شباب شوية استفسارات كتييييير بعد شراء البولو 2001 + صور

[OSaMa.GHaMrY]

السلام عليكم ورحمة الله وبركاته

انا الحمد لله ربنا كرمنى وجبت عربيه بولو 2001 1400 صباب وماشاء الله العربيه جميله جدا
بس كعادة المستعمل لازم يبقى فى شوية رتوش كده محتاجه تتظبط وانا ان شاء الله هصور الحجات دى كلها وارفعها عشان تبقى الصوره واضحه

الماتور بتاعها




اولا : الزينون
لما افتح النور الشمال بيشتغل تمام لكن اليمين بترعش كده وبعدين تطفى
هل ده ان فى حاجه ملمسه او حاجه عاوز تتثبت كويس ولا معناه انه محرووق
وهل لو اتحرق بجيب كشاف جديد ولا بعمل ايه بالظبط ؟؟

ثانيا : فرش جلد باب السائق
ماشاء الله صاحب العربيه كان مليان حبتين فتقريبا كان على طول ايده على فرش الباب فالفرش مشقق كده وشكله مش حلو ، يتعمل فين ده وبكام



ثالثا : الكراسي
الكراسي بتتحرك ادام وورا بصعوبه شويه عشان مكنتش تقريبا بتتحرك كتير فهل دى محتاجه تتزيت ولا ايه بالظبط ، وكرسي السائق حاسس انه هابط لتحت سنه ، ينفع يعلى شويه ؟؟

رابعا : سلك بوجيه
صاحبها كان قال فى سلك بوجيه عاوز يتغير ، اعمله عند مين بالظبط

خامسا : الفرامل
امبارح كنا واقفين فى الطريق قبل كمين وطبعا بتمشي 30 سم وبعدين تقف تانى ، اثناء الوقوف بيظهر صوت صفاره ضعيفه كده اثناء الفرامل ، مع انها مش بتظهر خاالص لو العربيه ماشيه سريع وتمام

سادسا : الصاج
فى عضه بسييييطه جدااااا جمب الكشاف اللى بيرعش ده اعملها عند سمكرى كويس



سابعا : الزجاج الكهربائى
زراير الزجاج الكهريائى الامامى شكلها مش حلو او مش متثبته كويس فى الفتحات اللى فى التابلوه اللى تحت زراير التكييف



سادسا : الزجاج الامامى
فى شرخ صغير كده عاوز حد بتاع زجاج كويس اعمله عنده عشان مايزدش هو صغير جداا وبيبان بالعافيه بس فى الصوره باين انه كبيييير



سابعا : اكرة الزجاج الخلفى
الاكره ساعات بتفوت كده وانا بفتح او بقفل الباب

ثامنا : اريال العربيه
الاريال موجود وكل حاجه بس لكن لما باجى اركبه فى الجزء اللى على السقف مش بيركب

تاسعا : المساحه الخلفيه
موجود الجزء الحديد ده لكن الجزء اللى بيمسح مش موجود

عاشرا : الشبكه الاماميه
الشبكه شكلها جميل اوى لكن تقريبا مش متثبته كويس عشان الكلبسات اللى بتثبتها فيها تقريبا مقطومه

وطبعا مخبى نمر العربيه لان الكل بيعمل كده بس بصراحه معرفش ايه السبب


الحادى عشر : التجديد
هى العربيه رخصتها فيها 10 شهور بس المشكله انها ملاكى السويس يعنى عند التجديد فيها مشوار زباله ، فعاوز اخد رائيكم نستنى 9 شهور مثلا ونجدد ولا نعملها دلوقتى عشان لو لاقدر الله حصل اى حاجه فى الرخصه متسافرش لهناك واتبهدل انااا وهل صحيح لو جددت دلوقتى العشر شهور دول هيتضافو على مدة التجديد

الثانى عشر : المفتاح
انا عاوز اطلع مفتاح احتياطى اخليه فى الشقه عشان لو ده حصله حاجه عند ميين
ونصايحكم فى التعامل مع السنتر لانه بيقفل لوحده بعد مده معينه وفى ناس بتقولى اخلى السنتر فى جيبي دايما عشان لو نسيت المفتاح جوه وكلام غريب كده

الثالث عشر : الانذار
صاحبها مدينى جهاز انذار صغير كده اركبه عند مين بردو
وتقريبا هو ده الجهاز


الرابع عشر : الدريكسيون
مكان الكلاكس اليمين يظهر صاحبها كان مفترى عليها شويه فمخلوعه كده تتعمل عند مين دى




الخامس عشر : درج التابلوه
اليد اللى بتقفل الدرج حاسس انها بتستعبط كده ومش مظبوطه / تعمل فين دى

السادس عشر : وانا بصور العربيه دلوقتى حركت الشبكه الاماميه فلقيت الجزء اللى هى متثبته فيه ده عامل زى الكاوتش الناشف كده وفى حته مقطومه بصراحه قلقانى جدااا وصورتها اهو


السابع عشر : شبكة الفوج
لقيتها كدده



وأخيرا : عملية تغير السيور والفلاتر والذى منه ، تتكلف فى حدود كاام بالظبط ووضع العربيه عالكمبيوتر والكلام ده
وعلى فكره والدى اللى بيسوق العربيه حاليا لحين اما اطلع الرخصه ، وهطلعها فى حدود اسبوعين كده عقبال اما اغير عنوانى عالقاهرة عشان مرور القليوبية زباله

ومازال البحث مستمر عن اى ديفوهات فى العربيه عشان الواحد يبقى مظبطها كده اول بأول

انا عارف انى طولت ورغيت كتيييييير ، عشان انا واثق فىيكم وفى معلوماتكم وبصراحه بفكر اقابل حد من ملاك البولو القدام لما اطلع الرخصه ينورنى شويه عشان انا معنديش خبره خاااالص

[OSaMa.GHaMrY]

المنتدى كان مهنج فالموضوع اتكرر مرتين

الرجاء حذف هذا الموضوع وابقاء الاخر

[د.محمود صلاح]

مبروك الشراء .. بس التظبيطات ده كثيرة وعايزة طولة بال وواحدة واحدة الأهم فالمهم لأنها هتكلف كتير .

[OSaMa.GHaMrY]

مبروك الشراء .. بس التظبيطات ده كثيرة وعايزة طولة بال وواحدة واحدة الأهم فالمهم لأنها هتكلف كتير .

شكرا جزيلا يا دكتور والله يبارك فييك . هى كلها حجات بسييطه جدا ماعدا السيرفس الكامل
وانا اكيد مش هعملها كلها مره واحده

[OSaMa.GHaMrY]

يا جماعه ارجوكم انا عاوز افهم تفسير للاستفسار رقم 16

[mesho_kimi]

بالنسبه للإستفسار رقم 16 متشغلش بالك لأنه حته لو اتلحمت مش حتبقى مستريح سيبها كده وابقى غير الشبكه بعدين

بصراحه انت عايز تعمل حاجات كتير اوي ، أسهلها الزجاج و الشرخ ده ممكن يتعمل فى حدود 60 إلى 100جنيه لأنه كبير شويه البربريز الامامي جديد طبقتين فى حدود 350

بالنسبه لسلك البوجيه يا اما تشتري طقم سلوك أو تحاول تشتري سلك لوحده من عند الاستعمال

بالنسبه لزراير الزجاج حاسس انها مكسوره مش متحركه عمتاً شوف واحد كهربائي محترم لو يعرف يعملها هى والكلاكس ولو انى شايق ذرار الكلاكس مقطوم :((

شبكة الفوج حاول تشوفها لوحديها عشان بتوع الإستيراد بقوا بيستهبلوا


الفرامل فى الغالب التيل الامامي بيودع ومش اصلي

الكراسي حاول تشوف سروجى محترم يزيتها بدل ما واحد غشيم بيجي يزيت المجرا يبوزلك فرش الارضيه

الزينون خايف ألا تكون اللمبه بتودع أو المدويل فى حاجه

فرش الباب حتضطر تغير فرش الاربع أبواب عشان يبقوا كلهم شبه بعض

المساحه الخلفيه لو لاقيتها بتاع الإستيراد حيضربك سعر عالي جداً

بالنسبه للخبطه سيبها تاخد العين

ربنا يباركلك فيها الحاجات دية حتكلفك يامه بامه فأنا أنصحك تعمل السيرفيس لانه حيكلف يامه محمد مصطفى تقريباً كان بيقول الكيت كامل بتاع الماتور بيعمل فى حدود 1400 وفلاتر وتيل امامي وبوجيهات وانت محتاج سلوك بوجيهات حدود 500 جنيه

[mesho_kimi]

شكرا جزيلا يا دكتور والله يبارك فييك . هى كلها حجات بسييطه جدا ماعدا السيرفس الكامل
وانا اكيد مش هعملها كلها مره واحده

اهم حاجه هو طقم السيرفيس محدش بيمشي على كلام اللى بايع العربيه أو تخلي حد محترم هو اللى يبص على السيور بلذات سير الكاتينه لانى ده لو اتقطع مشكله كبيره جداً

[M.Mostafa80]

بص ياسيدى
سير كاتينه ودينمو وبليه شداد وبليه كاتينه ( الموتور 16 صباب يبقى المجموعه دى بتيجى كامله اربع بليات وسيرين كاتينه وسير دينمو ب 1400ج )
طقم بوجيهات ان جى كى (لو ارديوم يبقى ب 180 لو العادى 65
فلتر هوا وبنزين وزيت وزيت موتورهواء 60 بنزين فولكس الأصلى 60 زيت فولكس الأصلى 50
مراجعه زيت الباور لو أحمر نزله وحط الأبيض او الأصلى الأخضر الزيت الأبيض الأمريكى ب 45 ج الزجاجه العربيه بتاخد زجاجه ألا ربع

مراجعه زيت الفتيس لو ناقص زوده الزيت لو اسو 90 بتعمل 15 ج

طربيط عفشه
تغيير مياه التبريد بمياه هيبو حمرا وليس خضراء مياه هيبو زجاجه لتر ونص وبتكملها مياه مقطره
تظبط زوايا واتزان
باب الدرج هتجيبه من الحرفيين ولو المشوار بعيد ممكن الوكاله حسب ضمير التاجر
الكرسى عايز سروجى محترم يبصلك عليه ويشحمه أو يزيته لسه مظبط الكرسى بتاعى
وبس
ولو احتجت أى حاجه تحت أمرك

[OSaMa.GHaMrY]

بالنسبه للإستفسار رقم 16 متشغلش بالك لأنه حته لو اتلحمت مش حتبقى مستريح سيبها كده وابقى غير الشبكه بعدين

بالنسبه لرقم 16 ده مش فى الشبكه ده الجزء اللى وراها اللى هى متثبته فيها مش عارف ليه مش مستريحله

بصراحه انت عايز تعمل حاجات كتير اوي ، أسهلها الزجاج و الشرخ ده ممكن يتعمل فى حدود 60 إلى 100جنيه لأنه كبير شويه البربريز الامامي جديد طبقتين فى حدود 350

هى تقريبا مش كلها اساسيات بس هى محتاجه تتعمل عشان تبقى العربيه عروسه كده :D

بالنسبه لسلك البوجيه يا اما تشتري طقم سلوك أو تحاول تشتري سلك لوحده من عند الاستعمال

بالنسبه لزراير الزجاج حاسس انها مكسوره مش متحركه عمتاً شوف واحد كهربائي محترم لو يعرف يعملها هى والكلاكس ولو انى شايق ذرار الكلاكس مقطوم :((

هى مش مكسوره بس هى متركبه بشكل غريب كده لكن شغاله وكله تمام وبالنسبه للكلاكس الزرار شغال عادى جدا بس هو تحتيه سوسته زقاه لبره كده

شبكة الفوج حاول تشوفها لوحديها عشان بتوع الإستيراد بقوا بيستهبلوا
تمام

الفرامل فى الغالب التيل الامامي بيودع ومش اصلي
أوباااا


الكراسي حاول تشوف سروجى محترم يزيتها بدل ما واحد غشيم بيجي يزيت المجرا يبوزلك فرش الارضيه
تمام

الزينون خايف ألا تكون اللمبه بتودع أو المدويل فى حاجه
هو انا لو جيت اشيل الزينون ده يبقى لازم اجيب كشافات جديده ولا لمض بس ولا اييه


فرش الباب حتضطر تغير فرش الاربع أبواب عشان يبقوا كلهم شبه بعض
مش مشكله ده دلوقتى ، حتى ابقى اجيب لون كده يخلى الصالون سبور شويه

المساحه الخلفيه لو لاقيتها بتاع الإستيراد حيضربك سعر عالي جداً
هى الحديده موجوده لكن الجزء اللى بيبقى فيه الكاوتش هو اللى مش موجود

بالنسبه للخبطه سيبها تاخد العين

ربنا يباركلك فيها الحاجات دية حتكلفك يامه بامه فأنا أنصحك تعمل السيرفيس لانه حيكلف يامه محمد مصطفى تقريباً كان بيقول الكيت كامل بتاع الماتور بيعمل فى حدود 1400 وفلاتر وتيل امامي وبوجيهات وانت محتاج سلوك بوجيهات حدود 500 جنيه

اهم حاجه هو طقم السيرفيس محدش بيمشي على كلام اللى بايع العربيه أو تخلي حد محترم هو اللى يبص على السيور بلذات سير الكاتينه لانى ده لو اتقطع مشكله كبيره جداً
اكيد حضارتكم اتعاملتو مع ناس بتقهم فى الموضوع ده بصراحه بفكر ابقى استأذن من حد يودينى عند حد يعرفه مضمون ساعتها

انا بإذن الله اول ماخلص الامتحانات يكون جالى فلوس وانا عامل حسابي على 2000 جنيه كده لزوم ده كله يارب يكفو
وفى الاخر جزاك الله خير وشكرا جزيلا على قرائتك للاستفسارات كلها واتمنى لما اطلع الرخصه نبقى نعمل مقابلات عشان نقدر نفيد بعض اكتر ونبقى اصدقاء

[M.Mostafa80]

السلام عليكم ورحمة الله وبركاته

انا الحمد لله ربنا كرمنى وجبت عربيه بولو 2001 1400 صباب وماشاء الله العربيه جميله جدا
بس كعادة المستعمل لازم يبقى فى شوية رتوش كده محتاجه تتظبط وانا ان شاء الله هصور الحجات دى كلها وارفعها عشان تبقى الصوره واضحه

الماتور بتاعها




اولا : الزينون
لما افتح النور الشمال بيشتغل تمام لكن اليمين بترعش كده وبعدين تطفى
هل ده ان فى حاجه ملمسه او حاجه عاوز تتثبت كويس ولا معناه انه محرووق
وهل لو اتحرق بجيب كشاف جديد ولا بعمل ايه بالظبط ؟؟
راجع المكن عند كهربائى ممكن يكون عايز تظبيط
ثانيا : فرش جلد باب السائق
ماشاء الله صاحب العربيه كان مليان حبتين فتقريبا كان على طول ايده على فرش الباب فالفرش مشقق كده وشكله مش حلو ، يتعمل فين ده وبكام
هاته استيراد احسن مهما حد عمله مش هيطلع زى الفابريكه




ثالثا : الكراسي
الكراسي بتتحرك ادام وورا بصعوبه شويه عشان مكنتش تقريبا بتتحرك كتير فهل دى محتاجه تتزيت ولا ايه بالظبط ، وكرسي السائق حاسس انه هابط لتحت سنه ، ينفع يعلى شويه ؟؟
سروجى محترم هيظبطهولك كل الموضوع تنضيف وتزييت اوتشحيم
هينجدلك الكورسى

رابعا : سلك بوجيه
صاحبها كان قال فى سلك بوجيه عاوز يتغير ، اعمله عند مين بالظبط
بتتغير المجموعه كامله لو مش فى امكانك اى تاجر استيراد ممكن يشوفلك واحد عندو

خامسا : الفرامل
امبارح كنا واقفين فى الطريق قبل كمين وطبعا بتمشي 30 سم وبعدين تقف تانى ، اثناء الوقوف بيظهر صوت صفاره ضعيفه كده اثناء الفرامل ، مع انها مش بتظهر خاالص لو العربيه ماشيه سريع وتمام
دا عيب تيل فرامل التيل مش حلو التيل الأصلى أسمه ايه تى
سادسا : الصاج
فى عضه بسييييطه جدااااا جمب الكشاف اللى بيرعش ده اعملها عند سمكرى كويس

خليها شويه تاخد العين

سابعا : الزجاج الكهربائى
زراير الزجاج الكهريائى الامامى شكلها مش حلو او مش متثبته كويس فى الفتحات اللى فى التابلوه اللى تحت زراير التكييف
الزجاج دا راكب مش فابريكه الزراير بتاعت الموديل دا بتبقى مختلفه دور على زرايرها استيراد
وعلى فكره الموتور دا متسقط مش فابريكه





سادسا : الزجاج الامامى
فى شرخ صغير كده عاوز حد بتاع زجاج كويس اعمله عنده عشان مايزدش هو صغير جداا وبيبان بالعافيه بس فى الصوره باين انه كبيييير
لو جه عليه ميه مش هينفع يتعمل خليه لحد ما يجيب أخره وغيره



سابعا : اكرة الزجاج الخلفى
الاكره ساعات بتفوت كده وانا بفتح او بقفل الباب
اى حد بتاع ابواب وكوالين عربيات هيظبطهولك
ثامنا : اريال العربيه
الاريال موجود وكل حاجه بس لكن لما باجى اركبه فى الجزء اللى على السقف مش بيركب
ممكن يكون مش بتاعها والسن مختلف
تاسعا : المساحه الخلفيه
موجود الجزء الحديد ده لكن الجزء اللى بيمسح مش موجود
الريشه بتتتباع جبتها من واحد فى الحرفيين ب 10 ج

عاشرا : الشبكه الاماميه
الشبكه شكلها جميل اوى لكن تقريبا مش متثبته كويس عشان الكلبسات اللى بتثبتها فيها تقريبا مقطومه
مش مشكله خليها دلوقتى ولو عايز تغيرها هتعمل فى حدود 100 ج من غير العلامه وركب العلامه اللى عندك


وطبعا مخبى نمر العربيه لان الكل بيعمل كده بس بصراحه معرفش ايه السبب


الحادى عشر : التجديد
هى العربيه رخصتها فيها 10 شهور بس المشكله انها ملاكى السويس يعنى عند التجديد فيها مشوار زباله ، فعاوز اخد رائيكم نستنى 9 شهور مثلا ونجدد ولا نعملها دلوقتى عشان لو لاقدر الله حصل اى حاجه فى الرخصه متسافرش لهناك واتبهدل اناايد فى اا وهل صحيح لو جددت دلوقتى العشر شهور دول هيتضافو على مدة التجديد
هيتضافو واحسن تنقل عشان المخالفات وهل الموتور ال 1400 مثبوت فى الرخصه

الثانى عشر : المفتاح
انا عاوز اطلع مفتاح احتياطى اخليه فى الشقه عشان لو ده حصله حاجه عند ميين
ونصايحكم فى التعامل مع السنتر لانه بيقفل لوحده بعد مده معينه وفى ناس بتقولى اخلى السنتر فى جيبي دايما عشان لو نسيت المفتاح جوه وكلام غريب كده
فى واحد فى شارع السودان وواحد فى ش القصر العينى فى اولو وانت جاى من ناحيه المعادى عل اليمين وفى سعيد فى جسر السويس المفتاح من 100 الى 150


الثالث عشر : الانذار
صاحبها مدينى جهاز انذار صغير كده اركبه عند مين بردو
وتقريبا هو ده الجهاز حاول تعرف الأول العربيه فيها سنتر فابريكه ولا لأ لو فيها يبقى ممكن تجيب الأنذار الفابريكه وتركبه


الرابع عشر : الدريكسيون
مكان الكلاكس اليمين يظهر صاحبها كان مفترى عليها شويه فمخلوعه كده تتعمل عند مين دى
دى مكسوره هتدور عليها عند اى حد بتاع استيراد يكون عندو الطاره بايظه وتكون هيه سليمه وتغيرها من عندو




الخامس عشر : درج التابلوه
اليد اللى بتقفل الدرج حاسس انها بتستعبط كده ومش مظبوطه / تعمل فين دى
بتاع الأبواب والكاولين ولو كدا تتغير

السادس عشر : وانا بصور العربيه دلوقتى حركت الشبكه الاماميه فلقيت الجزء اللى هى متثبته فيه ده عامل زى الكاوتش الناشف كده وفى حته مقطومه بصراحه قلقانى جدااا وصورتها اهو

دا الصدر بتاع العربيه وكدا معناها انها واخده ترييحه من قدام
السابع عشر : شبكة الفوج
لقيتها كدده هتلاقيها جديده واستيراد ب 50 ج ولا حاجه



وأخيرا : عملية تغير السيور والفلاتر والذى منه ، تتكلف فى حدود كاام بالظبط ووضع العربيه عالكمبيوتر والكلام ده
دى رديت عليها فى رد لوحدو فوق

وعلى فكره والدى اللى بيسوق العربيه حاليا لحين اما اطلع الرخصه ، وهطلعها فى حدود اسبوعين كده عقبال اما اغير عنوانى عالقاهرة عشان مرور القليوبية زباله

ومازال البحث مستمر عن اى ديفوهات فى العربيه عشان الواحد يبقى مظبطها كده اول بأول

انا عارف انى طولت ورغيت كتيييييير ، عشان انا واثق فىيكم وفى معلوماتكم وبصراحه بفكر اقابل حد من ملاك البولو القدام لما اطلع الرخصه ينورنى شويه عشان انا معنديش خبره خاااالص

[OSaMa.GHaMrY]

بص ياسيدى
سير كاتينه ودينمو وبليه شداد وبليه كاتينه ( الموتور 16 صباب يبقى المجموعه دى بتيجى كامله اربع بليات وسيرين كاتينه وسير دينمو ب 1400ج )
طقم بوجيهات ان جى كى (لو ارديوم يبقى ب 180 لو العادى 65
فلتر هوا وبنزين وزيت وزيت موتورهواء 60 بنزين فولكس الأصلى 60 زيت فولكس الأصلى 50
مراجعه زيت الباور لو أحمر نزله وحط الأبيض او الأصلى الأخضر الزيت الأبيض الأمريكى ب 45 ج الزجاجه العربيه بتاخد زجاجه ألا ربع

مراجعه زيت الفتيس لو ناقص زوده الزيت لو اسو 90 بتعمل 15 ج

طربيط عفشه
تغيير مياه التبريد بمياه هيبو حمرا وليس خضراء مياه هيبو زجاجه لتر ونص وبتكملها مياه مقطره
تظبط زوايا واتزان
باب الدرج هتجيبه من الحرفيين ولو المشوار بعيد ممكن الوكاله حسب ضمير التاجر
الكرسى عايز سروجى محترم يبصلك عليه ويشحمه أو يزيته لسه مظبط الكرسى بتاعى
وبس
ولو احتجت أى حاجه تحت أمرك
شكرا جزيلا على وقتك وردك على الاستفسارات وان شاء الله الفلوس لما تيجى اعمل كل ده

وبالنسبه للموضوع انها واخده تريحه يعنى ايه ، يعنى خبطه من ادام جامده كده بس المشكله ان الجزء اللى ادام كلو تمام ماعدا دى مقطومه لبره لادام

وانا بتمنى عند عمل الحجات دى انى يكون معايا حد خبير زيكم عشان ميضحكش عليااا :|
وجزاكم الله كل خير

[M.Mostafa80]

ممكن سؤال سخيف شويه أخدت العربيه دى بكام

[ehab_mansour]

أولا الف مبروك عليك العربية يا باشا وربنا يباركلك فيها
ثانيا كل الموضوعات الأخوة ردو عليها وخاصة محمد بك مصطفي ما سابش حاجه ما عدا حاجه بسيطة هعلق عليها وهي شرخ الزجاج انا كان حصل عندي شرخ زي ده ونقرتين في الزجاج وعملتهم بعد ما العربية اتغسلت يومين والحمد لله رجع اكنه مش موجود والموضوع كله اتكلف 60 او 70 جنيها تقريبا مش فاكر

ووربنا يوفقك

[M.Mostafa80]

أولا الف مبروك عليك العربية يا باشا وربنا يباركلك فيها
ثانيا كل الموضوعات الأخوة ردو عليها وخاصة محمد بك مصطفي ما سابش حاجه ما عدا حاجه بسيطة هعلق عليها وهي شرخ الزجاج انا كان حصل عندي شرخ زي ده ونقرتين في الزجاج وعملتهم بعد ما العربية اتغسلت يومين والحمد لله رجع اكنه مش موجود والموضوع كله اتكلف 60 او 70 جنيها تقريبا مش فاكر

ووربنا يوفقك

هو انا قلتلو مش هينفع يتعمل ياايهاب ودا بسبب انو حجمو كبير شويه ومعلومه ان يجي عليه مياه دى بتوع الازاز نفسه قالو مش هينفع نحقن شرخ بالحجم ده وخصوصا انو جه عليه ميه ودخلت جوه الشرخ
المهم انت ايه اخبارك وأزى صحتك واخبار ايهاب الصغير ايه

[ehab_mansour]

هو انا قلتلو مش هينفع يتعمل ياايهاب ودا بسبب انو حجمو كبير شويه ومعلومه ان يجي عليه مياه دى بتوع الازاز نفسه قالو مش هينفع نحقن شرخ بالحجم ده وخصوصا انو جه عليه ميه ودخلت جوه الشرخ
المهم انت ايه اخبارك وأزى صحتك واخبار ايهاب الصغير ايه

الحمد لله وربنا يكرمك ويارب تكون بقيت بخير والدنيا ظبطت معاك في الشغل وبعدين حد ينسي اسمه ..... محمد