بولو 98 : برجاء المساعدة

[elshrpeny]

طيب تمام الحمد لله ربنا يديمها عليك نعمه و يحفظها من الزوال
بس فى حاجه انا كنت ركب الفيرنا تاكس يعنى مش سواقه لاقيت ان صوت ماتوره ناعم هل أحساس خاطىء ولا جايز عشان العربيه كانت جديده مثلا ؟
وسؤال عايز اسألهولك وبنسى لو حبيت أقارن الفيرنا بالبولو انت من واقع تجربتك ايه اوجه تفوق كل منهما على الاخر وايهما أفضل فى المجمل فى الاخر ؟
سواء بولو 95 او 99 او 2001
وسواء برده الفيرنا الشكل القديم او الجديد ( الى هو البادى والفوانيس أذا مكنش فى فرق يذكر بينهم إلاا دا فقط )

[mesho_kimi]

الفيرنا احرق على غيار حتصدع وقتي ، من وجهة نري الفيرنا فيها ماتور عفى جداً عيبه صوته بس راجل وقفها صباح الزحف طبعاً فوق ال 120 أنسى اى حاجه متعلقه بالثبات ، بعكس البولو ماتورها صوته جامد جداً بالذات فى الحرق على الغيارب فوووووووو فراملها مواكبه لماتورها وانا الفرامل عندي متعدله جولف عشان تدي تماسك أفضل طبعاً الالماني حدث ولا حرج عن الثبات تجيب ال 160 ده فى الماتور 1300ممكن تجيب أكتر بس انا مزودتش بالنسبه لل 1000 فا اخرها 150 بمعنى انك تجيب السرعه القصوي وممكن تعمل اى مناوره فجائية بدون اى قلق من ناحية الثبات ، عن نفسي بفضل البولو عن الفيرنا يمكن حسنة الفيرنا إنها موديل حديث فقط لا غير وقطع غيارها رخيصه جداً نقريباً الفيرنا من يوم ما نزلت نفس الشكل ماعدا الفيفا شكل تاني ، الفيرنا لو ظبطو فراملها وممكن مع التجنيط الثبات يزيد تبقى عربيه ممتازه ، ومن وجهة نظري الفيرنا هى أفضل سياره في فئتها والدليل أنزل الشارع شوف فى كام سياره فيرنا

[elshrpeny]

اه فعلا ممكن كنت أقصد الفيفا والفيرنا مش الفيرنا شكل قديم وحديت , وفعلا الفيرنا منتشره جدا فى مصر بطريقه جامده هى والدايو لانوس والهيونداى أكسنت القديمه والحديثه كمان مؤخراً , دا غير الانسر ( إلى انا سميتها كانسر ههههههه ) من كتر إنتشارها بس دا طبعا غير إن ركوبة البولو حاجه و ركوبة الفيرنا حاجه من حيث التابلوه والكراسى ومتعة القياده و الجموديه والثقل يعنى مبتعومش التانيه خفيفه ( ودا يثبت كلامك فى الثبات ) دا غير الشكل وهكذا مش كدا مظبوط ؟

[mesho_kimi]

كلامك مظبوط فعلاً يعني القيرنا مناسبه لمن هم فوق سن ال 40 لأنى السن ده عايز عربيه حديثه تقضي الغرض مش عربيه جري وشد وتهبيد الكلام ده من وجهة نظري ممكن ناس تختلف معايا مع العلم أنى الفيرنا عندي تعتبر لسه زيرو عامله 30 الف في الاربع سنين وصيانة توكيل ، .... ونبي متفكرنيش بالانسر ديه عشان انا مش بطيقها ورقه بكل معني الكلمه أخر ما أكتشفته أنى خلف الإكصدامات مفيش فبر يعني أخبط أضرب فى الشاسيه على طول

[elshrpeny]

على فكره انت ممكن تخش على موقع euroncap وتشوف أختبارات التصادم والامان بتوع الانسر 1998 والبولو 2001 وأتفرج يا معلم واحده أخده أربع نجوم والتانيه أخده نجمه ونص او باين كانت اخده نجمتين واشطب على التانيه انا اول ما شوفهم استغربت لسبب إنتشار العربيه الكريستاله دى فى مصر وحب الناس ليها بالطريق دى مع انها تفتقد لأهم عنصرين الاا وهما المتانة والأمان .