شباب شوية استفسارات كتييييير بعد شراء البولو 2001 + صور

[M.Mostafa80]

الحمد لله وربنا يكرمك ويارب تكون بقيت بخير والدنيا ظبطت معاك في الشغل وبعدين حد ينسي اسمه ..... محمد

لأ انا مش ناسى اسمه وعارف ان اسمه محمد هو فى حد يقدر ينسى اسم محمد (صلى الله عليه وسلم )
دا احنا حتى على الأقل بنذكره فى كل صلاه 5 مرات فى 5 صلوات يبقى 25
مره فى اليوم ودا أقل رقم ممكن نردد فيه الأسم كل يوم
ربنا يخليهولك ياأيهاب
وبالنسبه للشغل الحمد لله والفضل لله
أخيرا خف الضغط اللى كان عليا فى شغلى شويا والله أعلم بالمستخبى واللى جاى

[medo20000]

اولا الف مبروك ....الرجالة الحقيقة مش سايبة حاجة يترد عليها أو حتى يتعلق عليها ربنا يجزيكو خير الجزاء ....

[OSaMa.GHaMrY]

ممكن سؤال سخيف شويه أخدت العربيه دى بكام

45000
براحه عليا لو فيه كومنت
انا موضوع التريحه ده مش مريحنى خالص على فكره

أولا الف مبروك عليك العربية يا باشا وربنا يباركلك فيها
ثانيا كل الموضوعات الأخوة ردو عليها وخاصة محمد بك مصطفي ما سابش حاجه ما عدا حاجه بسيطة هعلق عليها وهي شرخ الزجاج انا كان حصل عندي شرخ زي ده ونقرتين في الزجاج وعملتهم بعد ما العربية اتغسلت يومين والحمد لله رجع اكنه مش موجود والموضوع كله اتكلف 60 او 70 جنيها تقريبا مش فاكر

ووربنا يوفقك

الله يبارك فيك وتسلم على الدعوه الجميله وجميل اوى انا هروح ان شاء الله عند بتاع زجاج نضيف واحاول اعمله وان شاء الله يتظبط انا عاملها حوالى 2000 جنيه كمان اسبوع اعمل فيها كل حاجه عشان تبقى شبه الزير :)

[OSaMa.GHaMrY]

اولا الف مبروك ....الرجالة الحقيقة مش سايبة حاجة يترد عليها أو حتى يتعلق عليها ربنا يجزيكو خير الجزاء ....:b4_388:

الله يبارك فيك يارب وفعلا جزاكم الله كل خير جميعااا

[mesho_kimi]

الترييحه دية فى الغالب بسبب خبطه بس جامده شوبه المهم الكبوت بيبقى قافل مكانه كويس عشان ميحصلش مشكله

[OSaMa.GHaMrY]

الترييحه دية فى الغالب بسبب خبطه بس جامده شوبه المهم الكبوت بيبقى قافل مكانه كويس عشان ميحصلش مشكله

لا هو الباب بيقفل عادى خالص ومفيش اى مشاكل ومفيش مكان لاى خبطات ادام

[OSaMa.GHaMrY]

الترييحه دية فى الغالب بسبب خبطه بس جامده شوبه المهم الكبوت بيبقى قافل مكانه كويس عشان ميحصلش مشكله

معلش انا هرخم عليكم بقى
بص دى صورة للماتور بس كبيييره اظن لو كان فى خبطه كان هيبقى واضح اكتر من كده بس الغريبه انها ادام قفل الكابوت بسس ومعموله لبره يعنى لو خبطه كانت هتبقى لجوه اظن

ولا ايييه انا عاوز حد يفهمنى :(

وده لينك الصورتين عشان كبااار

http://www.rwa2an.net/s-m/DSCF1956.JPG

http://www.rwa2an.net/s-m/DSCF1957.JPG

[wael17]

وطبعا مخبى نمر العربيه لان الكل بيعمل كده بس بصراحه معرفش ايه السبب

عشان ممكن حد يعمل جريمة و يسيب في مسرح الجريمة ورقة صغيرة مكتوب فيها " انا اللي عملت الجريمة و نمرة العربية بتاعتك"

[OSaMa.GHaMrY]

عشان ممكن حد يعمل جريمة و يسيب في مسرح الجريمة ورقة صغيرة مكتوب فيها " انا اللي عملت الجريمة و نمرة العربية بتاعتك"

هههههههههههه وليه يعمل فيا انا كده مش شايف النسور اللى مغرقه النمر

[elshrpeny]

شكل والدك ظابط يا سمال صح ؟
بس انت شكلك شيلت النمر من عربيتكوا القديمة وحطيتوها على الجديده مظبوط ؟

[mesho_kimi]

شغل دماغك يا عمرو النمر ملاكي السويس ازاى بتاعتهم دية بتاعة العربيه :)) والنسور دية بيتباع عند بتوع الاكسسوار

[OSaMa.GHaMrY]

شكل والدك ظابط يا سمال صح ؟
بس انت شكلك شيلت النمر من عربيتكوا القديمة وحطيتوها على الجديده مظبوط ؟

هههههههههههه ياريتها بتاعة والدى ومكنش فى عربيه قديمه
انا لو والدى كان شرطه ولا قوات مسلحه يااااه كان هيبقى فى كلام تانى
لكن هو اخصائى علاج طبيعى فى نادى الخليج الاماراتى

شغل دماغك يا عمرو النمر ملاكي السويس ازاى بتاعتهم دية بتاعة العربيه :)) والنسور دية بيتباع عند بتوع الاكسسوار

الله ينور عليك :)


محدش فيكم علق على الصورتييين اللى حطتهم فى اخر مشاركه وانا شوفت صور للماتور ده فى جولف وفى سيات
هو قدرة الماتور ده اد ايه بالظبط ؟؟

[mesho_kimi]

ياباشا ما انا علقت على الصوره

بالنسبه للماتور فهو 75 حصان محمد مصطفى مسقطه فى البولو بتاعته

[elshrpeny]

شغل دماغك يا عمرو النمر ملاكي السويس ازاى بتاعتهم دية بتاعة العربيه :)) والنسور دية بيتباع عند بتوع الاكسسوار

يا عم اصله بيقول هو يعمل فيه كدا ليه هو مش شايف النسور الى مغرقه النمر
انا قولت بس الواده معدى ههههههههههههههههه
طلعت انا الى معدى هههههههههههه

[elshrpeny]

هههههههههههه ياريتها بتاعة والدى ومكنش فى عربيه قديمه
انا لو والدى كان شرطه ولا قوات مسلحه يااااه كان هيبقى فى كلام تانى
لكن هو اخصائى علاج طبيعى فى نادى الخليج الاماراتى



الله ينور عليك :)


محدش فيكم علق على الصورتييين اللى حطتهم فى اخر مشاركه وانا شوفت صور للماتور ده فى جولف وفى سيات
هو قدرة الماتور ده اد ايه بالظبط ؟؟

يا سيدى يعنى مروحتش بعيد
برده والدك مركزة محترم برده ميفرقش كتير يا باشا عن الظابط

بالنسبة للصورتين بقى يا سمال فأنا معرفش الصراحه أفيدك كتير لأن دى محتاجة واحد يكون سقطه قبل كدا زى الأستاذ / محمد مصطفى او فاهم فى المواتير والفرق بينهم , اما بالنسبة للشاسية بقى فمبيبنش تقريباً أنه أخد خبطه او لاء الاا على الطبيعه الصوره مبتبينش أوى
ومع ذلك بيبان برده بس بشكل تقريبى