الـ epc حيجننى

[hugan]

فعلا المشكله ان اللمبه لماتنور العربيه بتبرجل لان الكمبيوتر بيسجل ان في ارور في العربيه علي طول العربيه تتلغبط ومن الواضح ان في اجماع ان كل الفنين في الطراوه وشغالين با جهزه ومش فاهمين فيها يار ريت لو في حد حل المشكله يقول لا ني تعبت من موضوع اللمبه والعربيه مش سكودا 516 اسبرانزا ومن الواضح انها مشكله عامه في معظم الماركات

[ahmedyehia515]

أنا اللمبة بقالها يومين مختفيه و الفرق الوحيد انى خلال اليومين دول كنت بتعمد انزل بدرى أوى عشان قبل الزحمة و بنقل على ار بى ام أعلى من المعتاد . فى العادى بنقل على 3 بس اليومين دول نقلت على 4 و ساعات 4.5 كمان.
أنا متأكد انو الموضوع ليه علاقة بالانجكشن فيمكن لما بحرق على العربية ، العادم بيخرج أسرع و بدرجة حرارة اعلى فبيسلك الأنجكشن. انا بس بحاول أفهم المشكلة جايه منين

[hugan]

أنا اللمبة بقالها يومين مختفيه و الفرق الوحيد انى خلال اليومين دول كنت بتعمد انزل بدرى أوى عشان قبل الزحمة و بنقل على ار بى ام أعلى من المعتاد . فى العادى بنقل على 3 بس اليومين دول نقلت على 4 و ساعات 4.5 كمان.
أنا متأكد انو الموضوع ليه علاقة بالانجكشن فيمكن لما بحرق على العربية ، العادم بيخرج أسرع و بدرجة حرارة اعلى فبيسلك الأنجكشن. انا بس بحاول أفهم المشكلة جايه منين

+1111111111 المشكله ان اللمبه بتنور بسبب عدم نضافه البوابه وكان الحل عندي اني اديها امباليه جامد لحد ال ار بي ام يوصل 6 مرات متتاليه وبعد كده فعلا الا قي اللمبه طفت وده الحل اللي انا توصلت اليه بعد معاناه

[ahmedyehia515]

انا اتكلت على الله انهارجع و رحت للميكانيكى و قلتله العربية مخنوقه و طبعاً هو مالوش دعوة باللمبة المنوره (epc) قاللى عايزين ننضف الانجكشن قلتله نضف لقيته جاب علبة اسبراى و فك الغطاء بتاع الموتور و فك فلتر الهوا و الماسورة بتاعته و قاللى دور و ابتدى يرش على البوابة اثناء ما انا كابس بنزين، لقيت العربية بطلع دخان من الشكمان و ابتدى صوتها يتحسن. اللمبة طفت و العربية بقت مظبوطة على السلانسيه.

اللى فهمته انو نضف مجرى الهوا اللى خارج من الموتور للشكمان و انو بسبب الفلتر السبور ( والله فلتر سيموتا ب 300 جنيه و بنضفه بالبلور كل اسبوع) اللى انا مركبه المجره ده بيتسد بسبب التراب اللى بيتحرق مع الهوا و لازم انضفه كل فترة بالاسبراى ده. يا ريت لو حد فاهم يوضحلى اكتر يعنى غيه تنضيف الانجكشن

الموضوع اتكلف 45 جنيه بس لو فعلاً طلع هوا الحل انا ناوى بعد كده أعمله لوحدى عشان علبة الأسبراى ب 20 ج فحرام على شوية الفك دول مصنعية 25 جنيه

التجربة الواقعية هتكون بكره على الطريق و ساعتها هيبان فعلاً اذا الموضوع ده حل المشكلة و لا بس اشتغالة تانية من الميكانيكية.

ربنا يسهل و ان شاء الله هكتب بكره الحالة بعد التنضيف

[hugan]

مش اشتغاله والدليل ان اللمبه طفت وفعلا البنزين في مصر سيء ومليان رواسب وتترسب علي البوابه ولما الراجل نزول الرواسب اللمبه تلقائي انطفت