باسات p7 تفحت سيفيك ( العربيتين ستوك ) :)

[SYD]

رغم اني ماكنتش عايز أشارك بس بصراحة الكام رد الأخير حفزني أني أشارك

أولا احب أشكر صاحب الموضوع inspiron علي موضوعه
وأوجه كل شكري لكل من شارك فيه زي أ/ هاني 63 والأخ العزيز أحمد عبدالهادي لانوس 2004 ومحمد جيتا وجاب رولز وأخي أ/ محمد ميني كوبر وتامر وكل الأسماء المشاركة وعذراً لو كنت نسيت حد

بسم الله الرحمن الرحيم

قبل أي شئ أحب أقول وجهة نظري في الموضوع - وهو المقارنة بين الصانع الأوروبي والصانع الأسيوي- واعتقد دة كان الهدف من النقاش علي مدار ال12 صفحة السابقيين لردي

نبدأ بالصانع الأوروبي الأول
وجهة نظري في الصانع الأوروبي انه بيعمل عربية تتناسب أولا مع متطلبات مستهلكينها من بلد المنشأ او علي أقل تقدير مع معايير الجودة والكفاءة التي تتطلبها القارة الأوروبية - وكلنا نسمع طبعا عن المعايير الأوروبية في التصنيع ولمسناها كلنا في منتجاتهم (جميع منتجاتهم وليس السيارات فقط)
ودعونا نتحدث عن جودة الصناعة الأوروبية في شتي المجالات مروراً بالسيارات وهي موضع حدثنا أساساً
لما تتكلم عن مثلاً خلاطات المياة (الحنفية) يبقي لازم تنزل تشتري إيطالي (إيديال استناندارد) او ألماني (جروهي) (مش كوري ولا صيني ولا حتي ياباني)
لما تنزل تشتري نظارة شمس - لازم إيطالي (بوليس - بولار - راي بان - الخ الخ الخ) كلها إيطالي او فرنساوي وليس كوري او اسيوي
لما تنزل تشتري حذاء (أعزكم الله) لازم ايطالي او انجليزي
لما تنزل تشتري خلاط او كيتشن ماشين مالتي بروسيسور - لازم ألماني او فرنساوي (براون او مولينيكس)
لما تنزل تشتري كالون لباب الشقة - لازم ايطالي او ألماني وطبعاً الأغلي والأأمن علي الأطلاق
لما تنزل تشتري
لما تنزل تشتري
لما تنزل تشتري
هتلاقي نفسك دايماً بتختار الأوروبي لأنه الأجود والأمتن وصاحب العمر الأفتراضي الأطول

يبقي من الأمثلة البسيطة في حياتنا اتربي عندنا ثقافة ان الأيطالي - الفرنساوي - الألماني هو الأجود والأمتن وصاحب العمر الأقتراضي الأطول واحياناً الأجمل

وعلي الجانب الأخر هتلاقي نفسك لما تحب توفر او تشتري حاجة تقضية حال وتاخد يومينها وتترمي هتلاقي نفسك بتختار الكوري او الصيني او السنغافوري او الأسيوي عموماً وطبعاً بيكون قطعة مقلدة طبق الأصل من الأوروبي

طب تعال لصناعة السيارات ودة مجال حديثنا أساساً

هتلاقي ان الأوروبي في القرن الثامن عشر واوائل التاسع عشر (عصر الحروب وفكرة السيادة) عايز يغزو العالم اولاً وينزه شعبه ثانياً
أخترع مركبة تسير علي عجلات
وهنا جت فكرة العربية اللي كانت مستمدة من الآلة البخارية عموماً اللي استخدموها في القطارات
واخترعوا السيارة
وطوروا السيارة
وفضلوا يطوروا في السيارة

في الجانب الأخر أحقاقاً للحق كانت اسيا هي كمان بتصنع وتنافس زي تويوتا ونيسان (داتسون)

وفضلوا تقريباً ماشيين بالتوازي لحد اوائل التسعينيات (فيما عدا مرسيدس طبعاً اللي دائماً لها السبق في العديد من الأختراعات والتكنولوجيات المستخدمة حتي وقت كتابة هذه السطور)
فيما عدا بعض القفزات من الأوروبي في بعض الأنجازات والسبق في عدة اشياء زي مثلا الجر الأمامي اللي كان السبق للأوروبي فيه

المهم

هتلاقي ان موديلات الثمانينات تقريباً متشابهة علي الجانبين الأوروبي والأسيوي
يعني لو اتكلمنا عن التكنولوجيا في الوقت دة هتلاقي ان مثلا التويوتا كورولا كانت كاربراتير وايضاً الفولكس كاربراتير
الا ان هوندا سبقت كتير اوي في السبعينيات وبالتحديد في وقت الحرب عام 73 لما الدول المنتجة للنفط قررت تقطع الأمداد عن امريكا
وهنا كانت الحاجة لسيارة موفرة جداً في الوقود وترك السيارات الأمريكية الفارهة
وتألقت وقتها المعجزة هوندا سيفيك بأول موديلاتها عام 74 تقريباً
كانت سيارة صغيرة الحجم وموفرة لأقصي درجة في الوقود بالأضافة لقوة محرك مقبولة
ودة ابداع هوندا حتي الأن - محركات صغيرة تولد قدرة كبيرة وموفرة في الأستهلاك لأبعد مما تتخيل لدرجة جعلت الكربراتير في الهوندا ينافس اعتي محركات الأنجيكشن الأوروبي ويولد قوة حصانية تقترب منه

ومنذ اوائل التسعينيات بدأت الفجوة في الأتساع شيئاً فشيئاً
فنجد مثلا سيارات اوروبية موديلات 93 و94 بمحركات انجيكشن - والتي لم تعرف طريقها إلي الأسيوي إلا في أواخر الألفية الثانية (2008 - 2010)
وللعلم - لمن لا يعرف الفرق بين الأنجيكشن والكارب
اي محرك انجيكشن لابد له من كونترولر لحساب نسبة الخلط بين الهواء والبنزين وتقدير توقيت الشرارة في الوقت المناسب لتقليل الهدر من الوقود والأستفادة بكل قطرة منه
اما الكارب - فيتم تقدير نسبة الخلط يدوياً وضبط الأشعال يدوياً - أي ان الفني يقوم بضبط توقيت الأشعال مع توقيت دخول الهواء والوقود يدوياً مما ينتج عنه بعض الفقد في الوقود وتأخير او تقديم من توقيت الأشعال
طبعاً دي فكرة عامة سريعة مبسطة عن الفرق بين الحقن الأليكتروني والكاربراتير

ونجد مثلا دخول أنظمة التحكم الألكتروني في الفرامل والثبات منذ منتصف التسعينيات (96 - 97) في الأوروبي والتي لم تعرف طريقها للأسيوي إلا في أوائل ومنتصف الألفية الثانية (2004 - 2005)

الإيموبلايزر في الأوروبي من 95 وبدأ تشغيله في الأسيوي بدأ من 2010

والأمثلة كثيرة جداً علي تطورات رهيبة في الأوروبي ولا توجد في الأسيوي الا بعد 2010


ثانياً تعال نتكلم عن الأسيوي وفكر الصانع الأسيوي
سلعة رخيصة (لأن القارة الأسيوية فقيرة الا من رحم ربي وبعض دول الخليج)
سلعة تفتقر للجودة - لأن المستهلك علي نياته ومش بيدقق
سلعة غير متقنة - لأن المستهلك اساساً بيرضي وبيفرح بالقليل
وكلامي مش مرسل ولا من فراغ

تعال نقارن ونتكلم

اولا هوندا متطورة جداً للأمانة - بس مش عشان خاطر عيونكم
لأن هوندا في المقام الأول دائماً تستهدف القارة الأمريكية والسوق الأمريكي في المقام الأول وبالتالي بتصنع بجد ومش بتهرج

اما باقي المصنعين الأسيوين فهتلاقيه بيصنع وفقاً لمتطلبات المستهلك النهائي (علي عكس المصنع الأوروبي اللي بيصنع وفقاً لمعايير بلد المنشأ والقارة الأوروبية كما اوضحت في بداية حديثي)
بمعني
هعملك عربية قليلة الأعطال والصيانات (عشان توفر اهو يا عم وماتتكلفش حاجة) بس في المقابل اللي ادهولك ترضي بيه وماتفتحش بوقك
يعني اقصي احلامك وطموحك معايا (تكييف ثلاجة - زجاج كهرباء "واو" - وكمان ياعم سنتر وفتحة سقف عشان تنبسط)
وكلامي دة علي تويوتا لحد موديلات 2008 مش هقولك علي اكسيل ولا اكسنت
تويوتا لحد 2007 او 2008 (لحد اخر موديل في الشيب رقبة الجمل) كانت بتنزل تكييف وباور وزجاج ومرايات كهرباء وضم وسنتر ودمتم بود
هتقولي بس كانت بتنزل الخليج بجنوط ومحركات 1600 وانجيكشن واير باجز وabs وووو
هقولك ماهو دة مربط الفرس
في حاجة اسمها انزل لمصر بباكيدج وانزل الخليج بباكيدج تاني ؟؟؟؟ ليه هو انت ماعندكش معايير وحد ادني من التجهيزات وعوامل الأمان ؟؟؟

لكن تعال بقي نبص كدة علي الأوروبي الجميل ربنا يخليهم لينا
بيجو في 406 عام 96 كانت انجيكشن وقمة في الفخامة والرفاهية
أوبل في 96 انجيكشن وabs وزي ماتحب تقول قول في الفيكترا الفراشة
فولكس في 95 بالأيموبلايزر والمفتاح بالريموت والسنتر والأنذار الفبريكة (مش وولف المصري)

دي طبعاً امثلة بسيطة وسريعة كدة للمقارنة الخفيفة بين الأوروبي والأسيوي


تعال بقي لمربط الفرس بين الجيتا والأوكتافيا والليون والسيفيك

زعلت اوي لما اتقال ان سيات واسكودا دخلاء علي فولكس

فولكس اشترت حصص في شركات كتيرة جداً ووسعت قاعدتها لتنويع منتجاتها
وزعت التكنولوجيا بتاعتها علي قاعدة اكبر من المنتجات وعممتها في منتجاتها
والسبب
لو فرضنا انها صرفت مبلغ وقدره علي تكنولوجيا معينة عندها وليكن الTSI او الDSG بتاعها
عشان تلم اللي صرفته دة نزلت المحركات TSI والفتايس DSG في العديد من موديلاتها الصغير قبل الكبير ولو زودت علي ثمن العربية 100 يورو بس هتلم فلوسها اللي صرفتها دي في خلال يومين مبيعات
لما عملت الشاسيه الجديد بتاعها MQB وراحت منزلاه في الجولف7 والليون الجديدة والأوكتافيا A7 والأودي A3 هي كدة وزعته علي مستوي المجموعة بتاعتها وراحت منزلاه علي المكنة TSI بالفتيس DSG تقوم تستفاد من وزنه الخفيف في انها تنزل عليه محركات بسعة أقل وتزود قوتها بتربو وتعوض فرق تأخير التربو بفتيس ابن عفريتة سريع اخر حاجة 7 غيار بينقل غيارته في اجزاء من الثانية
تقوم تلاقي عندك عربية تحفة - موفرة في البنزين وسريعة وقوية وتتوافق مع معايير البيئة بأقل انبعاثات واقل استهلاك تقوم واخدة المركز الأول في تطوير المحركات
شوفت المعادلة سهلة ازاي ؟؟؟؟
وبردو هي لما نزلت نفس الPlatform في عربيات كتير وفرت تكاليف انتاج وكسبت مبيعات

تحياتي لفولكس العبقرية

أسف علي التطويل
وشكراً لكل من تابع المشاركة للنهاية

[lanos2004]

يا كوماندا فهمتني غلط..أنا قصدي تيجي تشد بالانوس مع الـ f30

انا اجى ابارك انما اخرى اشد مع 318 -2007
انا جارى مع 320 قبل كدة واخرى معاها لحد 130 بعد كدة ما فيش امل
وبعدين كنت تعال ايام الاوكتافيا علشان نبقه خالصين
دة غير انى مجرب 528 التوين تيربو
اشد مع مين انا اشد فى شعرى اسهل مع انى اقرع

[sala7]

والله انت اللي ليك وحشة
بقي كدة يا راجل نتقابل برة - مش بتدخل سيات ليه؟
ماشي يا عم صلاح
خليك براحتك

بص
انا مش هعرف ارد عليك دلوقتي عشان انا في الشغل
لكن ان شاء الله اول لما اروح هرد عليك :b4_039:
وربنا يسامحني انت اللي جرجرت رجلي للرد في الموضوع دة
هتخسرني الناس وتزعلهم مني :oc_sun1[1]:

تحياتي للجميع

يا باشا انا قلت ما ادخلش سيات تاني علشان الناس اللي بتقعد تكتب كلام مالوش اي معني ، و فيه ناس بتحسسني انهم و هما بقروا المواضيع على المنتدى ان الكمبيوتر اللي قعدين قصاده بينقل الاحساس كمان
ياراجل دي بقت حاجه غريبة جدا .. و اللي يقولك في رد من الردود انا مش هنزل للمستوى ده !!!! هو فيه ايه ؟؟؟
بص يا ابو السيد اقسام الاوربي التانية فيها شغل جاااااامد اووووي على كيف كيفك تنبسط و مواضيع جديده و اعطال و مشاكل في مكاين بتبتدي من سنة الصنع 2000 و طالع
اكيد فهمتني .. ده بدل قله القيمة يا صديقي
انما الناس اللي بقت حساسة اوي زيادة عن اللزوم تجيبك ورا

ابقا اسأل انت عليا بس يا صديقي الصدوق
تحياتي لك

[ehab_mansour]

يا باشا انا قلت ما ادخلش سيات تاني علشان الناس اللي بتقعد تكتب كلام مالوش اي معني ، و فيه ناس بتحسسني انهم و هما بقروا المواضيع على المنتدى ان الكمبيوتر اللي قعدين قصاده بينقل الاحساس كمان
ياراجل دي بقت حاجه غريبة جدا .. و اللي يقولك في رد من الردود انا مش هنزل للمستوى ده !!!! هو فيه ايه ؟؟؟
بص يا ابو السيد اقسام الاوربي التانية فيها شغل جاااااامد اووووي على كيف كيفك تنبسط و مواضيع جديده و اعطال و مشاكل في مكاين بتبتدي من سنة الصنع 2000 و طالع
اكيد فهمتني .. ده بدل قله القيمة يا صديقي
انما الناس اللي بقت حساسة اوي زيادة عن اللزوم تجيبك ورا

ابقا اسأل انت عليا بس يا صديقي الصدوق
تحياتي لك

وينك يا عمي !!!

[MOTOR HEAD]

انا بس حبيت اضيف معلومه متاكد منها 100%

مرسيدس سنه 1997 عملت a class و فى احد برامج الاختبارات كانت على وشك النفلاب و العربيه اتسحبت من الاسواق

(يعنى مرسيدس كانت منزله عربيه بتتقلب )

و ححاول ارفع الفيديو

[MOTOR HEAD]

mercedes a class 1997 moose test fail

انا معرفتش ارفع الفيديو بس على جوجل هتلاقيه فيديو قصير

[aiscargo.com]

باسات محرك 2000

شباب صباح الورد

بس سؤال هل ممكن الباسات يركب لها محرك اكبر في مصر

استفسار اخر للي عنده خبرة فنية - اعتقد بالمنطق انو معظم مشاكل الفتيس بسبب ضعف المحرك لانو الباسات اتصنعت اساس بقوة اكبر من كدة - طب هل لو تبدل المحرك لحجم اكبر هاتقل نسبة تلف الفتيس


وهل يمكن تعديل المحرك 1600 لسعة اكبر لو توفرت القطع

لانو انا كان عندي فورد جراند ماركيز 2004 8 سلندر وانا هانزل مصر قريب جدا

في الحقيقة مزعوج جدا من اسعار العربيات والاسوأ المسخ الي بيحصل من الوكلاء هنا في المحركات

ومخليين كله 1600 العربيات بره مصر في اي حته مسألة
100 على 5 او 6 ثواني دة شي عادي ومن غير ما تفحت العربية
عادي جدا انك تركب باسات vr6 3.6 انما الي في مصر دة مهزله


الحل ايه يا شباب افيدونا افادكم الله

وبالمناسبة اي خدمات انا تحت امركم

[Ahmed Saad]

[QUOTE=aiscargo.com;3875719422]شباب صباح الورد

بس سؤال هل ممكن الباسات يركب لها محرك اكبر في مصر

استفسار اخر للي عنده خبرة فنية - اعتقد بالمنطق انو معظم مشاكل الفتيس بسبب ضعف المحرك لانو الباسات اتصنعت اساس بقوة اكبر من كدة - طب هل لو تبدل المحرك لحجم اكبر هاتقل نسبة تلف الفتيس


وهل يمكن تعديل المحرك 1600 لسعة اكبر لو توفرت القطع

لانو انا كان عندي فورد جراند ماركيز 2004 8 سلندر وانا هانزل مصر قريب جدا

في الحقيقة مزعوج جدا من اسعار العربيات والاسوأ المسخ الي بيحصل من الوكلاء هنا في المحركات

ومخليين كله 1600 العربيات بره مصر في اي حته مسألة
100 على 5 او 6 ثواني دة شي عادي ومن غير ما تفحت العربية
عادي جدا انك تركب باسات vr6 3.6 انما الي في مصر دة مهزله


الحل ايه يا شباب افيدونا افادكم الله



بص ياباشا الباسات سهل انها تتعدل في أي حته بره مصر إنما تعدل باسات جديد في مصر صعب جدا لان مفيش حد جرب يعدل في الجديد ولا حد فاهم كهرباء الجديده وكمان المواتير الكبيره اللي فوق ال1400 قليله شويه في مصر ومن اول 1800tsi—1800tfsi بينزلو بفتيس dsg 6 نقلات مش ال 7 اللي فيه مشاكل ال 6 ده كويس من ساعت مانزل لأنه بتاع المواتير الكبيره وده من مواقع اجنبيه كتير ده غير ال vr6 3.6 دي 4motion حاجه تانيه وموال تاني فمن الآخر لو انت نازل من بره بعربيه سي سي أعلى من 1600 وعايز باسات هاتها من بره بالمواصفات اللي انت عاوزها ونزلها مصر ومعلش على الاطاله ]

[aiscargo.com]

متشكر جدا على ردك لانو في منتهى الواقعية

[Ahmed Saad]

متشكر جدا على ردك لانو في منتهى الواقعية

العفو ياباشا وربنا يكرمك باللى انت عايزه

[Eng.Geo]

الموضوع لذيذ والله :D
قاعد بقرا فيه بقالي شوية وعمال أضحك ... كل واحد هنا صح وواثق انه صح :D
انا عندي كام معلومة هقولها بس ومش بقول اني صح .... لو انا غلط عادي نتناقش
في الفيديو قبل كل سباق بيكتبوا قبلها من سرعة كام وتحتها 2 vites ولا 3 vites
vites يعني سرعة ومقصود بيها النقلة .... في السباق من 30 و 60 كانت الباسات واخدة نقلة اعلي من السيفيك فطبيعي جدا السيفيك تسبق !
هو طبعا صعب نحط الأتنين في مقارنة مع بعض .. ده فئة وده فئة
مش مجرد قرب ال HP
لأ معلش torque الباسات أعلي بكتير وواخد طول range بتاع وقت فتح التربو
انما السيفيك يادوب بت hit ال peak وتنزل تاني ... فحرام المقارنة

مشكلة الشركات اللي زي فولكس وفيات والحاجات ده ان اصلا هما الشركة الأم لشركات كبيرة
يعني فولكس هي الأم لبوجاتي واودي
فيات هي الأم لفيراري
يعملوا اعلي تكنولوجيا لفيراري وبوجاتي ... حاجات وهم وده عربيات بتخش سباقات واعطالها ياما ... ولازم صيانة علي طول ... بس هي معمولة كدة للسباقات وناس غاوية كدة
بعد فترة يكونوا عملوا تكنولوجيا اعلي ... فيراري تنزل التكنولوجيا القديمة في عربية اقل منها في نفس مجموعة فيات ... اللي هي الفا مثلا
وبوجاتي تنزل لبنتلي و أودي
مع الوقت كل ده بينزل لغاية ما تلاقيه وصل فولكس وفيات نفسها كعربيات شعبية وعربيات مدينة .... تفضل التكنولوجيا اللي نزلتلها بنفس سماتها الأساسية .... أداء عالي جدا ... بس محتاجين أسلوب معين وصيانات كتير واهتمام
انما سيفيك مين أمها ؟ ... بيطوروا لأيه ؟
هوندا اه عاملة تطوير رهيب بس كله معتمد علي تكنولوجيا قديمة جدا
يا جدعان ده فيات عاملة موتور من غير عامود كامات ... حاطين stepper motor علي كل صباب ... كدة بقي عملوا أدق valve timing ... لا vtec بقي ولا vvt ولا اي حاجة من اللي بنسمع عنها دلوقتي ... بس في المقابل ... ألبس صيانات بقي وقرف
بس في المقابل تعالي نشوف .... هوندا عاملة s2000 .... كانت زمان موجودة وموتور 2000 cc بيخرج +200 HP وده NA
ده حاجة جامدة جدا طبعا .... بس تكنولوجي الموتور وصلت لأيه ؟ مش حاجة فحيته في الوقت ده
فيات كانت عاملة موتور زمان في سنة 64 تقريبا كان مطلع 1000 حصان !!!! وتربو ! ... في 64 الكلام ده !!
تاريخ الشركة وال R&D بتاعها بيعلي تكنولوجيتها
احنا هنا في مصر حاجة تانية
احنا عايزين عربية فيها أداء وثبات وتسارع وتكييف وكل حاجة .... بس مانصاينهاش
للأسف ده مش متوفر كله مع بعضه
الياباني تكنولوجيا أقل فأعطال أقل عادي جدا
زي ما بنقول الكوري أوقات أعتمادية أكتر من الياباني ... ساعة لما كورولا نزلت ب mmt ... كنت أقول اركب الانترا ولا اركب كورولا
الانترا بتكنولوجيا من قرون فاتت ... عربية بسيطة اعطالها قليلة ... اه صحيح مفيش ثبات ... بس مش سهل تبوظ
وعلي فكرة في مواتير ياباني أقوي من ألماني كتير واعتمادية اعلي وسهل التعديل عليها أكتر
شوف عندك كام عربية معدلة وبتنزل دريفتات وحاطين j2z بتاع تويوتا في عربيات BM
خفوا علي بعض يا جماعة ومحدش احسن من حد ... احنا في بلد طرقها لا بتسمح بجري ولا عربيات شديدة
الدنيا أبسط من كدة

[melouk1]

موضوع كوميدي جداً

الامر في منتهى البساطه
اي حد فرحان بعربيته vw التربو القويه قوي موديل ٢٠١٥
ممكن ببساطة نجيبله عربيه من ٢٠ سنة سيفيك ١٦٠٠ تعرفه انه غلبان قوي
بس كده ...
معتقدش بقى فيه مقارنة تاني

[Ahmed Saad]

الامر في منتهى البساطه
اي حد فرحان بعربيته vw التربو القويه قوي موديل ٢٠١٥
ممكن ببساطة نجيبله عربيه من ٢٠ سنة سيفيك ١٦٠٠ تعرفه انه غلبان قوي
بس كده ...
معتقدش بقى فيه مقارنة تاني

ياباشا ماهو لو كده ممكن ندخل عربيه من 20 سنه برضه جولف 3 بموتور abf او 2.9 abv ستوك 195 حصان يعني تشوفه مع الهوندا يعمل ايه وعلي فكره انا مقتنع جدا ان الياباني ملوك التعديلات بس برضه الالماني مش تعبان يعني اليابان معملتش البوجاتي اللي عملاها فولكس فاجن بس المهم ان محدش يتحيز لعربيته ويقول اللي ليه واللي عليه

[melouk1]

ياباشا ماهو لو كده ممكن ندخل عربيه من 20 سنه برضه جولف 3 بموتور abf او 2.9 abv ستوك 195 حصان يعني تشوفه مع الهوندا يعمل ايه وعلي فكره انا مقتنع جدا ان الياباني ملوك التعديلات بس برضه الالماني مش تعبان يعني اليابان معملتش البوجاتي اللي عملاها فولكس فاجن بس المهم ان محدش يتحيز لعربيته ويقول اللي ليه واللي عليه

باشا معلش انت فاهم غلط
انا اجيبلك هوندا من ٢٠ سنة ١٦٠٠
انت عندك حاجه ١٦٠٠ تسد مع الهوندا
طب بلاش عندك حاجه اعلى شوية عشان خاطرك
المقارنة محسومة هوندا مواتير خيال بدون تعديل
ومن عشرررريييين سنه شوف انت بقى
لما كانت الناس بتسمع عن ١٠٠ حصان
كانت السيفيك في ١٨٠ معلش انا عارف ان الحقيقة صعبة :)))

[Eng.Geo]

باشا معلش انت فاهم غلط
انا اجيبلك هوندا من ٢٠ سنة ١٦٠٠
انت عندك حاجه ١٦٠٠ تسد مع الهوندا
طب بلاش عندك حاجه اعلى شوية عشان خاطرك
المقارنة محسومة هوندا مواتير خيال بدون تعديل
ومن عشرررريييين سنه شوف انت بقى
لما كانت الناس بتسمع عن ١٠٠ حصان
كانت السيفيك في ١٨٠ معلش انا عارف ان الحقيقة صعبة :)))

أجيبلك حاجة من 30 سنة مطلعة 1000 حصان من موتور 1800 cc بس ؟
خد ده عشان متدورش كتير
Lancia Delta S4 - Wikipedia, the free encyclopedia

In 1985, Lancia engineers tested a S4 engine under extreme conditions, reaching 5 bars boost, developing around 1000 horsepower

طبعا الحاجات ده ولا تنفع مع البيئة فأتمنعت
وكان السبب الأساسي ان الموتور ده مايتصنعش ويخش production ... انه نزل في عربية سباق وكان خطر لأن أنظمة الفرامل والثبات في الوقت ده لا تسمح انها توقف 1000 حصان ومات كتير في السباقات ده بسبب العربية ده

ليه هوندا منزلة موتور في 2014 مطلع 125 حصان ... وموتور تاني نفس السعة في 1992 كان مطلع 174 حصان !
البيئة حضرتك

ولعلمك موضوع ال vtec ده مش اختراع هوندا !!
بورشه أول شركة دخلت الفكرة ده للعربيات ... كانت بتتعمل في الطيارات من قديم الأزل ... بعدها خدتها بورشة ... انما أول مواتير تنزل production كانت fiat سنة 1960 !!!
شوفت فرق السنين قد ايه !!
عشان ماتتعبش نفسك شوف ده كدة
Variable valve timing - Wikipedia, the free encyclopedia

In 1958 Porsche made application for a German Patent, also applied for and published as British Patent GB861369 in 1959. The Porsche patent used an oscillating cam to increase the valve lift and duration. The desmodromic cam driven via a push/pull rod from an eccentric shaft or swashplate. It is unknown if any working prototype was ever made.
Fiat was the first auto manufacturer to patent a functional automotive variable valve timing system which included variable lift. Developed by Giovanni Torazza in the late 1960s, the system used hydraulic pressure to vary the fulcrum of the cam followers (US Patent 3,641,988).[5] The hydraulic pressure changed according to engine speed and intake pressure. The typical opening variation was 37%.


ابقي انزل شويتين هتلاقي هوندا نزلته سنة 1989