك

[omaranes77]

يا صديقي انا قصدي أؤكد على ان الثبات عندك هو اللي عمل الفرق وليس التسارع... آه انا عارف ان اقصى عزم عندك بيطلع على آر بي إم قليل بس برضه الهيونداي كوبيه جراية زيها زي كل الكوري وتتفوق على كتير منهم في الثبات لأنها عريضة وواطية + اني اعرف حد معاه العربية دي وبيشكر في ثباتها جدا...
مكنتش بحاول اقول اني احسن من الفانتازيا، انا بقول ان لو ثبات الكوبيه زيك كان جابك بسهولة (في رأيي)، واستشهدت باللي حصل بيني (شارك) وبين السيراتو على طريق السخنة لأني اللي متأكد منه ان موتوره اقوى في السحب ورغم ذلك بهدلته تماما ومعرفش يعدي غير قبل الكارتة بشوية لما انا قررت اهدي... السبب زي ما بقولك الثبات مش قوة موتور عربيتي عن عربيته... هو كان بيخاف ياخد الملفات على 180 و 190 زيي فكنت بفرق عنه كتير ثم لما يحاول يقرب المسافة شوية تلاقينا داخلين ع الملف اللي بعده ونرجع زي الأول...
في نفس الوقت كنت بقولك ان الياباني فيه عربيات محترمة جدا جدا ولو حضرتك نزلت من الـa4 وركبت شارك او سيفيك او مازدا3 هتلاقي العربيات دي متقلش في الثبات تقريبا بل ربما تتفوق بقى في التسارع كمان، طبعا ناهيك عن الإمبريزا وثباتها المتوحش!!
ربنا يباركلك في عربيتك والاسكودا طبعا عربية روعة مفيش ولا كلمة!

ربنا يكرمك كلام ممتاز بس اعتقد كدا انة عيل توتو عشان خية وراية وكفي الزينون بس تقريبا لو كونا علي طريق كبير كان نفخني بس الشهادة للة na كلوا كنت مرماطوا

[omaranes77]

انتو بتتكلمو فى ايه بس .. شايفين العربيه دى اقسم بالله لا حد يقولى لابى ام فئه سابعه ولا مرسيدس S600 ولا اتخن عربيه فيكى يا مصر تاكل مع العربيه دى فى شد او جرى او تسارع او اى حاجه .. دى نيسان ماكسيما 2001 ...

اخ jaugar اخ عزيز طبعا ياباشا بس برددة اكيد في عربية تقاعدها علي جنب وهنروح بعيد لية a4 تقعادها علي جنب هههههههعه

[svneleven]

أنا سوقت الكوبيه ديه مع واحد قبل كده كانت صوت علي الفاضي لا جري و لا نيلة مع انه كان محافظ عليها و شكلها نضيف.

[saddam]

انتو بتتكلمو فى ايه بس .. شايفين العربيه دى اقسم بالله لا حد يقولى لابى ام فئه سابعه ولا مرسيدس s600 ولا اتخن عربيه فيكى يا مصر تاكل مع العربيه دى فى شد او جرى او تسارع او اى حاجه .. دى نيسان ماكسيما 2001 ...

صديقي المواطن
رغم تحفظي الشديد على كلامك ولكن الماكسيما 2001 بالذات أشرف ما أنتجت نيسان والموديل الذي قبله تعبان وما بعده تعبان وده فلته من فلتة الزمان شكلا وأداءا وموضوعا وهي تعتبر أحسن نيسان على اﻹطلاق بعد أرمادا وإنفينيتي كيو إكس 56 وأتمنى في يوم أرجع وأضم وحدة لمجموعتي في مصر 2001 بالذات حكون سعيد وسأزداد فخرا ويا ربي ييجي يوم وأتكعبل فيها في مزاد أو توقع أمامي وحده أخلص فيها وربك المستعان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال