كاوتش الكوبلن

[أحمد جودة]

السلام عليكم ورحمة الله وبركاتة

الموضوع باختصار شديد كاوتش الكوبلن لقيتها مقطوعة وبصراحة مش عاوز اروح للدكتور

هل ممكن الحم الكاوتشة دي ولا لازم تتغير ولا ممكن اغيرها بنفسي ومحتاج اية للتغير (( العدة ))

أن بفكر ألحمها مؤقتا لحد مايكون فية سبب لزيارة الدكتور واعملها بالمرة علشان العربية بتاعتي معندهاش رحمة من مشكلة لمشكلة ومن مصاريف لمصاريف واللى يغيظ الدلوعة مبتمشيش كتير يا دوب عاملة 4900 كيلو فى سنة و 4 شهور

ألحمها ولا لاء وألحمها بأرانديد البلاستيك بتاع الكهربا

[sakr_skoda]

يابوحميد بنفسك وبايدك شوف الدرس دا............ اللحام مبينفعش فيها جلد الكوبلان لا يقبل للذق باى حال من الاحوال يلفظ كل المواد الغريبة واللاذقه!!!!!!!!!!!!!!!!!!!.

http://www.nilemotors.net/Nile/343798-a.html

[أحمد جودة]

يابوحميد بنفسك وبايدك شوف الدرس دا............ اللحام مبينفعش فيها جلد الكوبلان لا يقبل للذق باى حال من الاحوال يلفظ كل المواد الغريبة واللاذقه!!!!!!!!!!!!!!!!!!!.

http://www.nilemotors.net/nile/343798-a.html

اشكرك يا عم صبحي بس من خلال الدرس فهمت انة ممكن تغير جلدة الكوبلن بدون فك

هحاول ابص علية انهاردة واحاول اركبها بنفسي وشكرا على المعلومة بتاعت عدم جدوي لصق الجلدة القديمة

[المنسي]

حاول تغيرها قبل ماتطير الكوبلن نفسه وهات شحم اسو علشان يستحمل معاك ومتهملش فيها

[eng.salama93]

هي المقطوعة عندك .. كاوتشه الشحم ولا كاوتشه الزيت ؟؟ هو ف الحالتين المفروض انها مبتتلحمش
انا دقت مرار ف الموضوع دا و الدكاتره بوظو الكوبلن من كتر الدق عليه

[aldesha989]

هى المشكلة انك علشان تحل الكوبلن هتشوف الويل لانى حليت الكوبلن كتير عندى الميكانيكى كذى مره لانى غيرت جوز الكبالن لان الباشا اللى كان معاهم العربيه قبلى لاعب فى الصلايب وبايظه وماكنش اعرف وكنت كل ما اطلع بتهبد هبد حمير وانا طالع لان الصلايب مبوشه وحتى مش عملها جلب حاطط لها سوست :d

فشوفت الويل فى الكبالن دى المهم علشان تحل الكبالن هتحل مسمارين المساعدين ومسمار الاسكترا من بيضه الطرف ولازم تدق عليه ولازم يبقى معاك حد جوا العربيه قبل ده كل علشان تحل صاموله الكوبلن بمسمار العجل وبعدين لازم يكون معاك لافيه علشان تطلع الكوبلن الداخلى لانه بيبقى معشق وبعدين بعد ده كله هتفك الكاوتشه وتفك كلبس الكوبلن علشان تعرف تطلع الكاوتشه القديمه وتركب الجديده بصراحه لو جت على 100 جنيه مقابل كل البهدله دى ف فى داهيه انا عارف ان العربيه لما بتزعلنا واحنا مزنقين دايق المرار بسبب الموضوع ده تيجى تعمل معاك نمر مش وقتها ربنا يعينك بس بدل ما الكوبلن يضيع حاول تخلص من الموضوع ده

[Maged_Samy]

لا ينفع الللحام اطلاقاُ ، وعلشان تغيرها بنفسك لازم تكون مش اول مرة ليك علشان هتفك الصامولة ال 30 و هتفك بيض الاسكترا وجهاز الفرامل ومسمار المساعد وهيطلع معاك عمود الكردان كامل و انصحك تتطلع كوتشة الكوبلن من ناحية الصليبة مش من ناحية الكوبلن علشان فك الكوبلن مشكلة والسوستة اللى مسكاه فى العمود لازم تتكسر لكن من ناحية الصليبة سهلة ومتنساش تحط شحم فى الكوبلن الداخلى اللى عند الصليبة .
بس لاحظ :
ممكن تلاقى صعوبة فى فك بيض الاسكترا ( لازم تدق عليه ) .
محتاج مكان تشتغل فيه براحتك ويكون بالنهار .
هات كاوتش اصلى قد الامكان ب 20 جنيه الواحدة .

[sakr_skoda]

هى المشكلة انك علشان تحل الكوبلن هتشوف الويل لانى حليت الكوبلن كتير عندى الميكانيكى كذى مره لانى غيرت جوز الكبالن لان الباشا اللى كان معاهم العربيه قبلى لاعب فى الصلايب وبايظه وماكنش اعرف وكنت كل ما اطلع بتهبد هبد حمير وانا طالع لان الصلايب مبوشه وحتى مش عملها جلب حاطط لها سوست :d

فشوفت الويل فى الكبالن دى المهم علشان تحل الكبالن هتحل مسمارين المساعدين ومسمار الاسكترا من بيضه الطرف ولازم تدق عليه ولازم يبقى معاك حد جوا العربيه قبل ده كل علشان تحل صاموله الكوبلن بمسمار العجل وبعدين لازم يكون معاك لافيه علشان تطلع الكوبلن الداخلى لانه بيبقى معشق وبعدين بعد ده كله هتفك الكاوتشه وتفك كلبس الكوبلن علشان تعرف تطلع الكاوتشه القديمه وتركب الجديده بصراحه لو جت على 100 جنيه مقابل كل البهدله دى ف فى داهيه انا عارف ان العربيه لما بتزعلنا واحنا مزنقين دايق المرار بسبب الموضوع ده تيجى تعمل معاك نمر مش وقتها ربنا يعينك بس بدل ما الكوبلن يضيع حاول تخلص من الموضوع ده

ياباشا بالنسبة للفليشا جوز الكبلان بتتفك فى وقت اقصاة نصف ساعة بالكتير من اول متفك الكاوتش الى ان يتم اخراج الكبالن الداخلية حتقلى ازاااااااااااااى حا اقولك....

اول حاجة تسمى الله وتتوكل وتهوى على صامولة الكوبلن الصامولة ال30 مفتاح لقمة....

فك الفردة
كمل فك الصامولة ال30

فك مسمار البيضة....

خلاص الكتلة سابت شدها للخارج وسلك الكزبلن منت السورة واسحبة وحطة على المشرحة واشتغل والتركيب عكس الفك....

خليك فاكر انا قلت نصف ساعة الفك وانتا وشتارتك بقى فى غسيل الكبالن وتشحيمها وتركيب الجلد....

[sakr_skoda]

هي المقطوعة عندك .. كاوتشه الشحم ولا كاوتشه الزيت ؟؟ هو ف الحالتين المفروض انها مبتتلحمش
انا دقت مرار ف الموضوع دا و الدكاتره بوظو الكوبلن من كتر الدق عليه

جلدة الزيت دى ياسلامة اسمها اويلسه الفتيس بتركب تحت الكبالن الداخلية احنا بنتكلم على الجلد الخارجى اللى بيحمى الكبالن من الاتربة والزلط علشان الشحم ميتلوسش ويبوظ بلى الصلايب او بلى الكوبلن فيطق طق طق طق **

[eng.salama93]

اه عرفتها .. اللي هي كاوتشه الشحم .. دي ممكن تلحمها مؤقتا يومين ولا تلاته كدا بس عشان تمشي بالعربية
بس لفتره مبينفعش اللحام

[المنسي]

للأسف مينفعش معاها اللحام ولو هتفك الكاوتشة المقطوعة اللى ناحية العجلة اللى قدام السواق فلازم هتبقى محضر جركن مقطوع علشان زيت الفتيس هينزل وتفك وتنظف الكبلن والصليبة ونصيحة لوالصليبة فيها بوش غيرها افضل اما لو الناحية التانية فالأمر سهل ومش هتحتاج تفك الاويل سيل وتنزل زيت الفتيس وانا عندى نفس مشكلتك بس الكاوتشة المقطوعة الناحية الشمال من ادام العربية

[أحمد جودة]

للأسف مينفعش معاها اللحام ولو هتفك الكاوتشة المقطوعة اللى ناحية العجلة اللى قدام السواق فلازم هتبقى محضر جركن مقطوع علشان زيت الفتيس هينزل وتفك وتنظف الكبلن والصليبة ونصيحة لوالصليبة فيها بوش غيرها افضل اما لو الناحية التانية فالأمر سهل ومش هتحتاج تفك الاويل سيل وتنزل زيت الفتيس وانا عندى نفس مشكلتك بس الكاوتشة المقطوعة الناحية الشمال من ادام العربية

الجلدة المقطوعة اللى هيا مفيهاش الاويل سيل اللي فى الناحية الشمال من ادام العربية مش اللى تحت كرسي السواق وبفكر اشوفلها حل كام يوم لحد مافضي واروح للميكانيكي

[sakr_skoda]

للأسف مينفعش معاها اللحام ولو هتفك الكاوتشة المقطوعة اللى ناحية العجلة اللى قدام السواق فلازم هتبقى محضر جركن مقطوع علشان زيت الفتيس هينزل وتفك وتنظف الكبلن والصليبة ونصيحة لوالصليبة فيها بوش غيرها افضل اما لو الناحية التانية فالأمر سهل ومش هتحتاج تفك الاويل سيل وتنزل زيت الفتيس وانا عندى نفس مشكلتك بس الكاوتشة المقطوعة الناحية الشمال من ادام العربية

غريبة قوى ياستذ منسى اننا نجيب سيرة الاويل سيل وزيت الفتيس !!!!!!!!!!!!!

لأنك فعلا لو اشتغلت فى عربيتك بايدك حتعرف ان زراع الكوبلن وبتسلت من الكوبلن الداخلى بكل بساطة هو راكب فيه كدا زنك اللى بيحكمة الصامولة ال30 اللى فى راس الكوبلن الخارجى انما راس الكوبلن الداخلية ممكن نغسلها ونشحمها وهى راكبه فى الفتيس....

على العموم جلدة الكوبلن الداخلى اللى تحت الشكمان ساحت لما فكيت الشكمان وركبت له جونات علشان فى جويت اتقطم فرحت ورشة لحام لحمت فية صامولة 17 والحمد الله فكيتة دا كان الجمعة والسبت الماضى....

الجمعة الجاية حشترة جلدة كوبلن داخلى واركبها وحصولكم الموضوع بالكامل وحنشوف سوى ازى بكل بساطة ويسر حنركب جلدة الكوبلن الداخلى او الخارجى....*

[sakr_skoda]

غريبة قوى ياستذ منسى اننا نجيب سيرة الاويل سيل وزيت الفتيس !!!!!!!!!!!!!

لأنك فعلا لو اشتغلت فى عربيتك بايدك حتعرف ان زراع الكوبلن وبتسلت من الكوبلن الداخلى بكل بساطة هو راكب فيه كدا زنك اللى بيحكمة الصامولة ال30 اللى فى راس الكوبلن الخارجى انما راس الكوبلن الداخلية ممكن نغسلها ونشحمها وهى راكبه فى الفتيس....

على العموم جلدة الكوبلن الداخلى اللى تحت الشكمان ساحت لما فكيت الشكمان وركبت له جونات علشان فى جويت اتقطم فرحت ورشة لحام لحمت فية صامولة 17 والحمد الله فكيتة دا كان الجمعة والسبت الماضى....

الجمعة الجاية حشترة جلدة كوبلن داخلى واركبها وحصولكم الموضوع بالكامل وحنشوف سوى ازى بكل بساطة ويسر حنركب جلدة الكوبلن الداخلى او الخارجى....*

كلامى على اساس انى حركب جلدة الكوبلن الداخلى وهو راكب فى العربية ودا حيحتاج رفع العربية وتركيب الجلدة واحكامها بالافيزان من اسفل السيارة ودا علشان نتحاشى تنزيل زيت الفتيس مش علشان الزيت علشان الأويل سيل بتاع الفتيس بيتهلك لو فكيت الكوبلن وركبته اكثر من مرة....

[أحمد جودة]

سؤال يا جماعة من فضلكم اية كاوتشة الكوبلن الداخلية والخارجية أنا معرفهاش كل اللى بشوفة كاوتشة الكوبلن اللى بتبقي مغطية الكوبلن من الخارج