بولو 98 : برجاء المساعدة

[zidaneza]

السلام عليكم يا جماعة

انا لسة شارى بولو 98 و عايز اعرف شوية حجات زى ( الزيت احط زيت اية احسن حاجة بحيث يخلى صوت الماكنة هادىء و زيت الفتيس ؟

و المية أملى الاربة على الاخر ؟ ولو حد ينصحنى بأى حاجة اعملها يا ريت يقول

وشكرا

[mesho_kimi]

اوعاك تملي القربه على الأخر حتلاقى مكتوب على القربه ماكس متعديهاش أبداً عشان حيبقى خطر، ... الزيت ممكن تحط شيل او فيسكو أبعد عن موبيل خالص عن نفسي بحط فيسكو وممتاز جداً بالنسبه لزيت الفيتيس ممكن تحط اى نوع 90 ، وبما انك لسه شاري العربيه فا يفضل تعملها طقم سيرفيس بالذات تغيير سير الكاتينه والدينمو

[zidaneza]

ألف شكر على الرد

انتا بتواجة لقدر اللة مشاكل فى العربية ؟؟؟

[M.Mostafa80]

السلام عليكم يا جماعة

انا لسة شارى بولو 98 و عايز اعرف شوية حجات زى ( الزيت احط زيت اية احسن حاجة بحيث يخلى صوت الماكنة هادىء و زيت الفتيس ؟

و المية أملى الاربة على الاخر ؟ ولو حد ينصحنى بأى حاجة اعملها يا ريت يقول

وشكرا

مرحب بيك فى عالم البولو
بص ياسيدى زى ما ميشو قالك المياه اخرها عند علامه ماكس تقريبا نص القربه
الزيت لو الموتور حالته حلوه ياتحط زيت كاسترول ودا معتمد من فولكس يأما شل 7000 الأزرق
الفتيس حطله زيت أسو 90
المفروض بقى تعمل الأتى عشان تبقى مرتاح ومطمن
تغير سير كاتينه وسير دينمو
فلتر هواء وبنزين وزيت ومعاهم الزيت
طقم بوجيهات ان جى كى
ولو مكيفه يبقى غير فلتر التكييف
وتظبط زوايا وترصص عجل
وتنظف البوابه وتحطها على الجهاز وتعمل بيزك سيتنج واطلع بعربيتك جربها وادعيلى
هتحس انك ركبت عربيه تانيه غير اللى أنت جبتها خالص
وربنا يباركلك فيها ويكفيك شرها

[zidaneza]

ربنا يباركلك يا بشمهندس على الرد و المعلومات القيمة دية

بس معلش يعنى اية انظف البوابة ؟ واية البيزك ستينج دة

[mesho_kimi]

ألف شكر على الرد

انتا بتواجة لقدر اللة مشاكل فى العربية ؟؟؟

الحمد لله العربيه ماشاء الله عليها من حيث كل حاجه إستهلاك بنزين أو ثبات وماتورها جميل جداً وهاديء ولو عملت الحاجات اللي محمد قالك عليها العربيه حتبقي أحسن ما انت اشتريتها بكتير وحتحس بفرق نصيحه مني حتعامل العربيه حلو وتمشي غلى مواعيد صيانه عمرها ما حتزعلك إن شاء الله إنما لو اهملتها حتقلبلك الوش

[M.Mostafa80]

بتتفك البوابه وتتنضف ببنزين افضل من الأسبراى لأنه الأسبراى بيبوظها
البيزك سيتنج دا بيتعمل من خلال انك بتحط العربيه على الجهاز بعد الكلام ده كله وتعملها اعاده ظبط للبوابه

[mesho_kimi]

نسيت اقولك علي أهم حاجه ربنا يبعد عنك العين يارب وحاول تذبح حاجه حتي لو صغيره

[zidaneza]

يا بشمهندس مصطفى !!!!!!!!!!

انا اصلا مش عارف اية البوابة اصلا

وجهاز اية اللى بتتحط علية العربية

معلش انا مش عارف الحجات دية

[mesho_kimi]

البوابه اللى هى بوابة الحقن الأنجيكشن ، الجهاز اللي هوه جهاز كشف الأعطال بيتوصل بكمبيوتر العربيه وبيتم عمل ظبط لكمبيوتر العربيه من عليه

[M.Mostafa80]

البوابه اللى هى بوابة الحقن الأنجيكشن ، الجهاز اللي هوه جهاز كشف الأعطال بيتوصل بكمبيوتر العربيه وبيتم عمل ظبط لكمبيوتر العربيه من عليه

تمام كدا والبوابه بتبقى موجوده أسفل عمه الهواء
الكنترول بيبقى فى مقدمه العربيه والفيشه بتاعته بتبقى عند علبه الفيوزات

[elshrpeny]

أزيك ابو حميد أخبارك إيه ؟

يا ترى بقى الكاسترول دا يعمله كام لان انا كنت أسمع ان المهندس أسامه بيقول عليه مش موجود تقريبا وانه بيستورده من بره وكان غالى هل بقى أصبح موجود فى مصر ولا إيه ؟ ولو بقى موجود يعمله كام ؟ وكذلك الشيل ال 7000 الازرق دا يعمله كام كمان ؟ وهل لو انا غيرت لأى واحد فى الاتنين ميأثرش على الماتور لانى كنت مغير أخر مره بموبيل وان 3000 ومعرفش الى قبلى بقى كان بيحطلها إيه ؟

[elshrpeny]

طب وبالنسبه للفلاتر سواء البنزين او الهواء او الزيت او التكييف مين الى بيغيرهم يا محمد الكهربائى ولا الميكانيكى ؟ ويا ترى اسعارهم إيه القطع الاصليه النظيفه ؟

[M.Mostafa80]

أزيك ابو حميد أخبارك إيه ؟

يا ترى بقى الكاسترول دا يعمله كام لان انا كنت أسمع ان المهندس أسامه بيقول عليه مش موجود تقريبا وانه بيستورده من بره وكان غالى هل بقى أصبح موجود فى مصر ولا إيه ؟ ولو بقى موجود يعمله كام ؟ وكذلك الشيل ال 7000 الازرق دا يعمله كام كمان ؟ وهل لو انا غيرت لأى واحد فى الاتنين ميأثرش على الماتور لانى كنت مغير أخر مره بموبيل وان 3000 ومعرفش الى قبلى بقى كان بيحطلها إيه ؟

يقال ان كاسترول بقى موجود بس فين مش عارف الشل ب 160 الأزرق

[M.Mostafa80]

طب وبالنسبه للفلاتر سواء البنزين او الهواء او الزيت او التكييف مين الى بيغيرهم يا محمد الكهربائى ولا الميكانيكى ؟ ويا ترى اسعارهم إيه القطع الاصليه النظيفه ؟

فلتر البنزين ب 70 والزيت ب50 والهواء 60 التكييف من 75 الى 100
الميكانيكى هو اللى يغير الكلام ده