كل مــا تريــــد معرفته عن الأوكتـــافيــــا A4

[د./اليشع ثابت]

شكرا علي المعلومه
اصل في ناس هنا في المنتدي هما الي قالولي المعلومه ديه

يا غالى لا شكر على واجب
وان كان فية شكر يبقى ليك انت يا بك
لانك بجد الى تعبت معانا جدااااااااااااااااااااا
وربنا يوفقك دائما إن شاء الله

[spider6666]

انا عندي مشكلة في العربية بتحصل ومش عارف القالها حل
كل لما آجي اهدي العربية وانا داخل على اشارة او قبل ما توقف العربية بتروح العربية مبطلة مني مع العلم انها ما كانيتش بتعمل كده في الصيف ولكن اول ما دخل الشتا وهيه بتعمل كده معايا...ده بقة يبقى ايه
وعندي مشكلة في الفرامل مع اني غيرت طنابير وتيل وغيرت كمان ماستر العجلة الخلفي عشان كان بيجيب زيت وجبته اصلي وبقى تمام بس بعد اسبوعين لقيت انه الفرامل بتوطى معايا برضه مع العلم بان السيارة موديل 98 اوتوماتيك اوكتافيا A4
ممكن حد يفيدني ايه السبب؟

[د./اليشع ثابت]

انا عندي مشكلة في العربية بتحصل ومش عارف القالها حل
كل لما آجي اهدي العربية وانا داخل على اشارة او قبل ما توقف العربية بتروح العربية مبطلة مني مع العلم انها ما كانيتش بتعمل كده في الصيف ولكن اول ما دخل الشتا وهيه بتعمل كده معايا...ده بقة يبقى ايه
وعندي مشكلة في الفرامل مع اني غيرت طنابير وتيل وغيرت كمان ماستر العجلة الخلفي عشان كان بيجيب زيت وجبته اصلي وبقى تمام بس بعد اسبوعين لقيت انه الفرامل بتوطى معايا برضه مع العلم بان السيارة موديل 98 اوتوماتيك اوكتافيا A4
ممكن حد يفيدني ايه السبب؟

فينك يا حبيبى يا رامى كينج الاوكتافيا
اخونا سبايدر مزنوق فى مشكلة
منتظرين طلتك الجميلة
اوكى يا باشا

[lawyer2006]

كل معارض العربيات اكدو ان من سنة 2008 مفيش اوكتافيا 4 اتوماتيك بضمان الوكيل يمكن فيه منها خليجي علي ما اعتقد

[Mostafa Hessen]

طيب ما انا بشوف كتير A4 فى المعرض
ازاى مفيش 2008

[ramylanos]

accesories w cataloge w soon wait el manual

http://rapidshare.com/files/177827050/octavia.rar.html

[ramylanos]

انا عندي مشكلة في العربية بتحصل ومش عارف القالها حل
كل لما آجي اهدي العربية وانا داخل على اشارة او قبل ما توقف العربية بتروح العربية مبطلة مني مع العلم انها ما كانيتش بتعمل كده في الصيف ولكن اول ما دخل الشتا وهيه بتعمل كده معايا...ده بقة يبقى ايه
وعندي مشكلة في الفرامل مع اني غيرت طنابير وتيل وغيرت كمان ماستر العجلة الخلفي عشان كان بيجيب زيت وجبته اصلي وبقى تمام بس بعد اسبوعين لقيت انه الفرامل بتوطى معايا برضه مع العلم بان السيارة موديل 98 اوتوماتيك اوكتافيا A4
ممكن حد يفيدني ايه السبب؟

هيا بتأخر في الدوران معاك الصبح ؟؟

ولما بتبطل منك وانت داخل علي الاشاره بتبطل مره واحد ولا بتبرجل وبعد كده بتبطل؟

[ramylanos]

ممكن تتحكم في ارتفاع وانخفاض المصابيح الاماميه من الداخل
والتحكم في ارتفاع وانخفاض اضاءه العدادات

العربيه وزنها فارغه 1790 ده للمانويل وللاوتوماتك تقريبا 1850
وده طبعا وزن تقيل بالنسبه للعربيات الكوري والياباني
وبيدي الوزن ده ثبات خيالي علي الطرق السريعه مع العلم ان الموتور قادر علي وزن السياره

ضبط عجله القياده ممكن ترفعها اوتنزلها او تدخلها لجوه او تتطلعها لبره
معدل استهلاك الوقود 7.1 لكل 100 كيلو متر
التسارع من صفر/100 كم 11.8 ثانيه لمانويل

انا غلطت وانا بكتب وزن العربيه
الوزن الاجمالي (مش فارغه) 1790 للمانويل

[spider6666]

لا هيه ما بتبطلش معايا الصبح وانا بسخن
هيه بتبطل معايا زي ما قولتلك لما بهدي وانا داخل على اشارة واقلل السرعة وما بتتبرجلش خالص ..دي فجاة بتطفي
ممكن يكون السلانسيه مثلا...في ناس بتقولي كده وانا عاوز اتاكد

[KHALED AYMAN]

فعلا مفيش a4 اوتو بضمان الوكيل كل الى موجود منها مانيوال انما الاوتو ده بيكون خليجى.

[karimone]

فعلا مافيش اتوماتيك بضمان الوكيل و ده من 2008 انا سألت بنفسي في ارتوك اللي في مدينة نصر

[د./اليشع ثابت]

فعلا مافيش اتوماتيك بضمان الوكيل و ده من 2008 انا سألت بنفسي في ارتوك اللي في مدينة نصر

عموما يا جماعة مش هو دة المشكلة
اى كان الموديل بس هى نفس الكماليات و نفس الامكانيات
احنا موضوعا الاساسى
لو ليها عيوب او مشاكل بتظهر فى الفتيس الاوتوماتيك
و كمان توافر قطع الغيار و اسعارها و هكذا
مش المشكلة ان الاوتوماتيك انتهى موديل كام
صح ولا اية يا رجالة
ولكم منى كل الحب و التقدير

[ramylanos]

لا هيه ما بتبطلش معايا الصبح وانا بسخن
هيه بتبطل معايا زي ما قولتلك لما بهدي وانا داخل على اشارة واقلل السرعة وما بتتبرجلش خالص ..دي فجاة بتطفي
ممكن يكون السلانسيه مثلا...في ناس بتقولي كده وانا عاوز اتاكد

لو كانت بتبطل الصبح منك كنت هقولك نضف البوابه
ولو كانت بتبرجل كنت هقولك الفتيس في حاجه
لكن العيب الي عندك بصراحه معداش عليا قبل كده

[M.Nasr]

الاوكتافيا الِa4 اكتر من رائعة انا واحد من المعجبين بالعربية دى جدا ومقتنع بيها تماما
انا جربت سواقتها اكتر من مرة ووالدى معاه المانيوال منها بجد ثبات اكتر من رائع على الارض عربية لها وزنها على الطريق تصميمها كلاسيكى وشكلها جميل جدا وان كان الشكل ده اذواق
بس عشان اكون صريح هى عيبها اللى لاحظته هو مساحة الرؤية الخلفية صغيرة جدا وساعات كتير بتضايقنى لما ارجع بيها لورا بالذات فى الركن لكن مع التعود مش هتبقى مشكلة خالص الواحد هيحفظ ابعادها وخلاص

[ramylanos]

الاوكتافيا الِa4 اكتر من رائعة انا واحد من المعجبين بالعربية دى جدا ومقتنع بيها تماما
انا جربت سواقتها اكتر من مرة ووالدى معاه المانيوال منها بجد ثبات اكتر من رائع على الارض عربية لها وزنها على الطريق تصميمها كلاسيكى وشكلها جميل جدا وان كان الشكل ده اذواق
بس عشان اكون صريح هى عيبها اللى لاحظته هو مساحة الرؤية الخلفية صغيرة جدا وساعات كتير بتضايقنى لما ارجع بيها لورا بالذات فى الركن لكن مع التعود مش هتبقى مشكلة خالص الواحد هيحفظ ابعادها وخلاص

كلامك صح بالتعود هتعرف ابعادها
انا اول ما جبتها كنت بضايق وانا بركنها لكن بعد كده يدوب المح في المرايا