فتيس بورا

[hassan sabry]

عندى مشكلة فى عربية بورا 2000 الفتيس اوقات بيكون خشن فى حركتة. وبحس اوقات بنتشة بسيطة فى العربية اثناء تحريك الفتيس وخصوصا اما احركة من وضع p الى اى وضع خر.واوقات بيعلق بيقفش خالص مايتحركش الا ما ادوس على الفرامل مرتين مثلا بس دى نادر اوى اما بتحصل معايا.

ارجو الافادة مع الشكر

[mhkorayem]

الموضوع ده ممكن يكون مفيد بالنسبه ليك

http://www.nilemotors.net/Nile/376054-2010.html

وان شاء الله تكون حاجه بسيطه

[93 Assem]

غيرو أريح

[Ahmed Amin]

الموضوع ده ممكن يكون مفيد بالنسبه ليك

http://www.nilemotors.net/Nile/376054-2010.html

وان شاء الله تكون حاجه بسيطه

أزيك يا أستاذ محمد,,
الوضع بقي في الحالة دي مختلف شوية,, الموضوع اللي حضرتك ذكرته دا غير المشكلة اللي بيعاني منها صاحب الموضوع دا,,

اللي بيعاني منه صاحب الموضوع دا علي حسب مافهمت إن العصاية نفسها اللي تقيلة وبتقفش وبيضطر يدوس فرامل كذا مرة ساعات عشان يقدر يحرر العصاية من وضع الباركنج P.

ودي علاجها في السويتش أو مكنة الأستوب اللي بتقفل علي عصاية الفتيس لما بتحط الفتيس علي ال P قبل ما تشيل المفتاح,,
واللي بتطلب منك أنك تدوس علي الفرامل قبل ما تحرك العصاية من P عشان تجيب أي غيار تاني زي R أو D.

مشكلة صاحب الموضوع في مكنة الأستوب أو بيسموها السويتش اللي بيأمن عصاية الفتيس علي وضع الباركنج P.

نفس مشكلة صاحب الموضوع دا كدا,,

http://www.nilemotors.net/Nile/388724-p.html

ودا كمان,

http://www.nilemotors.net/Nile/379870-shift-bloch.html

[Ahmed Amin]

غيرو أريح

ياراجل يا طيب,, دا كلام ؟؟
بقي دا أسمه كلام ؟؟!!

WAMA Band - Da Kalam فريق واما - ده كلام - YouTube

عايزة يغير فتيس عشان عصاية بتعاكسة.؟!

[akmm]

غيرو أريح

ممكن يكون قصده غير زيت الفيتيس فقط . مش الفيتيس ذاته .

[Ahmed Amin]

ممكن يكون قصده غير زيت الفيتيس فقط . مش الفيتيس ذاته .

أها لو كان قصدة تغير زيت وبيكمل علي كلام أستاذ محمد mhkorayem,
يبقي صح وكان ممكن ينفع بس \ا في حالة إن الفتيس يكون بينتش في الغيارات,,

بس هوا المشكلة اللي بيوصفها صاحب الموضوع من عصاية الفتيس نفسها,
في حاجة بتحوشها وهيا في الغالب مكنة الأستوب بتقفش علي وضع الباركنج P.

وبالمناسبة يا أستاذ حسن صبري النتشة اللي العربية بتاخدها مع الغيار دي ممكن تكون قاعدة الفتيس أو الموتور متاكلة, دا لو معندكش أي مشاكل أو تنتيش في باقي الغيارات,,
فا أكشف علي قاعدة الموتور والفتيس وانت بتكشف علي مكنة الأستوب.
وأعملها قريب عشان العربية متقفش بيك في يوم ومتعرفش تبطلها زي ما حصل ما زميل لنا هنا أمبارح,

http://www.nilemotors.net/Nile/388724-p.html

[mhkorayem]

أزيك يا أستاذ محمد,,
الوضع بقي في الحالة دي مختلف شوية,, الموضوع اللي حضرتك ذكرته دا غير المشكلة اللي بيعاني منها صاحب الموضوع دا,,

اللي بيعاني منه صاحب الموضوع دا علي حسب مافهمت إن العصاية نفسها اللي تقيلة وبتقفش وبيضطر يدوس فرامل كذا مرة ساعات عشان يقدر يحرر العصاية من وضع الباركنج p.

ودي علاجها في السويتش أو مكنة الأستوب اللي بتقفل علي عصاية الفتيس لما بتحط الفتيس علي ال p قبل ما تشيل المفتاح,,
واللي بتطلب منك أنك تدوس علي الفرامل قبل ما تحرك العصاية من p عشان تجيب أي غيار تاني زي r أو d.

مشكلة صاحب الموضوع في مكنة الأستوب أو بيسموها السويتش اللي بيأمن عصاية الفتيس علي وضع الباركنج p.

نفس مشكلة صاحب الموضوع دا كدا,,

http://www.nilemotors.net/nile/388724-p.html

ودا كمان,
http://www.nilemotors.net/nile/379870-shift-bloch.html

لأ خالص أنا مربطش بين المشكله دي والمشكله اللي كانت في الفانتازيا
ومحاولتش أفتي كتير لأن اللي أنا فهمتوا من الكلام ممكن أكون فهمت فيه حاجات بشكل مش مظبوط
لأن خبرتي في الموضوع خبره نظريه عن طريق ردود الأعضاء هنا اللي أكيد أستفدت منها كتير وبالأخص ردود حضرتك
بس لو حاولت أشرح اللي أنا فاهمه هكون بفتي وممكن أضيع صاحب المشكله
لكن أنا نقلت له اللينك السابق لأن أنا قريت كل اللي فيه وقريت كمان كل اللينكات اللي كانت متفرعه منه ولقيت أنه لو قرأهم كاملين زي ما أنا قرأتهم ممكن كان يحدد المشكله عندوا أقرب لأي حاله وتساعده إلى حد ما على الحل
وعشان كده أنا كتبت له ( الموضوع ده ممكن يكون مفيد بالنسبه ليك ) ومقلتلوش خالص ان ده الحل
وإن شاء الله صاحب الموضوع يلاقي حل لمشكلته ويقول لنا حلها كان إيه عشان نزيد أستفاده وخبره
وشكراً ليك مره تانيه

[hassan sabry]

أها لو كان قصدة تغير زيت وبيكمل علي كلام أستاذ محمد mhkorayem,
يبقي صح وكان ممكن ينفع بس \ا في حالة إن الفتيس يكون بينتش في الغيارات,,

بس هوا المشكلة اللي بيوصفها صاحب الموضوع من عصاية الفتيس نفسها,
في حاجة بتحوشها وهيا في الغالب مكنة الأستوب بتقفش علي وضع الباركنج p.

وبالمناسبة يا أستاذ حسن صبري النتشة اللي العربية بتاخدها مع الغيار دي ممكن تكون قاعدة الفتيس أو الموتور متاكلة, دا لو معندكش أي مشاكل أو تنتيش في باقي الغيارات,,
فا أكشف علي قاعدة الموتور والفتيس وانت بتكشف علي مكنة الأستوب.
وأعملها قريب عشان العربية متقفش بيك في يوم ومتعرفش تبطلها زي ما حصل ما زميل لنا هنا أمبارح,
http://www.nilemotors.net/nile/388724-p.html

مبدئيا انا متشكر جدا استاذ احمد على اهتمامك ونصائحك الرائعة
انا المشكلة دى مبقتش تظهر معايا تانى بس بقى عندى رعشة فى العربية على سرعة 60 الى 100 وبتختفى الرعشة دى اول اما امور العربية n وبكون ماشى على نفس السرعة ممكن يكون السبب فى قاعدة الموتور او الفتيس ولا دا ترصيص

[Ahmed Amin]

مبدئيا انا متشكر جدا استاذ احمد على اهتمامك ونصائحك الرائعة
انا المشكلة دى مبقتش تظهر معايا تانى بس بقى عندى رعشة فى العربية على سرعة 60 الى 100 وبتختفى الرعشة دى اول اما امور العربية n وبكون ماشى على نفس السرعة ممكن يكون السبب فى قاعدة الموتور او الفتيس ولا دا ترصيص

الشكر لله,
والمشكلة اللي عندك لو بسبب الترصيص هتلاقي الرعشة علي سرعة معينة سواء العربية واخدة غيار أو مش واخدة وممورة,
ولو قاعدة فتيس هتلاقي هزة خفيفة كدا من أول ما بتدور العربية وتنتيش في الغيارات وهيا العربية بتنقل,

جرب كدا دور العربية وشغل التكييف ودوس فرامل وحطها علي d وأنت دايس فرامل
وشوف العربية هترعش ولا لأ,
لو رعشت تبقي قاعدة موتور.

[hassan sabry]

الشكر لله,
والمشكلة اللي عندك لو بسبب الترصيص هتلاقي الرعشة علي سرعة معينة سواء العربية واخدة غيار أو مش واخدة وممورة,
ولو قاعدة فتيس هتلاقي هزة خفيفة كدا من أول ما بتدور العربية وتنتيش في الغيارات وهيا العربية بتنقل,

جرب كدا دور العربية وشغل التكييف ودوس فرامل وحطها علي d وأنت دايس فرامل
وشوف العربية هترعش ولا لأ,
لو رعشت تبقي قاعدة موتور.

حاضر ياباشا هجرب واقولك

[hassan sabry]

حاضر ياباشا هجرب واقولك

انا عملت كدة ياباشا وفى رعشة خفيفة كدة حاسس بيها فى الدواسة

[Ahmed Amin]

انا عملت كدة ياباشا وفى رعشة خفيفة كدة حاسس بيها فى الدواسة

تمام,
ولو بطلت التكيف ولاقيت الرعشة خفت عن ما كانت وأنت مشغل التكييف
هتبقي قاعدة الموتور العلوية هيا اللي متاكلة ومحتاجة تتغير
اللي هيا ماسكة الماتور من فوق.

[hassan sabry]

تمام,
ولو بطلت التكيف ولاقيت الرعشة خفت عن ما كانت وأنت مشغل التكييف
هتبقي قاعدة الموتور العلوية هيا اللي متاكلة ومحتاجة تتغير
اللي هيا ماسكة الماتور من فوق.

انا رحت لسيد جولف غيرلى قاعدة الفتيس والكوبلن وربط على قاعدة الموتور قالى هيا عايزة تتغير بس تمشيك شوية والحمد للة المشكلة اتحلت بس اما اجى انقل العربية من غيار لغيار(فتيس اوتوماتيك) واشيل رجلى من على الفرامل براحة بسمع صوت تزيقة كدة

[Ahmed Amin]

انا رحت لسيد جولف غيرلى قاعدة الفتيس والكوبلن وربط على قاعدة الموتور قالى هيا عايزة تتغير بس تمشيك شوية والحمد للة المشكلة اتحلت بس اما اجى انقل العربية من غيار لغيار(فتيس اوتوماتيك) واشيل رجلى من على الفرامل براحة بسمع صوت تزيقة كدة

طيب كويس إنها بقت أحسن بعد التربيط, وحاول متنسهاش كتير طلما قالك محتاجة تتغير لان الكاوتشة لما بتتقطع خالص هتبقي العربية صعبة في السواقة وغلط كمان لان الموتور هيتمرجح في الكبوت كل ما تدوس بنزين.

صوت التزييقة دي طبيعية في أي عربية أوتوماتيك, بتظهر بعد فترة من الأستخدام لما بتكون العفشة عايزة تتربط, أو التيل عايز يتغير.

في حالتك هتحتاج تربط علي عفشة.