الـ epc حيجننى

[ahmedyehia515]

مساء الخير،

زى ما كل السكوداوية عارفين، فى لمبة فى تابله السكودا اسمها EPC انا بقالى سنة دايخ مع اللمبة ده. لما تنور العربية بتقلب توكتوك و الله العظيم فابيا 1400 سى سى التسارع بيبقى 0-100 فى حوالى 10 دقايق و اقصى سرعة 110. ساعات لما تنور بيكون فى لمبة فرامل محروقة و أول ما تتغير، الأمور ترجع سليمة بس عمرى ما فهمت إيه علاقة لمبة الفرامل بسحب العربية, و ساعات تانية بيكون بوجيه محروق. طبعاً ازاى بعرف السبب, بدور فى العربية على حاجة حاجة و أشوف ايه اللى بايظ. دلوقتى اللمبة منورة و دورت فى لمبة الاستوب و اللمض بوجه عام كله تمام، البوجيهات سليمة. العربية بتاخد 3-5 ثوان عشان تحس بدوسة البنزين و على السلانسيه الار بى ام بيكون بيرعش. الموضوع ده بيحصل لما أطلع بالعربية و احاول أكبس بنزين و مؤشر الحرارة لسه موصلش للنص. طبعاً الكشف بالكومبيوتر غير مجدى بالمرة عشان كل اللى هو بيعملوا انا بيشيل الerror و ده حل مؤقت. مهندس التوكيل قاللى انه فى مشكلة فى الضفيرة و انو فى سلك متاكل و عشان يعرفه لازم يمشى ورا كل سلك فى الضفيرة ( يعنى حيفك العربية كلها) و طبعاً ارتوك مش التوكيل اللى أسيبله العربية يعمل فيها كده.

أنا عارف انى طولت عليكم بس بجد ياريت أى حد عنده معلومة فى الموضوع ده يقولها عشان انا عارف ان الموضوع ده قارف ناس كتير

[hugan]

انا مليش علاقه لان عربيتي اسبرانزا516 ها ارد عليك لا ني عندي نفس المشكله وعرفت من المهندس في التوكيل ان لمبه الepc هي الخاصه بكمبيوتر السياره وعندما تنور معناه ان في خلل في السياره وبالتلي الكمبيوتر يخللي السياره تبرجل واعتقد ان ده سبب اللغبطه اللي بتحصل معاك والله اعلم

[ahmedyehia515]

انا مليش علاقه لان عربيتي اسبرانزا516 ها ارد عليك لا ني عندي نفس المشكله وعرفت من المهندس في التوكيل ان لمبه الepc هي الخاصه بكمبيوتر السياره وعندما تنور معناه ان في خلل في السياره وبالتلي الكمبيوتر يخللي السياره تبرجل واعتقد ان ده سبب اللغبطه اللي بتحصل معاك والله اعلم

معنى كلامك انو لازم "اضبط كمبيوتر العربية" ، طب حد عنده فكرة ميين فييكى يا محروسة يقدر يضبط كمبيوتر العربية ؟؟

[albigboss]

لو أنت من الاسكندرية فيه أكتر من واحد وكلهم ممتازين ولكن لو من قاهرة المعز أنا صفر

[ahmedyehia515]

لو أنت من الاسكندرية فيه أكتر من واحد وكلهم ممتازين ولكن لو من قاهرة المعز أنا صفر

اجدع ناس

بس هل فعلاً ضبط العربية بالكومبيوتر بيفرق فى الأداء و ممكن يسبب البرجلة ده ؟؟

[ahmedyehia515]

النهاردة بالصدفة لقيت لمبة فلاشر محروقة و طلع ان الدواية بتاعتها هى اللى بايظة و غيرتها، ممكن يكون ده السبب ان الepc منور و مأثر على الأداء بس برده أيه علاقة لمبة الفلاشر باداء العربية

[hugan]

الموضوع ليس له علاقه بتظبيط الكمبيوتر كل المقصود انه عند حدوث اي عطل من اي نوع في السياره يتم معرفه الكمبيوتر به وبما انه المتحكم في ادا السيارهوبيسجل انه في خلل في جزء من السياره فباالتا لي يوء ثر علي ادئها فيجب اصلا ح الخلل وعندها يتم اطفا اللمبه والله اعلم

[ahmedyehia515]

الموضوع ليس له علاقه بتظبيط الكمبيوتر كل المقصود انه عند حدوث اي عطل من اي نوع في السياره يتم معرفه الكمبيوتر به وبما انه المتحكم في ادا السيارهوبيسجل انه في خلل في جزء من السياره فباالتا لي يوء ثر علي ادئها فيجب اصلا ح الخلل وعندها يتم اطفا اللمبه والله اعلم

قبل أى حاجة، انا عايز اشكرك على وقتك و مجهودك

أنا قصدى انه العطل ده المفروض يأثر على الحاجات المتعلقة بيه بس، يعنى لو طرمبة البنزين كهربتها مش مضبوطة، يبقى منطقى جداً انو سحب العربية يتأثر بس ميكانيكياً المفروض اللمبة المحروقة ملهاش علاقة بسحب العربية إلا لو وجود الـerror داه مأثر على كمبيوتر العربية و مخليه يهنج، فمثلاً مش عارف يضبط وقت الشرارة و ده اجيد حيأثر على السحب، الكلام ده شكلو منطقى بس صح ولا لأه يا ريت حد يقولى

[iBiZa]

الepc بتنور لاسباب كتير, منها لمبة محروقة او مشكلة فى دواسة البنزين الكهربا او مشكلة فى البوابة.

لازم تتحط على الجهاز عشان تعرف اية السبب بتاعها و طبعا مش لمبة هتخلى العربية تقطع.

و استبعد موضوع الضفيرة دة.

الموضوع دة موجود عندنا فى الVW و الSeat بس انا مشفتوش عشان مش بخش skoda كتير.

[د.محمود صلاح]

طيب ما تذهب بها للتوكيل ؟؟

[ahmedyehia515]

الepc بتنور لاسباب كتير, منها لمبة محروقة او مشكلة فى دواسة البنزين الكهربا او مشكلة فى البوابة.

لازم تتحط على الجهاز عشان تعرف اية السبب بتاعها و طبعا مش لمبة هتخلى العربية تقطع.

و استبعد موضوع الضفيرة دة.

الموضوع دة موجود عندنا فى الvw و الseat بس انا مشفتوش عشان مش بخش skoda كتير.

بس نظرياً لو ال epc منورة عشان لمبة محروقة،المفروض ده مالوش دعوه بالسحب او السرعة
بس اللى بيحصل غير كده، مهما كان السببو السحب و سرعة استجابة العربية لدوسة البنزين بيتأثر جامد

[ahmedyehia515]

طيب ما تذهب بها للتوكيل ؟؟

التوكيل بيعمل حاجة من اتنين، يشيل الerror و ده حل مؤقت عشان كلها يومين و يطلع تانى او يقولى ان الكاسيت هو السبب مع انى والله مركب كاسيت بايونير عادى جداً

[iBiZa]

بس اللى بيحصل غير كده، مهما كان السببو السحب و سرعة استجابة العربية لدوسة البنزين بيتأثر جامد

دية كدة يا دواسة بنزين يا البوابة.

[aHMED_19800]

كان عندي نفس المشكلة ورحت كشفت عليها عند واحد ف الحرفيين وقالي اكشف علي تقسيمة سير الكاتينة وغيرت معاها بوجيهات والحمد لله من ساعتها العربية تمام انا علي فكرة 1000 سي سي فابيا

[aHMED_19800]

كان عندي نفس المشكلة ورحت كشفت عليها عند واحد ف الحرفيين وقالي اكشف علي تقسيمة سير الكاتينة وغيرت معاها بوجيهات والحمد لله من ساعتها العربية تمام انا علي فكرة 1000 سي سي فابيا بس نصيحة بلاش التوكيل غير مفيد بالمرة وسعره نار وذلك عن تجربة