أسعار وكماليات اوكتافيا a7 1600 cc 2015

[Mohamed.Hany]

ايوه قرات طبعا المقارنه دی و متهيالی انا كاتب انی الی عامل المقارنه عامل المقارنه من ناحيه الكامليات فقط و مش عامل من ناحيه الحاجات الاهم بالنسبالی الثبات و العزم و و و مافيش حاجه اسمها سايبها للاعضاء :d
و بالنسبه انی حضرتك بتريحنی انی الاوكتافيا فيها كل متعه القياده فا انا بتمنی كده :d
و اهلا بيك يا باشا انا مهما اختلف مع حد بحترموا و اقدره و شكرا

الاراء للملاك و ليس للاعضاء حضرتك ممكن متكونش اخدت بالك انا كاتب ايه كويس .

مواصفات موتور العربيتين موجودين و حضرتك تقدر تعرف العزم و التسارع اخبارهم ايه.

اما بالنسبة للثبات في معلومات عن ابعاد قاعدة العجلات و الوزن هي فقط مؤشرات علي الثبات و لكن الثبات الفعلي يقاس بالتجربة و متنساش ان السكودا كانت Multi Link و التوكيل استرخص و خلاها Torsion Beam و ده هيقلل من ثباتها جدا لو بتقارن الفانتازيا .

[arizaro]

هو حضرتك متخيل ان كلمة زي دي هتمنع حد عن عربية معينة !!
علي كدة بقي الكلام اللي حضرتك كاتبه يضر بسمعة العربيات دي و بكدة تبقي غلطان و هتقلل مبيعاتهم بنفس منطقك :
"باشا الفولكس مش موجوده برضوا الی هی تضرب تويتا و العربياات الی انت كاتبها 100 مره و السكودا برضوا مش بتقارن بالتويتا "
"العربيه لا يختلف عليها اتنين اساسا و احسن من تويتا الجديده طبعا "

اللي حضرتك لغاية دلوقتي مش عاوز تقولي احسن في ايه :)

عموما محدش له مصلحة ان العربية دي تتباع و لا دي تتركن احنا في النهاية مستهلكين مش بياعين و لا تجار و الهدف من المنتدي هو الحوار الراقي المتحضر لأفادة الناس كلها و كل واحد يقول رأيه بدون تجريح حد و لو حضرتك شايف ان الكلمة دي هتأثر طيب يا سيدي و لا تزعل نفسك من الكلام اللي قاله خالص و اعتبره مقالوش وانا بقولك الاوكتافيا فيها كل متعة القيادة و رمضان كريم :)

اما بخصوص المقارنة التفصيلية الواقعية بالاسعار للعربيتين فموجودة طبعا بس اللي يدور :)

http://www.nilemotors.net/nile/426253-2015-a7-2015-a-4.html

يبقي فقط اراء الملاك في الثبات و العزل و التسارع .

كل سنة و انت طيب و اتمني منك سعة صدرك لأي حد مختلف معاك في الرأي و اختلاف الرأي لايفسد للود قضية مش كدة ولا ايه ؟

يا باشا هل انا مالك عربيه المانی اروح ادخل علی ركن العربيات اليابانی اقول سيبكوا من و من خليك فی كذا هل حضرتك مش هترد عليا هتقولی علی فكره دی احسن 100 مره من الالمانی انا بقول مثلا طبعا اليابانی ميجيش حاجه جنب الالمانی
و بالنسبه انی قلت لحضرتك تجربتی للعربيتين فوق مش ده كده قلت احسن فی اي من وجهه نظری المتواضعه الی ممكن ای حد يغلطنی فيها عادی و دی مقارنه مصغره متكلمناش عن الثبات و كده و حضرتك اكيد عارف مين الی يكسب فی النقطه دی برضوا :d
خلينا كده نرجع كام سنه لورا للتويتا الشكل القديم و الفانتازيا و نعمل مقارنه بي العربيتين اظن الفرق كان جامد جدا
الی حصل السنادی انی التويتا قللت الفرق ده صح ولا ا يه ؟ ده معناه انی فی لسه وقت كبير لحد ما التويتا توصل او تكسب الاوكتافيا فی حاجات كتير مع ان التويتا السن دی كسبت االاوكتافيا فی نقط معينه بس لسه تتعداها
يا ر ب تكون فكرتی وصلت و انا مش قصدی اقلل من عربيه معينه والله لان ماليش ا مصلحه

تحياتی يا محمد باشا

[arizaro]

CarAdvice | Expert reviews, Independent advice, Videos and Owner Reviews ده من اشهر المواقع السيارات جرب تشوف التويا و الاوكتافيا و شوف دی واخده تقييم كام و دی تقييم كام

[mostafa3000]

الاراء للملاك و ليس للاعضاء حضرتك ممكن متكونش اخدت بالك انا كاتب ايه كويس .

مواصفات موتور العربيتين موجودين و حضرتك تقدر تعرف العزم و التسارع اخبارهم ايه.

اما بالنسبة للثبات في معلومات عن ابعاد قاعدة العجلات و الوزن هي فقط مؤشرات علي الثبات و لكن الثبات الفعلي يقاس بالتجربة و متنساش ان السكودا كانت Multi Link و التوكيل استرخص و خلاها Torsion Beam و ده هيقلل من ثباتها جدا لو بتقارن الفانتازيا .

ياريت قبل ما تقول ان عفشة الآوكتافيا الجديدة قللت من ثباتها جداً عن الفنتازيا
تحاول تجرب العربية الاول بدلا من نقل كلام مرسل
يا فندم أنا مجرب a4 و a5 و الفنتازيا وa7
واقدر اقول لحضرتك ان الثبات الخاص بالاوكتافيا واحد
اما بالنسبة لمقارنتها بالتويوتا
هيقول لحضرتك ان اللي ركب اوكتافيا ومتعود عليها هو الوحيد اللي هيقولك أنة ما ينفعش بتقارنو ببعض

[Mohamed.Hany]

يا باشا هل انا مالك عربيه المانی اروح ادخل علی ركن العربيات اليابانی اقول سيبكوا من و من خليك فی كذا هل حضرتك مش هترد عليا هتقولی علی فكره دی احسن 100 مره من الالمانی انا بقول مثلا طبعا اليابانی ميجيش حاجه جنب الالمانی

وايه اللي يمنع تدخل في اي مكان تقول رأيك بأحترام و دي وجهة نظرك تحتمل الصواب او الخطأ و الاهم من ده تقدم حاجات ملموسة تدعم كلامك مش احسن و خلاص !!
انا عن نفسي لو حد دخل الياباني و قال سيبك من ده و خليك فده عمري ما هرد الرد ده لأن ده مش اسلوبي في الحياة ولا هو اسلوب حوار ده اسلوب استهزاء او خناق فقط لا غير ليس الغرض منه الحوار الراقي البناء اللي بندور عليه عشان نستفيد بعض .

متكلمناش عن الثبات و كده و حضرتك اكيد عارف مين الی يكسب فی النقطه دی برضوا :d
الی حصل السنادی انی التويتا قللت الفرق ده صح ولا ا يه ؟ ده معناه انی فی لسه وقت كبير لحد ما التويتا توصل او تكسب الاوكتافيا فی حاجات كتير مع ان التويتا السن دی كسبت االاوكتافيا فی نقط معينه بس لسه تتعداها

معلش حضرتك بتتكلم عن الماضي لما الاوكتافيا كانت بتنزل Multi Link الكلام ده انتهي خلاص الاوكتافيا نازلة Torson Beam مش عارف حضرتك فاهم الفرق ولا لأ .
طب بلاش دي حضرتك مش واخد بالك كمان ان السكودا خففو وزنها اكتر من 100 كج و بقت كمان اخف من الكورولا في الوزن !!
حضرتك متعرفش ان قاعدة عجلات الكورولا اكبر و ده يفرق في الثبات , طبعا الي جانب عوامل اخري بتساعد في الثبات .
ياريت حضرتك تراجع معلوماتك كويس في النقاط دي .
المهم ان حضرتك كل مرة مش بترد علي سؤالي ايه الفرق الكبير عشان الكورولا توصل للاوكتافيا انا مش بحب الجدال الكتير و بحب يبقي في ردود واضحة هنتظر رد من حضرتك و لو حضرتك برضو مش عاوز تديني ردود يبقي افضل انسحب من النقاش ده لأنه مش هيوصل لنهاية و ممكن يمتد لسنين قدام بدون جدوي .

CarAdvice | Expert reviews, Independent advice, Videos and Owner Reviews ده من اشهر المواقع السيارات جرب تشوف التويا و الاوكتافيا و شوف دی واخده تقييم كام و دی تقييم كام

دخلت بس للاسف ملقيتش السكودا و لا الكورولا اللي موجودين في مصر لأن اللي في الموقع هيا التيربو و الفتيس ال DSG و العفشة المالتي لينك , و طبعا مش هي دي الي موجودة في مصر خالص في فرق شاسع .
تحياتي لحضرتك

[Mohamed.Hany]

ياريت قبل ما تقول ان عفشة الآوكتافيا الجديدة قللت من ثباتها جداً عن الفنتازيا
تحاول تجرب العربية الاول بدلا من نقل كلام مرسل
يا فندم أنا مجرب a4 و a5 و الفنتازيا وa7
واقدر اقول لحضرتك ان الثبات الخاص بالاوكتافيا واحد
اما بالنسبة لمقارنتها بالتويوتا
هيقول لحضرتك ان اللي ركب اوكتافيا ومتعود عليها هو الوحيد اللي هيقولك أنة ما ينفعش بتقارنو ببعض

انا مش بقول كلام من فراغ ولا مرسل الفنتازيا و ال A7 التربو موجودين في شغلي Company Car و جربتهم بنفسي كذا مرة في طرق مختلفة و منهم طريق السخنة و طريق الجيش الشرقي لمسافة 450 كم و علي سرعات عالية و جبت بيها 190 بس التيربو طبعا و بقولك ان في فرق في الثبات مبين الفانتازيا و ال A7 و الفرق راجع لفرق العفشة و انهم قللو في الوزن حوالي 100 كج

[arizaro]

[QUOTE=Mohamed.Hany;3875667877]وايه اللي يمنع تدخل في اي مكان تقول رأيك بأحترام و دي وجهة نظرك تحتمل الصواب او الخطأ و الاهم من ده تقدم حاجات ملموسة تدعم كلامك مش احسن و خلاص !!
انا عن نفسي لو حد دخل الياباني و قال سيبك من ده و خليك فده عمري ما هرد الرد ده لأن ده مش اسلوبي في الحياة ولا هو اسلوب حوار ده اسلوب استهزاء او خناق فقط لا غير ليس الغرض منه الحوار الراقي البناء اللي بندور عليه عشان نستفيد بعض .


هوا ايه الرد الی انا رديتوا يخليك تقول كل ده انا مردتش باسلوب وحش ولا حاجه ؟
حضرتك قلت معلومات دلوقتی انی قاعده العجلات و مش قاعده العجلات و تورشيم بيم و كده ، حضرتك سوقت ال a7 و الفانتازيا ؟؟

[arizaro]

انا مش بقول كلام من فراغ ولا مرسل الفنتازيا و ال A7 التربو موجودين في شغلي Company Car و جربتهم بنفسي كذا مرة في طرق مختلفة و منهم طريق السخنة و طريق الجيش الشرقي لمسافة 450 كم و علي سرعات عالية و جبت بيها 190 بس التيربو طبعا و بقولك ان في فرق في الثبات مبين الفانتازيا و ال A7 و الفرق راجع لفرق العفشة و انهم قللو في الوزن حوالي 100 كج

انا ركبت مع صاحبی a7 كنا علی طريق الصحراوی و جايب 219 و ماشی ولا فی حاجه من الی حضرتك بتقولها انها اقل ثباتا و كده

[Mohamed.Hany]

[QUOTE=arizaro;3875667887]

حضرتك قلت معلومات دلوقتی انی قاعده العجلات و مش قاعده العجلات و تورشيم بيم و كده ، حضرتك سوقت ال a7 و الفانتازيا ؟؟

بص حضرتك علي التعليق السابق و انت تعرف الرد.
وبأكد لحضرتك مرة تانية انا مش بهاجم العربية ولا بقول انها مش ثابتة , لكن بحكم لسواقتي للفانتازيا بعتبرها Bench Mark في الثبات و بقولك بمنتهي الثقة و بالتجربة في فرق مبين الفانتازيا و ال A7 بس ده مش معناه انها اقل بكتير لكن هي مش زيها و بنفس الجمال .

[arizaro]

ايوه مانا بتكلم فی كده الفانتازيا كان ثبات ولا اروع الشركه مش غبيه عشان تنزل الموديل الاحدث و مش ثابته زی الفانتازيا الی كان وقتها الكورولا بتجيب 130 بتعوم و عن تجربه :d

[Mohamed.Hany]

ايوه مانا بتكلم فی كده الفانتازيا كان ثبات ولا اروع الشركه مش غبيه عشان تنزل الموديل الاحدث و مش ثابته زی الفانتازيا :d

الشركة مش غبية ارتوك اوتو وكيل سكودا هو اللي بيوفر و اختار سيتب العفشة دي عشان يعرف يبيع .
برضو حضرتك مرضتش علي سؤالي ؟

[mostafa3000]

انا مش بقول كلام من فراغ ولا مرسل الفنتازيا و ال a7 التربو موجودين في شغلي company car و جربتهم بنفسي كذا مرة في طرق مختلفة و منهم طريق السخنة و طريق الجيش الشرقي لمسافة 450 كم و علي سرعات عالية و جبت بيها 190 بس التيربو طبعا و بقولك ان في فرق في الثبات مبين الفانتازيا و ال a7 و الفرق راجع لفرق العفشة و انهم قللو في الوزن حوالي 100 كج

ياريت يا باشمهندس تراجع كلامي لأني مقولتش انك بتقول كلام فارغ او مرسل لاسمح اللة
وحضرتك أنا مجرب الاوكتافيا بكل فئتها من 2003 الي الان وبالتالي أكيد هيكون كلامي بناء علي تجربة مش سواقة 500 كم او تجربة مع صديق

[Mohamed.Hany]

ياريت يا باشمهندس تراجع كلامي لأني مقولتش انك بتقول كلام فارغ او مرسل لاسمح الله
وحضرتك أنا مجرب الاوكتافيا بكل فئتها من 2003 الي الان وبالتالي أكيد هيكون كلامي بناء علي تجربة مش سواقة 500 كم او تجربة مع صديق

استاذ مصطفي انا فعلا راجعت كلامك :

1. انا مقولتش كلام فارغ انا قولت "مش بقول كلام من فراغ" في فرق كبير صح :) ؟
2. حضرتك قولت اني بقول كلام مرسل , هو ده مش كلام حضرتك برضو :
"ياريت قبل ما تقول ان عفشة الآوكتافيا الجديدة قللت من ثباتها جداً عن الفنتازيا
تحاول تجرب العربية الاول بدلا من نقل كلام مرسل"

[mostafa3000]

استاذ مصطفي انا فعلا راجعت كلامك :

1. انا مقولتش كلام فارغ انا قولت "مش بقول كلام من فراغ" في فرق كبير صح :) ؟
2. حضرتك قولت اني بقول كلام مرسل , هو ده مش كلام حضرتك برضو :
"ياريت قبل ما تقول ان عفشة الآوكتافيا الجديدة قللت من ثباتها جداً عن الفنتازيا
تحاول تجرب العربية الاول بدلا من نقل كلام مرسل"

ولا تزعل نفسك خالص واعتبر حضرتك أني ماردتش عليك في حاجة
بس ياريت تهدي شوية إحنا بنكلم علي عربيات وشوية حديد يعني

[Mohamed.Hany]

بس ياريت تهدي شوية إحنا بنكلم علي عربيات وشوية حديد يعني

انا هادي جدا و مستغرب ان حضرتك بتقولي اهدي :) لا شئ يستدعي العصبية في النقاش ده نهائيا :)
و هو ده اللي انا قايلة من ساعتين دول شوية حديد في حديد مش مستاهلة كل الكلام ده .
و كل سنة و انت طيب