أسعار وكماليات اوكتافيا a7 1600 cc 2015

[K.Ossama]

ع مااعتقد من وجهة نظري بالماتور mpi 110 اللي هينافسها الاسترا والكورولا والفولينس والامبريزا صح كلامى ولا ؟؟؟

تمام
بس الكلام يمشى على ال1.6 و1.4. الاتنين فئة واحدة المفروض ينافسوا نفس العربيات

[moody_687]

يعنى مينفعش نقارنها بالانسيجنيا وال 508 عشان صديقي عملي وش وبيطخ كلام وعنده الاسكودا ملهاش مثيل قصاد اى عربية حتى وهى سعرها 190 الف وفاضية بيلاقي مبرر لشراء الناس ليها مع ان مبلغ 190 الف ج يركبه احسن عربية كاملة زى الفوكاس والاسترا والفولينس

[K.Ossama]

يعنى مينفعش نقارنها بالانسيجنيا وال 508 عشان صديقي عملي وش وبيطخ كلام وعنده الاسكودا ملهاش مثيل قصاد اى عربية حتى وهى سعرها 190 الف وفاضية بيلاقي مبرر لشراء الناس ليها مع ان مبلغ 190 الف ج يركبه احسن عربية كاملة زى الفوكاس والاسترا والفولينس

لا طبعاً.........
الإنسيجنيا وال508 فئة أعلى بلا شك
دول فئة السكودا سوبيرب.

[moody_687]

تمام مانا قولتله كده هو يقاوحنى واقوله الاوكتافيا فئة سيدان متوسطة والانسيجنيا فئة سيدان كبيرة ومصمم ع انها تنافسها

[echo7]

الفئه التانيه فيها مرايات ضم وسعرها 225 الف انا لسه سائل بالتليفون

[arizaro]

الفئه التانيه فيها مرايات ضم وسعرها 225 الف انا لسه سائل بالتليفون

دی الtsi مش ال 1600

[echo7]

بالنسبة للاوبشن قليل ع 190 الف ج ؟؟!!!
انا بصيت ع الدركسيون مفهوش مالتي وصغير قوي ولا فيها مخدع
معلش انا عايز اعرف الناس اللي بتدفع 190 الف ف عربية فاضية بالمنظر ده هل بيدفعوا عشان الماتور ابو 110 حصان ولا بيدفعوا عشان خاطر اسم سكودا وانه لو فكر يبيع يلاقي اللي يشترى ولا عشان اى حد يقدر يتعامل ف صيانتها وانها مش معقدة ميكانيكيا ؟؟؟

نفس الي جه في دماغي اول مشفتها.ادفع 190الف في عربيه فاضيه وكل ده علي شان الماني و سكوداوسهوله البيع

[mohameddawoud]

فية 190 الف اسمها (active )
جميع الكماليات ماعدا
1-كاسيت سى دى
2-لايوجد سنسور بارك
3-جنوط حديد (طاسة)
4-طارة عادية_(بدون مالتى فنكشن)

فئة 214 الف اسمها (ambition)

بها كاسيت تاتش سكرين
سنسور بارك
جنوط اسبور مقاس 16 بوصة
طارة مالتى فنكشن

فئة 262 الف اسمها (elegance)
ليد امامى
زينون
بخاخات فوانيس
المفتاح الذكى
كرسى السائق فقط كهرباء
فتحة سقف بانوراما
سنسور بارك امامى وخلفى
3 مخادع راس خلفية
جنوط اسبور مقاس 16 بوصة
كاسيت نفس الفئة الثانية
فرش جلد مقلوب (عامل زى القطيفة)

هو الفئه التانيه التكييف مانيوال ولا اوتوماتك

[K.Ossama]

هو الفئه التانيه التكييف مانيوال ولا اوتوماتك

مانيوال

[احمد صلاح]

skoda octavia 1.4 turbo

السلام عليكم
انا جبت السياره من قطر و انا الان في الامارات و طبعا 1.4 تيربو فتيس dsg 7 سرعات. انا عارف ان كل الي بيقول ان ال 1600 احسن اكيد مركبش السياره بالماتور التيربو. يا جماعه السياره سحبها ما شاء الله ررهيب ولا يوصف و لشد بيها مع اي سياره الماني و ما شاء الله بجد جبااااره

[waelamin123]

حضرتك عندك طرق زحمة وعندك بنزين سئ طبعا ﻻ يبقى العربية دية ممتازة معاك

[smartmina]

اوكتافيا a7 سعر اول فئة عمال بيزيد من 190 ل 192 ل 195 الف و بعدين يا حدعان انا لسة هشتري اول السنة هتوصل لكام؟!!!! الغريب ان لقيت معرض بيبيع نفس العربية ب 188 الف و تسليم فوري !! حد فاهم حاجة يفهمني و النبي..

[smartmina]

الاصدقاء الاعزاء اعضاء المنتدي .
. حد جرب معرض سيارات اسمه الحجاز في ميدان الحجاز و فرع تاني في النزهة .. عارض اوكتافيا ش7 اول فئة ب 188 الف مع العلم اني سائل الاسبوع دة في نور الدين بالاسكندرية كان السعر 195 الف!! الصراحة مقلق ليكون السعر دة ربط دماغ!! او فية حاجم مش مظبوطة مع العلم ان الاستلام عندة فوري ..
يا ريت لو حد اتعامل معاه قبل كدة يفيدني .. شكرا :b4_007:

[خالد سليمان]

مش نفس الموتور
موتور الفانتازيا 8 صمام 102 حصان (مش 105)
إللى نازل دلوقتى فى a7 موتور 16 صمام 110 حصان

يا جماعة بعد اذنكم انا عايز اعرف هل الموتور القديم ال1600 حد جربه مع ال2015 اوكتافيا وهل الموتور ضعيف بالنسبة للسيارة والسحب عامل ايه؟

[nelraheb]

لو سمحتم هل يستطيع احد ان ينفى او يؤكد ان الاوكتافيا الجديدة 2015-2016 لديها ناقل dsg مع مسح الاسم من على العصا ؟؟ بمعنى هل هى اوتوماتيك عادى هيدروماتيك ام اسطوانة و دبرباج .... سبب السؤال ان هناك dsg 7 نقلات و اخر 6 نقلات و اريد التأكد ان السيارة الجديدة لن تظهر بها نفس العيوب لكن بعد مدة اطول